Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Të Vepruarit me Besim për të Gjetur Përgjigje: Ecja Përpara, Mirëbesimi te Zoti

“Të Vepruarit me Besim për të Gjetur Përgjigje: Ecja Përpara, Mirëbesimi te Zoti”, Manuali i Mësuesit të Seminarit për Dhiatën e Vjetër (2026)

“Të Vepruarit me Besim për të Gjetur Përgjigje: Ecja Përpara, Mirëbesimi te Zoti”, Manuali i Mësuesit të Seminarit për Dhiatën e Vjetër

Zotërimi Doktrinor: Mësimi 163

Të Vepruarit me Besim për të Gjetur Përgjigje

Ecja Përpara, Mirëbesimi te Zoti

A young woman in a green striped shirt and black skirt leans down to hug her friend who is sitting in a wheelchair.

Mund të jetë sfiduese të presim vullnetin dhe kohën e Atit Qiellor për të marrë përgjigje për pyetjet tona për ungjillin. Shumë tregime të Dhiatës së Vjetër demonstrojnë mënyrën se si ndjekësit e Perëndisë vazhduan të bënin zgjedhje që demonstruan besimin dhe mirëbesimin e tyre tek Ai ndërkohë që kërkonin përgjigje. Ky mësim mund t’i ndihmojë nxënësit të veprojnë me besim te Jezu Krishti teksa kërkojnë përgjigje për pyetjet e tyre për ungjillin.

Përgatitja e nxënësve: Ftojini nxënësit t’i përsëritin paragrafët 5–7 te pjesa “Marrja e Njohurisë Shpirtërore” e materialit Dokumenti Bazë i Zotërimit Doktrinor (2023). Ata mund të përgatiten për të treguar përse mendojnë se veprimet tona janë të rëndësishme kur kërkojmë përgjigje për pyetjet ose shqetësimet rreth ungjillit.

Veprimtari të Mundshme të të Mësuarit

Duke pritur Zotin për përgjigje ndaj pyetjeve

Merreni parasysh të paraqitni figura nga disa tregime të Dhiatës së Vjetër të njerëzve që vepruan me besim te Zoti. Mund t’u caktoni grupeve të vogla të nxënësve që të studiojnë një fragment të shkrimit të shenjtë që shkon me një nga figurat. Ju mund të përzgjidhni tregime të tilla si:

Gruaja besnike nga Sarepta gjatë zisë së bukës (1 Mbretërve 17:7–12).
Naamani duke kërkuar shërim nga lebra e tij (2 Mbretërve 5:1–3, 9–10).
Thirrja e Enokut për të predikuar ungjillin (Moisiu 6:26–28, 31).

Nxënësit mund të lexojnë pjesën e tregimit që paraqet situatën sfiduese (referencat në kllapat më sipër) dhe mund t’u përgjigjen pyetjeve vijuese. (Më pas në mësim nxënësit do të studiojnë mënyrën se si këta individë vepruan me besim.)

Si kërkuan rrethanat e këtij personi besim te Zoti?
Me çfarë shqetësimesh ose rrethanash mund të përballen adoleshentët sot që u kërkojnë atyre të veprojnë sipas besimit të tyre te Zoti?

Nëse do të ishte e dobishme për nxënësit që të përcaktojnë shembuj të ditëve të sotme të pyetjeve, mund të shfaqni materialin filmik “Veproni me Besim: Gurgdhendësi” (4:57), nga kodi kohor 0:00 deri në 1:48 dhe t’i ftoni nxënësit të kërkojnë situatat sfiduese me të cilat u përballën këta dy adoleshentë. Merreni parasysh t’i ndihmoni nxënësit të përcaktojnë pyetjet që patën adoleshentët. Mund t’i ftoni nxënësit t’i shkruajnë pyetjet në njërën gjysmë të tabelës.

4:56

Pasi nxënësit të kenë përcaktuar disa pyetje, mund t’i ftoni ata të përgjigjen në ditarët e tyre të studimit për sa vijon.
Kur ke pasur ti ose dikush që ti njeh pyetje ose shqetësime rreth ungjillit?
Cilat janë disa gjëra që ke bërë ose mund t’i bësh për t’u ndier afër Shpëtimtarit kur ke shqetësime ose pyetje për ungjillin?

Është normale të kesh pyetje ose shqetësime rreth Atit Qiellor, Jezu Krishtit ose ungjillit të Tyre. Të tre parimet e Marrjes së Njohurisë Shpirtërore mund të na ndihmojnë t’i kapërcejmë pyetjet ose shqetësimet e vështira. Këto parime mund të na ndihmojnë të kuptojmë mënyrën se si të qëndrojmë pranë Atit Qiellor dhe Jezu Krishtit ndërsa kërkojmë përgjigje.

Besimi është një parim veprimi

Mund t’u thoni nxënësve se mësimi i sotëm do të përqendrohet te parimi i parë: Veproni me besim. Merreni parasysh ta shkruani të vërtetën e paplotë vijuese në tabelë: Kur përballemi me pyetje ose shqetësime për ungjillin, ne mund të veprojmë me besim te Jezu Krishti duke…

Mund ta kopjoni grafikun vijues në tabelë, duke i ftuar nxënësit të gjejnë të paktën një mënyrë për ta plotësuar të vërtetën e theksuar me të zezë nga secili paragraf.

Lexoji paragrafët 5, 6 dhe 7 të pjesës “Marrja e Njohurisë Shpirtërore” të materialit Dokumenti Bazë i Zotërimit Doktrinor (2023), duke kërkuar mënyra për ta plotësuar thënien në tabelë.

	Kur përballemi me pyetje ose shqetësime për ungjillin, ne mund të veprojmë me besim te Jezu Krishti duke…
Paragrafi 5
Paragrafi 6
Paragrafi 7

Duke përdorur secilin paragraf, si do ta plotësoje thënien në tabelë?
A ka mënyra të tjera për të vepruar me besim te Jezu Krishti që do t’i shtoje në këtë listë?

Nxënësit mund ta plotësojnë thënien me fraza të tilla si:

… vazhduar t’i zbatojmë urdhërimet. (Paragrafi 5)

… u mbështetur në atë që tashmë e dimë se është e vërtetë. (Paragrafi 6)

… mirëbesuar tek Ati Qiellor derisa të marrim përgjigje. (Paragrafi 7)

Ju mund ta përdorni sa vijon për t’u dhënë nxënësve një mundësi që ta vlerësojnë mënyrën se sa mirë mendojnë se mund ta përdorin secilën prej këtyre tri thënieve për të trajtuar pyetjet ose shqetësimet e tyre në lidhje me ungjillin.

Ndalu një çast për të reflektuar mbi këto mënyra për të vepruar me besim te Jezu Krishti kur ke pyetje. Në një shkallë nga 1 (pak) deri në 5 (shumë), sa i sigurt ndihesh për të vepruar me besim te Shpëtimtari në këto mënyra? Kushtoji vëmendje nxitjeve nga Shpirti për të ndihmuar të rritet besimi yt në vetvete në fushat ku e kupton se mund të përmirësohesh.

Veprimet që tregojnë besimin tonë te Jezu Krishti

Imagjino sikur të ftuan t’i japësh këshillë dikujt që pati pyetje ose shqetësime në lidhje me ungjillin. Përzgjidh të paktën dy nga sa vijon për t’i plotësuar:

Përcaktoji mënyrat se si mund të veprojë ky person me besim te Jezu Krishti duke iu përgjigjur pyetjeve vijuese:
- Çfarë urdhërimesh mund të vazhdojë të zbatojë ai ose ajo?
- Çfarë do të shpresoje që të dinte ose të kujtonte ky person rreth Atit Qiellor dhe Jezu Krishtit?
- Çfarë mund të bëjë ai ose ajo për të demonstruar mirëbesimin tek Ata?
Gjej të paktën një fragment të zotërimit doktrinor ose fragment tjetër të shkrimit të shenjtë që mund ta ndihmojë këtë person të veprojë me besim te Jezu Krishti.
Gjej një thënie nga një udhëheqës i Kishës që mund ta ndihmojë këtë person të veprojë me besim te Jezu Krishti.

Pas një kohe të mjaftueshme, ftojini nxënësit t’ia tregojnë një partneri këshillën që mund të japin. Ju gjithashtu mund t’u jepni nxënësve një mundësi për të treguar përvojat që ata kanë pasur duke vepruar me besim te Jezu Krishti ndërkohë që kërkojnë përgjigjet ose bekimet e ungjillit.

Bëj një plan për të vepruar me besim

Merreni parasysh t’i ftoni nxënësit të bëjnë një plan për të vepruar me besim te Jezu Krishti kur përballen me pyetje ose shqetësime rreth ungjillit. Një mënyrë për ta bërë këtë është të jepni nxitjet vijuese të cilave duhet t’u përgjigjen në ditarët e tyre të studimit. Nëse jua lejon koha, mund t’i ftoni nxënësit e gatshëm ta tregojnë atë që shkruan.

Diçka që dua të kujtoj rreth të vepruarit me besim te Jezu Krishti është .
Një gjë që dëshiroj ta bëj për të vepruar me besim te Jezu Krishti herën tjetër që lindin pyetje ose shqetësime është .

Burime Shtesë

Përse janë veprimet e mia të rëndësishme kur kam pyetje rreth ungjillit?

Plaku Dejll G. Renland, i Kuorumit të Dymbëdhjetë Apostujve, dha mësim:

13:52

“Besimi thellohet kur veprojmë në mënyra që na ankorojnë në mënyrë më të patundur te [Jezu Krishti].

Tani, do të ishte bukur sikur rritja e besimit të transmetohej ashtu si gripi ose ftohja e zakonshme. Atëherë, një ‘teshtimë [e thjeshtë] shpirtërore’ do të ndërtonte besim tek të tjerët. Por nuk funksionon në atë mënyrë. Mënyra e vetme se si besimi rritet, është që një individ të veprojë me besim. Këto veprime shpesh nxiten nga ftesat që u bëjmë të tjerëve, por ne nuk mund ta ‘rritim’ besimin e dikujt tjetër ose të mbështetemi vetëm tek të tjerët për ta fuqizuar besimin tonë. Në mënyrë që besimi ynë të rritet, ne duhet të zgjedhim veprime që ndërtojnë besimin, të tilla si lutja, studimi i shkrimeve të shenjta, marrja e sakramentit, zbatimi i urdhërimeve dhe shërbimi ndaj të tjerëve.” (“Zotim i Patundur ndaj Jezu Krishtit”, Liahona, nëntor 2019, f. 23)

Si mund të mbështetem tek ajo që di tashmë?

Presidenti Xhefri R. Holland, i Kuorumit të Dymbëdhjetë Apostujve, tregoi:

14:43

“Kur problemet vijnë dhe pyetjet dalin, mos e filloni kërkimin tuaj për besim duke thënë sa shumë nuk keni, duke u udhëhequr nga ‘mosbesimi’ juaj. Është si të përpiqeshit ta mbushnit një pulë nga sqepi! Më lejoni të jem i qartë në këtë pikë: nuk po ju kërkoj të shtireni për besimin që nuk e keni. Unë po ju kërkoj të jeni të vërtetë ndaj besimit që vërtet e keni. Nganjëherë ne veprojmë sikur një shprehje e ndershme e dyshimit është një shfaqje më e lartë e kurajës morale sesa është një shpallje e ndershme e besimit. Nuk është! Kështu le të kujtojmë të gjithë mesazhin e qartë të këtij tregimi të shkrimit të shenjtë: Jini aq i sinqertë me pyetjet tuaja sa është e nevojshme të jini; jeta është plot me pyetje për një temë apo një tjetër. Por nëse ju dhe familja juaj dëshironi të shëroheni, mos i lejoni ato pyetje t’i zënë udhën besimit për të mos e kryer mrekullinë e tij.” (“Unë Besoj, o Zot”, Liahona, maj 2013, f. 94)

Plaku Nil L. Andersen, i Kuorumit të Dymbëdhjetë Apostujve, tregoi:

32:25

“Më pëlqen mësimi që Presidenti Dallin H. Ouks ia dha të birit, kur i biri bëri një pyetje që nuk ishte e shpjeguar qartë në doktrinën e Krishtit. Përgjigjja e tij: ‘Bir, nuk e di përgjigjen e asaj pyetjeje, por më lejo t’i përgjigjem një pyetjeje që ia di vërtet përgjigjen’. Ai më pas dëshmoi për Profetin Jozef Smith dhe Vegimin e Parë. Le të jemi të gatshëm të themi: ‘Nuk di për këtë gjë, por kjo është ajo që vërtet e di’.” (“Fuqia e Jezu Krishtit dhe e Doktrinës së Kulluar”, [transmetim i Sistemit Arsimor të Kishës, 11 qershor 2023], broadcasts.ChurchofJesusChrist.org).

Veprimtari Plotësuese të të Mësuarit

Shembuj të tjerë të të vepruarit me besim te Krishti nga Dhiata e Vjetër

Shembujt e tjerë të të vepruarit me besim nga Dhiata e Vjetër mund të gjenden në tregimet vijuese. Fragmentet e shkrimit të shenjtë janë organizuar për përdorim krahas ose në vend të tregimeve për besimin të përdorura në mësim.

Situatë sfiduese	Të vepruarit me besim te Zoti
Situatë sfiduese Izraelitët që kalojnë lumin Jordan (Jozueut 3:9–13)	Të vepruarit me besim te Zoti Jozueut 3:14–17
Situatë sfiduese Gideoni duke u përgatitur për të luftuar kundër madianitëve (Gjyqtarët 7:2–8)	Të vepruarit me besim te Zoti Gjyqtarët 7:16–21
Situatë sfiduese Esteri që del përpara mbretit (Esterit 4:7–14)	Të vepruarit me besim te Zoti Esterit 4:15–17; 5:1–3

Plaku Dejvid A. Bednar, i Kuorumit të Dymbëdhjetë Apostujve, përdor tregimin e Jozueut për të dhënë mësim rreth nevojës për të vepruar me besim. Ju mund t’u tregoni nxënësve materialin filmik të mesazhit të tij “Exercise Faith in Christ” [“Ushtroni Besim te Jezu Krishti”] (1:43).

1:51

Dhënia e ideve për të vepruar me besim

Për t’i ndihmuar nxënësit të bëjnë një plan për të vepruar me besim, mund të jetë e dobishme të krijoni një grafik në tabelë që nxënësit t’ua tregojnë me lehtësi idetë shokëve të tjerë të klasës. Mund të vizatoni një grafik të rrjedhës në tabelë me “Veproni me Besim” si ide kryesore dhe tri degë me emërtime për secilën prej tri thënieve. Pas veprimtarisë së studimit, nxënësit mund të vijnë në tabelë dhe të shkruajnë idetë e mënyrës se si një adoleshent mund të veprojë me besim në secilën prej këtyre fushave. Mund të siguroni edhe pusulla ngjitëse për nxënësit që të shkruajnë idetë e tyre dhe t’i vendosin ato nën secilën thënie. Ftojini nxënësit të vijnë në tabelë dhe t’i shqyrtojnë idetë që dhanë shokët e tyre të klasës para se të bëjnë planin e tyre.