Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

1 Хаад 18: Их Эзэнийг дагахаар сонгох

“1 Хаад 18: Их Эзэнийг дагахаар сонгох,” Хуучин Гэрээний семинарын багшийн гарын авлага (2026)

“1 Хаад 18: Их Эзэнийг дагахаар сонгох,” Хуучин Гэрээний семинарын багшийн гарын авлага

1 Хаад 12–13; 17–22: 82-р хичээл

1 Хаад 18

Их Эзэнийг дагахаар сонгох

The Old Testament prophet Elijah standing next to an altar. Elijah has his arms extended as he commands fire from heaven to consume the altar.

Та Бурханыг үнэнчээр дагахад бэлэн байна уу? Израилын Бурхан бол цорын ганц жинхэнэ Бурхан гэдгийг харуулахын тулд Елиа Баалын тахилчдыг сорилт өрсөлдөөнд дууджээ. Их Эзэн Елиагийн залбиралд хариулж, тэр тэмцээнд ялав. Энэ хичээл нь суралцагчдад Их Эзэнийг дагах илүү их хүсэлтэй болоход тусална.

Суралцагчийн бэлтгэл: Амьдралдаа Тэнгэрлэг Эцэг, Есүс Христ хоёр бодит юм гэдгийг мэдсэн эсвэл Тэдний хүчийг амьдралдаа мэдэрч байсан нэг эсвэл түүнээс олон тохиолдлынх нь тухай суралцагчдаар бодуул. Эсвэл тэд Тэнгэрлэг Эцэг, Есүс Христ хоёр бодит гэдгийг мөн Тэднийг бүрэн дагах ёстой эсэхээ мэдэхийн тулд юу хийж болох талаар бодож болно.

Боломжит суралцах үйл ажиллагаа

Бид нэгэн зэрэг хоёр зүйлийг дагаж чадах уу?

Наалддаг тууз эсвэл өөр ямар нэг зүйлийг ашиглан доор үзүүлсэнчлэн шалан дээр эсрэг чиглэлд хоёр шугам үүсгэ. Нэг суралцагчаас хоёр шугамын хамгийн ойр байгаа газарт буюу голд нь зогсоод, хоёр хөлөө нэг нэг үзүүр дээр нь тавихыг хүс.

Simple drawing of a stick figure standing on two blue lines with arrow heads at the end

Хоёр шугамаар алхах гэж оролдохыг суралцагчаас хүс. Тэднээс хэр хол алхаж чадахаар байгааг нь асуу. Шаардлагатай бол хэсэгхэн хугацаанд хоёр шугамаар алхаж болох ч удаан алхаж болохгүйн зэрэгцээ аль ч шугамаар сайн алхаж чадахгүй гэдгийг онцол.

Суудалдаа эргэн суухыг суралцагчаас хүс.

Энэ хичээлийн хувьд нэг шугам нь Их Эзэний арга замыг, нөгөө нь Их Эзэний арга замд үл нийцэх бусад нөлөөллийг илэрхийлж болно.

Ямар ямар арга замаар бид Их Эзэнийг болон бусад нөлөөг нэгэн зэрэг дагахыг хичээж болох вэ?

Елиа Баалын пристүүдийг сорилтод дуудав

1 Хаад 18-д Елиа Израилын хаант улсыг Их Эзэнд бүх зүйлээрээ үнэнч байлгахыг хүссэн. Елиа лацдан холбох хүчээ ашиглан газар дээр ган гачиг тохиолгосноос хойш бараг гурван жил өнгөрчээ (1 Хаад 17:1-ийг үзнэ үү). Гэвч Израил хуурамч бурхдыг, түүний дотор Баалыг шүтсээр байв (1 Хаад 18:18-ыг үзнэ үү). Елиа Баалын хэдэн зуун хуурамч бошиглогч, эш үзүүлэгчийг Баал уу аль эсвэл жинхэнэ Бурхан Иехова юу гэдгийг батлахын тулд Кармел уулан дээр хүчээ сориход уриалжээ (1 Хаад 18:19-ийг үзнэ үү). Сорилт өрсөлдөөн эхлэхээс өмнө Елиа ард түмэнд хандан үг хэлэв.

1 Хаад 18:21-ийг уншаад, ард түмэнд хандан Елиагийн хэлсэн үгийг унш. Энэ тохиолдолд тээнэгэлзэх гэдэг үг нь эргэлзэх эсвэл хазайх гэсэн утгатай.

Елиа ард түмнээс юу хийхийг хүссэн бэ?

Арван хоёр төлөөлөгчийн чуулгын ахлагч Д.Тодд Кристоффэрсон Елиагийн мэдэгдлийг ийн өөрийн болгон хэлсэн.

Өнөө үед Елиа дараах байдлаар хэлэх байсан болов уу.

Бурхан, бидний Тэнгэрлэг Эцэг нэг бол байдаг эсвэл байдаггүй. Гэхдээ байдаг бол Түүнийг шүтэн бишир.

Есүс Христ бол Бурханы Хүү, хүмүүн төрөлхтний Амилсан Гэтэлгэгч нэг бол мөн эсвэл үгүй. Гэхдээ Тэр мөн бол Түүнийг дага. (“Христэд гуйвшгүй, тууштай итгэлтэй байх,” 2018 оны 10-р сарын Ерөнхий чуулган, 30)

Ахлагч Кристоффэрсон, Елиа хоёрын мэдэгдлээс юу нь та нарт онцгой санагдсан бэ?

Суралцагчдыг бодол санаагаа хуваалцахад урь. Бидний суралцаж болох зарим үнэн:

Их Эзэн бидэнд Түүнийг эсвэл хуурамч бурхдыг болон дэлхийн шударга бус арга замыг дагах сонгох эрхийг өгдөг.

Бид Тэнгэрлэг Эцэг оршдог, Есүс бол Христ гэдгийг мэдсэн үедээ Тэднийг үнэнчээр дагах ёстой.

Судлах тэмдэглэлдээ дараах асуултуудад хариулж бич.

Тэнгэрлэг Эцэг, Аврагч хоёр надад байгаа гэдэгт би хэр их итгэдэг вэ?
Би тэднийг хэр зэрэг үнэнч дагадаг вэ?
Тэднийг бүрэн дагахад надад юу саад болж болох вэ?

Та үргэлжлүүлэн судлахдаа Тэнгэрлэг Эцэг, Есүс Христ хоёрыг бүрэн дагахад танд саад болох аливаа саад бэрхшээлийг хэрхэн даван туулахаа мэдэхийн тулд Ариун Сүнсний удирдамжийг эрэлхийл.

Баал, Иехова хоёрын өрсөлдөөн

1 Хаад 18:23–24-ийг уншаад, Елиа болон Баалын хуурамч бошиглогчдын хоорондох өрсөлдөөний нөхцөлийг олж мэд.

Эхлээд Баалын эш үзүүлэгчид хуурамч бурхнаа олон цагийн турш дуудан орилолджээ. 1 Хаад 18:26–29-ийг уншаад, юу болсныг олж мэд.

Та нар юу олж мэдсэн бэ?

Елиа Бурханыг дуудахад юу болсныг мэдэхийн тулд 1 Хаад 18:30–39-ийг унш. Дараа нь цаас аваад, хоёр нугал. Цаасны нэг тал дээр Елиа тахилаа бэлтгэж Бурханыг дуудах үед юу болсныг зур.

Хэрэв тэнд байсан бол танд ямар бодол, мэдрэмж төрөх байсан бэ?
Энэ нь Их Эзэний талаарх гэрчлэл, Түүнийг дагах хүсэлд тань хэрхэн нөлөөлөх байсан бэ?

Цаасныхаа нөгөө тал дээр Тэнгэрлэг Эцэг, Есүс Христ хоёр бол бодит юм гэдгийг мэдсэн эсвэл Тэдний хүчийг амьдралдаа мэдэрч байсан үеүдийнхээ талаар бич эсвэл зур. Эсвэл Тэд бодит мөн Тэднийг бүрэн дагах хэрэгтэй гэдгээ мэдэхийн тулд юу хийж болохоо бичиж эсвэл зурж болно.

Хийж дууссаных нь дараа, хэт хувийн зүйл биш бол зурсан эсвэл бичсэн зүйлээ сайн дураараа хуваалцах цагийг хэд хэдэн суралцагчид гаргаж өг. Олон суралцагчийг хуваалцахад урамшуулан дэмжих нь бусад суралцагчид янз бүрийн үзэл бодол байдгийг мэдэж аван, суралцаж байгаа үнэнүүд нь тэдэнд хэрхэн нөлөөлж болохыг ойлгоход тусална. Доорх асуултуудтай төстэй өөр асуултууд тавих нь тустай байж болно.

Тэнгэрлэг Эцэг, Есүс Христ хоёрын хүчийг амьдралдаа олж харж байсан өөрийн туршлагыг эргэцүүлэн бодох нь Тэднийг шүтэн биширч, дагах үүрэг амлалтад тань хэрхэн туслах вэ?
Яагаад Тэнгэрлэг Эцэг, Аврагч Есүс Христ хоёрыг бүрэн дагах нь зөв гэж та нар бодож байна вэ?

Энэ хичээлийг дуусгахдаа Тэнгэрлэг Эцэг, Есүс Христ хоёрыг бүрэн дагах талаарх бодол санаагаа судлах тэмдэглэлдээ бич. Мэдрэмжээ санаж, илэрхийлэхдээ Ариун Сүнсний удирдамжийг эрэлхийл. Та энэ хичээлийн ачаар юу хийхийг эсвэл юу санахыг хүсэж байгаагаа оруулж болно.

Тэнгэрлэг Эцэг, Есүс Христ хоёрын гэрчлэл, Тэднийг бүрэн дагаснаар ирсэн адислалуудынхаа талаар хуваалц.

Нэмэлт эх сурвалж

Өнөөдөр бид ямар ямар байдлаар “хоёр замын хооронд тээнэгэлздэг” вэ?

Далын ахлагч Дэвид П.Хомер хэнийг дагахаа мэдэхгүй тээнэгэлзэж байж болох олон замын талаар заасан.

Бид анхаарлыг маань татах зорилготой олон дуу хоолой бүхий дэлхийд амьдарч байна. Ноцтой мэдээ, жиргээ, блог, подкастууд болон Алекса, Сири мөн бусдын өгдөг итгэмээр зөвлөгөөний алинд нь итгэх ёстойгоо мэдэхэд амаргүй байдаг. Заримдаа бид олны жишгийг үнэний хамгийн сайн эх сурвалж гэж бодоод, амьдралдаа бусдаас удирдамж авдаг. Зарим үед бид “хоёр замын хооронд тээнэгэлзэж” (1 Хаад 18:21), “хүйтэн ч биш, халуун ч биш” (Илчлэл 3:15–16) байхыг сонгодог. Гэсэн ч зарим үед бид илүү амархан санагдсаныг нь дагаж, ганцхан дуу хоолой юм уу аль нэг зүйл дээр төвлөрч эсвэл зөвхөн өөрсдийнхөө бодох чадварт хэт их найддаг. …

Олны анхаарлыг татсан зүйл үргэлж хамгийн сайн нь байдаггүй. Хоёр замын хооронд тээнэгэлзэх нь ямар ч чиглэл өгдөггүй. Ая тухаа бодох нь хэзээ ч чухал зүйл рүү хөтөлдөггүй. Цор ганц дуу хоолой эсвэл зүйл дээр хэт төвлөрөх нь бидний харах чадварыг бууруулдаг. Түүнчлэн зөвхөн өөрийнхөө бодолд найдах нь дүйнгэ бодол санаа руу хөтөлдөг. Бид сэрэмжтэй байхгүй бол буруу дуу хоолойнууд биднийг сайн мэдээний төвөөс холдуулж, итгэлээ хадгалахад хэцүү газарт аваачдаг ба бид тэндээс хоосрол, хорсол, харууслыг л олох болно. …

Тиймээс бид олон өөр дуу хоолойноос алиныг нь дуулгавартай дагахаа сонгох хэрэгтэй. Бид найдваргүй дуу хоолойнуудыг дагах уу эсвэл шийдвэр гаргахад маань биднийг чиглүүлж, аюулаас хамгаалах Эцэгийн дуу хоолойг сонсоход шаардагдах ажлыг хийх үү? (“Түүний дуу хоолойг сонсох нь,” 2019 оны 4-р сарын Ерөнхий чуулган, 41–43)

Кармел уул ямар харагддаг вэ?

Бошиглогч Елиа болон Баалын хуурамч эш үзүүлэгчид Кармел ууланд цуглав. Израилын Кармел уулын дараах зураг Елиагийн тэнгэрээс галыг дуудсан болон Баалын хуурамч эш үзүүлэгчдийн бүтэлгүйтсэн газрыг төсөөлөхөд суралцагчдад тусална.

Нэмэлт суралцах үйл ажиллагаа

Хичээлийг эхлүүлэх өөр хувилбар

Суниаж байхдаа үсэрч, эсвэл уншиж байхдаа найзтайгаа ярих зэргээр хоёр үйлдлийг нэгэн зэрэг хийхийг оролдоход суралцагчдыг урь. Хоёр зүйлийг нэг зэрэг хийхийг хичээх нь яагаад үр дүн багатай байдгийг ярилц. 1 Хаад 18:21 дээрх Елиагийн асуултыг уншихад тэднийг урь.

“Эзэн, Таныг дагая”

“Эзэн, Таныг дагая” (Дуулал, 220)-ыг дуулан хичээлээ эхлүүлэх талаар бодож үз.

Эсвэл хичээлийн төгсгөлд “Яагаад Тэнгэрлэг Эцэг, Аврагч Есүс Христ хоёрыг бүрэн дагах нь зөв гэж та бодож байна вэ?” гэсэн асуултыг тавьсныхаа дараа “Эзэн, Таныг дагая” дууллыг дуулж болно. Энэ дууллын ямар үг, хэллэг Их Эзэнийг дагахад сүнслэгээр өдөөж байгаа тухай хуваалцахад суралцагчдыг урь.

1 Хаад 19:1–12. Их Эзэн Елиатай намуухан хүнгэнэх дуугаар ярив

1 Хаад 19 дээрх эдгээр шүлэг нь 162-р хичээл: “Миний асуултуудаас хувийн илчлэлт эрэлхийлэх”-ийн сэдэв байх ч энэ талаар энд заахыг хүсвэл дараах санааг ашиглахыг бодоорой.

Суралцагчдад янз бүрийн дуу авиа тоглуулж сонсгоод, тэдгээрийг дүрслэхэд урь. Ийм зарим жишээнд хашхираан, хүчтэй салхи, газар хөдлөлт, шивнээ зэрэг нь байж болно. Дуу бүрийг сонсож, ялган танихад юу шаардлагатай талаар хуваалцахад суралцагчдыг урь.

Елиаг Баалын эш үзүүлэгчидтэй тулалдсаны дараа ёс бус эш үзүүлэгчид алагдсан ба Елиа Бурханы хүчийг ашиглан бороо оруулж, ган гачигт он жилүүдийг дуусгажээ (1 Хаад 18:40–45-ыг үзнэ үү). Тэнгэрээс гайхамшигтайгаар гал гарган, бороо оруулсны дараа ч Иезебел Елиагийн амийг хөнөөхөө андгайлж, үүний улмаас Елиа зугтаж, агуйд нуугджээ (1 Хаад 19:1–8-ыг үзнэ үү).

1 Хаад 19:11–13-ыг уншаад, Их Эзэн хэрхэн Елиатай харилцаж байсныг олж мэд.

Их Эзэн хэрхэн бидэнтэй байнга харилцаж байдаг тухай бид энэ цэдгээс юу сурч мэдэж болох вэ?

Хэрэв тус болно гэж үзвэл, 30 секунд нам гүм орчинд байж байгаад өмнө нь огт анзаарч байгаагүй ямар нэгэн дуу чимээг сонсоход суралцагчдыг урь. Сүнсний намуухан дуу хоолойгоор дамжуулан Их Эзэний бидэнд өгч болох захиаснуудыг хүлээн авахын тулд бид юу хийх ёстойг энэ үйл ажиллагаа хэрхэн харуулж байгааг асуу.

Тантай ярьж байгаа намуухан, хүнгэнэх дууг таньж, сонсоход танд юу тусалдаг вэ?
Амьдралд тань үзүүлж буй Сүнсний нөлөөний ачаар та ямар адислалуудыг хүлээн авсан бэ?

Суралцагчдыг хуваалцсаны дараа хувийн туршлага, гэрчлэлээ хуваалцахыг бод.