Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Ester, Bahin 2: “Kon Mamatay Ako, Mamatay Ako”

“Ester, Bahin 2: ‘Kon Mamatay Ako, Mamatay Ako,’” Manwal sa Magtutudlo sa Seminary sa Daang Tugon (2026)

“Ester, Bahin 2: ‘Kon Mamatay Ako, Mamatay Ako,’” Manwal sa Magtutudlo sa Seminary sa Daang Tugon

Ester: Leksiyon 95

Ester, Bahin 2

“Kon Mamatay Ako, Mamatay Ako”

Screenshot from the video Esthers Courage

Ingon nga mga sumusunod ni Jesukristo, naay mga panahon dihang kinahanglan natong ipakita ang kaisog, bisan pa og magkalahi ang atong mga sitwasyon. Nagpakitag kaisog si Ester dihang misalig siya sa Ginoo bisag nag-atubang og posibleng kamatayon aron luwason ang iyang katawhan. Kini nga leksiyon makatabang sa mga estudyante nga molihok uban ang kaisog sa pagbuhat sa kabubut-on sa Ginoo.

Pagpangandam sa estudyante: Dapita ang mga estudyante nga mangandam sa pagpakigbahin og ehemplo kon ang ilang kaila nagpakitag kaisog sa paghimo sa kabubut-on sa Ginoo

Posibleng mga Kalihokan sa Pagkat-on

Gikinahanglan ang kaisog

Ikonsiderar ang pagsugod sa klase pinaagi sa pagpakigbahin og kasinatian diin nagpakitag kaisog ang usa ka tawo, sama sa mosunod nga istorya.

Gipakigbahin ni Presidente Thomas S. Monson ang mosunod nga istorya:

16:18

Samtang nagserbisyo sa United States Navy sa Ikaduhang Gubat sa Kalibutan, akong nakat-unan ang maisug nga mga binuhatan, kaisug sa makuyaw nga kahimtang, ug mga ehemplo sa kaisug. Usa niini nga dili gayod nako makalimtan mao ang mahilom nga kaisog sa 18 anyos nga seaman—dili nato kauban sa tinuohan—kinsa wala mahadlok nga mag-ampo. Sa 250 ka mga tawo sa pundok, siya lamang ang moluhod matag gabii sa kilid sa iyang higdaanan, taliwala sa mga dili matuohon nga mobiay-biay niya. Sa pagduko, siya nag-ampo ngadto sa Dios. Wala gayod siya mahadlok. Wala gayod siya magduha-duha. Duna siyay kaisog. (“Magmakusganon Ka ug Magmaisug,” Liahona, Mayo 2014, 67)

Kinsay imong mahunahunaan dihang madungog nimo ang pulong nga kaisog?
Unsa nga mga sitwasyon diin ang mga tin-edyer nga Santos sa Ulahing mga Adlaw kinahanglan tingaling magpakitag kaisog?

Pamalandongi ang usa ka piho nga sitwasyon, diha man sa eskwelana, sa balay, o uban sa mga higala, diin gibati nimo nga gusto sa Langitnong Amahan nga magpakita kag mas dakong kaisog. Isulat kini nga sitwasyon diha sa imong journal sa pagtuon.

Samtang imong tun-an ang nahibiling bahin sa istorya ni Ester, dapita ang Espiritu Santo nga tabangan kang masayod kon sa unsang paagi ka tabangan sa Langitnong Amahan ug ni Jesukristo nga maisogong atubangon ang maong situwasyon.

Ang kaisog ni Ester

Mormon Messages: Having Courage & Trusting the Lord: Stand Up for What You Believe In

Si Ester nahimong rayna ni Hari Ahasuero sa Persia. Ang tig-atiman ni Ester nga si Mardoqueo, midumili sa pagyukbo kang Haman, ang punong ministro sa hari. Nasuko si Haman ug gitugotan siya sa hari nga patyon ang tanang Judeo sa gingharian. Gihangyo ni Mardoqueo si Ester nga tinguhaon ang pagpakiglabot sa hari, ug giingnan siya nga basin og gibutang siya sa Dios niini nga posisyon “tungod ug alang sa panahon nga sama niini” (Ester 4:14).

Kon nagkinahanglan og tabang ang mga estudyante sa pagtubag sa mosunod nga pangutana, pwede nimo silang dapiton nga basahon ang Ester 4:10–11.

Nganong nagkinahanglan og dakong kaisog ang pag-atubang sa hari?

Basaha sa Ester 4:15–17, nga pangitaon kon sa unsang paagi nagpakitag kaisog si Ester samtang nangandam siya sa pag-atubang sa hari.

Unsay mipatigbabaw kanimo bahin kang Ester?
Unsang mga baroganan ang atong makat-onan gikan sa mga bersikulo 15–17 nga makatabang nato dihang nagkinahanglan kitag kaisog?

Pasalamati ang mga estudyante alang sa makahuloganong mga baroganan nga ilang gipakigbahin. Kon wala pa mahisgoti, pwede nimo silang tabangan nga mailhan ang mosunod nga baroganan: Samtang mosalig ko sa Langitnong Amahan ug kang Jesukristo, mohatag Sila nako og kaisog.
Unsay imong nakita nga ebidensiya nga misalig sa Ginoo si Ester? Sa unsang paagi kini nakatabang niya?

Mga buhat sa kaisog

Ang mosunod nga mga tudling sa kasulatan makatabang sa mga estudyante nga mangita kon sa unsang paagi padayong gipanalanginan sa Ginoo si Ester og kaisog.

Ikonsiderar ang pagbahin-bahin sa mga estudyante sa gagmayng mga grupo o mga pares. Sangoni ang matag grupo o pares ang usa sa mosunod nga mga tudling sa kasulatan. O pwedeng tun-an sa matag estudyante sa usa ka grupo ang usa ka tudling ug mangandam sa pagpakigbahin niana sa usag usa.

Tun-i ang usa sa mosunod nga mga tudling sa kasulatan, nga pangitaon kon sa unsang paagi nagpakitag kaisog si Ester.

Ester 5:1–4. Miatubang si Ester sa hari.
Ester 7:1–4. Si Ester, ang hari, ug si Haman naay pribadong bangkete.
Ester 8:3–6. Gisulti ni Ester sa hari ang iyang mando nga patyon ang tanang Judeo.

Dayon, hisgoti ang mosunod nga mga pangutana:

Sa unsang paagi ang mga aksiyon ni Ester nagpakitag kaisog?
Para nimo, unsay kinahanglang mahibaloan sa usa ka tawo bahin sa Dios aron makahimog desisyon nga parehas kang Ester?

Dapita ang andam nga mga estudyante nga ipakigbahin ang ilang nahisgotan ngadto sa klase.

Ang pagtabang sa mga estudyante sa paghimo ni Jesukristo nga sentro sa ilang pagkat-on magdapit sa Espiritu Santo sa pagpamatuod Kaniya. Makatabang kini sa mga estudyante nga makabaton og mas personal ug makahuloganon nga kasinatian sa pagkat-on. Usa ka paagi sa paghimo niini mao ang pagkonektar sa istorya ni Ester ngadto sa kinabuhi ug ehemplo ni Jesukristo.

(Para sa dugang pagbansay sa pagtabang sa mga estudyante nga makonektar ang ilang gitun-an ngadto sa kinabuhi ug ehemplo ni Jesukristo, tan-awa sa “Hatagi og gibug-aton ang ehemplo ni Jesukristo” sa Pagpalambo sa mga Kahanas sa Magtutudlo [2022], 5.)

Ipakita ang hulagway ni Jesukristo diha sa pisara. Ikonsiderar ang pagpangutana sa usa o duha sa mosunod nga pangutana.
Sa unsang paagi napahinumdoman ka ni Ester bahin sa Manluluwas?
Unsang mga ehemplo sa kinabuhi sa Manluluwas diin nagpakita Siyag kaisog?

Aron andamon ang mga estudyante nga ipakigbahin ang kaugalingon nilang mga kasinatian, ikonsiderar ang pagpasalida og bidyo nga sama sa “Having Courage and Trusting the Lord” (3:18), nga anaa sa ChurchofJesusChrist.org.

3:18
Kanus-a ang panahon dihang ikaw o ang imong kaila misalig sa Ginoo ug gipanalanginan og kaisog?

Ang akong personal nga buhat sa kaisog

Ang mosunod nga mga sugyot makatabang sa mga estudyante nga gamiton ang ilang nakat-onan gikan sa asoy ni Ester.

Pamalandongi ang sitwasyon nga imong gihunahuna sa sinugdanan sa leksiyon. Tinguhaa ang paggiya sa Espiritu samtang imong pamalandongan kon unsaon nimo pagpakitag kaisog ug pagsalig sa Ginoo sa maong sitwasyon.

Basaha pag-usab ang Ester 4:16, nga hatagn og gibug-aton ang mosunod nga pamahayag: “… ug busa ako moadto sa hari, nga dili subay sa balaod: ug kong ako mamatay, mamatay ako.”

Aron tabangan ang mga estudyante nga hatagan og gibug-aton ang pamahayag sa bersikulo 16, pwede nila kining markahan o i-highlight kon gusto sila. Dayon, ikonsider ang pagdapit nila nga isulat og usab ang pamahayag diha sa ilang mga journal sa pagtuon gamit ang mga pag-aghat sa ubos.

Usba ang mga pulong niini nga pamahayag aron mahiuyon kini sa imong pasalig nga magpakitag kaisog ug mosalig sa Ginoo diha sa imong sitwasyon. Aron matabangan ka sa paghimo niini, ikonsiderar ang pagkompleto sa mosunod nga mga ipabuhat:

Ug busa akong buhaton (ang aksyon nga gusto nimong himoon aron ipakita ang kaisog). Ug kon (posibleng dili maayong resulta), ako (butang nga imong himoon aron mosalig sa Ginoo).

Makatabang tingali ang paghatag og ehemplo, sama sa mosunod:

Handurawa nga gibati nimo nga gusto sa Langitnong Amahan nga makaangkon ka og kaisog nga hunongon ang sakit nga sinultihan ngadto sa imong mga higala. Pwede nimong usbon ang mga pulong sa Ester 4:16 sa ingon niini: “Ug busa dili na gayod ko mogamit og sakit nga pulong, bisan sa pagpangomedya. Ug kon sungogon o sawayon ko sa akong mga higala, ako mag-ampo dayon alang sa kalig-on ug padayong maningkamot.”

Pagdapit og andam nga mga estudyante sa pagpakigbahin kon unsay ilang gisulat. Kon naa pay panahon, pwedeng makigbahin og mga tambag ang mga estudyante sa usag usa bahin sa mga sitwasyon nga ilang gipakigbahin.

Pagpamatuod sa ehemplo sa Ginoo sa kaisog. Ipahayag ang imong pagsalig sa abilidad sa imong mga estudyante sa pag-atubang sa ilang mga problema uban ang kaisog samtang nagsalig sila sa Ginoo sa pagbuhat sa Iyang kabubut-on.

Dugang nga mga Kapanguhaan

Sa unsang paagi ako mapanalanginan tungod sa pagpakita og kaisog nga sama kang Kristo?

Si Elder Gary E. Stevenson sa Korum sa Napulog Duha ka Apostoles mitudlo:

10:35

Ako mosaad nga ang Ginoo mohatag ninyo og gahum. “Kay kita wala sa Dios hatagi’g espiritu sa katalaw; kondili sa espiritu sa gahum” [2 Timoteo 1:7]. Siya moganti kaninyo sa inyong kaisug ug matarung nga kinaiya—uban sa kamaya ug kalipay. Ang ingon nga kaisug mao ang resulta sa inyong hugot nga pagtuo kang Jesukristo ug sa Iyang Pag-ula, inyong pag-ampo, ug pagsunod sa mga sugo. (“Pagkaisug, Pagkakusgan, ug Pagkaabtik,” Liahona, Nob. 2012, 52)

Si Presidente Thomas S. Monson miawhag:

16:18

Kitang tanan mag-atubang og kahadlok, makasinati og pagbiay-biay, ug makasugat og pagsupak. Himoon nato—kitang tanan—nga magbaton og kaisog sa pagpakigbatok sa panan-aw sa katilingban, kaisug sa pagbarog alang sa prinsipyo. Ang kaisug, dili kompromiso, ang mopanalangin nato og pagtugot sa Dios. Ang kaisug mamahimong kusganon ug madanihong hiyas kon isipon kini dili lamang ang pagkaandam nga mamatay nga dungganon, apan isip usab ang determinasyon sa tinarung nga pagpakabuhi. Samtang kita magpadayon, maningkamot sa pagpakabuhi kon unsay gikinahanglan natong buhaton, sigurado kitang makadawat og tabang gikan sa Ginoo ug makakaplag og kahupayan sa Iyang mga pulong. (“Magmakusganon Ka ug Magmaisug,” Liahona, Mayo 2014, 69)

Unsang dugang mga leksiyon ang akong makat-onan gikan sa basahon sa Ester?

Si Presidente Camille N. Johnson, Kinatibuk-ang Presidente sa Relief Society, mipatin-aw:

10:8

Si Ester mao ang laing nindot kaayo nga ehemplo sa pagpatigbabaw sa Dios labaw sa tanan. Imbis nga magpabilin sa mabinantayon nga sugilanon sa pagpatunhay sa kaugalingon, siya mipakita og hugot nga pagtuo, hingpit nga mitugyan sa iyang kaugalingon ngadto sa Ginoo. …

Si Ester andam nga motugot sa Manluluwas nga mosulat sa iyang sugilanon bisan paman, sa mga mata sa mortalidad, ang kataposan mahimong makalilisang. Maayo nalang gani, ang hari midawat ni Ester, ug ang mga Judio sa Persia naluwas.

Dayag lang, ang lebel sa kaisog ni Ester panagsa ra kaayong gipangayo kanato. Apan ang pagtugot sa Dios nga mopatigbabaw labaw sa tanan, magtugot Kaniya nga mahimong mag-uugmad ug maghihingpit sa atong mga sugilanon, nanginahanglan kanato nga motuman sa Iyang mga sugo ug sa mga pakigsaad nga atong gihimo. Ang atong pagtuman sa sugo ug pakigsaad ang moabli sa linya sa komunikasyon aron kita makadawat og pagpadayag pinaagi sa Espiritu Santo. Ug kini pinaagi sa pagbutyag sa Espiritu nga atong mabati ang kamot sa Manluluwas nga nagsulat sa atong mga sugilanon uban kanato. (“Dapita si Jesus nga Mosulat sa Inyong Sugilanon,” Liahona, Nob. 2021, 81-82)

Dugang nga mga Kalihokan sa Pagkat-on

Alternatibong paagi sa pagbasa sa istorya ni Ester

Ingon nga alternatibong paagi sa pagtuon sa estorya ni Ester ubos sa ulohan nga “Mga buhat sa kaisog,” pwedeng dapiton ang mga estudyante nga basahon ang asoy sama sa pagkabasa niini sa Judeo nga holiday nga Purim. Isip kabahin niini nga kasaulogan, ang istorya kabahin ni Ester basahon og kusog ngadto sa mga bata. Dihang basahon ang ngalan nga Mardoqueo, manghugyaw sila; dihang basahon ang Haman, moingon sila og boo o magpakitag kawalay pag-uyon.

Dapita ang duha ka estudyante sa pagbasa sa mosunod nga mga kasulatan samtang basahon sa laing estudyante ang parte sa tigsaysay.

Tigsaysay: Human gipangutana sa hari si Ester kon unsay iyang tuyo, mihangyo siya kon pwede bang moadto ang hari ug si Haman sa bangkete nga iyang andamon para nila. Gidawat sa hari ug ni Haman ang imbitasyon.

Estudyante 1: Ester 5:9, 12–14

Tigsaysay: Wala makatulog ang hari sa gabii sa dili pa ang bangkete. Gipabasa niya ang pipila ka opisyal nga report ug iyang nahibaloan nga giluwas ni Mardoqueo ang iyang kinabuhi pinaagi sa pagpugong nga mahitabo ang pagpatay. Isip resulta, gisugo niya si Haman sa paghatag og dako nga pasidungog diha ni Mardoqueo, nga nagdugang sa kasuko ni Haman kay Mardoqueo ug sa mga Judeo.

Estudyante 2: Ester 7:1–6, 9–10

Tigsaysay: Human mamatay si Haman, mihatag si Hari Ahasuero og ikaduhang balaod aron maluwas ang mga Judeo ug gihatagan silag gahom sa pagbuntog sa ilang mga kaaway sulod sa gingharian. Ang Piyesta sa Purim gihimo aron sa pagtabang sa mga Judeo sa paghinumdom sa ilang kaluwasan gikan ni Aman. Gituboy si Mardocheo ngadto sa ikaduha nga tigmando diha sa gingharian.

Ang kaimportante sa mga pagpuasa

Kon wala nimo gitudlo ang bahin sa pagpuasa diha sa Leksiyon 92: Esdras, pwede nimo kining hatagan og gibug-aton niini nga leksiyon. Human matun-i sa mga estudyante ang Ester 4:15–17, pwede nimo silang pangutan-on kon sa ilang hunahuna nganong gipili ni Ester ug sa mga Judeo nga magpuasa niining lisod nga kahimtang. Pwede pod nimong ipakita ang mosunod nga pamahayag:

Si Elder Jorge F. Zeballos sa Seventy mitudlo:

Ang pagpuasa maghatag nato og espiritwal nga kalig-on ug mag-andam nato nga dili matarog sa mga pagsulay niini nga kinabuhi. (“Pagpalambo og Kinabuhi nga Dili Matarog sa Kaaway,” Liahona, Nob. 2022, 51)

Tabangi ang mga estudyante nga mailhan ang kamatuoran, sama sa: Panalanginan kita sa Ginoo og espirituwal nga kalig-on samtang sinsero kitang nagpuasa. Pwedeng ipakigbahin sa mga estudyante ang uban pang mga ehemplo nga ilang nahibaloan gikan sa kasulatan o gikan sa kaugalingon nilang kinabuhi diin gipanalanginan sa Ginoo ang usa ka tawo uban sa espirituwal nga kalig-on ingon nga resulta sa sinserong pagpuasa.

Ang garbo ug kasuko mahimong mosangpot sa pagkapukan

Kon makabenepisyo ang mga estudyante sa panaghisgot bahin sa mga kapeligrohan sa garbo ug kasuko, ikonsiderar ang pagdapit sa mga estudyante sa pagbasa sa Ester 3:1–6, 8–11 ug 5:9–14. Pwedeng pangitaon sa mga estudyante ang gibati, mga pulong, ug mga aksyon ni Haman. Pangutan-a ang mga estudyante kon unsay ilang nakat-onan bahin kang Haman ug sa hinungdan sa iyang mga aksiyon. Dayon ikonsiderar ang pagbasa ug pag-summarize sa Ester 7 aron makita kon unsay nahitabo kang Haman.

Pwedeng timbangtimbangon sa mga estudyante kon unsay nakadasig sa kaugalingon nilang mga pagbati ug mga aksiyon. Dapita sila sa pagpangayog tabang sa Langitnong Amahan kon ilang mamatikdan ang bisan unsa niini nga mga pagbati o aksiyon diha sa ilang mga kinabuhi.