Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Գ Թագավորների 3. Տերը օրհնում է մեզ Իր աշխատանքը կատարելու համար

«Գ Թագավորների 3. Տերը օրհնում է մեզ Իր աշխատանքը կատարելու համար», Հին Կտակարան․ Սեմինարիայի ուսուցչի ձեռնարկ (2026)

«Գ Թագավորների 3. Տերը օրհնում է մեզ Իր աշխատանքը կատարելու համար», Հին Կտակարան․ Սեմինարիայի ուսուցչի ձեռնարկ

Բ Թագավորների 11–12, Գ Թագավորների 3, 6–9, 11․ Դաս 78

Գ Թագավորների 3

Տերը օրհնում է մեզ Իր աշխատանքը կատարելու համար

Norway: Youth Social Media 2020: Savannah Andrewsen

Երբևէ մտածե՞լ եք, թե Երկնային Հորից ստացած օրհնություններն ինչպես են օգնում ձեզ կատարել Նրա աշխատանքը: Իր հոր՝ Դավթի մահից հետո Սողոմոնը Տիրոջ կողմից նշանակվեց Իսրայելի նոր թագավոր։ Ցանկանալով պատվել Տիրոջը՝ Սողոմոնը խոնարհաբար փնտրում էր օրհնություններ, որոնք կմեծացնեին Տիրոջը և իսրայելացիներին արդարացիորեն ծառայելու իր կարողությունը: Այս դասը կօգնի ուսանողներին հասկանալ, որ Տերը կօրհնի մեզ՝ Իր աշխատանքը կատարելու համար:

Ուսանողի նախապատրաստում. ուսանողներին առաջարկեք գրել մի բան, որ նրանք փորձում են անել՝ մասնակցելու Երկնային Հոր և Հիսուս Քրիստոսի աշխատանքին: Ուսանողներին առաջարկեք աղոթքով հարցնել Երկնային Հորը, թե ինչ օրհնություններ են իրենց անհրաժեշտ՝ օգնելու Նրան իրականացնել Իր աշխատանքը

Հնարավոր ուսումնական վարժություններ

Խոնարհաբար ճանաչենք մեր թույլ կողմերը

Դասի սկզբում կարող եք գրատախտակին նկարել հետևյալ նկարը: Ուսանողները կարող են արտանկարել այն իրենց օրագրերում։ Ապա ուսանողներին առաջարկեք քննարկել հետևյալ հարցերը.

Ի՞նչ եղանակներով է Փրկիչը հրավիրել մեզ մասնակցելու Իր աշխատանքին:
Ո՞ր դեպքերում դեռահասը կարող է իրեն անհամապատասխան զգալ՝ ծառայելու Տիրոջը:

Ուսանողներին առաջարկեք նկարների միջև եղած տարածքում գրել այն եղանակները, որոնց պատճառով դեռահասը կարող է իրեն անհամապատասխան զգալ: Ուսանողները կարող են նշել հետևյալ մտահոգությունները․ անհանգստություն, ամաչկոտություն, ճնշվածության կամ անհամապատասխանության զգացում: Ապա ուսանողներին առաջարկեք խորհել հետևյալ հարցերի շուրջ։

Մտածեք այն հրավերների մասին, որոնք Տերը տվել է ձեզ՝ մասնակցելու Իր աշխատանքին:

Ի՞նչ մտահոգություններ ունեք՝ Նրա հրավերները կատարելու ձեր կարողության վերաբերյալ:
Որքանո՞վ եք վստահում Տիրոջ կարողությանը՝ օգնելու ձեզ հաղթահարել ձեր ունեցած մտահոգությունները:

Այսօրվա ուսումնասիրության ընթացքում հրավիրեք Սուրբ Հոգուն՝ օգնելու ձեզ հասկանալ, թե Տերը ինչպես կարող է օգնել ձեզ կատարել Իր աշխատանքը:

Սողոմոն թագավորը ցանկանում է արդար թագավորել

Կիսվեք ուսանողների հետ այն մասին, որ Դավիթ թագավորի մահից հետո նրա որդի Սողոմոնը Տիրոջ կողմից ընտրվեց որպես Իսրայելի թագավոր (տես Գ Թագավորների 1․11–13)։ Սողոմոնը սիրում էր Տիրոջը և ցանկանում էր լինել արդար թագավոր (տես Գ Թագավորների 3․3)։ Կարող եք փոխել գրատախտակին նկարված մարդուկի անունը, դարձնելով Սողոմոն, իսկ մյուս կողմում գրել՝ լինել արդար թագավոր։

Ինչպիսի՞ գործողություններ կարող էր կատարել արդար թագավորը։
Ի՞նչ կարող էր զգալ Սողոմոնը՝ փոխարինելով իր հորը որպես թագավոր։

Կարող եք ցուցադրել սուրբ գրությունների հետևյալ հատվածները և հարցերը: Կարող եք ուսանողներին բաժանել զույգերի։ Զուգընկերներից մեկին առաջարկեք կարդալ Գ Թագավորների 3․5–9 հատվածները, իսկ մյուսին՝ Գ Թագավորների 3․10–14 հատվածները, ապա հնարավորություն տվեք նրանց կիսվել իրենց պատասխաններով միմյանց հետ:

Կարդացեք Գ Թագավորների 3․5–9 հատվածները՝ փնտրելով, թե ինչ օրհնություններ խնդրեց Սողոմոնը Տիրոջից:

Ի՞նչն է ձեզ տպավորում Սողոմոնի պատասխանի մեջ: Քրիստոսանման ի՞նչ հատկանիշներ է դրսևորում Սողոմոնը։

Կարդացեք Գ Թագավորների 3․10–14 հատվածները՝ փնտրելով այն օրհնությունները, որոնք Տերը խոստացավ Սողոմոնին:

Ինչպե՞ս կարող են «իմաստուն և հասկացող սիրտը» (հատված 12-ում) և «հարստությունն ու պատիվը» (հատված 13-ում) մեծացնել Սողոմոնի՝ Տիրոջը արդարացիորեն ծառայել կարողությունը:
Ի՞նչ պահանջեց Տերը Սողոմոնից՝ այս օրհնություններին արժանացնելու համար (հատված 14)։

Ամփոփ ներկայացրեք Սողոմոնի փորձառությունը Տիրոջ հետ՝ որպես ճշմարտության դրույթ:

Ուսանողները կարող են նշել հետևյալ ճշմարտությունը․ երբ մենք խոնարհաբար ճանաչենք մեր թուլությունը և խնդրենք Տիրոջ օգնությունը մարդկանց օրհնելու համար, Նա կմեծացնի Իր աշխատանքը կատարելու մեր կարողությունը: Օգտակար կլինի գրել այս ճշմարտությունը գրատախտակին և առաջարկել ուսանողներին նշել այս ճշմարտությունն ուսուցանող արտահայտությունները:

Կարդացեք նախագահ Թոմաս Ս. Մոնսոնի (1927–2018) հետևյալ խոսքերը՝ փնտրելով խոստումը, որը տրված է բոլոր այն մարդկանց, որոնք ցանկանում են մասնակցել Տիրոջ աշխատանքին:

Ձեզանից ոմանք կարող են էությամբ ամաչկոտ լինել կամ իրենց համարել անհամապատասխան՝ [Տիրոջ] կոչումն ընդունելու համար: Հիշեք, որ այս աշխատանքը միայն ձերը և իմը չէ։ Դա Տիրոջ աշխատանքն է, և երբ մենք Տիրոջ այգում ենք, մենք Տիրոջ օգնության իրավունքն ունենք։ Հիշեք, որ Տերը կամրացնի մեր մեջքը՝ կրելու համար այն բեռը, որը դրվում է դրա վրա։ («Սովորել, կատարել, լինել», Լիահոնա, նոյ. 2008, 62)

Ինչպե՞ս կարող են նախագահ Մոնսոնի ուսմունքներն օգնել այն մարդուն, որն անհանգստացած էր Տիրոջը ծառայելու իր կարողությամբ:

Կարող եք կամուրջ նկարել գրատախտակին նկարված նկարի յուրաքանչյուր կողմի միջև և անվանել այն Տիրոջ օգնությունը։ Ուսանողներին առաջարկեք այդ նկարը նկարել իրենց օրագրերում։

Տերը մեծացնում է Իրեն ծառայելու մեր կարողությունը

Ուսումնական վարժությունը կատարելուց հետո առաջարկեք ուսանողներին պատասխանել հետևյալ հրավերին:

Վերհիշեք դասի սկզբում ձեր օրագրում նկարված նկարը: Աղոթքով գրեք մեկ կամ երկու թուլություն, որոնք, ձեր կարծիքով, կարող են խանգարել ձեզ ավելի լավ ծառայել Երկնային Հորը և Հիսուս Քրիստոսին: Հրավիրեք Սուրբ Հոգուն՝ օգնելու ձեզ ճանաչել այն օրհնությունները, որոնք կարող եք խնդրել Տիրոջից՝ օգնելու ձեզ հաղթահարել այդ թուլությունները:

Հասկացողություն ցուցաբերեք

Ուսանողներին հնարավորություն տվեք կիսվել իրենց սովորածով: Դա կարող է հրավիրել Սուրբ Հոգուն վկայելու, որ այն, ինչով նրանք կիսվում են, ճշմարիտ է: Հետևյալ վարժությունը կօգնի ուսանողներին:

Պատկերացրեք, որ ձեր ընկերը կիսվում է իր անհանգստությամբ՝ ձեր ծխում կամ ճյուղում նոր կոչում ստանալու վերաբերյալ: Այսօրվա ձեր ուսումնասիրածից ինչո՞վ կկիսվեք, որը կարող է օգնել ձեր ընկերոջը:

Առաջարկեք պատրաստակամ ուսանողներին կիսվել դասարանի հետ: Խրախուսեք ուսանողներին աշխատաթերթը տուն տանել և իրենց սովորածով կիսվել ընտանիքի անդամների կամ ընկերոջ հետ: Կարող եք վկայել Տիրոջ զորության և պատրաստակամության մասին՝ օրհնելու մեզ այն ամենով, ինչն անհրաժեշտ է մեզ, որպեսզի կարողանանք հավատարմորեն աշխատել Նրա հետ այս մեծ աշխատանքում:

Լրացուցիչ նյութեր

Ի՞նչ օրհնություններ կարող եմ խնդրել Տիրոջից, որպեսզի Նա օգնի ինձ մասնակցել Իր աշխատանքին:

Տասներկու Առաքյալների Քվորումից երեց Գարի Ի. Սթիվենսոնը բացատրել է.

14:11

Աստվածատուր պարգևները մարդկանց տաղանդավոր են դարձնում։

Ավետարանի տեսանկյունից Աստված օժտում է Իր զավակներին բազմաթիվ հոգևոր պարգևներով, այդպիսով դարձնելով նրանց տաղանդավոր մարդիկ։ Եկեղեցու ուխտեր պահող անդամները ստանում են Հոգու պարգևներ, որոնց թվում են՝ մեր Փրկիչ Հիսուս Քրիստոսի մասին վկայության պարգևը, Սուրբ Հոգու պարգևը, բժշկելու և բժշկվելու հավատքի պարգևը, խորաթափանցության պարգևը, հրաշքներ ստանալու պարգևը և իմաստության ու գիտելիքի պարգևը։ Տերը հրավիրում է մեզ ջանասիրաբար փնտրել լավագույն պարգևները, այդ թվում՝ հոգևոր պարգևները։ Նա տալիս է հոգևոր պարգևներ՝ մեզ օրհնելու և այլոց օրհնելիս դրանք օգտագործելու համար։ («Հոգու հուշումները», Լիահոնա, նոյ․ 2023, 42)

Ի՞նչ անել, եթե ես հուսահատություն եմ զգում իմ ունակությունների վերաբերյալ:

Առաջին Նախագահության նախկին նախագահ Դիտեր Ֆ․ Ուխդորֆը հիշեցրել է մեզ.

17:56

Երբեմն մենք հուսահատվում ենք, որովհետև մենք «ավելին» չենք՝ ավելի հոգևոր, հարգված, խելացի, առողջ, հարուստ, ընկերասեր կամ ունակ։ Բնականաբար, կատարելագործվել ցանկանալու մեջ սխալ բան չկա։ Աստված մեզ ստեղծել է, որպեսզի աճենք և զարգանանք։ Բայց հիշեք, որ մեր թուլությունները կարող են օգնել մեզ խոնարհ լինել և դառնալ դեպի Քրիստոսը, որը «թույլ կողմերը կդարձնի ուժեղ»։ Մյուս կողմից, սատանան, օգտվելով մեր թուլություններից, հուսահատեցնում է մեզ, որպեսզի մենք այլևս չփորձենք փոխվել։

Իմ կյանքում ես հասկացել եմ, որ կարիք չկա, որ մենք լինենք «ավելին», որպեսզի սկսենք դառնալ այն մարդը, որին ցանկանում է տեսնել Աստված։

Աստված կվերցնի ձեզ այնպես, ինչպես կաք այս պահին և կսկսի աշխատել ձեզ հետ։ Ձեզ միայն անհրաժեշտ կլինի ունենալ պատրաստակամ սիրտ, հավատալու ցանկություն և Տիրոջ հանդեպ վստահություն։ («Ավետարանը հրաշալիորեն գործում է», Լիահոնա, նոյ․ 2015, 22)

Օժանդակ ուսումնական վարժություններ

Օգնություն խնդրեք Տիրոջից՝ դժվարությունները հաղթահարելու համար

Ուսանողների համար օգտակար կլինի այլ պատմություններ ուսումնասիրել այն մարդկանց մասին, որոնք խոնարհաբար խնդրել են Տիրոջ օգնությունը և ստացել այն՝ Նրա աշխատանքը կատարելու համար:

Ուսանողները կարող են ինքնուրույն գտնել պատմություններ, կամ դուք կարող եք ընտրության համար տրամադրել մի քանի օրինակ․

Ենովք․ Մովսես 6.27–39

Մովսես․ Ելք 3․4–7, 10–14, 4․10–16

Գեդեոն․ Դատավորներ 6․11–16

Էմմա Սմիթ․ Սրբեր, հ․ 1, 96–97

Նախագահ Ռասսել Մ. Նելսոն․ «Sweet Power of Prayer», Լիահոնա, մայիս 2003, 8

Ուսումնասիրելիս ուսանողները կարող են քննարկել հետևյալ հարցերից մի քանիսը.

Տերը ի՞նչ խնդրեց այս մարդուն անել։
Ի՞նչ թուլություններ կարող էր տեսնել այս մարդն իր մեջ:
Ինչպե՞ս նա օգնություն խնդրեց Տիրոջից:
Տերն ինչպե՞ս օրհնեց նրան: Ինչպե՞ս նա գործեց հավատքով, որպեսզի արժանանա Տիրոջ օրհնություններին:

Ուսանողները կարող են համառոտ պատմել իրենց ընտրած անձի մասին՝ կիսվելով այդ պատմությամբ և իրենց սովորածով փոքր խմբի կամ դասարանի հետ: Ուսանողներին առաջարկեք նկարել տվյալ մարդու նկարը կամ պատկերել պատմությունը՝ կիսվելիս այն ցուցադրելու համար:

Գ Թագավորների 3․16–28 Սողոմոնը ցույց է տալիս իր հասկացող սիրտը

Որպեսզի ուսանողները տեսնեն օրինակը, թե Սողոմոնն ինչպես օգտագործեց Տիրոջ տված օրհնությունները, առաջարկեք նրանց կարդալ Գ Թագավորների 3․16–28 հատվածները։ Սողոմոնի և երկու կանանց պատմությունն ուսումնասիրելիս կարող եք քննարկման համար տալ հետևյալ հարցերը.

Սողոմոնն ինչպե՞ս ցույց տվեց Տիրոջ կողմից տրված իմաստության և հասկացող սրտի պարգևը։
Ինչպե՞ս կարող են հասկացողության և խորաթափանցության պարգևներն օգնել ձեզ մասնակցել Տիրոջ աշխատանքին:

Այնուհետև ուսանողները կարող են կարդալ Գ Թագավորների 4․29–34 հատվածները՝ տեսնելու, թե Սողոմոնին տրված Տիրոջ պարգևները ինչպես օրհնեցին իր ժողովրդին: