Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Kërkimi i Zbulesës Vetjake për Pyetjet e Mia: Kuptueshmëria e Mënyrës se si Ju Flet Zoti

“Kërkimi i Zbulesës Vetjake për Pyetjet e Mia: Kuptueshmëria e Mënyrës se si Ju Flet Zoti”, Manuali i Mësuesit të Seminarit për Dhiatën e Vjetër (2026)

“Kërkimi i Zbulesës Vetjake për Pyetjet e Mia: Kuptueshmëria e Mënyrës se si Ju Flet Zoti”, Manuali i Mësuesit të Seminarit për Dhiatën e Vjetër

Zotërimi Doktrinor: Gjetja e Përgjigjeve për Pyetjet e Mia: Mësimi 162

Kërkimi i Zbulesës Vetjake për Pyetjet e Mia

Kuptueshmëria e Mënyrës se si Ju Flet Zoti

Ati Qiellor dëshiron tʼua zbulojë mendjen dhe vullnetin e Tij fëmijëve të Tij. Dijenia për këtë mund të ndihmojë ndërsa kërkojmë përgjigje për pyetjet tona, marrim vendime të rëndësishme dhe përpiqemi të bëhemi dishepuj më të mirë të Jezu Krishtit. Ky mësim mund t’i ndihmojë nxënësit të kuptojnë se si mund të marrin udhërrëfim dhe zbulesë nga Ati Qiellor nëpërmjet Frymës së Shenjtë.

Përgatitja e nxënësve: Ftojini nxënësit të lexojnë “Recognizing the Promptings of the Holy Ghost” [“Dallimi i Nxitjeve të Frymës së Shenjtë”] nga pjesa “Zbulesa” tek Tema dhe Pyetje në programin Gospel Library [Biblioteka e Ungjillit]. Ndërsa nxënësit lexojnë, ata mund të mendojnë për pyetjet që kanë rreth marrjes së zbulesës nga Ati Qiellor. Ata mund t’i sjellin pyetjet e tyre në orën mësimore. Si një alternativë përpos përdorimit të burimit Tema dhe Pyetje, nxënësit mund të lexojnë te Joseph Smith – Historia 1:10–13 dhe të kërkojnë atë që bëri Jozef Smithi për të kërkuar dhe për t’u përgatitur për të marrë zbulesë.

Veprimtari të Mundshme të të Mësuarit

Dallimi i zërave

Ndërsa nxënësit vijnë në klasë, caktojuni disave prej tyre një numër të ndryshëm me udhëzimet vijuese: “Kur ta thërras numrin tënd, të lutem thuaj: ‘Zoti na flet nëpërmjet Frymës së Shenjtë’”. Shpjegoni se kur thirret numri i tyre, ata mund të zgjedhin ta thonë frazën me një pëshpëritje ose me zërin e zakonshëm.

Për ta filluar orën mësimore, ftojini nxënësit të mbyllin sytë. Shpjegoni se ata do të përpiqen t’i identifikojnë shokët e tyre të klasës duke dëgjuar zërat e tyre. Thërritni numra të ndryshëm me radhë. Pasi çdo nxënës, numrin e të cilit thërrisni, e thotë frazën, ftojeni pjesën tjetër të klasës të ngrejë dorën nëse e di se kush foli.

Pastaj bëni pyetjet vijuese:

A ishte e lehtë ose e vështirë të identifikoje se kush po fliste? Përse?
Përse mund të jetë e vështirë për një vizitor në klasën tonë të identifikojë se kush foli?

Paraqitni vetëvlerësimin vijues dhe ftojini nxënësit të mendojnë për përgjigjet e tyre.

Përsiati përgjigjet e tua për pyetjet vijuese. Nëse dëshiron, mund t’i shënosh disa nga mendimet e tua në ditarin tënd të studimit.

Sa i/e sigurt jam që e dalloj zërin e Zotit në jetën time?
Çfarë pyetjesh kam rreth marrjes së zbulesës nga Ati Qiellor?

Merreni parasysh të dëshmoni se Ati Qiellor dëshiron t’i flasë secilit prej fëmijëve të Tij. Shpjegoni se, ndërsa kërkojmë zbulesë, Ai do të na ndihmojë që të na shtohet siguria në dallimin e zërit të Tij dhe në marrjen e përgjigjeve dhe udhërrëfimit nga Ai.

Një zë i qetë, i ulët

Ndërkohë që largohej nga njerëzit që kërkonin ta vrisnin, Elija profeti u fsheh në një shpellë (shih te 1 Mbretërve 19:1–10). Ndërkohë që ishte atje, Zoti i foli atij.

Lexo te 1 Mbretërve 19:9–12, duke kërkuar atë që mësoi Elija rreth mënyrës se si mund të komunikojë Zoti me ne.

Çfarë mëson rreth Zotit nga përvoja e Elijas?

Ndihmojini nxënësit të përcaktojnë se një nga mënyrat se si Zoti komunikon me ne është nëpërmjet zërit të qetë, të ulët të Frymës së Shenjtë.

Disa nxënës mund të pyesin veten a do t’u flasë Perëndia vërtet atyre dhe mund të mos dinë se si ta dallojnë kur Ai e bën. Thënia dhe veprimtaria vijuese e studimit për kapitullin tek 3 Nefi 11 ndihmojnë të trajtohen këto shqetësime.

Presidenti Rasëll M. Nelson dha mësim:

“Ne mund t’i lutemi Atit tonë Qiellor dhe të marrim udhërrëfim e drejtim.… Nëse me të vërtetë do ta marrim Frymën e Shenjtë dhe do të mësojmë t’i dallojmë e kuptojmë nxitjet e Tij, ne vërtet do të udhërrëfehemi në çështje të mëdha e të vogla.

…A do Perëndia vërtet të flasë me ju? Po!” (“Zbulesë për Kishën, Zbulesë për Jetën Tonë”, Liahona, maj 2018, f. 94–95)

Merreni parasysh t’i vendosni nxënësit në dyshe për të lexuar vargjet vijuese. Për t’i ndihmuar nxënësit të studiojnë, ftojini ata të ndalojnë pasi ta lexojnë secilin varg dhe ta diskutojnë me partnerin e tyre të leximit atë që gjejnë që mund të na ndihmojë ta dëgjojmë dhe ta dallojmë zbulesën nga Perëndia.

Lexo tek 3 Nefi 11:1–7, duke kërkuar atë që mund të mësojmë rreth dëgjimit dhe dallimit të zbulesës nga Perëndia.

Çfarë mësove rreth marrjes së zbulesës nga ky rrëfim?

Dallimi i zbulesës nga Perëndia

Shpjegoni se një nga mënyrat se si mund të mësojmë ta dallojmë zërin e Zotit në jetën tonë është të kuptojmë mënyrat e ndryshme se si Ai mund të komunikojë me ne. Për të ndihmuar që nxënësit të përgatiten për të mësuar se si mund të komunikojë Zoti me ne, merreni parasysh t’u tregoni atyre një telefon inteligjent ose të paraqitni një figurë të një telefoni dhe ta shkruani pyetjen vijuese në tabelë.

Cilat janë disa mënyra se si mund të marrësh mesazhe nëpërmjet një telefoni inteligjent?

Përgjigjet e mundshme përfshijnë telefonatën, dërgimin e mesazheve me tekst, dërgimin e mesazheve brenda programeve, madje edhe figurat që zgjedhim për të paraqitur në telefonat tanë. Pas një diskutimi të shkurtër për pyetjen më sipër, fshijeni frazën “një telefon inteligjent” dhe zëvendësojeni atë me “Fryma e Shenjtë”.
Cilat janë disa mënyra se si mund të marrësh mesazhe nëpërmjet Frymës së Shenjtë?
Cilat janë disa mënyra se si marrja e mesazheve nga Fryma e Shenjtë është ndryshe nga marrja e mesazheve në një telefon inteligjent?

Nëse mendoni se veprimtaria vijuese e studimit të shkrimeve të shenjta mund të jetë e vështirë për nxënësit tuaj, nëse doni, mund të lexoni fragmentin e parë dhe ta pyesni klasën se çfarë mësimi jep vargu rreth mënyrave se si mund ta dallojmë kur Perëndia po na flet nëpërmjet Frymës së Shenjtë. Nëse e lexoni fragmentin, mund t’i ndihmoni nxënësit të kuptojnë nga ky varg se ne mund ta dimë se Ai po komunikon nëpërmjet Frymës së Shenjtë kur ndiejmë një rritje të urtësisë, kuptueshmërisë ose njohurisë. Nxënësit mund të studiojnë më pas disa nga shkrimet e tjera të shenjta vijuese në dyshe ose në grupe të vogla. Nuk është nevoja që nxënësit t’i studiojnë të gjitha këto shkrime të shenjta.

Studio disa nga referencat vijuese të shkrimit të shenjtë. Për çdo referencë që studion, përcakto mënyrat se si mund ta dallojmë kur Perëndia na flet nëpërmjet Frymës së Shenjtë. Shkruaji referencat që studiove dhe atë që mësove në ditarin tënd të studimit.

Eksodi 31:3

Gjoni 14:26–27

Gjoni 16:13

Galatasve 5:22–23

Doktrina e Besëlidhje 6:21–23

Doktrina e Besëlidhje 8:2–3

Doktrina e Besëlidhje 11:12–13

Joseph Smith – Historia 1:11–12

Si mund të na ndihmojë kuptueshmëria e mënyrave të ndryshme se si Ati Qiellor komunikon me ne nëpërmjet Frymës së Shenjtë, që ta dallojmë zbulesën prej Tij?

Perëndia të flet

Për t’i ndihmuar nxënësit të japin përgjigjet e tyre për skenarin vijues, ata mund t’i përgjigjen pyetjes më poshtë me një partner. Kjo do t’i japë çdo nxënësi mundësinë për ta treguar atë që ka mësuar.

Përndryshe, mund të ftoni dy nxënës përpara klasës që të interpretojnë skenarin. Një nxënës mund të japë përgjigjen e tij ose të saj. Të dy nxënësit mund të zgjedhin më pas dy nxënës të rinj për të interpretuar skenarin. Ju mund ta përsëritni këtë disa herë.

Imagjino sikur skenari vijues ndodh këtë të diel:

Gjatë mbledhjes së sakramentit, një folës citoi Presidentin Rasëll M. Nelson kur tha: “‘A do Perëndia vërtet të flasë me ju? Po!’” (“Zbulesë për Kishën, Zbulesë për Jetën Tonë”, Liahona, maj 2018, f. 95). Ndërsa largoheni nga kisha pas mbledhjes, shoku yt të thotë: “Do të doja ta dalloja udhërrëfimin dhe zbulesën nga Perëndia në jetën time, por nuk jam i sigurt se si.”

Çfarë do t’i thoshe shokut tënd bazuar në atë që ke mësuar nga Fryma e Shenjtë dhe rreth Tij sot?

Merreni parasysh të jepni dëshminë tuaj rreth dëshirës së Zotit për të na folur nëpërmjet shushuritjes së Frymës së Shenjtë.

Burime Shtesë

Përse është e rëndësishme ta dallosh mënyrën se si flet Shpirti?

Presidenti Rasëll M. Nelson tregoi:

“Në ditët e ardhshme, nuk do të jetë e mundur të mbijetojmë shpirtërisht pa ndikimin udhërrëfyes, drejtues, ngushëllues dhe të vazhdueshëm të Frymës së Shenjtë.” (“Zbulesë për Kishën, Zbulesë për Jetën Tonë”, Liahona, maj 2018, f. 96)

Si më flet Fryma e Shenjtë?

Plaku Ronald A. Rasband, i Kuorumit të Dymbëdhjetë Apostujve, shpjegoi:

“Përvoja ime ka qenë se Shpirti më së shumti komunikon si një ndjenjë. Ju e ndieni atë në fjalë që janë të njohura për ju, që kanë kuptim për ju, që ju nxitin. … Zëri i Shpirtit të Shenjtë është i qetë dhe i ulët.” (“Shpirti i Shenjtë na Udhëzoftë”, Liahona, maj 2017, f. 94)

Plaku Dejvid P. Homer, i Të Shtatëdhjetëve, shpjegoi:

10:19

“Shpirti u flet njerëzve të ndryshëm në mënyra të ndryshme dhe Ai mund t’i flasë të njëjtit person në mënyra të ndryshme në raste të ndryshme. Si rrjedhojë, mësimi i mënyrave të shumta se si na flet Ai, është një detyrë për tërë jetën. Nganjëherë Ai na flet ‘në mendjen [tonë] dhe në zemrën [tonë]’ (Doktrina e Besëlidhje 8:2–3) me një zë që është i vogël, por i fuqishëm, duke i shpuar ‘ata që e dëgjo[jnë] deri në qendër’ (3 Nefi 11:3). Herë të tjera mbresat e Tij e ‘pusht[ojnë] mendjen [tonë]’ ose ‘ndiko[jnë] në ndjenjat [tona]’ (Doktrina e Besëlidhje 128:1). Herë të tjera kraharori ynë do të ‘digjet përbrenda’ (Doktrina e Besëlidhje 9:8). Ende herë të tjera Ai i mbush shpirtrat tanë me gëzim, e ndriçon mendjen tonë ose i flet paqe zemrës sonë të shqetësuar.” (“Dëgjimi i Zërit të Tij”, Liahona, maj 2019, f. 42)

Nga e di unë nëse Fryma e Shenjtë po më flet mua apo nëse janë vetë mendimet e mia?

Plaku Dejvid A. Bednar, i Kuorumit të Dymbëdhjetë Apostujve, shpjegoi:

8:12

Veprimtari Plotësuese të të Mësuarit

Fillim ndryshe

Para orës mësimore, ftojini prindërit e nxënësve tuaj t’ju telefonojnë në celularin tuaj dhe t’ju dërgojnë një mesazh që thotë: “Unë jam një fëmijë i Perëndisë.” Më pas mund t’i dëgjoni këto mesazhe me radhë dhe të shihni nëse nxënësit mund të gjejnë se kush e dërgoi mesazhin. Nxënësit mund t’u përgjigjen më pas pyetjeve vijuese:

A ishit në gjendje ta dallonit zërin? Përse po ose përse jo?
Çfarë do t’jua rriste aftësinë për ta dalluar zërin?

Përndryshe, mund të shfaqni materialin filmik “Finding Strength in Challenging Times!” [“Të Gjejmë Forcë në Kohë Sfidash!”] nga kodi kohor 1:53 deri në 3:25. Plaku Alen F. Paker, i Të Shtatëdhjetëve, tregoi mënyrën se si mund ta dallonte zërin e trajnerit të tij të futbollit përmbi zhurmën e adhuruesve dhe lojtarëve në një ndeshje futbolli. Mund t’i përshtatni pyetjet më lart për të diskutuar përvojën e Plakut Paker.

10:35

Të rritim aftësinë tonë për të marrë zbulesë

Nëse mendoni se nxënësit tuaj do të kishin dobi nga të mësuarit më shumë rreth mënyrës se si ata mund të marrin zbulesë nga Ati Qiellor, merreni parasysh të paraqitni thënien vijuese nga Presidenti Rasëll M. Nelson.

“Ju nxit të shtriheni përtej aftësisë suaj të tanishme shpirtërore për të marrë zbulesë vetjake.” (Zbulesë për Kishën, Zbulesë për Jetën Tonë”, Liahona, maj 2018, f. 95)

Më pas nxënësit mund të kërkojnë disa nga parimet që jepen te “Pranojeni se Zbulesa Është një Proces” (Tema dhe Pyetje, Gospel Library [Biblioteka e Ungjillit]) dhe të përcaktojnë gjërat që mund të bëjnë adoleshentët për të përmirësuar aftësinë e tyre për të marrë zbulesë nga Ati Qiellor.

Shembull, telefoni inteligjent

Nëse mendoni se nxënësit mund të kenë dobi nga bërja e krahasimeve shtesë ndërmjet një telefoni inteligjent dhe Frymës së Shenjtë, mund të paraqitni sa vijon pas pyetjes “Cilat janë disa mënyra se si mund të merrni mesazhe me anë të një telefoni inteligjent?” në mësim:

Çfarë mund ta pengojë marrjen e mesazheve nga një telefon inteligjent?
Çfarë mund ta rritë aftësinë tuaj për të marrë mesazhe në një telefon inteligjent?

Nxënësit mund t’i përgjigjen shkurtimisht çdo pyetjeje përpara se ta ndryshoni fundin në “Fryma e Shenjtë”. Më pas nxënësit mund të shpenzojnë kohë duke iu përgjigjur pyetjeve të reja. Mund t’i ftoni gjithashtu ata të reflektojnë mbi mënyrën se si mund t’u përgjigjen personalisht pyetjeve.

Përvojat e udhëheqësve të Kishës

Për t’i ndihmuar nxënësit të shohin përvojat shtesë të të tjerëve me dëgjimin e zërit të Atit Qiellor, ju mund të shihni përvoja nga udhëheqësit e Kishës nga seria e materialeve filmike Dëgjojeni Atë te ChurchofJesusChrist.org.

Një shembull është “How I #HearHim: President Camille N. Johnson” [“Mënyra se si e Dëgjoj Unë Atë: Presidentja Kamill N. Xhonson”]. Presidentja Kamill N. Xhonson, Presidente e Përgjithshme e Shoqatës së Ndihmës, tregoi mënyrën se si ajo e dëgjoi zërin e Zotit nëpërmjet fjalëve të të tjerëve.

2:7