Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

1 Mbretërve 17: “Ajo Shkoi dhe Veproi Sipas Fjalës së Elijas”

“1 Mbretërve 17: ‘Ajo Shkoi dhe Veproi Sipas Fjalës së Elijas’”, Manuali i Mësuesit të Seminarit për Dhiatën e Vjetër (2026)

“1 Mbretërve 17: ‘Ajo Shkoi dhe Veproi Sipas Fjalës së Elijas’”, Manuali i Mësuesit të Seminarit për Dhiatën e Vjetër

1 Mbretërve 12–13; 17–22: Mësimi 81

1 Mbretërve 17

“Ajo Shkoi dhe Veproi Sipas Fjalës së Elijas”

A painting by James Johnson showing a woman with long brown hair and a simple tunic, pouring oil into a small plate.

Ati ynë i dashur në Qiell dhe biri i Tij, Jezu Krishti, shpesh na japin mundësi për të ushtruar besimin tek Ata mes vështirësive të jetës. Mes një thatësire, profeti Elija i kërkoi një të veje në Sareptë që t’ia jepte atij sasinë e fundit të ushqimit të saj. Kur e veja veproi me besim, Zoti i premtoi asaj bekime të mëdha. Ashtu si e veja, ne mund ta demonstrojmë besimin tonë te Perëndia duke i ndjekur profetët e Tij. Ky mësim mund t’i ndihmojë nxënësit të veprojnë me besim më të madh tek Ati Qiellor dhe Jezu Krishti duke i ndjekur fjalët e profetëve.

Përgatitja e nxënësve: Ftojini nxënësit të përcaktojnë diçka që Zoti na ka ftuar të bëjmë nëpërmjet profetit të Tij dhe një premtim që Ai na ka dhënë nëse e bëjmë atë. Ftojini nxënësit të vijnë në orën mësimore të përgatitur për të folur.

Veprimtari të Mundshme të të Mësuarit

Ftesat profetike

Për t’i ndihmuar nxënësit të kuptojnë se si Ati Qiellor dhe Jezu Krishti na sigurojnë udhërrëfim nëpërmjet profetëve të Tyre, mund të paraqitni veprimtarinë vijuese. Merreni parasysh të përfshini profetin e sotëm dhe një ftesë që ai ka dhënë kohët e fundit. Përndryshe, nxënësit mund të përmendin disa profetë (përfshirë profetin e sotëm) dhe të renditin të paktën një ftesë që na ka bërë Zoti nëpërmjet secilit profet.

Përkoji profetët me një ftesë që Zoti i dha popullit të tyre:

Vëllai i Jaredit
Moisiu
Lehi
Brigam Jangu

Largohuni nga Jerusalemi dhe nisuni për në shkretëtirë.
Udhëtoni drejt Maleve Shkëmbore.
Ndërtoni mauna për të kaluar oqeanin për në tokën e premtuar.
Kaloni Detin e Kuq në tokë të thatë.

Përgjigjet: 1–C (shihni tek Ethëri 2:16; 6:4, 12); 2–D (shihni tek Eksodi 14:21–22); 3–A (shihni te 1 Nefi 2:1–2); 4–B (shihni te Doktrina e Besëlidhje 136:1). Mund t’i ftoni nxënësit të përsiatin nëse do ta kishin ndjekur këtë drejtim profetik po të kishin qenë të gjallë në ditët e atyre profetëve.

Ftojini nxënësit të reflektojnë mbi përgjigjet e tyre për ftesat e profetëve të gjallë duke bërë sa vijon.

Në një shkallë nga 1–10, si do ta vlerësoje veten për secilin nga pohimet vijuese:

Unë besoj se Zoti flet nëpërmjet profetëve.
Jam njohur me atë që jep mësim Zoti nëpërmjet profetëve të Tij sot.
Po i ndjek mësimet e Zotit që jepen nëpërmjet profetëve të Tij.

Ndërsa studion te 1 Mbretërve 17, kushtoju vëmendje mendimeve dhe ideve nga Fryma e Shenjtë. Mendo rreth mënyrës se si studimi yt sot mund të ndikojë te ndjenjat e tua rreth këtyre pohimeve.

Elija dhe e veja nga Sarepta

Dy paragrafët vijues mund të lexohen ose përmblidhen.

Për shkak të ligësisë, mbretëria e Izraelit u nda në dy mbretëri: Izraeli dhe Juda (shih te 1 Mbretërve 11–12). Gjatë mbretërimit të mbretit të lig, Ashabit, Zoti dërgoi profetin e Tij, Elijan, te populli i Izraelit.

Duke përdorur fuqinë e Perëndisë, Elija nuk lejoi që shiu të binte mbi tokë, që solli si rezultat vite thatësie. Zoti siguroi për nevojat e Elijas, duke e udhëzuar atë të fshihej pranë një përroi me ujë ku e ushqenin korbat (shih te 1 Mbretërve 17:1–6).

Lexo te 1 Mbretërve 17:8–16.

Si e treguan Elija ose vejusha besimin te Jezu Krishti?
Si u përmbush premtimi i Zotit?
Si mund të jenë edhe Elija, edhe vejusha, simbole të Jezu Krishtit?

Ftojini nxënësit të japin përgjigjet e tyre. Një nga mënyrat se si Elija mund t’u kujtojë nxënësve Jezu Krishtin, është duke e ftuar vejushën të ndjekë atë që tha ai për t’u shpëtuar. Ai i premtoi gjithashtu asaj se ushqimi i saj do të shumëfishohej (1 Mbretërve 17:14–16), ashtu si Shpëtimtari premtoi për të tjerët (shihni te Mateu 14:15–21). Një nga mënyrat se si vejusha mund t’u kujtojë nxënësve Jezu Krishtin, është nga mënyra se si ajo ishte e gatshme të sakrifikonte gjithçka kishte, ashtu siç bëri Shpëtimtari.

Pyetni se çfarë mësimesh mësuan nxënësit nga ky tregim. Ata mund të thonë parime të ndryshme. Nëse ata nuk e përmendin të vërtetën vijuese, sigurohuni që ta shtoni atë: Të vepruarit me besim në bazë të fjalëve të Shpëtimtarit, sjell bekimet e Tij të premtuara. Kjo përfshin fjalët e Shpëtimtarit nëpërmjet profetëve të Tij.
Çfarë mund ta bëjë të vështirë të veprosh me besim sipas mësimeve të Shpëtimtarit?
Çfarë di ti rreth Atit Qiellor dhe Jezu Krishtit që mund të të ndihmojë të veprosh me besim?

Fjalët e Shpëtimtarit nëpërmjet profetëve të Tij

Ftojini nxënësit të tregojnë se ku mund të gjenden fjalët e Zotit të dhëna nëpërmjet profetëve të Tij. Krahas shkrimeve të shenjta dhe konferencës së përgjithshme, nxënësit mund të tregojnë vende si revistat Liahona dhe Për Forcën e Rinisë, broshurën Për Forcën e Rinisë: Një Udhëzues për Bërjen e Zgjedhjeve, si dhe rrjetet sociale.

Ftojini nxënësit të përdorin ndonjë prej këtyre burimeve për të plotësuar veprimtarinë vijuese. Merreni parasysh t’i paraqitni udhëzimet dhe t’u jepni nxënësve një kohë specifike për të studiuar.

Vizato dy kolona në ditarin tënd të studimit. Vizato një bukë për të përfaqësuar kulaçin e vejushës në kolonën e majtë dhe një qyp me vaj dhe një enë me miell (shih te 1 Mbretërve 17:12, 16) në kolonën e djathtë.
Emërtoje kolonën e majtë Çfarë Kërkojnë Ati Qiellor dhe Jezu Krishti. Emërtoje kolonën e djathtë Bekimet e Tyre të Premtuara.
Në kolonën e majtë, bëj një listë të gjërave që Ati Qiellor dhe Jezu Krishti po na kërkojnë të bëjmë nëpërmjet profetëve të Tyre. Në kolonën e djathtë, rendit bekimet e premtuara të bindjes ndaj fjalëve të Tyre.

Mund të jetë e dobishme të jepni një shembull për nxënësit. Mund të sugjeroni “të jetuarit e Fjalës së Urtësisë” për kolonën e majtë. Nxënësit mund të lexojnë më pas te Doktrina e Besëlidhje 89:18–21 për bekimet që premton Zoti. Përndryshe, mund të jepni një shembull të kohëve të fundit nga fjalët e profetit në konferencën e përgjithshme.

Ftojini nxënësit ta tregojnë atë që shkruan në kolonat e tyre në grupe të vogla. Sigurohuni që çdo nxënës të ketë një mundësi për të treguar të paktën një gjë nga secila kolonë. Grupet mund të diskutojnë më pas pyetjen vijuese.

Si i ke parë bekimet nga ushtrimi i besimit te fjalët e Zotit që jepen nëpërmjet profetëve të Tij?

Planifiko t’i ndjekësh profetët e Perëndisë

Inkurajojini nxënësit të kërkojnë ndihmën e Frymës së Shenjtë ndërsa bëjnë veprimtarinë vijuese.

Në kolonën e majtë, shkruaj ose rretho diçka që po të kërkon Zoti të bësh nëpërmjet profetëve të Tij ku ti e ndien se Ai do të donte që të përqendroheshe.
Në kolonën e djathtë, shkruaj ose rretho mënyrën se si Zoti ka premtuar të të bekojë nëse e ndjek këshillën e Tij.
Reflekto mbi atë që shkrove ose rrethove, më pas shkruaj planin tënd për të qenë i bindur ndaj asaj që Zoti të ka kërkuar të bësh nëpërmjet profetit të Tij.

Ftojini nxënësit të gjejnë një mënyrë për ta mbajtur mend atë që planifikojnë të bëjnë. Për shembull, nxënësit mund të bëjnë një fotografi të përgjigjes dhe ta përdorin atë si sfond në telefonin e tyre. Nxënësit do të kenë një mundësi për të ndjekur ecurinë dhe raportuar për planin e tyre te Mësimi 96: “Vlerësoni të Mësuarit Tuaj 6”.

Merreni parasysh ta përmbyllni orën mësimore duke dëshmuar se nxënësit do t’i afrohen më shumë Jezu Krishtit nëpërmjet përpjekjeve të tyre për të ndjekur profetin e Tij.

Burime Shtesë

Kush është Elija?

Udhëzuesi për Shkrimet e Shenjta jep më shumë informacion rreth Elijas dhe domethënies së fuqisë vulosëse që ai kishte në kohët e lashta dhe vazhdon të ketë në kohët e sotme.

Po sikur ajo që kam për të dhënë, të mos më duket sikur është e mjaftueshme?

Motra Mishel D. Krejg, më parë e Presidencës së Përgjithshme të Të Rejave, shpjegoi:

“Unë dhe ju mund t’ia japim atë që kemi Krishtit dhe Ai do ta shumëfishojë [efektshmërinë e] përpjekjeve tona. Ajo që keni për të dhënë, është më tepër sesa mjaftueshëm – madje edhe me dobësitë dhe të metat tuaja njerëzore – nëse mbështeteni te hiri i Perëndisë.” (“Pakënaqësia e Shenjtë”, Liahona, nëntor 2018, f. 54)

Si do të më bekojë Zoti ndërsa e ndjek me besnikëri profetin e Tij?

Plaku Randall K. Benet, i Të Shtatëdhjetëve, dha mësim:

“Ju premtoj se, nëse do të veproni me besim tek Ati juaj Qiellor dhe plani i Tij – plani i Tij i madh i lumturisë – dhe nëse do të veproni me besim te Jezu Krishti dhe Shlyerja e Tij dhe do të ndiqni profetët e Perëndisë, do t’ju jepet fuqi për të bërë çdo gjë që i nevojitet Zotit që të bëni dhe për t’u bërë çfarëdo që Atij i nevojitet që të bëheni, pavarësisht nga rrethanat tuaja”. (“Prophetic Invitations and Promised Blessings” [takim shpirtëror në Universitetin “Brigam Jang”, 19 mars 2019], f. 1, speeches.byu.edu)

A vazhdon Perëndia t’i kërkojë gjëra të vështira popullit të Tij?

Presidenti Rasëll M. Nelson dha mësim:

“Perëndia u ka kërkuar përherë fëmijëve të Tij të besëlidhjes që të bëjnë gjëra të vështira. Për shkak se ju jeni bij dhe bija të Perëndisë që i mbani besëlidhjet, që jetoni në pjesën e mëvonshme të këtyre ditëve të mëvonshme, Zoti do t’ju kërkojë juve të bëni gjëra të vështira. Mund të jeni të sigurt për këtë. …

Do t’ju kërkohet të pranoni detyra sfiduese dhe të bëheni një mjet në duart e Zotit. Dhe Ai do t’jua mundësojë juve që ta arrini të pamundurën.” (“Të Bërit Mijëvjeçaristë të Vërtetë” [takim shpirtëror mbarëbotëror për të rinjtë në moshë madhore, 10 janar 2016], Gospel Library [Biblioteka e Ungjillit])

Veprimtari Plotësuese të të Mësuarit

1 Mbretërve 17:17–24. Elija ngre djalin e vejushës nga vdekja

Nxënësit mund të kenë dobi nga të parit e një shembulli tjetër të besimit të së vesë nga Sarepta te 1 Mbretërve 17. Mund t’i ftoni nxënësit të lexojnë te 1 Mbretërve 17:17 për të parë atë që i ndodhi djalit të vejushës. Mund të diskutoni për sa vijon:

Pse mund të duket e habitshme kjo për vejushën?
Çfarë do t’i rekomandonit vejushës të bënte?

Nxënësit mund të lexojnë më pas te 1 Mbretërve 17:19–23 për të parë se si u përgjigj vejusha ndaj situatës.

Çfarë mund të mësojmë nga kjo histori?

Mund t’i ndihmoni nxënësit ta shohin realitetin e sfidave në jetën tonë edhe kur ne u përgjigjemi me besnikëri fjalëve të profetëve.

Lexoni te 1 Mbretërve 17:24, duke kërkuar dëshminë që dha vejusha pas kësaj përvoje.

Si është forcuar besimi juaj te Jezu Krishti nëpërmjet sfidave?

Dy mbretëritë

Ngjarjet te 1 Mbretërve 17 do të jenë ngjarjet e para në shkrimet e shenjta që nxënësit do t’i studiojnë në seminar, të cilat ndodhën pasi mbretëria e Izraelit u nda te 1 Mbretërve 11–12. Vështrimi i përgjithshëm vijues mund t’i ndihmojë nxënësit të kuptojnë kontekstin e mbretërive të Izraelit dhe Judës.

Për ta filluar këtë diskutim, mund të paraqitni vijën kohore vijuese dhe t’u kërkoni nxënësve të përcaktojnë se ku është mbreti Salomon.

Një nxënës mund të lexojë më pas ose të përmbledhë paragrafin vijues.

Megjithëse Salomoni në fillim ishte një ndjekës i drejtë i Zotit, në fund ai zgjodhi të mos u bindej urdhërimeve të Zotit. Si rezultat i mosbindjes së tij, Zoti i tha Salomonit se mbretëria e Izraelit do t’i merrej dhe do t’i jepej shërbëtorit të tij, Jeroboamit. Mbretëria e Jeroboamit do të njihej si mbretëria e Izraelit, Efraimi ose mbretëria veriore. I biri i Salomonit, Roboami, do të bëhej mbret i dy fiseve të tjera. Mbretëria e Roboamit do të njihej si mbretëria e Judës, ose mbretëria jugore (shihni te 1 Mbretërve 11:10–13, 26–40; 12:16–20).

Duke përdorur vijën kohore, nxënësit mund t’i përcaktojnë më pas të dyja mbretëritë dhe profetët që predikuan në ato mbretëri, dhe të shpjegojnë atë që do t’i ndodhte përfundimisht secilës mbretëri.

Për më shumë rreth mbretërisë së Judës, shihni paragrafin vijues që gjendet te “Juda” tek Udhëzuesi për Shkrimet e Shenjta.

Për më shumë rreth mbretërisë së Izraelit, shihni tek “Israel, Kingdom of” te Bible Dictionary [Fjalori Biblik].