Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

2 Шастир 17–20: Судруудаас зарчмуудыг олох

“2 Шастир 17–20: Судруудаас зарчмуудыг олох,” Хуучин Гэрээний семинарын багшийн гарын авлага (2026)

“2 Шастир 17–20: Судруудаас зарчмуудыг олох,” Хуучин Гэрээний семинарын багшийн гарын авлага

2 Шастир 14–20; 26; 30: 91-р хичээл

2 Шастир 17–20

Судруудаас зарчмуудыг олох

Та нар Есүс Христэд илүү ойртохын тулд юу хийж болох талаар бодож байсан уу? Хуучин Гэрээний хаан Иехошафат энэ талаар гайхалтай жишээг үзүүлсэн. Түүний хүмүүс Бурханаас холдон хөндийрч, хиймэл шүтээн шүтэх болжээ Иехошафат Иеховаг дагахаар шийдэн, хүмүүстээ мөн Түүнийг дагахад тусалсан юм. Энэ хичээл нь сайн мэдээний зарчмуудыг судруудаас олж тодорхойлж сурахад суралцагчдад тусална.

Суралцагчийн бэлтгэл: Бие дааж болон гэр бүлээрээ судар судлахдаа сурч мэдсэн зүйлээ эргэцүүлэн бодоход суралцагчдыг урих талаар бодож үз. Тэд олж мэдсэн зарчмаа мөн уг зарчим хэрхэн тэдэнд тусалдаг талаар ангидаа хуваалцахад бэлдэж ирж болно.

Боломжит суралцах үйл ажиллагаа

Аюулгүй байдлын бэхэлгээ

Хэн нэгний хаданд авирч буй зургийг үзүүл.

Хэрэв та хад өөд авирах юм бол ямар тоног төхөөрөмж хэрэг болох вэ?
Тухайн тоног төхөөрөмж яагаад хэрэгтэй вэ?
Хэрэв бид амьдралаа хад өөд авирахтай харьцуулах юм бол Их Эзэн оргилд аюулгүй хүрэхэд тань туслах юуг та нарт өгсөн бэ?

Суралцагчид янз бүрийн хариулт хуваалцаж болох юм. Тэднийг хуваалцаж байхад хариултуудад нь талархаж, яагаад тэдгээр нь тус болох талаар асуу. Дараах хариулт нь энэ хичээлийн гол анхаарах зүйл юм.

Арван хоёр төлөөлөгчийн чуулгын ахлагч Ричард Г.Скотт (1928–2015) ийн заасан.

Та бид илчлэгдсэн үнэнд суурилсан зөв зарчмуудыг ойлгож, байнга дагаснаар амьдралдаа зохистой зорилгуудад хүрнэ гэдэгтээ итгэлтэй байж болно.

Зарчмууд нь аюулгүй байдлын бэхэлгээ юм. Тэдгээр нь авирах боломжгүй хад өөд авиран гарахын тулд уулчдын ашигладаг ган бэхэлгээтэй адил. Тэдгээр нь шинэ, танил бус нөхцөл байдалд орлоо гэхэд итгэлтэй байхад тань тусална. Бас амьдралын зовлон зүдгүүрийн шуурганд та нарыг хамгаална. (“The Power of Correct Principles,” Ensign, May 1993, 32)

Судрууд бол Тэнгэрлэг Эцэгийн үнэн зарчмуудыг бидэнд хайраар өгсөн арга замуудын нэг юм. Судруудыг судлахдаа бид амьдралд маань туслах үнэний эдгээр зарчим эсвэл мэдэгдлийг олж тодорхойлохыг эрэлхийлдэг.

Судрууд дахь зарчмуудыг олж тодорхойлох одоогийн чадвараа эргэцүүлэн болох боломжийг суралцагчдад олгох нь тус болж болох юм. Үүнийг дараах арга замаар гүйцэтгэж болно.

Цаг гарган, дараах асуултуудыг тунгаан бод.

Би зарчмуудыг тодорхойлох чадвартаа хэр итгэлтэй байна вэ?
Зарчмууд миний амьдралд хэрхэн тусалж чадахыг би хэр сайн ойлгодог вэ?

Иехошафатын амьдралын тухай энэ хичээлийг судалж байхдаа, тус болох үнэн зарчмуудыг тодорхойлохын тулд Ариун Сүнсний тусламжийг эрэлхийл.

Иехошафатын амьдралаас авсан зарчмууд

Иехошафат эцгээ нас барсны дараа Иудагийн хаан болжээ. Израил, Иуда хоёр хоёулаа Их Эзэн Есүс Христээс холдож, хуурамч бурхдыг шүтэх болов.

2 Шастир 17:3–4; 19:4-ийг уншаад, Иехошафатын талаар юу сурч мэдэж болохоо хар. (Жич: Баал гэж хуурамч бурхдыг хэлж байгаа болно.)

Иехошафатын юу нь танд гүн сэтгэгдэл төрүүлсэн бэ?

Иехошафатыг эрх мэдлээ авах үед түүний хүмүүс урвалтын байдалтай байсан. Иехошафат хүмүүстээ Иеховаг (Есүс Христ) дагахад нь туслахын тулд хаант улс даяараа олон ажил өрнүүлэв. Тухайн цаг үед Иехошафатын дайснууд хүмүүстэй нь тулалдахаар иржээ. Эдгээр нөхцөлд болсон үйл явдал олон янзын зарчмыг харуулдаг.

Зарчмуудыг тодорхойлох дараах судлах ур чадваруудыг тайлбарлахыг бод.

Зарчмыг тодорхойлох нэг арга зам бол хоёр зүйл хоорондоо ямар холбоотойг олж мэдэх явдал юм. Жишээ нь: А болсон учраас Б болдог. Эсвэл А хүний ачаар Их Эзэн Б хүнд амлах юм уу түүнийг адисалдаг.

Уг ур чадварыг ашиглан дадлага хийх боломжийг суралцагчдад олгохын тулд дараах шүлгүүдийг ангиараа унш.

2 Шастир 17:6, 19:3-ыг уншаад, Иехошафатын амьдралын зарчмуудыг олж мэдээрэй. (Жич: Өндөр газар, ойн төгөл зэрэг нь хуурамч бурхдыг шүтэн биширдэг газар байсан.)

Суралцагчдын тодорхойлж болох зарим зарчим бол:

Бид амьдралаа Бурханд төвлөрүүлснээр амьдралаасаа хилэнцийг амархан зайлуулж чадна (2 Шастир 17:6-г үзнэ үү).
Бид амьдралаасаа хилэнцийг зайлуулснаар Бурханыг эрэлхийлэхэд илүү сайн бэлтгэгдсэн байна (2 Шастир 19:3-ыг үзнэ үү).

Эдгээр зарчим яагаад хэрэгтэй вэ?

Өмнөх шүлгүүдээс зарчмуудыг ангиараа олж тодорхойлсны дараа жижиг бүлгээр эсвэл бие даан зарчмуудыг тодорхойлох дадлага хийхэд суралцагчдыг урь. Дараах шүлгүүдийг ашиглахыг тэднээс хүс.

2 Шастир 20:1–9, 14–17, 20–22-ыг уншаад, өөр үнэн зарчмуудыг олж мэд.

Суралцагчдын тодорхойлж болох зарим зарчим:

Мацаг барьж, авралын төлөө залбирахад Их Эзэн зовлон бэрхшээл тохиолдох үед маань бидэнтэй хамт байх болно (2 Шастир 20:1–4, 14–17-г үзнэ үү).
Их Эзэнийг Өөрийнх нь ариун сүмд эрэлхийлбэл Тэр биднийг сонсож, туслах болно (2 Шастир 20:9-ийг үзнэ үү).
Их Эзэнд болон түүний бошиглогчдод итгэвэл бид хөгжиж дэгжинэ (2 Шастир 20:20-ийг үзнэ үү).
Их Эзэнийг дуу хөгжмөөр дамжуулан магтвал Тэрээр биднийг адислах болно (2 Шастир 20:21–22-ыг үзнэ үү).

Хэрэв суралцагчид зарчмуудыг тодорхойлж чадахгүй байвал дээрх зарчмуудын заримыг эсвэл бүгдийг нь самбарт бич. Судалсан шүлгүүдээс аль нь аль зарчмыг зааж байгааг тодорхойлоход суралцагчдыг урь.

Зарчмуудыг ойлгох

Дараах үйл ажиллагаагаар суралцагчид дээрх зарчмуудаас аль нэгийг эсвэл саяхан бие дааж юм уу гэр бүлээрээ судлахдаа сурч мэдсэн зарчмаа ашиглаж болно.

Илүү сайн судлахыг хүсэж буй зарчмаа сонго. Уг үнэний талаар дараах зүйлсийг багтаасан хоёр минутын илтгэл бэлтгэ.

2 Шастир номоос тухайн зарчмын тухай уншсан нэг эсвэл түүнээс олон шүлэг, тэдгээрийг сонгосон шалтгаан
Тухайн зарчмыг ойлгоход танд туслах бусад судар эсвэл бошиглогчдын үгс
Аврагч эсвэл судрууд эсвэл Сүмийн түүхэн дэх хэн нэгэн энэ зарчмыг үлгэрлэн үзүүлсэн үе
Их Эзэний энэ зарчим бидэнд тусалж эсвэл биднийг аюулгүй байлгаж чадна гэж бодсон арга замууд
Та нар эсвэл та нарын таньдаг хэн нэгний энэ зарчмын дагуу үйлдсэн туршлага болон үүний үр дүнд ирсэн Их Эзэний адислал

Суралцагчид илтгэлээ хамтрагчдаа эсвэл жижиг бүлгүүд дотроо хуваалцаж болно. Эсвэл та өөр өөр зарчмыг судалсан хэдэн суралцагчийг өөрийн хүсэлтээр илтгэлээ ангийнхантайгаа хуваалцахад урь. Суралцагч бүрийн илтгэлийн хооронд суралцагчийн хуваалцсан зарчмын талаар бодол санаа эсвэл асуултаа хуваалцахад ангийнхныг урьж болох юм.

Суралцагчдад хоёр минутын илтгэлээ бэлтгэж, хуваалцах хангалттай цаг гаргаж өгсөн байхад анхаар.
Өнөөдөр сурч мэдсэн зүйл дээрээ үндэслэхэд, судруудад Их Эзэний бидэнд өгсөн зарчмуудыг олохыг хичээх нь яагаад тустай вэ?
Та нар өнөөдөр сурсан зүйлээ хэрхэн гэр бүлээрээ болон бие даан судлахдаа ашиглаж болох вэ?

Нэмэлт эх сурвалж

Зарчим гэж юу вэ?

Арван хоёр төлөөлөгчийн чуулгын ахлагч Дэвид А.Бэднар ийн заасан.

Товчхон хэлэхэд, сайн мэдээний зарчим бол ёс суртахууны сонголтоо зөв шударгаар ашиглахад зориулсан, сургаалд суурилсан удирдамж юм. Зарчмууд нь сайн мэдээний илүү өргөн цар хүрээтэй үнэнээс урган гардаг бөгөөд биднийг гэрээний зам дээрээ урагшлан явах үед удирдамж, жишгүүдээр хангадаг. (“Миний сайн мэдээний зарчмууд,” 2021 оны 4-р сарын Ерөнхий чуулган, 123)

Арван хоёр төлөөлөгчийн чуулгын ахлагч Ричард Г.Скотт (1928–2015) ийн тайлбарласан.

Зарчмууд бол олон төрлийн нөхцөл байдалд тохирдог шалгарсан үнэн юм. Үнэн зарчмыг баримталсан үед туйлын төвөгтэй нөхцөл байдалд ч гэсэн зөв шийдвэр гаргаж чадна. Бидний хувьд цуглуулсан үнэнээ зарчмын энгийн мэдэгдэл болгож зохион байгуулах нь ихээхэн хичээл зүтгэл шаарддаг ч агуу үнэ цэнтэй. (“Acquiring Spiritual Knowledge,” Ensign, Nov. 1993, 86)

Яагаад зарчмыг тодорхойлж, тэдгээрийн дагуу амьдрах ёстой вэ?

Арван хоёр төлөөлөгчийн чуулгын ахлагч Дэвид А.Бэднар ийн заасан.

Сайн мэдээний зарчмуудаас суралцаж, ойлгож, тэдгээрийн дагуу амьдрах нь Аврагчид итгэх бидний итгэлийг бэхжүүлж, Түүнд бүхнээ зориулах сэтгэлтэй болгож мөн амьдралд маань маш олон адислал, сүнслэг бэлгийг урин авчирдаг. Зөв шударга байдлын зарчмууд нь мөнх бус амьдралын янз бүрийн нөхцөл байдал, бэрхшээл, шийдвэр, туршлагуудыг туулах үед мөнхийн үнэний эрхэм ойлголтоор хангаж өгснөөр бидэнд хувийн ашиг сонирхол, амин хувиа бодсон хүслээ хойш тавихад тусалдаг. (“Миний сайн мэдээний зарчмууд,” 2021 оны 4-р сарын Ерөнхий чуулган, 123–124)

Нэмэлт суралцах үйл ажиллагаа

Хичээлийг эхлүүлэх өөр хувилбар

Далайг гатлах аяллаа хэрхэн төлөвлөж, амжилттай болгох талаар хуваалцахыг суралцагчдаас хүс. Тэд юуг мэдвэл зохих вэ?

Арван хоёр төлөөлөгчийн чуулгын ахлагч Ричард Г.Скоттын (1928–2015) хэлсэн дараах үгийг хуваалц.

Үнэн зарчимд дуулгавартай байх нь хүмүүнд үргэлж ашигтай байсаар ирсэн. Полинезууд эрсдэл үүрэн хөлөг онгоцоор асар уудам далайг гатлан, олон мянган километрийн цаана байгаа газруудад хүрч очиж байсан. Ийнхүү амжилт олсон нь тохиолдлын зүйл байгаагүй бөгөөд селестиел зүг чигээ олох зарчмуудыг баримталснаар биеллээ олсон юм. Тэд сайтар бэлдсэн ба уруу таталтад орж замаасаа хазайх юм уу аяллаа хойшлуулаагүй. Үүний адил та бид илчлэгдсэн үнэн дээр суурилсан зөв зарчмуудыг ойлгож, үргэлж дагаснаар амьдралын зохистой зорилгуудад хүрнэ гэдэгт итгэлтэй байж болно. (“The Power of Correct Principles,” Ensign, May 1993, 32)

Түүхийн үргэлжлэл

Хэрэв та Иехошафат болон түүний хүмүүсийн түүхийг илүү сайн мэдэх нь суралцагчдад тустай гэж үзвэл дараах догол мөрийг хураангуйл эсвэл унш.

Иехошафат болон Иудагийн ард түмэн Едомын нутаг гэж нэрлэдэг Аммон, Моаб, Сеир уулын хүмүүстэй дайтахаар явав (Библийн газрын зураг 10-ыг үзнэ үү). Тэд Бурханыг магтан дуулж дайнд оржээ. Бурхан харин дайснуудынх нь дунд төөрөгдөл үүсгэж, бие биеийг нь хөнөөлгөн тэднийг адислав. Дараа нь Иехошафатын ард түмэн алагдсан дайснуудаасаа дааж чадахгүй асар их үнэт зүйлийг цуглуулжээ.

Та дараа нь 2 Шастир 20:26–30-ийг уншаад, Иуда үнэнч байсныхаа төлөө өөрөөр хэрхэн адислагдсаныг олж мэдэхэд суралцагчдыг урьж болно.

Цаг хугацаа өнгөрсөн ч итгэлтэй хэвээр байх

Иехошафат болон түүний хүмүүс мөн урт хугацааны туршид олон зөв шударга үйлс үйлдэхийн үлгэр жишээ гэдгийг та онцолж болно.

Ерөнхийлөгч Даллин Х.Өүкс урт хугацаанд үргэлжлүүлэн хичээл зүтгэл гаргахын ач холбогдлыг онцлон ийн заажээ.

Есүс Христийн сайн мэдээ бидэнд олон өчүүхэн бөгөөд энгийн зүйлийг заадаг. Эцсийн эцэст, урт хугацааны дараа эдгээр өчүүхэн мэт санагдах зүйл нь агуу зүйлсийг авчирна гэдгийг бидэнд сануулж байх хэрэгтэй. …

Эдгээр хүсүүштэй, өчүүхэн бөгөөд энгийн зүйлийг тогтмол, байнга хийж заншихгүй бол тэдгээрийн аль нь ч биднийг өргөхгүй. (“Өчүүхэн бөгөөд энгийн зүйлс,” 2018 оны 4-р сарын Ерөнхий чуулган, 89, 31)

Таны бодлоор Иехошафат хэрхэн энэ зарчмыг үлгэрлэн харуулсан бэ?
Урт хугацааны туршид итгэлтэй байх нь яагаад Есүс Христтэй илүү адилхан болоход чухал гэж та бодож байна вэ?