Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

2 Хаад 2–4: Их Эзэн Елишад хүч, эрх мэдэл өгөв

“2 Хаад 2–4: Их Эзэн Елишад хүч, эрх мэдэл өгөв,” Хуучин Гэрээний семинарын багшийн гарын авлага (2026)

“2 Хаад 2–4: Их Эзэн Елишад хүч, эрх мэдэл өгөв,” Хуучин Гэрээний семинарын багшийн гарын авлага

2 Хаад 2–7: 83-р хичээл

2 Хаад 2–4

Их Эзэн Елишад хүч, эрх мэдэл өгөв

The Old Testament prophet Elijah (acting on the instructions of Elisha) depicted smiting the waters of the River Jordan with his cloak in order for the river to part and allow passage on dry ground.

Бид Их Эзэний Сүмд дуудлага хүлээн авахдаа Түүнд үйлчлэх эрх мэдлийг мөн хүлээн авдаг. Биднийг хичээнгүйлэн үйлчилж, Түүнтэй илүү адилхан болохыг хичээх үед Тэр биднийг Өөрийн хүчээр адислах болно. Их Эзэн Елиаг тэнгэрт аваачсаныхаа дараа бошиглогч Елишаг хүч чадал, эрх мэдлээр адисалсан тухай түүх энэхүү үнэнийг харуулдаг. Энэ хичээл нь Их Эзэн Өөрийн дууддаг хүмүүст эрх мэдэл, харин зөв шударгааар үйлчилдэг хүмүүст хүч өгдөг гэдгийг ойлгоход суралцагчдад тусална.

Суралцагчийн бэлтгэл: Суралцагдаар өөрсдийнх нь эсвэл таньдаг хэн нэгнийх нь Сүмийн дуудлагад үйлчилж байсан үеийн тухай бодуул. “Би хэзээ Сүмийн дуудлагаа гүйцэтгэж байхдаа Их Эзэний хүч, эрх мэдлийг хэрхэн гэрчилж байсан бэ?” гэсэн асуултыг тунгаан бодоход суралцагчдыг урь.

Боломжит суралцах үйл ажиллагаа

Хүч, эрх мэдлийн эх сурвалж

A doctor meets with her patients and checks blood pressure.

Зарим зүйлийг хийх эрх мэдэл хаанаас ирдэг талаар ярилцсанаар хичээлээ эхлүүлэхийг бод. Та цагаан нөмрөг өмссөн эсвэл эмнэлгийн орчинд буй эмчийн (эсвэл тухайн албан тушаалд ажиллах эрх бүхий өөр мэргэжилтэн) зургийг үзүүлээд, дараах асуултуудыг тавих замаар үүнийг гүйцэтгэж болно.

Энэ хүний үүрэг хариуцлага юу вэ?
Тэдэнд үүргээ биелүүлэх эрх мэдлийг хэн өгсөн бэ?
Юу танд тэдэнд итгэх итгэлийг өгдөг вэ?

Одоогийн бошиглогчийн зургийг үзүүлээд, түүний талаар өмнөх асуултуудыг дахин асуух талаар бодож үз.

Та Их Эзэний хүч, эрх мэдэлтэйгээр дуудлагадаа үйлчлэх талаар юу ойлгож байгаагаа дүгнэхэд нь суралцагчдад туслахын тулд тэднийг дараахыг хийж гүйцэтгэхэд урьж болно.

Судлах тэмдэглэлдээ эсвэл Gospel Library дээрх Notes хэсэгт дараах асуултуудад хариулж бич. Та хариултуудаа бодож үзэхдээ Их Эзэний хүч, эрх мэдлээр дуудлагадаа үйлчлэх талаар Тэрээр юуг ойлгуулахыг хүсдэг тухай Ариун Сүнсний өдөөлтийг сонс.

Дуудлагад үйлчлэх Их Эзэний хүч, эрх мэдлийг хүлээн авах талаар би юу ойлгосон бэ?
Би эсвэл өөр хэн нэгэн Их Эзэнээс дуудлага хүлээн авах үед энэ ойлголт нь намайг хариулахад хэрхэн нөлөөлж болох вэ?

Елиша Бурханы хүч, эрх мэдлийг хүлээн авав

Та Их Эзэн Елишаг бошиглогч болно гэж Елиад илчилсэн гэдгийг тайлбарлаж болно (1 Хаад 19:16, 19-ийг үзнэ үү).

Их Эзэний дуудлагад бэлдэж байхдаа Елиша юунд санаа зовж байсан бэ?

Их Эзэн Елиаг удахгүй авна гэдгийг Елиша мэдэж байв (2 Хаад 2:1–3). Елиагийн сүүлийн өдөр Елиша Елиаг дагаж хот хот дамжин Иордан голд иржээ.

Иордан голд юу болсныг олж мэдэхэд нь суралцагчдад туслахын тулд та ангийг жижиг бүлгүүдэд хувааж болно. Та самбарт доорх дөрвөн зургийг зурж эсвэл зураг бүрийг заавал дараалал гэлгүй цөөн үгээр хураангуйлж болно. Бүлэг бүрийг 2 Хаад 2:8–15-ыг уншаад, үйл явдлын зураг, хураангуйг он цагийн дэс дараалалд оруулахад урь. Та жанч бол нөмрөг гэдгийг тайлбарлах хэрэгтэй байж болох юм.

Elijah Power and Authority, holding the mantle

Elijah Power and Authority, riding the chariot

Их Эзэн Елишад дуудлагаа гүйцэтгэх хүч, эрх мэдлийг өгсөн гэдгээ хэрхэн түүнд болон бусдад харуулсан бэ?

Та Елиа, Елиша хоёрын нөмөрсөн нөмрөг тэдэнд хүч, эрх мэдэл өгөөгүй, харин Бурханы хүч, эрх мэдлийг төлөөлж байсан гэдгийг тайлбарлаж болно. Өнөөдөр Сүмд бид хэн нэгний дуудлага эсвэл эрх мэдлийг заримдаа “нөмрөг” гэж нэрлэдэг. Жишээлбэл: Шинэ бошиглогч Сүмийн ерөнхийлөгч болбол тэрээр эрх мэдлийн нөмрөгийг хүлээн авдаг.

Дуудлагад үйлчлэх эрх мэдэл нь санваарын түлхүүрийг атгадаг эрчүүдээр дамжин Их Эзэнээс ирдгийг онцлох нь тустай байж болох юм.
Их Эзэн Өөрт нь үйлчлэхээр дууддаг хүмүүст зориулан юу хийдэг талаар бид Елишагийн туршлагаас ямар үнэнийг мэдэж авч болох вэ?

Суралцагчдын санал болгож байгаа үнэнүүдийн дотроос Их Эзэн Өөрийн дууддаг хүмүүст эрх мэдэл, хүч чадал өгдөг гэдгийг онцол.

Бурханы хүч, эрх мэдлээр үйлчлэх

Их Эзэний хүч, эрх мэдлээр дуудлагад үйлчлэх гэдэг нь юу гэсэн утгатайг ойлгоход нь суралцагчдад туслахын тулд самбарт Санваарын эрх мэдэл, Санваарын хүч гэж бичиж болно. Миний сайн мэдээг номло: Есүс Христийн сайн мэдээг хуваалцах удирдамж дахь дараах мэдэгдлийг хуваалц. Хэдийгээр энэ мэдэгдэл нь номлолын дуудлагуудад шууд хамаатай ч Их Эзэн аль ч дуудлагад үйлчлэхээр дуудсан хүмүүстээ эрх мэдэл, Өөрт нь зөв шударгаар үйлчилдэг хүмүүст хүч чадал өгдөг гэдгийг суралцагчдад сануул.

Христийн удирдлаган доор сайн мэдээг номлох эрх мэдэл бошиглогч Иосеф Смитээр дамжин сэргээгдсэн юм. Номлогчоор онцгойлон адислагдахдаа та энэ эрх мэдлийг хүлээн авдаг. Үүнтэй хамт Их Эзэнийг төлөөлж, Түүний сайн мэдээг заах эрх мэдэл, давуу эрх, үүрэг хариуцлага ирдэг. …

Дуудлагаа биелүүлэхэд танд эрх мэдлээс гадна сүнслэг хүч хэрэгтэй. Бурхан, Есүс Христ хоёрын талаарх болон зааж буй сайн мэдээний үнэнүүдийнхээ талаарх гэрчлэлээ бэхжүүлэхээр тууштай ажиллах үед Бурхан танд сүнслэг хүчийг өгдөг. Мөн таныг залбирч, судраас судалж, номлолын зорилгоо биелүүлэхийг эрэлхийлэх үед Тэр сүнслэг хүчийг өгдөг. Тэр таныг Түүний зарлигуудыг болон авралын ёслолуудыг хүлээн авахдаа байгуулсан гэрээнүүдээ дагахыг хичээснээр сүнслэг хүчийг өгдөг (Сургаал ба Гэрээнүүд 35:24-ийг үзнэ үү). (Миний сайн мэдээг номло: Есүс Христийн сайн мэдээг хуваалцах удирдамж (2023), 3)

Та эдгээр мэдэгдлээс Их Эзэний хүч, эрх мэдлийн талаар юу мэдэж авсан бэ?
Тэнгэрлэг Эцэг, Есүс Христээс дуудлага хүлээн авахдаа үүнийг санах нь яагаад тустай байж болох вэ?
Дуудлага хүлээн авсан хүмүүсийг дэмжин батлахдаа үүнийг санах нь яагаад тустай байж болох вэ?

Ойлголтоо харуулах

Суралцагчдад сурч мэдсэн зүйлээ нэгтгэн дүгнэхэд нь туслахын тулд дараах үйл ажиллагааг хос хосоороо хийж гүйцэтгэхээр ангийг зохион байгуул.

Дараах нөхцөл байдлуудаас нэгийг эсвэл олныг сонгоод, тухайн хүний дуудлагатай холбоотой асуудлыг шийдвэрлэхэд туслах ямар зүйлийг өнөөдөр сурснаа ярилц. Хариулт бүрд судар, Сүмийн удирдагчдын мэдэгдэл эсвэл Елишагийн үйлчлэх дуудлагын талаарх түүхийг судалж байхдаа Сүнснээс хүлээн авсан ойлголтоо оруул.

Шинэ бишопыг дуудаж, дэмжин батлав. Хүү нь түүнийг төгс биш гэдгийг мэддэг.
Залуу эмэгтэйчүүдийн шинэ ерөнхийлөгч үйлчлэхээр дуудагдав. Залуу эмэгтэй өмнөх ерөнхийлөгчтэй маш сайн харилцаатай байсан бөгөөд шинэ ерөнхийлөгчийг огт таньдаггүй байлаа.
Залуу эрэгтэй эсвэл эмэгтэй чуулгынхаа эсвэл ангийнхаа ерөнхийлөгчөөр үйлчлэхээр дуудагдав. Тэдэнд дуудлагаа сайн биелүүлэх хангалттай мэдлэг байхгүй гэж бодогддог.
Нэгэн номлогч өөр хэлээр ярьдаг улсад үйлчлэхээр дуудагдав. Сайн мэдээг хэр үр дүнтэй хуваалцах бол гэж тэд санаа зовж байлаа.

Суралцагчдын хувьд хариултаа бие биетэйгээ хуваалцах арга замуудын талаар бод. Нэг арга зам нь хос бүрийг өөр өөр бүлэгтэй хуваалцуулах юм. Хүн бүрд хуваалцах боломж олгосны дараа та бусад бүлгийн хариултаас таалагдсан зүйлээ хуваалцахад суралцагчдыг урь.

Та өнөөдрийн хичээлээр ярилцсан үнэнүүдийн тухай гэрчилснээр хичээлээ дуусгаж болно.

Нэмэлт эх сурвалж

Хэрэв би өөрийгөө Их Эзэний дуудлагад үйлчлэхэд хангалтгүй гэж үзвэл яах вэ?

Тэргүүн зөвлөлийн ерөнхийлөгч Хэнри Б.Айринг ийн заасан.

15:31

Их Эзэн та нарын үйлчлэх хүмүүсийн өмнө юу хэлж, юу хийхийг тань зааж өгөх болно. … Та нарын юу хэлж, юу хийх нь хүмүүст найдвар авчирч, удирдамж болох болно. Энэ нь бодит чадвар, ойлголтоос тань хавьгүй илүү давсныг та мэдэх болно. Энэ гайхамшиг нь бүхий л эрин үед Их Эзэний Сүмийн таних тэмдэг байсаар ирсэн. (“Rise to Your Call,” Liahona, Nov. 2002, 77)

Санваарын эрх мэдэлтэй үйлчилнэ гэдэг нь юу гэсэн үг вэ?

Тэргүүн зөвлөлийн ерөнхийлөгч Даллин Х.Өүкс дараах туршлагыг хуваалцжээ.

Сүмийн нэг гишүүн миний ажлын өрөөнд хөршөө дагуулан ирэв. Хөршийнх нь нөхөр олон чуулгантай протестант санваартан байлаа. Энэ хос олон жилийн турш Христийн тохинуулалдаа асар их хичээл зүтгэл гарган Их Эзэнд үйлчилсэн юм. Тэрээр тухайн сүмдээ олон хүнд баптисм хүртээсэн нэгэн байв.

Одоо хожмын үеийн гэгээнтэн хөршүүдийнхээ нөлөөгөөр Мормоны Номыг уншиж, Есүс Христийн Хожмын Үеийн Гэгээнтнүүдийн Сүмд хөрвөгдсөн байлаа. Тэр тохинууллаасаа бууж, сэргээгдсэн Сүмд нэгдэхэд бэлэн болсон байв. Гэхдээ түүнд эхлээд эхнэрийнхээ хамт санваарын эрх мэдлийн талаар өөрсдөдөө байгаа асуултын хариуг авах хэрэгтэй байлаа. Нөхөр нь олон хүнд баптисм хүртээснийг эхнэр нь надад сануулаад, “Нөхөрт минь баптисм хүртээсэн бүх хүндээ баптисм хүртээх эрх мэдэл байгаагүй гэж та надад хэлж байна уу?” гэж асуусан юм.

Эдгээр нөхцөл байдалд Сүнсний удирдамжаар би хариултыг нь өгч билээ.

Би: “Үгүй ээ, таны нөхөрт тэр хүмүүст баптисм хүртээх эрх мэдэл байсан гэдэгт би итгэлтэй байна. Сүмээс өгөх боломжтой байсан бүх эрх мэдэл түүнд байсан. Түүнд гэрлэх ёслол гүйцэтгэж, хүмүүсийг чуулганыхаа гишүүн болгож, сүмдээ шинэ дээвэр тавих барилгын ажилчдыг хөлслөх эрх байсан. Гэхдээ энэ нь бидний яриад байгаа эрх мэдэл биш ээ. Таны асуугаад байгаа эрх мэдэл бол Есүсийн Петрт өгсөн, Тэрээр дэлхий дээр хийсэн бүхнийг нь тэнгэрт хүлээн зөвшөөрдөг тэр эрх мэдэл юм (Maтай 16:19-ийг үзнэ үү). Харин тэнгэрлэг эрх мэдэл нь төлөөлөгчидтэй холбогдох ёстой учир энэ нь зөвхөн Есүс Христийн Хожмын Үеийн Гэгээнтнүүдийн Сүмд байдаг” гэж хэлсэн. (“The Sure Witness of Modern Prophets,” Liahona, Oct. 2023, 5)

Эмэгтэйчүүдэд дуудлагаа гүйцэтгэх санваарын хүч, эрх мэдэл байдаг уу?

Халамжийн нийгэмлэгийн ерөнхий ерөнхийлөгч асан Жийн Б.Бингам эгч ийн заасан.

Саяхан бидэнд заасанчлан, санваарын түлхүүрийг атгасан хүний удирдлаган доор онцгойлон адислагдсан эмэгтэй хүн дуудлагаа санваарын эрх мэдлээр гүйцэтгэдэг. …

Хэдийгээр эмэгтэйчүүд санваарын албан тушаалд томилогддоггүй ч, гэрээнүүдээ сахисан нөхцөлд санваарын хүчээр адислагддаг бөгөөд аливаа дуудлагад томилогдохдоо санваарын эрх мэдлээр ажилладаг. (“Бурханы ажлыг гүйцэлдүүлэхдээ эв нэгдэлтэй байх нь,” 2020 оны 4-р сарын Ерөнхий чуулган , 60–63).

Нэмэлт суралцах үйл ажиллагаа

Дуудлагаас чөлөөлөгдөх

Их Эзэн дуудсан хүмүүстээ эрх мэдэл өгч, гэрээгээ сахидаг хүмүүст хүч чадал өгдөг гэдгийг ойлгоход нь суралцагчдад туслахын тулд та тэднээс өөрсдөө эсвэл тэдний таньдаг хэн нэгний дуудлагаас чөлөөлөгдөж байсан үеийн талаар бодохыг хүсэж болно.

Дараа нь Тэргүүн зөвлөлийн ерөнхийлөгч Хэнри Б.Айрингийн дараах бичлэгийн хэсгийг хуваалцахыг бод.

15:31

Энэ нь Их Эзэний дуудлагад үйлчилж байхад хүмүүст байдаг эрх мэдэл, хүчний талаар бидэнд юу зааж байна вэ?

Их Эзэний бошиглогчид итгэх итгэл

Их Эзэн Өөрийн сонгосон бошиглогчдод зорилгуудыг нь гүйцэлдүүлэх хүч, эрх мэдлийг өгдөг. Их Эзэний бошиглогчдод итгэх итгэлээ хэрэгжүүлэхийн ач холбогдлыг ойлгоход нь суралцагчдад туслахын тулд Елиша бэлэвсэн эмэгтэйн тосыг арвижуулан гэр бүлээ аврахад нь тусалсан түүхийг хуваалцаж болно.

2 Хаад 4:1–7-г уншаад, Елиша тэр эмэгтэйд юу хий гэж хэлснийг олж мэдэхэд суралцагчдыг урь. Тэр эмэгтэй Елишагийн зөвлөснөөр итгэлээ хэрхэн хэрэгжүүлснийг мөн тэр эмэгтэйн хүлээн авсан адислалаас Их Эзэний талаар юу сурч болохыг суралцагчдаас асууж болно.

Та ерөнхийлөгч Рассэлл М.Нэлсоны дараах зөвлөгөөг хуваалцаж, Их Эзэний бошиглогчийн зөвлөгөөний дагуу итгэлээр үйлдэх талаар юу сурсныг нь суралцагчдаас асууж болно.

Та нар амьд бошиглогчийн хийж буй мэдэгдэл бүрийг үргэлж ойлгодоггүй байж болно. Гэхдээ та нар бошиглогчийг бошиглогч мөн гэдгийг мэдэх юм бол Их Эзэнд даруухан, итгэлтэй хандаж, Түүний бошиглогчийн тунхагласан юуны ч талаар өөрийн гэсэн гэрчлэлтэй болохыг гуйж болно. (“Жинхэнэ мянган жилийнхэн мэт зогс,” Лиахона, 2016 оны 10-р сар, 53).