Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

2 Шастир 14–16: “Хэрэв та нар Түүнийг хайвал, Тэрээр та нарт олдоно”

“2 Шастир 14–16: ‘Хэрэв та нар Түүнийг хайвал, Тэрээр та нарт олдоно,’” Хуучин Гэрээний семинарын багшийн гарын авлага (2026)

“2 Шастир 14–16: ‘Хэрэв та нар Түүнийг хайвал, Тэрээр та нарт олдоно,’” Хуучин Гэрээний семинарын багшийн гарын авлага

2 Шастир 14–20; 26; 30: 90-р хичээл

2 Шастир 14–16

“Хэрэв та нар Түүнийг хайвал, Тэрээр та нарт олдоно”

Зарим хүн бүх зүйл сайхан байгаа үед л Тэнгэрлэг Эцэг, Есүс Христ хоёрыг эрэлхийлдэг байж болох юм. Зарим нь зөвхөн хүнд хэцүү үедээ Тэднээс тусламж гуйдаг байж магад. Бид Иудагийн хаан Асагийн адил амар тайван, хэцүү цаг үеийн алинд нь ч Их Эзэнийг эрэлхийлж чадна. Энэ хичээл нь Их Эзэнийг эрэлхийлэх төлөвлөгөө гаргахад суралцагчдад тусална.

Суралцагчийн бэлтгэл: Их Эзэнийг амьдралдаа эрэлхийлж болох арга замуудыг жагсаахад суралцагчдыг урь.

Боломжит суралцах үйл ажиллагаа

Олохоор эрэлхийлэх

Алдсан зүйлсээ хэрхэн хайдгаа бодоход суралцагчдыг урьснаар хичээлээ эхлүүл. Та харандаа, чухал гэрийн даалгавар, гар утас, хайртай хүнээсээ авсан бэлэг гэх мэт үнэ цэнийн хувьд өөр хэд хэдэн зүйлийг жагсааж бичих юм уу үзүүлж болно. Хэрэв эдгээр зүйлийг алдсан бол олохын тулд тэд ямар хүчин чармайлт гаргахыг суралцагчдаас асуу.

Хайж буй зүйлээсээ шалтгаалаад аливаа зүйлийг олох оролдлого яагаад өөр өөр байдаг вэ?

Самбарын дээд талд Их Эзэнийг эрэлхийл гэж бич.
Их Эзэнийг эрэлхийл гэдэг нь юу гэсэн утгатай үг гэж та нар бодож байна вэ?

Хэрэв суралцагчид хариулж чадахгүй байвал та тэднээс хэрхэн хэн нэгэнтэй танилцаж, сайн харилцаатай болдог талаар асууж болно. Дараа нь хэрхэн Их Эзэнийг таньж мэдэн, Түүнтэй харилцах харилцаагаа хөгжүүлэхийг эрэлхийлж болохыг тэднээс асуу. Та өнөөдөр тэдний судлах шүлгүүдэд (2 Шастир 14:4; 15:2, 12; 6:12) ашигласан эрэлхийлэх гэсэн үгийг еврей хэлээр дарааш гэдэг бөгөөд энэ нь хайх, асуух, очих, мөрдөх, зөвлөлдөх, эсвэл хэрэгжүүлэх гэсэн утгатай гэдгийг тайлбарлаж болно.

Судлах тэмдэглэлдээ дараах асуултуудад хариулж бич.

Их Эзэнийг эрэлхийлэхийн тулд та нар эсвэл та нарын мэддэг хүмүүс юу хийсэн бэ?
Та нар Их Эзэнийг эрэлхийлэхийн тулд хэр их хүчин чармайлт гаргадаг вэ?

Та нар өнөөдөр энэ хичээлийг судалж байхдаа Их Эзэнийг эрэлхийлэх арга замуудыг олж мэдээрэй. Ариун Сүнснээс ирэх аливаа бодол, мэдрэмжүүдийг бич.

Их Эзэнийг эрэлхийлэх жишээ

Дараах догол мөрийг хуваалцах эсвэл хураангуйлан дүгнэх талаар бодож үз.

Шастир, Хаадын ном хоёрт бараг нэг цаг үеийн тухай өгүүлдэг. 2 Шастир 14–16, 1 Хаад 15-аас бид Иудагийн гурав дахь хаан Асагийн түүхийг уншдаг.

Та дараагийн үйл ажиллагаанд суралцагчдад туслахын тулд самбарт дараах хүснэгтийг буулга. Суралцагчид мөн хүснэгтийг судлах тэмдэглэлдээ зурж болно.

Аса болон түүний хүмүүс Их Эзэнийг хэрхэн эрэлхийлсэн бэ?	Их Эзэн тэднийг хэрхэн адисалсан бэ?
Аса болон түүний хүмүүс Их Эзэнийг хэрхэн эрэлхийлсэн бэ?	Их Эзэн тэднийг хэрхэн адисалсан бэ?

Суралцагчдыг дөрвөн өөр бүлэгт хуваа. Бүлэг бүрээс дараах шүлгүүдийн өөр өөр багцыг уншихыг хүс. Бүлэг бүрээс нэг суралцагч гарч ирэн, сурсан зүйлээ самбарт бичиж болно.

Хэрэв 2 Шастир 14:3 дахь “модон шон” гэдгийг суралцагчдад ойлгуулах хэрэгтэй бол энэ нь хүмүүсийн хуурамч бурхдыг шүтэн биширдэг газар байсныг тайлбарла.

Дараах багц шүлгүүдийн нэгийг уншаад, Аса болон түүний хүмүүс юу хийснийг мөн Бурхан тэднийг хэрхэн адисалсныг олж мэд.

2 Шастир 14:3–7. Амар тайван цаг үед
2 Шастир 14:9–13. Етиопчуудыг дайрах үед
2 Шастир 15:1–9. Амар тайван цаг үед
2 Шастир 15:10–12, 15. Амар тайван цаг үед

Судалсан зүйлээсээ үнэнийг тодорхойлоход нь суралцагчдад туслахын тулд дараах асуултыг тавь. Суралцагчдыг хуваалцах үед тэдний хариултыг самбар дээрх хүснэгтэд нэм.
Та нар Аса болон түүний хүмүүст тохиолдсон үйл явдлаас юу сурч мэдсэн бэ?

Суралцагчдын хэлсэн үгсийг ашиглан, дараахтай адил үнэнийг тодорхойлоход нь тусал.

Чин зүрхнээсээ Их Эзэнийг хүсэмжлэн эрэлхийлсэн учир Тэр надад амралтыг өгөв (2 Шастир 14:7; 15:15)
Хэрэв би Их Эзэнийг эрэлхийлбэл Түүнийг олно (2 Шастир 15:2)

Суралцагчдыг хуваалцаж байх хооронд зарим үг, хэллэг ямар утгатайг бодоход нь туслахын тулд нэмж тодруулах асуултуудыг тавь. Жишээлбэл: Та “Их Эзэнийг олно гэдгийг юу гэсэн утгатай гэж бодож байна вэ?” эсвэл “Их Эзэний бидэнд өгөх амралт ямар байх вэ?” хэмээн асууж болно.

Эдгээр болон бусад асуултад туслах сургаалуудыг Нэмэлт эх сурвалж хэсгээс үзнэ үү.

Их Эзэнийг эрэлхийлэх ба олох

Асагийн амьдрал болон өөрсдийн амьдралын хоорондын уялдаа холбоог олж харахад нь суралцагчдад тусал. Та самбарт байгаа хүснэгтийн зүүн баганыг Би Их Эзэнийг хэрхэн эрэлхийлэх вэ?, баруун баганыг Их Эзэн намайг хэрхэн адислах вэ? гэж өөрчлөн гарчиглаж болох юм. Дараа нь суралцагчдыг дараахыг бүлгээр юм уу бие даан гүйцэтгэхэд урь.

Зүүн талын баганад Аса, түүний хүмүүсийн хийсэн зүйлээс гадна Их Эзэнийг эрэлхийлэх арга замуудын жагсаалтаа нэмж бич. Эдгээр арга замыг та нарын туршлагаас болон судрууд эсвэл Сүмийн түүх дээрх жишээнээс эсвэл Сүмийн удирдагчдын хэлсэн үгээс авсан байж болно.

Их Эзэнийг эрэлхийлэхэд бидэнд юу саад болж болох вэ?
Саад тулгарсан ч Их Эзэнийг эрэлхийлэхэд юу танд тусалдаг вэ?

2 Шастир 15:2-т цэдэглэсэн “Тэрээр та нарт олдоно” гэсэн хэллэгийг онцлон тэмдэглэхэд тэднийг урь. Их Эзэнийг олох арга замуудын талаар бодоход нь суралцагчдад туслахын тулд дараах асуултыг тавь.
Их Эзэн Өөрийг нь эрэлхийлсний төлөө таныг болон таны таньдаг хэн нэгнийг хэрхэн адисалсан бэ?

Суралцагчдыг хуваалцсаны дараа, бодол санаагаа хүснэгтийн баруун гар талын баганад бичихэд урамшуул. Та суралцагчдын хуваалцсан адислал Түүнийг олсны нотолгоо байж болох юм гэдгийг гэрчилж болно.

Төлөвлөгөө гаргах

Хичээлийн үеэр мэдэрсэн эсвэл сурч мэдсэн зүйлийнхээ дагуу үйлдэхэд нь суралцагчдад тусал. Үүний тулд хичээлийн туршид Сүнснээс хүлээн авсан байж болох мэдрэмж сэтгэгдлээ бодож үзэхэд тэднийг уриал. Түүнчлэн 87-р хичээлээр суралцагчид Их Эзэнд илүү их ойртох арга зам болгон судар судлах тал дээр тавьсан зорилгоо эргэн харсан. Хэрэв тустай гэж үзвэл, тэд зорилгодоо хэрхэн хүрч байгаагаа дүгнэж, энэ төлөвлөгөөнд зорилгоо ашиглах эсэхээ шийдэж болно.

Их Эзэнийг эрэлхийлэхийн тулд хийх нэг зүйлээ сонго. Судлах тэмдэглэлдээ дараах асуултуудад хариул. Амьдралдаа энэ үйлдлийг хэрхэн хэрэгжүүлэхээ төлөвлө.

Яагаад энэ үйлдэл нь Их Эзэнийг амьдралдаа илүү ихийг олоход танд тусална гэж бодож байна вэ?
Ийн үйлдэхийг хичээх үед та нарт ямар ямар бэрхшээл тулгарч болох вэ?
Эдгээр бэрхшээлийг үл харгалзан ямар тодорхой алхмын дагуу та нар үйлдэж болох вэ?

Их Эзэнийг эрэлхийлснээр ирэх адислалуудын тухай өөрийн гэрчлэлийг хуваалцан хичээлээ дуусга.

Нэмэлт эх сурвалж

2 Шастир 14:6–7. Их Эзэнээс амралт олно гэдэг нь ямар утгатай вэ?

Ерөнхийлөгч Рассэлл М.Нэлсон ийн заасан.

18:44

Бидний эргэн тойронд эргэлдэж буй анхаарал сарниулах зүйлс, гажуудал зэргээс үл хамааран та хамгийн хэцүү асуудлынхаа дунд ч гэсэн жинхэнэ амралтыг олж чадна. (“Ертөнцийг ялж, амралтыг олох нь,” Лиахона, 2022 оны 11-р сар, 96)

Их Эзэнийг эрэлхийлэхэд юу шаардлагатай вэ?

Арван хоёр төлөөлөгчийн чуулгын ахлагч Үлиссэс Соарэс ийн хэлсэн.

14:47

Аврагч энэ амьдралд бидэнд шаардлагатай бүхнийг мэддэгийн хувьд биднийг бодол бүрдээ Түүнийг эрэлхийлж, бүхий л зүрх сэтгэлээрээ дагахад урьдаг. Энэ нь бидэнд Түүний гэрэлд алхаж чадна мөн Түүний удирдамж заавар бидний амьдралыг харанхуйн нөлөөллөөс сэргийлнэ хэмээх амлалтыг өгдөг.

Бодол санаа болгондоо Христийг эрэлхийлж, бүхий л зүрх сэтгэлээрээ дагах нь бидний зүгээс оюун ухаан, хүсэл эрмэлзлээ Түүнийхтэй нийцүүлэхийг шаарддаг. Судруудад ийн нийцүүлэхийг “Эзэн дотор баттай зог[сох]” Филиппой 4:1] хэмээн нэрлэсэн байдаг. Энэ үйлдэл нь амьдралаа үргэлж Христийн сайн мэдээнд нийцүүлж, өдөр бүр сайн бүхэн дээр төвлөрнө гэсэн утгатай. Зөвхөн ийнхүү үйлдсэн тохиолдолд л “бүх оюун ухааныг давах Бурханы амар тайван нь [бидний] сэтгэл санааг Христ Есүс дотор хамгаална” [Филиппой 4:7]. (“Бодол санаа болгондоо Христийг эрэлхийл,” 2020 оны 10-р сарын Ерөнхий чуулган, 90)

Их Эзэнийг эрэлхийлснээр ямар адислалууд ирдэг вэ?

Үүний нэг жишээ бол Ифер 12:41 дэх Моронайн гэрчлэл юм. Мөн Далын ахлагч Крэг К.Кристэнсэн ийн заасан.

7:9

Нэмэлт суралцах үйл ажиллагаа

Хичээлийг эхлүүлэх өөр хувилбар

Самбарт Эрэл хайгуул гэсэн үгийг бич. Суралцагчдад дараах асуултыг тавь.

Энэ үгийг бодоход та нарын санаанд юу орж ирж байна вэ?

Суралцагчдад хариулах боломж олгосны дараа Далын ахлагч Хосэ A.Тэйксэйрагийн дараах мэдэгдлийг үзүүл.

9:42

Их Эзэн: “Санаа бодол болгондоо намайг [эрэлхийл]; бүү эргэлз, бүү ай” [Сургаал ба Гэрээнүүд 6:36] хэмээн хэлсэн. Их Эзэн рүү харж, Түүний оршихуйг мэдрэх нь өдөр тутмын эрэл хайгуул, үр дүнтэй хүчин чармайлтын үр дүн билээ. (“Их Эзэнийг эрэлхийлэх нь,” 2015 оны 4-р сарын Ерөнхий чуулган, 96)

Их Эзэнийг эрэлхийлж, Түүний оршихуйг мэдрэх нь хэрхэн “өдөр тутмын эрэл хайгуул” байж болох вэ?

Суралцагчдад ярилцах цаг гаргаж өгсний дараа та хичээлийн эхэнд өгсөн эргэцүүлэн бодох асуултуудад хариулахад тэднийг урьж болно.

Ахмаддаа найдах

Их Эзэнд найдах гэдэг нь юу гэсэн утгатайг эргэцүүлэн бодоход нь суралцагчдад туслахын тулд та 2 Шастир 13 дахь Асагийн эцэг Абиагийн түүхийг судалж болно. Израилчууд Израилын Хойд хаант улс, Иудагийн Өмнөд хаант улс гэсэн хоёр хаант улсад хуваагдсаныг тайлбарла. Иеробоам хаан тэргүүтэй Израил болон Абиа хаан тэргүүтэй Иудагийн хооронд дайн дэгдэв.

2 Шастир 13:4, 10–12-ыг уншаад, Абиа болон түүний хүмүүс хаашаа хандсаныг харуулсан үг, хэллэгийг онцлон тэмдэглэхэд суралцагчдыг урь. Хэрэв тустай гэж үзвэл, шатаалт тахил өргөх, утлага хийх, ширээн дээр талх тавих, дэнлүүгээ асаах зэрэг нь (11-р шүлэг) ариун сүмд шүтэн бишрэх тахилчдын үүргүүдийн нэг хэсэг байсан гэдгийг тайлбарлаж болно.

Бурхан бол бидний Ахмад гэсэнтэй адил үнэнийг тодорхойлоход суралцагчдад тусал. Та Еврей 2:10: “Тэдний авралын эхлүүлэгч” гэсэн үгийг 12-р шүлгийн үгтэй холбогдох эшлэл болгоход суралцагчдыг урьж болно.

Бурханыг өөрсдийн Ахмад болгох гэдгийг ямар утгатай гэж та нар бодож байна вэ?
Бурханыг сайн Ахмад болгодог зүйлийн талаар та нар юу мэдэх вэ?

Дараа нь 2 Шастир 13:13–20-ийг уншаад, Ахмадын хувиар Бурханд итгэж найдсаны ачаар Абиа болон түүний хүмүүст юу тохиолдсоныг олж мэдэхэд суралцагчдыг урь. Уншсаных нь дараа, 18-р шүлэгт буй “Бурхан ЭЗЭНд түшиглэсэн учраас” гэсэн хэллэгийг онцлон тэмдэглэхэд суралцагчдыг урьж болно.

Бурханд найдахад тань Тэрээр хэрхэн танд тусалсан бэ?

Бурханд найдахгүй байх сонголт

Бурханд найдахгүй байх алдаанаас зайлсхийхэд нь суралцагчдад туслахын тулд та 2 Шастир 16 дахь Асагийн түүхийг дуустал уншиж болно. Аса хожим нь Түүнээс нүүр буруулсан гэдгийг тайлбарла.

2 Шастир 16:1–12-ыг уншаад, Аса хэрхэн Бурханд найдахгүй байхаар шийдсэн хоёр жишээг олж мэдэхэд суралцагчдыг урь. Аса Израилыг ялахын тулд Сириэс тусламж авахаар ариун сүмээс мөнгө, алт авсныг суралцагчдад ойлгуул (2 Шастир 16:1–6-г үзнэ үү). Аса мөн өвдөхдөө Бурханы тусламжийг эрэлхийлээгүй (2 Шастир 16:12-ыг үзнэ үү). Шаардлагатай бол Аса эмч нараас тусламж эрэлхийлсэн нь буруу байгаагүй ч Бурханаас мөн тусламж эрэлхийлээгүйг тайлбарла. (Энэ ойлголтын талаар дэлгэрэнгүй мэдэхийг хүсвэл Даллин Х.Өүксийн “Өвчтөнийг эдгээх нь” захиасыг 2010 оны 4-р сарын Ерөнхий чуулганы х. 47-оос үзнэ үү.)

Асагийн ямар айдас түүнийг Бурханд найдахгүй байхад хүргэсэн байж болох вэ?
Ямар нөхцөл байдалд өсвөр үеийнхэнд үүнтэй ижил төстэй айдас төрж болох вэ?
Хүнд хэцүү үед Бурханд итгэж найдахад тусалж болох Бурханы талаарх ямар зүйлийг та нар мэдэх вэ?