2 Samuelit 11–12

Paraqitni një figurë të Shpëtimtarit me shigjeta që shkojnë drejt figurës dhe larg prej saj. Ftojini nxënësit t’u përgjigjen pyetjeve vijuese. Nxënësit mund t’i shkruajnë përgjigjet e tyre nën shigjetat e duhura në tabelë.

Nxënësit mund të tregojnë një larmi frazash të tilla si këto: “Nuk është ndonjë gjë me rëndësi”; “Mund të pendohesh më vonë” dhe “Nuk po lëndoj askënd”. Nëse nxënësit nuk e përmendin, shkruajeni frazën Askush nuk do ta dijë në tabelë. Paragrafi vijues është një ftesë që nxënësit të përfshijnë Shpirtin ndërsa i marrin parasysh mendimet që kanë kur bëjnë gabime.

Ftojini nxënësit të kujtojnë historitë që kanë studiuar, që tregonin se Zoti po e udhërrëfente dhe drejtonte Davidin. Ju mund të tregoni se historia që ata do të studiojnë sot, demonstron atë që ndodhi kur Davidi mori një sërë vendimesh që e larguan atë nga Ati Qiellor dhe Jezu Krishti.

Ndërsa një nxënës lexon secilin varg të fragmentit vijues, të tjerët në klasë mund të ngrenë lart fjalën Ndal ose të shprehen me gjeste kur shohin Davidin të marrë një vendim që e largoi atë nga Zoti. Sa herë që ai ndalon, nxënësit mund të diskutojnë pyetjen e mëposhtme.

Ftojini nxënësit të krijojnë një listë në tabelë të vendimeve që mori Davidi në këto vargje dhe t’i shenjojnë ato në shkrimet e tyre të shenjta. Kolona e majtë e tabelës në këtë mësim përfshin shembujt e asaj që mund të gjejnë nxënësit.

Veprimtaria vijuese është një mënyrë për t’i ndihmuar nxënësit të shohin se edhe me tundime si ato me të cilat u përball Davidi, Zoti ka siguruar mësime që mund të na ndihmojnë ta shmangim tundimin dhe t’i shpëtojmë mëkatit. Mund të paraqitni udhëzimet e mëposhtme që nxënësit t’i ndjekin në grupe të vogla ose individualisht. Në varësi të aftësive të nxënësve tuaj, nëse doni, mund t’i paraqitni shkrimet e shenjta në kolonën e dytë dhe ta përshtatni hapin e dytë për t’i vënë nxënësit të lexojnë shkrimin e shenjtë ose shkrimet e shenjta në vend që t’i gjejnë ato.

Për t’i përmbledhur vargjet te 2 Samuelit 11:6–13, mund të shpjegoni se kur mësoi se Bath‑Sheba ishte shtatzënë, Davidi thirri bashkëshortin e saj, Uriahun, që të kthehej në shtëpi nga beteja. Davidi e urdhëroi Uriahun të kalonte natën me Bath‑Shebën që të dukej se Uriahu ishte përgjegjës për shtatzëninë e saj.

Referojuni listës së vendimeve të Davidit në tabelë dhe shtoni Davidi u përpoq t’i fshihte mëkatet e tij.

Shpjegojuni nxënësve se pas vdekjes së Uriahut, Zoti dërgoi profetin e Tij, Nathanin, te mbreti David. Ndërsa lexojnë shëmbëlltyrën vijuese, nxënësit mund ta ilustrojnë historinë në tabelë ose në ditarët e tyre të studimit.

Nëse është e nevojshme, mund t’i referoheni vargut te Doktrina e Besëlidhje 132:39, duke treguar se urdhri për vrasjen e Uriahut ishte përpjekja e fundit e Davidit për t’i fshehur mëkatet e tij. Me këtë vendim, Davidi e humbi ekzaltimin e tij. Sigurojini nxënësit se Zoti e donte ende Davidin, por kishte bekime që Davidi nuk mund t’i merrte si pasojë e vendimeve të tij.

Ftojini nxënësit ta përsiatin në heshtje atë që mësuan dhe ndien nga historia e Davidit. Ndihmojini nxënësit të kuptojnë se, për shkak se Ati Qiellor dhe Jezu Krishti na njohin përsosurisht, Ata i kuptojnë rrethanat tona, përse bëmë zgjedhjet që bëmë dhe se si të na ndihmojnë të kthehemi sërish tek Ata.

Disa nxënës mund të ndihen të shkurajuar nga gabimet që kanë bërë. Për t’i ndihmuar të përqendrohen te dëshira e Zotit për t’i falur, mund të shfaqni materialin filmik “The Savior Wants to Forgive” [“Shpëtimtari Dëshiron të Falë”] (5:50) ose “I Stand All Amazed” [“Qëndroj Plot Habi”] (5:15). Të dyja janë në dispozicion te ChurchofJesusChrist.org.

5:50

5:16

Për t’i ndihmuar nxënësit të japin kuptueshmërinë e tyre për të vërtetat që jepen mësim, merreni parasysh të përdorni figurën nga fillimi i orës mësimore. Mund t’i ftoni nxënësit të vizatojnë diçka të ngjashme në ditarët e tyre të studimit. Më pas, paraqitni udhëzimet vijuese që nxënësit t’i përmbushin.

Merreni parasysh ta përmbyllni orën mësimore me dëshminë tuaj që Ati Qiellor dhe Jezu Krishti i njohin dhe i duan nxënësit përsosurisht. Mund t’i siguroni nxënësit se, pavarësisht se me cilat vështirësi përballemi, Ati Qiellor dhe Jezu Krishti na duan dhe mezi presin të na ndihmojnë të pendohemi.