Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

1 Samuel 8: Ang Israel ay Naghangad ng Hari

“1 Samuel 8: Ang Israel ay Naghangad ng Hari,’” Manwal ng Titser ng Seminary para sa Lumang Tipan (2026)

“1 Samuel 8: Ang Israel ay Naghangad ng Hari,’” Manwal ng Titser ng Seminary para sa Lumang Tipan

1 Samuel 8–10; 13; 15–16: Lesson 71

1 Samuel 8

Ang Israel ay Naghangad ng Hari

Jesus Christ in white robes riding on a white donkey. He is passing through a brick arch into Jerusalem. Numerous people are following Him. Some of which are waving palm leaves and laying cloth on the ground in front of Him.

Tulad ng maraming tao ngayon, ang mga sinaunang Israelita ay nagpadala sa tuksong makibagay sa iba sa halip na sumunod sa Panginoon. Sa loob ng maraming taon sa lupang pangako, ginabayan ng Panginoon ang Israel sa pamamagitan ng mga hukom tulad ni Samuel. Kalaunan sa buhay ni Samuel, hinangad ng mga Israelita na magkaroon ng hari “gaya ng lahat ng mga bansa” (1 Samuel 8:5) sa halip na ang Panginoon ang maghari sa kanila. Ang lesson na ito ay makatutulong sa mga estudyante na maunawaan ang kahalagahan ng pagpili na sundin si Jesucristo sa halip na ang mga makamundong impluwensya.

Paghahanda ng estudyante: Anyayahan ang mga estudyante na gumawa ng listahan ng anumang pamimilit ng iba na suwayin ang mga pamantayan at kautusan ng Panginoon na nararanasan nila. Anyayahan ang mga estudyante na isipin ang maaaring pagbabago sa kanilang buhay kapag sinunod nila si Jesucristo sa halip na magpadala sa mga pamimilit na iyon.

Mga Posibleng Aktibidad sa Pag-aaral

Paggawa ng desisyon

Upang matulungan ang mga estudyante na pag-isipan kung ano ang nakakaimpluwensya sa kanilang mga desisyon, maaaring isulat sa pisara ang sumusunod na pahayag. Maaaring kumpletuhin ng mga estudyante ang pahayag at sagutin ang mga tanong na kasama nito bilang klase o sa maliliit na grupo.

Gusto ng ilang tinedyer na dahil “ginagawa ito ng lahat.”

Anong mga hamon ang maaaring maranasan ng isang tinedyer kung iyon ang dahilan niya sa paggawa ng mga bagay?
Paano maaapektuhan ng dahilan na iyon sa paggawa ng mga bagay ang kanilang ugnayan sa Ama sa Langit at kay Jesucristo?

Bigyan ng pagkakataon ang mga estudyante na pagnilayan kung paano nakakaimpluwensya sa kanilang buhay ang pamimilit ng iba. Ang isang paraan para magawa ito ay sa pagbibigay sa mga estudyante ng mga sumusunod na tagubilin at pagdispley sa scale.

Isipin kung ano ang nakakaimpluwensya sa mga desisyong ginagawa mo sa iyong buhay. Idrowing ang sumusunod na scale sa iyong study journal. Magdrowing ng isang maliit na stick figure ng iyong sarili na kumakatawan sa kung saan mo ilalagay ang iyong sarili sa scale.

Upang matulungan ang mga estudyante na matukoy kung ano ang maaaring nakakaimpluwensya sa mga partikular na desisyon sa kanilang buhay, maaari silang magbigay o maaari kang magbigay ng mga halimbawa ng mga desisyong kinakaharap nila. Kabilang sa mga posibleng halimbawa ang paraan ng kanilang pananamit, pagpili ng entertainment at media, at kung paano nila ginugugol ang kanilang oras. Maaari mong paisa-isang ibahagi ang mga halimbawang ito at anyayahan ang mga estudyante na magdrowing ng mga karagdagang stick figure sa scale para sa bawat halimbawa.

Anyayahan ang mga estudyante na hingin ang impluwensya ng Espiritu Santo habang pinag-iisipan nila ang sariling nilang mga desisyon habang pinag-aaralan ang 1 Samuel 8.

Isang hari “gaya ng lahat ng mga bansa”

Sa loob ng maraming taon sa lupang pangako, ginabayan ng Panginoon ang mga Israelita sa pamamagitan ng mga hukom tulad ni Samuel. Nang lumaki si Samuel, lumapit sa kanya ang mga elder ng Israel na may kahilingan.

Basahin ang 1 Samuel 8:4–7, at alamin kung paano maaaring tapusin ng mga anak ni Israel ang pahayag mula sa simula ng lesson.

Ano ang nais ng mga anak ni Israel?
Sa inyong palagay, bakit hindi malulugod si Samuel sa kanilang mga dahilan kung bakit gusto nilang magkaroon ng hari?

Maaaring tila nakakagulat na sabihin ng Panginoon kay Samuel na pakinggan ang maling pagpili ng kanyang mga tao (tingnan sa talata 7). Iginagalang ng Ama sa Langit ang karapatang pumili at hindi Niya tayo pipilitin na piliin ang tama. Gayunpaman, bago gawin ng mga Israelita ang kanilang huling desisyon, lubos ang pagmamahal sa kanila ng Panginoon kaya nagbigay Siya ng babala sa kanila sa pamamagitan ni Samuel tungkol sa mga bunga ng kanilang pagpili (tingnan sa 1 Samuel 8:9).

Ang isang paraan kung paano mo matutulungan ang mga estudyante na makita kung paano inilalarawan ng mga banal na kasulatan ang mga katotohanan ng ebanghelyo ay sa pamamagitan ng pagsulat ng isang katotohanan sa pisara. Pagkatapos ay sabihin sa mga estudyante na maghanap ng scripture passage, at maghanap ng katibayan ng katotohanang iyon.

Maaari mong ipakita sa pisara ang sumusunod na katotohanan. Maaaring basahin ng mga estudyante ang mga kalakip na talata kasama ang isang kapartner, at huminto sandali pagkatapos ng kada ilang talata para talakayin ang nalaman nila.

Ang pagpili na sundin ang mundo sa halip na ang mapagmahal na payo ng Panginoon ay hahantong sa pagdurusa at pagsisisi.

Habang pinag-aaralan ninyo ang 1 Samuel 8:10–18, maghanap ng mga salita o parirala na tumutulong sa pagtuturo ng katotohanang ito.

Habang sinasagot ng mga estudyante ang mga sumusunod na tanong, ipaalala sa kanila na huwag magbahagi ng mga pangalan o partikular na detalye tungkol sa mga taong personal nilang kilala. Ang mga halimbawa ay maaaring magmula sa kanilang buhay, buhay ng iba, o mula sa mga salaysay sa mga banal na kasulatan o kasaysayan ng Simbahan.

Anong mga halimbawa ang nakita ninyo na kung saan humantong sa pagdurusa o pagsisisi ang pagpiling sundin ang mundo?
Paano ninyo nakita na ang pagpiling sundin ang Ama sa Langit at si Jesucristo ay humahantong sa kagalakan at mas matatag na ugnayan sa Kanila?

Pagpili sa Panginoon sa halip na mga makamundong impluwensya

Ang sumusunod na aktibidad ay makatutulong sa mga estudyante na matuklasan ang payo na ibinigay ng Panginoon para protektahan sila laban sa pagpapatangay sa mga tuksong maaaring napipilitan silang gawin o paniwalaan. Maaari mong sabihin sa mga estudyante na kumpletuhin sa maliliit na grupo ang hakbang 1 at 2. Pagkatapos ay maaari nilang kumpletuhin ang hakbang 3 nang mag-isa.

Ipakita ang mga sumusunod na tagubilin.

Pumili ng isang bagay na maaaring mapilitang gawin o paniwalaan ng mga tinedyer na miyembro ng Simbahan sa iyong paligid.
Gamitin ang mga banal na kasulatan, mga tulong sa pag-aaral ng mga banal na kasulatan, Para sa Lakas ng mga Kabataan: Isang Gabay sa Paggawa ng mga Pagpili, o ang Gospel Library app para sagutin ang mga sumusunod na tanong tungkol sa pamimilit na pinili mo:
1. Anong payo ang ibinigay sa atin ng Panginoon tungkol dito?
2. Anong mga pagpapala ang ipinangako ng Panginoon sa mga tao na pinipili Siya kaysa sa mga makamundong impluwensya?
Isipin kung ano ang pinaniniwalaan mo tungkol sa Ama sa Langit at kay Jesucristo. Magsulat ng ilang pangungusap tungkol sa kung paano makatutulong sa iyo ang kaalamang ito na sundin Sila sa halip na ang mga makamundong impluwensya.

Pagkatapos ng sapat na oras, bigyan ng pagkakataon ang mga estudyante na ibahagi sa iba ang natutuhan nila sa kanilang pag-aaral.

Ipakita ang naunawaan

Nilalayon ng bahaging ito na bigyan ng pagkakataon ang mga estudyante na ipakita ang kanilang naunawaan sa natutuhan nila ngayon.

Basahin ang 1 Samuel 8:19–22, at alamin kung paano tumugon ang Israel sa mga babala ng Panginoon tungkol sa kanilang hangaring magkaroon ng hari.

Mula sa natutuhan ninyo ngayon, ano ang gusto ninyong sabihin sa mga Israelita bago ang talagang desisyon o pipiliin nila?

Magiging kapaki-pakinabang sa mga lesson sa hinaharap na malaman ng mga estudyante na iginalang ng Panginoon ang karapatan ng mga Israelita na pumili at binigyan Niya ng tagubilin si Samuel na hirangin si Saul bilang Hari ng Israel (tingnan sa 1 Samuel 9–10).

Karagdagang Resources

Paano natin madaraig ang mga pamimilit at tinig ng mundo?

Ipinaliwanag ni Pangulong Russell M. Nelson:

5:49

Ang mga impluwensiya ng mundo ay kahika-hikayat at napakarami. Ngunit napakaraming impluwensiya ang mapanlinlang, mapanukso, at makapaglalayo sa atin sa landas ng tipan. Upang maiwasan ang tiyak na pagdurusang kahahantungan nito, sumasamo ako sa inyo ngayon na labanan ang panunukso ng mundo sa pamamagitan ng paglalaan ng panahon para sa Panginoon sa inyong buhay—sa bawat araw. (“Maglaan ng Oras para sa Panginoon,” Liahona, Nob. 2021, 120)

Itinuturo sa Para sa Lakas ng mga Kabataan: Isang Gabay sa Paggawa ng mga Pagpili:

Alam [ng Ama sa Langit] na makakagawa kayo ng kaibhan sa mundo, at kinakailangan diyan, sa maraming sitwasyon, na maiba kayo sa mundo. Hingin ang patnubay ng inyong Ama sa Langit sa paggawa ninyo ng mga pagpili. Bibiyayaan Niya kayo ng inspirasyon sa pamamagitan ng Espiritu Santo. (“Para sa Lakas ng mga Kabataan: Isang Gabay sa Paggawa ng mga Pagpili” [2022], 4)

Ano ang mga bunga ng hindi pagpansin sa payo ng Panginoon?

Itinuro ni Elder Dieter F. Uchtdorf ng Korum ng Labindalawang Apostol:

Madalas na ipinapaalala sa atin ng Aklat ni Mormon ang mga bunga ng pagpapatangay sa ating makamundong katangian sa halip na sundin ang ating Tagapagligtas. Kapag ginagawa natin ito, ang ating mga kilos ay tiyak na hahantong sa kawalan ng pag-asa, pagkaalipin, pagdurusa, at panghihinayang.

Ibinigay sa atin ng Diyos ang mahalagang kaloob na maging malaya sa pagpili kung paano tayo mag-iisip at paano tayo kikilos. Maaari nating tanggihan ang mga salita ng Diyos o ng Kanyang mga propeta. Maaari pa nga nating isipin na mas mabuti ang ating paraan. Maaaring kasiya-siya ito sa atin—sa umpisa. Maaaring maganda pa nga ito sa pakiramdam sa loob ng ilang panahon. Pero hindi natin matatakasan ang mga bunga ng ating mga desisyon. (“Pag-iwas sa mga Parola at Paghahanap ng Liwanag,” Para sa Lakas ng mga Kabataan, Hunyo 2022, 5)

Bakit sinabi ng Panginoon kay Samuel na makinig sa mga tao at bigyan sila ng hari?

Ipinaliwanag ni Pangulong Ezra Taft Benson (1899–1994):

Kung minsan, pansamantalang ipinagkakaloob [ng Diyos] sa mga tao ang mga maling hiling nila para matuto sila sa sarili nilang malulungkot na karanasan. Tinatawag ito ng ilan na “prinsipyo ni Samuel.” …

Kung minsan, sa mga pagtatangka nating gayahin ang mundo, at taliwas sa payo ng propeta, sinusunod natin ang mga maling ideya sa edukasyon, pulitika, musika, at pananamit. Mananaig ang mga bagong makamundong pamantayan, magkakaroon ng unti-unting pagkasira, at sa huli, matapos ang maraming pagdurusa, magiging handa ang mga mapagpakumbabang tao na muling maturuan ng mas mataas na batas. (“Jesus Christ—Gifts and Expectations,” New Era, Mayo 1975, 17–18)

Mga Karagdagang Aktibidad sa Pag-aaral

1 Samuel 8:20: Ano ang ginagawa ni Jesucristo para sa atin

Maaaring maging kapaki-pakinabang para sa mga estudyante na maunawaan kung paanong ginagawa na ng Panginoon para sa atin ang inaasahan ng mga Israelita na gawin para sa kanila ng kanilang bagong hari sa 1 Samuel 8:20. Maaari kang magsulat ng tatlong heading sa pisara: Si Jesucristo ang ating Hukom, Si Jesucristo ang namumuno sa atin, at Si Jesucristo ang lumalaban sa ating mga digmaan. Pagkatapos ay maaaring pumili ang mga estudyante ng isa sa mga heading at tumukoy ng mga banal na kasulatan o magbahagi ng mga personal na karanasan na sumusuporta rito.

Kung kakailanganin ng mga estudyante ng tulong, maaari mong ibigay ang ilan sa mga sumusunod na banal na kasulatan:

Si Jesucristo ang ating Hukom: Isaias 33:22; Doktrina at mga Tipan 64:10–11

Si Jesucristo ang namumuno sa atin: Exodo 13:18; Isaias 48:17; Alma 36:28

Si Jesucristo ang lumalaban sa ating mga digmaan: Josue 23:10; 2 Mga Cronica 20:15; Doktrina at mga Tipan 105:14

1 Samuel 9: Ang ating banal na identidad

Madarama ng mga estudyante ang kahalagahan ng kanilang identidad bilang mga anak ng Diyos sa pamamagitan ng paghahambing ng nadarama ni Saul tungkol sa kanyang sarili sa kung paano siya tiningnan ng Panginoon. Upang magawa ito, maaaring basahin ng mga estudyante ang 1 Samuel 9:21 para malaman kung ano ang nadama ni Saul tungkol sa kanyang sarili nang hirangin siya ni Samuel na maging hari ng Israel. Anyayahan ang mga estudyante na basahin ang 1 Samuel 9:2 at tukuyin ang mga parirala na maaaring magpahiwatig kung paano tiningnan ng Panginoon si Saul.

Maaaring bigyan ng ilang minuto ang mga estudyante na isipin kung paano nila tinitingnan ang kanilang sarili na naiiba sa kung paano sila tinitingnan ng kanilang Ama sa Langit at Tagapagligtas. Upang magawa ito, maaaring isulat ng mga estudyante ang kanilang sagot sa sumusunod:

Paano makatutulong ang pagtingin sa aking sarili nang may walang-hanggang pananaw upang makita ko ang aking kabanalan bilang anak ng Diyos?

Bukod pa rito, maaari mong ipanood ang “Napakaganda ng Nagagawa Nito” mula sa time code na 12:25 hanggang 14:48. Anyayahan ang mga estudyante na itala ang anumang impresyon na matatanggap nila habang nakikinig sila kay Pangulong Dieter F. Uchtdorf, na noon ay kabilang sa Unang Panguluhan.

17:55

1 Samuel 9: Ang katungkulan ni Samuel bilang tagakita

Maaaring makinabang ang mga estudyante sa pag-aaral pa ng tungkol sa pagiging tagakita ng propeta sa pamamagitan ng pag-alam kung paano ginamit ng Panginoon ang Kanyang tagakita, na si Samuel, sa paghirang kay Saul na maging hari ng Israel. Ipaliwanag na isinugo ng ama ni Saul na si Kish, si Saul at isang tagapaglingkod upang hanapin ang kanyang mga nawawalang hayop. Nang hindi mahanap ang mga ito, iminungkahi ng tagapaglingkod na bisitahin nila si Samuel, “ang tagakita” at “tao ng Diyos” (1 Samuel 9:8–11), para humingi ng tulong. Maaari mong ipaalala sa mga estudyante na ang mga miyembro ng Unang Panguluhan at Korum ng Labindalawang Apostol ay sinang-ayunan bilang mga propeta, tagakita, at tagapaghayag.

Maaaring basahin ng mga estudyante ang 1 Samuel 9:14–24, at maghanap ng mga katibayan ng tungkulin ni Samuel bilang tagakita ng Panginoon. Pagkatapos ay maaaring talakayin ng mga estudyante kung paano naglilingkod bilang mga tagakita ang mga propeta at apostol sa ating kasalukuyang panahon.

Mga bunga ng ating mga pagpili

Maaaring ipanood ang isa sa mga sumusunod na video para matulungan ang mga estudyante na maunawaan ang mga bunga ng pagsunod sa mga makamundong impluwensya o sa pagsunod sa Panginoon. Magagamit ang mga ito kapag natapos na ng mga estudyante ang aktibidad sa bahaging “Pagpili sa Panginoon sa halip na ang mga makamundong impluwensya” ng lesson.

“Leave the Party” (6:26). Maaaring matukoy ng mga estudyante ang mga pagkakaiba ng mga kinahinatnan ng mga kabataang ito batay sa kung sino ang pinili nilang sundin.

6:26

“Life’s Lessons Learned,” mula sa time code na 6:15 hanggang 8:00. Ibinahagi ni Elder Joseph B. Wirthlin (1917–2008) ng Korum ng Labindalawang Apostol ang tungkol sa isang pagpili na ginawa niya at ang mga bunga na naiwasan niya dahil dito.

13:1

Maaaring talakayin ng mga estudyante ang mga posibleng bunga na maaaring kinaharap ni Elder Wirthlin kung iba ang naging desisyon niya.