“1 Mbretërve 12–13; 17–22: Vështrim i Përgjithshëm”, Manuali i Mësuesit të Seminarit për Dhiatën e Vjetër (2026)
“1 Mbretërve 12–13; 17–22: Vështrim i Përgjithshëm”, Manuali i Mësuesit të Seminarit për Dhiatën e Vjetër
1 Mbretërve 12–13; 17–22
1 Mbretërve 12–13; 17–22
Vështrim i Përgjithshëm
Gjatë një zie buke, profeti Elija i kërkoi një të veje në Sareptë t’ia jepte atij sasinë e fundit të ushqimit të saj. Vejusha veproi me besim dhe Zoti e bekoi që vaji dhe mielli i saj të mos mbaronin. Elija i sfidoi priftërinjtë e Baalit në një garë për të vërtetuar se Perëndia i Izraelit ishte i vetmi Perëndi i vërtetë. Zoti dërgoi zjarr nga qielli për t’iu përgjigjur lutjeve të Elijas dhe për të triumfuar në garë.
Vëzhgoni cilësitë e ngjashme me të Krishtit te nxënësit. Në përpjekjet tona për t’i ndihmuar nxënësit të bëhen më shumë si Jezu Krishti, duke vënë në dukje cilësitë e ngjashme me të Krishtit që i shohim tek ata, ne mund t’i ndihmojë ata të shohin ecurinë e madhe që po bëjnë tashmë. Një shembull i kësaj zotësie gjendet te Mësimi 82: “1 Mbretërve 18”. Për ide të tjera mbi mënyrën se si të merrni frymëzim për t’i ndihmuar nxënësit të bëhen më shumë si Jezu Krishti, shihni te “Ndihmojini Nxënësit të Përpiqen Qëllimisht që të Jenë më Shumë si Jezu Krishti” (Mësimdhënia sipas Mënyrës së Shpëtimtarit [2022], f. 9).
Përgatituni të Jepni Mësim
Informacioni i mëposhtëm ju siguron ide mbi ato që mund të nevojitet të përgatitni paraprakisht për çdo mësim.
1 Mbretërve 17
Qëllimi i mësimit: T’i ndihmojë nxënësit të veprojnë me besim më të madh tek Ati Qiellor dhe Jezu Krishti duke ndjekur fjalët e profetëve.
-
Përgatitja e nxënësve: Ftojini nxënësit të përcaktojnë diçka që Zoti na ka ftuar të bëjmë nëpërmjet profetit të Tij dhe një premtim që Ai na ka dhënë nëse e bëjmë atë. Ftojini nxënësit të vijnë në orën mësimore të përgatitur për të folur.
-
Përmbajtje për t’u paraqitur: Veprimtaria me përkim me të cilën nis mësimi
-
Materiale filmike: “Elijah and the Widow of Zarephath” [“Elija dhe e Veja nga Sarepta”] (10:12) nga kodi kohor 4:09 deri në 10:06; “That Night My Family Had Sufficient” [“Atë Mbrëmje Familja Ime Pati Mjaftueshëm”] (1:47) ose “Fathers and Sons” [“Etër dhe Bij”] (5:42)
1 Mbretërve 18
Qëllimi i mësimit: T’i ndihmojë nxënësit të ndiejnë një dëshirë më të madhe për ta ndjekur Zotin.
-
Përgatitja e nxënësve: Ftojini nxënësit të mendojnë për një ose më shumë raste në jetën e tyre kur ata e dinin se Ati Qiellor ose Jezu Krishti ishte i vërtetë, ose kur e ndien fuqinë e Tyre në jetën e vet. Ose mund të mendojnë për atë që mund të bëjnë për të zbuluar nëse Ati Qiellor dhe Jezu Krishti janë të vërtetë dhe nëse duhet t’i ndjekin plotësisht Ata.
-
Sende për t’u përgatitur: Duke përdorur shirit ngjitës ose ndonjë mjet tjetër, bëni dy vija në dysheme, si shigjeta të drejtuara në drejtime të kundërta; një copë letër për secilin nxënës.
-
Materiale filmike: “Elijah and the Priests of Baal” [“Elija dhe Priftërinjtë e Baalit”] (2:16); “His Grace: Choosing to Believe in God” [“Hiri i Tij: Zgjedhja për të Besuar te Perëndia”] (4:07) ose “Faith Crisis: What Do We Do When We Feel Nothing?” [“Kriza e Besimit: Çfarë Bëjmë Kur Nuk Ndiejmë Asgjë?”] (5:55)