Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

1 Mbretërve 18: Zgjedhja për të Ndjekur Zotin

“1 Mbretërve 18: Zgjedhja për të Ndjekur Zotin”, Manuali i Mësuesit të Seminarit për Dhiatën e Vjetër (2026)

“1 Mbretërve 18: Zgjedhja për të Ndjekur Zotin”, Manuali i Mësuesit të Seminarit për Dhiatën e Vjetër

1 Mbretërve 12–13; 17–22: Mësimi 82

1 Mbretërve 18

Zgjedhja për të Ndjekur Zotin

The Old Testament prophet Elijah standing next to an altar. Elijah has his arms extended as he commands fire from heaven to consume the altar.

Sa i/e zotuar je për të ndjekur Perëndinë? Për të demonstruar se Perëndia i Izraelit ishte i vetmi Perëndi i vërtetë, Elija i sfidoi priftërinjtë e Baalit në një garë. Zoti iu përgjigj lutjeve të Elijas dhe triumfoi në garë. Ky mësim mund t’i ndihmojë nxënësit të ndiejnë një dëshirë më të madhe për të ndjekur Zotin.

Përgatitja e nxënësve: Ftojini nxënësit të mendojnë për një ose më shumë raste në jetën e tyre kur ata e dinin se Ati Qiellor ose Jezu Krishti ishte i vërtetë, ose kur e ndien fuqinë e Tyre në jetën e vet. Ose mund të mendojnë për atë që mund të bëjnë për të zbuluar nëse Ati Qiellor dhe Jezu Krishti janë të vërtetë dhe nëse duhet t’i ndjekin plotësisht Ata.

Veprimtari të Mundshme të të Mësuarit

A mund të ndjekim dy ndikime në të njëjtën kohë?

Duke përdorur shirit ngjitës ose ndonjë mjet tjetër, bëni dy vija në dysheme në drejtime të kundërta siç tregohet më poshtë. Kërkojini një nxënësi që të qëndrojë në mes, aty ku afrohen skajet e vijave dhe të vendosë njërën këmbë në secilën vijë.

Simple drawing of a stick figure standing on two blue lines with arrow heads at the end

Kërkojini nxënësit të hedhë nja dy hapa, duke u përpjekur të ecë në të dyja vijat. Pyeteni atë se sa gjatë mendon se mund të jetë i suksesshëm. Nëse është e nevojshme, vini në dukje se, megjithëse është e mundur që dikush të mund të ecë mbi të dyja vijat për një distancë të shkurtër, ai ose ajo nuk do të kishte sukses për shumë gjatë, as nuk do të ecte mirë në asnjërën nga vijat.

Ftojeni nxënësin të kthehet në vendin e vet.

Për këtë mësim, një vijë mund të përfaqësojë udhët e Zotit dhe tjetra mund të përfaqësojë ndikimet e tjera që nuk përputhen me udhët e Zotit.

Cilat janë disa mënyra se si mund të përpiqemi të ndjekim Zotin dhe ndikimet e tjera në të njëjtën kohë?

Elija i sfidon priftërinjtë e Baalit në një garë

Te 1 Mbretërve 18, Elija dëshiroi që mbretëria e Izraelit t’i zotohej plotësisht Zotit. Kishin kaluar rreth tre vjet që nga koha kur Elija e përdori fuqinë e tij vulosëse për të sjellë një thatësirë mbi vend (shih te 1 Mbretërve 17:1). Por Izraeli vazhdoi të adhuronte perënditë e rreme, duke përfshirë Baalin (shih te 1 Mbretërve 18:18). Elija i sfidoi qindra profetët e rremë të Baalit dhe profetët e Asherahut në një garë në malin Karmel për të vërtetuar a ishte Baali apo Jehova Perëndia i vërtetë (shih te 1 Mbretërve 18:19). Para se të fillonte gara, Elija foli me popullin.

Lexo te 1 Mbretërve 18:21, duke kërkuar fjalët e Elijas drejtuar popullit. Fjala lëkund në këtë rast do të thotë të ngurrosh ose të ndalosh.

Çfarë i kërkoi Elija popullit që të bënte?

Plaku D. Tod Kristoferson, i Kuorumit të Dymbëdhjetë Apostujve, e riformuloi thënien e Elijas në këtë mënyrë:

“Sot Elia mund të thotë:

Ose Perëndia, Ati ynë Qiellor, ekziston, ose Ai nuk ekziston, por nëse ekziston, adhurojeni Atë.

Ose Jezu Krishti është Biri i Perëndisë, Shëlbuesi i ringjallur i njerëzimit, ose Ai nuk është, por nëse është, ndiqeni Atë.” (“I Vendosur dhe i Paepur në Besimin te Krishti”, Liahona, nëntor 2018, f. 30)

Çfarë të bën përshtypje nga thëniet e Elijas dhe të Plakut Kristoferson?

Ftojini nxënësit të japin mendimet e tyre. Disa të vërteta që mund të mësojmë, janë:

Zoti na lejon të zgjedhim a do të ndjekim Atë apo perënditë e rreme dhe udhët e padrejta të botës.

Kur e dimë se Ati Qiellor ekziston dhe Jezusi është Krishti, ne duhet të zotohemi për t’i ndjekur Ata.

Përgjigju për pyetjet vijuese në ditarin tënd të studimit:

Sa fort besoj se e kam një Atë në Qiell dhe një Shpëtimtar?
Sa i/e zotuar jam unë për t’i ndjekur Ata?
Çfarë mund të më pengojë që të zotohem për t’i ndjekur Ata plotësisht?

Ndërsa e vazhdon studimin tënd, kërko udhërrëfimin e Frymës së Shenjtë për të të ndihmuar të dish se si mund ta kapërcesh çdo pengesë që mund të të pengojë t’i ndjekësh plotësisht Atin Qiellor dhe Jezu Krishtin.

Gara ndërmjet Baalit dhe Jehovës

Lexo te 1 Mbretërve 18:23–24, duke kërkuar kushtet e garës ndërmjet Elijas dhe profetëve të rremë të Baalit.

Priftërinjtë e Baalit e provuan të parët, duke i thirrur për orë të tëra perënditë e tyre të rreme. Lexo te 1 Mbretërve 18:26–29, duke kërkuar atë që ndodhi.

Çfarë gjete?

Për të mësuar atë që ndodhi kur Elija i thirri Perëndisë, lexo te 1 Mbretërve 18:30–39. Më pas, merr një copë letër dhe ndaje atë në gjysmë. Në njërën gjysmë të letrës vizato një figurë të asaj që ndodhi kur Elija e përgatiti sakrificën e tij dhe i thirri Perëndisë.

Çfarë do të mendoje dhe ndieje po të ishe atje?
Si mund të ndikojë ajo në dëshminë tënde për Zotin dhe në gatishmërinë tënde për ta ndjekur Atë?

Në gjysmën tjetër të letrës, shkruaj ose vizato një figurë të një ose më shumë rasteve në jetën tënde kur e kuptove se Ati Qiellor ose Jezu Krishti ishte real, ose kur e ndjeve fuqinë e Tyre në jetën tënde. Ose mund të shkruash ose vizatosh një figurë të asaj që mund të bësh për të zbuluar nëse Ata janë realë dhe nëse duhet t’i ndjekësh Ata plotësisht.

Pasi nxënësit të kenë mbaruar, merreni parasysh t’u jepni kohë shumë vullnetarëve për ta treguar atë që vizatuan ose shkruan nëse nuk është tepër vetjake. Inkurajimi i shumë nxënësve që të shprehen, mund të japë këndvështrime të ndryshme dhe t’i ndihmojë nxënësit e tjerë të kuptojnë se si mund të ndikojnë tek ata të vërtetat që po mësojnë. Mund të jetë gjithashtu e dobishme të bëni pyetje si ato më poshtë.

Si të ndihmon reflektimi mbi përvojat e tua kur e ke parë fuqinë e Atit Qiellor dhe Jezu Krishtit në jetën tënde, në zotimin tënd për t’i adhuruar dhe ndjekur Ata?
Si mendon, pse ia vlen t’i ndjekësh plotësisht Atin Qiellor dhe Shpëtimtarin, Jezu Krishtin?

Për ta përfunduar këtë mësim, shkruaj në ditarin tënd të studimit se si ndihesh në lidhje me ndjekjen e Atit Qiellor dhe Jezu Krishtit plotësisht. Kërkoje udhërrëfimin e Frymës së Shenjtë për të të ndihmuar t’i kujtosh dhe shprehësh ndjenjat e tua. Mund të përfshish atë që do të doje të bëje ose kujtoje për shkak të këtij mësimi.

Jepni dëshminë tuaj për Atin Qiellor dhe Jezu Krishtin dhe bekimet prej ndjekjes së Tyre plotësisht.

Burime Shtesë

Cilat janë disa mënyra se si ne “lëkunde[m]i midis dy mendimeve” sot?

Plaku Dejvid P. Homer, i Të Shtatëdhjetëve, dha mësim shumë mënyra se si mund të pështjellohemi lidhur me atë se kë të ndjekim:

“Ne jetojmë në një botë me shumë zëra që kërkojnë vëmendjen tonë. Me të gjitha emisionet e jashtëzakonshme të lajmeve, tweet‑et, ditarët në internet, transmetimet zanore nëpërmjet internetit, këshillat bindëse nga Aleksa, Siri dhe të tjerë, mund të na duket e vështirë të dimë se cilëve zëra t’u mirëbesojmë. Nganjëherë ia lëmë një grupi të madh njerëzish udhërrëfimin në jetën tonë, duke menduar se shumica do të na japë burimin më të mirë të së vërtetës. Herë të tjera ‘lëkunde[m]i midis dy mendimeve’ (1 Mbretërve 18:21), duke zgjedhur të mos jemi ‘as [të] ftohtë as [të] ngrohtë’ (Zbulesa 3:15–16). Prapëseprapë në raste të tjera ndjekim atë që është e volitshme, përqendrohemi te një zë apo një çështje e vetme për të na udhërrëfyer, ose mbështetemi vetëm te vetë aftësia jonë për të menduar. …

Ajo që është e përhapur në masë, nuk është gjithmonë ajo që është më e mira. Lëkundja midis dy mendimeve nuk sjell asnjë drejtim. Volia rrallë çon drejt gjërave që kanë rëndësi. Fiksimi te një zë ose një çështje e vetme mund ta dëmtojë aftësinë tonë për të kuptuar. Dhe mbështetja vetëm te mendimi ynë mund të na çojë drejt një mpirjeje të mendimit ngaqë jemi tepër intelektualë. Nëse nuk jemi të kujdesshëm, zërat e gabuar mund të na largojnë nga qendra e ungjillit drejt vendeve ku besimi është i vështirë për t’u mbajtur dhe nuk gjejmë gjë tjetër veç zbrazëtisë, hidhësisë dhe pakënaqësisë. …

Dhe prandaj kemi nevojë të vendosim se cilit, mes gjithë zërave të ndryshëm, do t’i bindemi. A do të ndjekim zërat e pasigurt që përkrahen nga bota, apo do të bëjmë punën e kërkuar për ta lejuar zërin e Atit tonë që të na udhërrëfejë në vendimet tona dhe të na mbrojë nga rreziku?” (“Dëgjimi i Zërit të Tij”, Liahona, maj 2019, f. 41–42, 43)

Si duket mali Karmel?

Profeti Elija dhe profetët e rremë të Baalit u mblodhën në malin Karmel. Figura vijuese e malit Karmel në Izrael mund t’i ndihmojë nxënësit të përfytyrojnë vendin ku Elija thirri të zbriste zjarr nga qielli dhe profetët e rremë të Baalit dështuan.

Veprimtari Plotësuese të të Mësuarit

Një fillim ndryshe

Ftojini nxënësit të përpiqen të bëjnë dy veprimtari në të njëjtën kohë, të tilla si bërja e pompave dhe kërcimeve, ose leximi dhe zhvillimi i një bashkëbisedimi me një shok. Diskutoni arsyen përse përpjekja për të bërë dy gjëra njëkohësisht nuk është e efektshme. Ftojini ata të lexojnë pyetjen e Elijas te 1 Mbretërve 18:21.

“Zot, Un’ Ty do të t’Ndjek”

Merreni parasysh ta filloni mësimin duke kënduar “Zot, Un’ Ty do të t’Ndjek” (Himne, nr. 137).

Përndryshe, pasi të bëni pyetjen “Përse mendon se ia vlen t’i ndiqni plotësisht Atin Qiellor dhe Shpëtimtarin Jezu Krisht?” afër fundit të mësimit, merreni parasysh të këndoni “Zot, Un’ Ty do të t’Ndjek”. Ftojini nxënësit të tregojnë se cilat fjalë ose fraza në këtë himn i frymëzojnë ta ndjekin Zotin.

1 Mbretërve 19:1–12. Zoti flet me Elijan nëpërmjet zërit të qetë, të vogël

Këto vargje te 1 Mbretërve 19 do të jenë tema te Mësimi 162: “Kërkimi i Zbulesës Vetjake për Pyetjet e Mia”, por nëse do të doni gjithashtu të jepni mësim për ta këtu, merreni parasysh idenë vijuese:

Vini një larmi tingujsh për nxënësit dhe ftojini t’i përshkruajnë ata. Disa shembuj mund të jenë një britmë, një erë e fortë, një tërmet dhe një pëshpëritje. Ftojini nxënësit të thonë se çfarë është e domosdoshme për ta dëgjuar dhe dalluar secilin tingull.

Pas garës së Elijas me priftërinjtë e Baalit, priftërinjtë e ligj u vranë dhe Elija e përdori fuqinë e Perëndisë për të sjellë shiun, duke u dhënë fund viteve të thatësirës (shihni te 1 Mbretërve 18:40–45). Edhe pas zjarrit si mrekulli nga qielli dhe shiut, Jezebeli u betua se do të hakmerrej ndaj Elijas, duke bërë që Elija t’ia mbathte dhe fshihej në një guvë (shihni te 1 Mbretërve 19:1–8).

Lexoni te 1 Mbretërve 19:9–13, duke kërkuar mënyrën se si komunikoi Zoti me Elijan.

Çfarë mund të mësojmë nga ky tregim për mënyrën se si Zoti shpesh komunikon me ne?

Nëse është e dobishme, ftojini nxënësit të qëndrojnë urtë e qetë për 30 sekonda dhe të mbajnë vesh për ndonjë tingull që nuk e vutë re më parë. Pyetini se si kjo veprimtari e ilustron atë që duhet të bëjmë për të marrë mesazhet që mund të na japë Zoti nëpërmjet zërit të qetë, të vogël të Shpirtit.

Çfarë ju ndihmon ta dalloni dhe dëgjoni zërin e qetë, të vogël që ju flet?
Çfarë bekimesh keni dalluar për shkak të ndikimit të Shpirtit në jetën tuaj?

Pasi nxënësit të flasin, merreni parasysh të tregoni edhe përvojat dhe dëshminë vetjake.