Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

1 Хаад 17: “Елиагийн үгийн дагуу тэр явж, үйлдсэн”

“1 Хаад 17: ‘Елиагийн үгийн дагуу тэр явж, үйлдсэн,’” Хуучин Гэрээний семинарын багшийн гарын авлага (2026)

“1 Хаад 17: ‘Елиагийн үгийн дагуу тэр явж, үйлдсэн,’” Хуучин Гэрээний семинарын багшийн гарын авлага

1 Хаад 12–13; 17–22: 81-р хичээл

1 Хаад 17

“Елиагийн үгийн дагуу тэр явж, үйлдсэн”

A painting by James Johnson showing a woman with long brown hair and a simple tunic, pouring oil into a small plate.

Бидний хайрт Тэнгэр дэх Эцэг, Түүний хүү Есүс Христ хоёр бидэнд амьдралын хүнд хэцүү цаг үед Тэдэнд итгэх итгэлээ хэрэгжүүлэх боломжийг байнга олгодог. Ган гачгийн дунд бошиглогч Елиа Зарефатын нэгэн бэлэвсэн эмэгтэйгээс сүүлчийн хоолоо өгөхийг хүсдэг. Бэлэвсэн эмэгтэйг итгэлээр үйлдэх үед Их Эзэн түүнд агуу адислалуудыг амласан юм. Бэлэвсэн эмэгтэйн адил бид Түүний бошиглогчдыг дагаснаар Бурханд итгэх итгэлээ харуулж чадна. Энэ хичээл нь бошиглогчдын үгсийг дагаснаар Тэнгэрлэг Эцэг, Есүс Христ хоёрт илүү их итгэж үйлдэхэд суралцагчдад тусална.

Суралцагчийн бэлтгэл: Их Эзэн биднийг бошиглогчоор дамжуулан үйлдэхэд урьсан ямар нэгэн зүйлийг мөн үүнийг хийвэл өгнө хэмээсэн Түүний амлалтыг суралцагчдаар олуул. Ангид хуваалцах бэлтгэлтэй ирэхэд суралцагчдыг урь.

Боломжит суралцах үйл ажиллагаа

Бошиглолын урилга

Тэнгэрлэг Эцэг, Есүс Христ хоёр бошиглогчдоороо дамжуулан бидэнд хэрхэн удирдамж заавар өгдгийг ойлгоход нь суралцагчдад туслахын тулд та дараах үйл ажиллагааг үзүүлж болно. Одоогийн бошиглогчийг болон түүний саяхан өгсөн урилгыг багтаах талаар бодож үз. Эсвэл суралцагчид хэд хэдэн бошиглогчийг (одоогийн бошиглогчийг оролцуулаад) нэрлэж, бошиглогч бүрээр дамжуулан Их Эзэний бидэнд өгсөн дор хаяж нэг урилгыг жагсааж болно.

Их Эзэний хүмүүстээ өгсөн урилгатай нь бошиглогчдыг тааруул.

Жаредын ах
Мосе
Лихай
Бригам Янг

Иерусалимыг орхиж, аглаг буйд тийш од.
Роки Маунтенс руу аял.
Далайг гатлан, амлагдсан нутаг руу аялах хөлөг онгоцыг бүтээ
Улаан тэнгисийг хуурай газраар алхан гатал.

Хариулт: 1–C (Ифер 2:16; 6:4, 12-ыг үзнэ үү); 2–D (Египетээс гарсан нь 14:21–22-ыг үзнэ үү); 3–A (1 Нифай 2:1–2-ыг үзнэ үү); 4–B (Сургаал ба Гэрээнүүд 136:1-ийг үзнэ үү). Хэрэв тэдгээр бошиглогчийн амьдарч байсан цаг үед амьдарч байсан бол уг бошиглолын удирдамжийг дагах байсан эсэхээ тунгаан бодоход та суралцагчдыг урьж болно.

Дараахын дагуу үйлдэж, амьд бошиглогчийн урилгад хэрхэн хариулахаа эргэцүүлэн бодоход суралцагчдыг урь.

Та 1–10 хүртэлх оноогоор дараах мэдэгдэл бүр дээр өөрийгөө хэрхэн дүгнэх вэ?

Их Эзэн бошиглогчдоор дамжуулан ярьдаг гэдэгт би итгэдэг.
Их Эзэн өнөөдөр бошиглогчдоороо дамжуулан юу зааж байгааг би сайн мэднэ.
Би Их Эзэний бошиглогчдоороо дамжуулан өгсөн сургаалуудыг дагадаг.

Та 1 Хаад 17-г судлахдаа, Ариун Сүнснээс ирэх бодол санаа, ойлголтод анхаар. Таны өнөөдрийн судалсан зүйл эдгээр мэдэгдлийн талаарх бодол санаанд тань хэрхэн нөлөөлж болохыг бод.

Елиа ба Зарефатын бэлэвсэн эмэгтэй

Дараах хоёр догол мөрийг уншиж, нэгтгэн дүгнэж болно.

Ёс бус байдлын улмаас Израилын хаант улс Израил, Иуда гэсэн хоёр хаант улсад хуваагджээ (1 Хаад 11–12-ыг үзнэ үү). Ёс бус хаан Ахабын хаанчлалын үед Их Эзэн Өөрийн бошиглогч Елиаг Израилын хүмүүс рүү илгээсэн.

Елиа Бурханы хүчээр тухайн нутагт бороо орохыг хорьж, олон жил ган гачиг авчиржээ. Их Эзэн Елиагийн хэрэгцээг хангаж, горхины хөвөөнд нуугдахыг түүнд зааварлаж, хэрээнүүд түүнийг хооллодог байв (1 Хаад 17:1–6-г үзнэ үү).

1 Хаад 17:8–16-г уншина уу.

Елиа эсвэл бэлэвсэн эмэгтэй Есүс Христэд итгэх итгэлээ хэрхэн харуулсан бэ?
Их Эзэний амлалт хэрхэн гүйцэлдсэн бэ?
Елиа, бэлэвсэн эмэгтэй хоёр хоёул хэрхэн Есүс Христийн бэлгэдэл байж болох вэ?

Суралцагчдыг хариултаа хуваалцахад урь. Елиагийн хувьд Есүс Христийг суралцагчдад сануулж болох нэг арга зам бол бэлэвсэн эмэгтэйг аврагдахын тулд хэлсэн зүйлийг маань дага хэмээн урьсан явдал юм. Тэр мөн хоол хүнс нь үржинэ (1 Хаад 17:14–16) гэж Аврагчийн бусдад амласантай адилаар түүнд амласан (Матай 14:15–21-ийг үзнэ үү). Бэлэвсэн эмэгтэй Аврагчтай адилаар байсан бүхнээ золиослоход бэлэн байсан нь Есүс Христийг суралцагчдад сануулж болох арга замуудын нэг юм.

Энэ түүхээс ямар сургамж авсныг суралцагчдаас асуу. Тэд янз бүрийн зарчим хуваалцаж магад. Хэрэв тэд дараах үнэний талаар дурдаагүй бол нэмж оруулахад анхаар. Аврагчийн үгийн дагуу итгэлээр үйлдэх нь Түүний амласан адислалуудыг авчирдаг. Үүнд бошиглогчдоороо дамжуулан хэлсэн Аврагчийн үгс багтдаг.
Аврагчийн сургаалын дагуу итгэлээр үйлдэхэд юу саад болж болох вэ?
Тэнгэрлэг Эцэг, Есүс Христ хоёрын талаар мэддэг ямар зүйл тань танд итгэлээр үйлдэхэд туслах вэ?

Аврагчийн бошиглогчдоороо дамжуулан хэлсэн үгс

Их Эзэний бошиглогчдоороо дамжуулан өгсөн үгсийг хаанаас олж болохыг хуваалцахад суралцагчдыг урь. Судар, Ерөнхий чуулган хоёроос гадна Лиахона, Өсвөр үеийнхний бат бөх байдлын төлөө сэтгүүл, Өсвөр үеийнхний бат бөх байдлын төлөө: Сонголт хийхэд туслах хөтөч товхимол, олон нийтийн мэдээллийн хэрэгсэл зэргийг суралцагчид хуваалцаж болох юм.

Эдгээр эх сурвалжаас аль нэгийг нь ашиглан, дараах үйл ажиллагааг хийж гүйцэтгэхэд суралцагчдыг урь. Зааврыг үзүүлээд, судлах тодорхой хугацааг суралцагчдад өгөх талаар бодож үз.

Судлах тэмдэглэлдээ хоёр багана зур. Зүүн талын баганад бэлэвсэн эмэгтэйн бинг төлөөлөн талх зур, баруун талын баганад домботой тос, савтай гурил зур (Хаадын дээд 17:12, 16-г үзнэ үү).
Зүүн талын баганыг Тэнгэрлэг Эцэг, Есүс Христ хоёрын хүссэн зүйл гэж нэрлэ. Баруун талын баганыг Тэдний амласан адислалууд гэж нэрлэ.
Зүүн баганад Тэнгэрлэг Эцэг, Есүс Христ хоёрын бошиглогчдоороо дамжуулан биднээс хийхийг хүсэж байгаа зүйлсийн жагсаалтыг гарга. Баруун талын баганад Тэдний үгсийг дуулгавартай дагаснаар ирэх амлагдсан адислалуудыг жагсаан бич.

Суралцагчдад жишээ үзүүлэх нь тус болж болох юм. Та зүүн баганад “Мэргэн ухааны үгийн дагуу амьдрах” гэж бичихийг санал болгож болно. Суралцагчид дараа нь Их Эзэний амласан адислалуудын талаар Сургаал ба Гэрээнүүд 89:18–21-ээс уншиж болно. Эсвэл та саяхны Ерөнхий чуулган дээрх бошиглогчийн хэлсэн үгсээс жишээ хуваалцаж болно.

Баганад бичсэн зүйлээ жижиг бүлэг дотроо хуваалцахад суралцагчдыг урь. Суралцагч бүрд багана бүрээс хамгийн багадаа нэг зүйлийг хуваалцах боломж олгоход анхаар. Дараа нь бүлгүүд дараах асуултын дагуу ярилцаж болно.

Бошиглогчдоороо дамжуулан өгсөн Их Эзэний үгсэд итгэх итгэлээ хэрэгжүүлснээр ирэх адислалуудыг та хэрхэн харж байсан бэ?

Бурханы бошиглогчдыг дагахаар төлөвлө

Дараах үйл ажиллагааг гүйцэтгэж байхдаа Ариун Сүнсний тусламжийг эрэлхийлэхэд суралцагчдыг урамшуулан дэмж.

Зүүн баганад Их Эзэний бошиглогчдоороо дамжуулан танаас хийхийг хүссэн, анхаарлаа төвлөрүүлбэл зохих ямар нэг зүйлийг бич эсвэл дугуйл.
Хэрэв Түүний зөвлөгөөг дагавал Их Эзэн таныг хэрхэн адисална гэж амласныг баруун талын баганад бич эсвэл дугуйл.
Бичсэн эсвэл дугуйлсан зүйлийнхээ талаар эргэцүүлэн бодоод, Их Эзэний бошиглогчоороо дамжуулан танаас хийхийг хүссэн зүйлийг дуулгавартай дагах төлөвлөгөөгөө бич.

Юу хийхээр төлөвлөж байгаагаа мартахгүй байх арга зам олоход суралцагчдыг урь. Жишээлбэл: Суралцагчид хариултынхаа зургийг авч, утасныхаа дэлгэцийн зураг болгон ашиглаж болно. 96-р хичээл: “Суралцахуйгаа үнэлэх нь” гэсэн хичээл дээр төлөвлөгөөгөө мөрдөж, тайлагнах боломжийг суралцагчдад олгоно.

Суралцагчид Есүс Христийн бошиглогчийг дагахыг хичээж чармайснаар Түүнд илүү ойртоно гэдгийг гэрчлэн хичээлээ дуусгахыг бод.

Нэмэлт эх сурвалж

Елиа гэж хэн бэ?

Судруудын удирдамж дээр Елиагийн тухай болон түүний эрт дээр үед атгаж байсан, орчин үед ч атгаж байгаа лацдан холбох хүчний ач холбогдлын тухай дэлгэрэнгүй мэдээлэл байгаа.

Миний өгөх зүйл хангалттай биш юм шиг санагдвал яах вэ?

Залуу эмэгтэйчүүдийн ерөнхий ерөнхийлөгчийн зөвлөлийн нэгдүгээр зөвлөх асан Мишэлл Д.Крэйг эгч ийн заасан.

Гэхдээ та бид өөрсдөдөө байгаагаа Христэд өгч чадах ба Тэрээр бидний хүчин чармайлтыг илүү үр дүнтэй болгоно. Хэрэв та Бурханы ач ивээлд найдах юм бол хүмүүний дутагдал, сул талууд байсан ч гэсэн таны өргөл болгох зүйл хангалттай их байх болно. (“Өөрсдийн бурханлаг байдалд сэтгэл дундуур байх нь,” 2018 оны 10-р сарын Ерөнхий чуулган, 54)

Намайг Түүний бошиглогчийг итгэлтэйгээр дагах үед Их Эзэн намайг хэрхэн адислах вэ?

Далын ахлагч Рандалл К.Бэннэтт ийн заасан.

Хэрэв та нар Тэнгэрлэг Эцэгтээ болон Түүний төлөвлөгөө болох аз жаргалын агуу төлөвлөгөөнд мөн Есүс Христэд болон Түүний Цагаатгалд итгэн үйлдэж, Бурханы бошиглогчдыг дагах юм бол нөхцөл байдал тань ямар байхаас үл хамааран Их Эзэний та нараар хийлгэх бүхнийг хийж, өөрсдийн болбол зохих тийм хүн болох хүч танд өгөгдөх болно гэдгийг би амлаж байна. (“Prophetic Invitations and Promised Blessings,” [Brigham Young University devotional, Mar. 19, 2019], 1, speeches.byu.edu)

Бурхан өөрийн хүмүүсээс хүнд хэцүү зүйлс хийхийг хүссээр байна уу?

Ерөнхийлөгч Рассэлл М.Нэлсон ийн заасан.

Бурхан Өөрийн гэрээт хүүхдүүдээс үргэлж хүнд, хэцүү зүйл хийхийг хүсэж ирсэн. Та нар гэрээгээ сахидаг мөн хожмын өдрүүдийн сүүл үед амьдарч байгаа Бурханы хөвгүүд, охид учраас Их Эзэн та нараас хүнд хэцүү зүйлийг хийхийг хүсэх нь гарцаагүй. Үүнд найдаж болно. …

Та бүхнээс бас бэрхшээлтэй үүрэг даалгавар хүлээн авахыг хүсэх бөгөөд та нар Их Эзэний мутарт зэмсэг байх болно. Тэр та нарыг боломжгүй зүйлийг хийж гүйцэтгэх чадвараар хангана. (“Жинхэнэ мянган жилийнхэн болох нь” [залуучуудад зориулсан дэлхий даяарх онцгой цугларалт, 2016 оны 1-р сарын 10], Gospel Library)

Нэмэлт суралцах үйл ажиллагаа

1 Хаад 17:17–24. Елиа бэлэвсэн эмэгтэйн хүүг үхлээс босгов

1 Хаад 17 дахь Зарефатын бэлэвсэн эмэгтэйгээс итгэлийн өөр нэгэн жишээг харах нь суралцагчдад тустай байж болно. Бэлэвсэн эмэгтэйн хүүд юу тохиолдсоныг олж мэдэхийн тулд 1 Хаад 17:17-г уншихад суралцагчдыг урь. Дараах асуултуудын дагуу ярилцаж болох юм.

Яагаад энэ нь бэлэвсэн эмэгтэйд хачирхалтай санагдсан байж болох вэ?
Та бэлэвсэн эмэгтэйд юу хий гэж зөвлөх байсан бэ?

Дараа нь суралцагчид 1 Хаад 17:19–23-ыг уншаад, бэлэвсэн эмэгтэй тухайн нөхцөл байдлыг хэрхэн хүлээн авсныг харж болно.

Бид энэ түүхээс юу сурч болох вэ?

Бошиглогчийн үгсэд итгэлтэй хариулсан ч бидний амьдралын сорилт бэрхшээлүүд бодитой гэдгийг ойлгоход та суралцагчдад тусалж чадна.

1 Хаад 17:24-ийг уншаад, энэ үйл явдлын дараах бэлэвсэн эмэгтэйн гэрчлэлийг олж мэд.

Сорилт бэрхшээл хэрхэн та нарын Есүс Христэд итгэх итгэлийг хүчирхэгжүүлж байсан бэ?

Хоёр хаант улс

1 Хаад 17 дахь үйл явдлууд нь 1 Хаад 11–12-т өгүүлсэн Израилын хаант улс хуваагдсаны дараа болсон, семинарт суралцагчдын судлах, сударт өгүүлсэн анхны үйл явдлууд байна. Дараах тойм нь Израилын болон Иудагийн хаант улсын талаарх хам сэдвийг ойлгоход суралцагчдад тусална.

Энэ хэлэлцүүлгийг эхлэхийн тулд та дараах цаг хугацааны хүснэгтийг үзүүлээд, Соломон хаан хаана байгааг тодорхойлохыг суралцагчдаас асууж болно.

Дараа нь нэг суралцагч дараах догол мөрийг уншаад, нэгтгэн дүгнэж болох юм.

Соломон Их Эзэний зөв шударга дагалдагч болж амьдралаа эхлүүлсэн хэдий ч эцэстээ Их Эзэний зарлигуудад дуулгаваргүй байхыг сонгосон юм. Их Эзэн дуулгаваргүй байдлынх нь хариуд Соломоноос Израилын хаант улсыг авч, өөрийн үйлчлэгч Иеробоамд өгөх болно хэмээн хэлжээ. Иеробоамын хаанчлалыг Израилын хаант улс, Ефраим буюу хойд хаант улс гэж нэрлэх болов. Соломоны хүү Рехобоам үлдсэн хоёр овгийн хаан болжээ. Рехобоамын хаант улс Иудагийн хаант улс буюу өмнөд хаант улс гэгдэх болов (1 Хаад 11:10–13, 26–40; 12:16–20-ийг үзнэ үү).

Дараа нь суралцагчид цаг хугацааны хүснэгтийг ашиглан хоёр хаант улсыг, тэдгээр хаант улсад номлож байсан бошиглогчдыг тодорхойлон, хаант улс бүрд эцэст нь юу тохиолдохыг тайлбарлаж болно.

Иудагийн хаант улсын тухай илүү ихийг мэдэхийн тулд Судруудын удирдамж дахь “Иуда”-аас дараах догол мөрийг үзнэ үү.

Израилын хаант улсын тухай илүү ихийг мэдэхийн тулд Судруудын удирдамжаас “Израил, Хаант улс”-ыг үзнэ үү.