Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Mga Hukom 6–8: “Ako’y Makakasama Mo”

“Mga Hukom 6–8: ‘Ako’y Makakasama Mo,’” Manwal ng Titser ng Seminary para sa Lumang Tipan (2026)

“Mga Hukom 6–8: ‘Ako’y Makakasama Mo,’” Manwal ng Titser ng Seminary para sa Lumang Tipan

Mga Hukom 2–4; 6–8; 13–16: Lesson 66

Mga Hukom 6–8

“Ako’y Makakasama Mo”

Gideon's band of 300 men feign an attack on their enemy.

Pagkatapos manalangin ng mga Israelita para sa kaligtasan, tinawag ng Panginoon si Gideon upang iligtas sila mula sa kanilang mga kaaway. Ipinakita ng Panginoon ang Kanyang lakas sa pamamagitan ng pagtulong sa mga Israelita na talunin ang mahigit 135,000 kawal sa pamamagitan lamang ng 300 kawal ni Gideon. Ang lesson na ito ay makatutulong sa mga estudyante na makadama ng mas matinding hangaring umasa kay Jesucristo para sa lakas.

Paghahanda ng estudyante: Sabihin sa mga estudyante na maghanap ng banal na kasulatan na nagpapakita ng lakas na maaari nating matanggap mula sa Panginoon. Dumating sa klase na handa itong ibahagi.

Mga Posibleng Aktibidad sa Pag-aaral

Iba’t ibang uri ng lakas

Sino ang ilang tao na maituturing ninyo na “malakas”?
Ano ang iba’t ibang paraan kung paano makikitang malakas ang isang tao?

Ipaliwanag na ang isang uri ng lakas ay ang kakayahan ng isang tao na umasa sa Panginoon.

Maaari mong bigyan ng pagkakataon ang mga estudyante na i-assess kung gaano sila umaasa sa Panginoon sa mahihirap na sitwasyon na maaari nilang kaharapin. Maaari mong gamitin ang mga sumusunod na sitwasyon o mag-isip ng iba na mas nauugnay sa iyong mga estudyante.

Isipin kung gaano kalaki ang posibilidad na aasa kayo sa lakas ng Diyos sa iba’t ibang sitwasyon. Para sa bawat sitwasyong nakalista sa ibaba, tukuyin kung saan ninyo ilalagay ang inyong sarili sa sumusunod na diagram.

Paggawa ng mahahalagang desisyon
Pagharap sa isang pinsala o sakit
Pagbuti bilang isang tao
Pagharap sa mga hamon kasama ang pamilya o mga kaibigan

Sa pag-aaral ninyo ngayon ng tungkol kay Gideon, manalangin na tulungan kayo ng Ama sa Langit na madama ang kahalagahan ng pag-asa sa Panginoon para sa lakas sa inyong buhay. Bigyang-pansin ang mga ideya o damdamin na maaaring ipadala sa inyo ng Diyos sa pamamagitan ng Espiritu Santo.

Si Gideon at ang mga Israelita

Upang matulungan ang mga estudyante na maunawaan ang konteksto ng Mga Hukom 6, maaari mong balikan ang graphic ng cycle ng kapalaluan mula sa Lesson 65: “Mga Hukom 2–4.” Maaari mo ring basahin o ibuod ang sumusunod na talata.

Inilarawan ng Hukom 6 ang isa pang pagkakataon na nalimot ng mga Israelita ang Panginoon at nawala sa kanila ang Kanyang mga pagpapala. Nagsimulang pahirapan ng isang grupo ng mga tao na tinatawag na mga Midianita ang mga Israelita. Sa loob ng pitong taon ay ninanakaw ng mga Midianita ang mga butil at mga hayop ng mga Israelita tuwing panahon ng tag-ani. Dahil dito, nagdanas ng kahirapan ang mga Israelita. Sa kawalan ng pag-asa, bumaling sila sa Panginoon para sa tulong. Pagkatapos maalala ng mga Israelita ang Panginoon at magsumamo sa Kanya, nagbangon Siya ng isang matwid na lalaki na nagngangalang Gideon upang iligtas sila mula sa kanilang mga kaaway.

Pag-asa sa Panginoon

Kapag natapos na ng mga estudyante ang handout, sabihin sa kanila na magbahagi ng buod ng natutuhan nila mula sa kuwento ni Gideon.

Sabihin sa ilang estudyante na ibahagi ang katotohanang isinulat nila para sa aktibidad sa pag-aaral 3. Ang sumusunod ay isang halimbawa: Kung aasa tayo sa Panginoon, pagpapalain Niya tayo ng Kanyang lakas.

Ano ang iba’t ibang paraan na mapapalakas tayo ng Panginoon?
Paano tayo makakaasa sa Panginoon ngayon?

Upang mas maunawaan ang katotohanang ito, sabihin sa mga estudyante na isipin na kunwari ay nagpadala sa kanila ng text ang kanilang kaibigan. Ang kaibigan ay nasa isang sitwasyon kung saan nararamdaman niya na hindi sapat ang kanyang lakas. Magpabahagi sa mga estudyante ng ilang halimbawa kung ano kaya ang sitwasyong ito. Sabihin sa klase na pumili ng isang sitwasyon na sa palagay nila ay magiging pinakamakabuluhan na talakayin ngayon.

Maghanda ng maaari ninyong isagot sa text. Isulat ito sa inyong study journal. Kung gusto ninyo, magdrowing ng telepono na may mga text bubble, at isulat ang inyong sagot sa loob nito. Dapat makita sa inyong sagot ang kahit dalawa sa mga sumusunod:

1. Kung paano makatutulong ang halimbawa ni Gideon.

2. Kung paano makatutulong sa inyong kaibigan ang iba pang banal na kasulatan na umasa sa Panginoon. (Ang ilang halimbawa ay ang Mga Kawikaan 3:5–6; Filipos 4:13; Alma 26:12; Eter 12:27. Maaari ninyong hanapin ang “Pagtitiwala” sa Gabay sa mga Banal na Kasulatan.)

3. Kung ano ang alam ninyo tungkol sa Panginoon na tumutulong sa inyo na umasa sa Kanya.

4. Mga karanasan ninyo nang madama ninyo na pinalakas kayo ng Panginoon nang higit pa sa inyong sariling mga kakayahan.

Pangwakas

Sabihin sa mga estudyante na hingin ang patnubay ng Ama sa Langit habang sinasagot nila ang mga sumusunod na tanong sa kanilang study journal.

Ano ang isang bahagi sa iyong buhay na pakiramdam mo ay hindi sapat ang sarili mong lakas?
Ano ang alam mo o ano ang natutuhan mo tungkol sa Panginoon na tutulong sa iyo na umasa sa Kanya?
Ano ang nadarama mo tungkol sa Panginoon at sa Kanyang tulong?

Karagdagang Resources

Paano ako aasa sa Panginoon?

Ipinahayag ni Elder David A. Bednar ng Korum ng Labindalawang Apostol:

Sa maraming kawalang-katiyakan at pagsubok na kinakaharap natin sa buhay at sa dakilang gawaing ito sa mga huling araw, iniuutos sa atin ng Diyos na gawin ang lahat ng ating makakaya, magtiwala sa Kanya, maging sabik sa paggawa, at kumilos at hindi lamang maghintay na pakilusin ng iba. Maaaring hindi tayo makakita ng mga anghel, makarinig ng mga tinig mula sa langit, o makadama ng kagila-gilalas na mga espirituwal na karanasan. Maaaring patuloy tayong sumusulong na umaasa at nagdarasal—ngunit walang ganap na katiyakan—na tayo ay kumikilos ayon sa nais ng Diyos. Ngunit kapag tinutupad natin ang ating mga tipan at sinusunod ang mga kautusan, makasusulong tayo nang may tiwala na gagabayan ng Diyos ang ating mga hakbang. (“Elder Bednar Shares Five Lessons about the Spirit of Revelation with New Mission Leaders,” Church News, Hulyo 10, 2018)

Ano ang kailangan kong gawin upang makakita ng mga himala sa aking buhay?

Itinuro ni Pangulong Russell M. Nelson:

17:17

Tiniyak sa atin ni Moroni na “ang Diyos ay hindi tumitigil na maging Diyos ng mga himala” [Mormon 9:15]. Bawat aklat ng banal na kasulatan ay nagpapakita kung gaano kahanda ang Panginoon na mamagitan sa buhay ng mga naniniwala sa Kanya. Hinawi Niya ang Dagat na Pula para kay Moises, tinulungan si Nephi na mabawi ang mga laminang tanso, at ipinanumbalik ang Kanyang Simbahan sa pamamagitan ni Propetang Joseph Smith. Bawat isa sa mga himalang ito ay nangailangan ng panahon at maaaring hindi mismo ang orihinal na hiniling ng mga taong iyon mula sa Panginoon.

Sa gayunding paraan, pagpapalain kayo ng Panginoon ng mga himala kung maniniwala kayo sa Kanya, “nang walang pag-aalinlangan.” [Mormon 9:21]. Gawin ang espirituwal na gawain sa paghahanap ng mga himala. Hilingin sa Diyos sa panalangin na tulungan kayong magpakita ng ganoong uri ng pananampalataya. Ipinapangako ko na mararanasan ninyo na si Jesucristo ay “nagbibigay ng lakas sa mahina; at sa kanya na walang kapangyarihan ay dinadagdagan niya ng kalakasan” [Isaias 40:29]. May ilang bagay na magpapabilis sa inyong espirituwal na momentum nang higit sa pagkatanto na tinutulungan kayo ng Panginoon na ilipat ang bundok ng inyong buhay. (“Ang Kapangyarihan ng Espirituwal na Momentum,” Liahona, Mayo 2022, 99–100)

Mga Karagdagang Aktibidad sa Pag-aaral

Mga Hukom 6:25–28. Pag-aalis ng masasamang impluwensya sa ating buhay

Kung gusto mong maglaan ng mas maraming oras sa kuwento tungkol kay Gideon na winasak ang dambana ni Baal at itinayo ang dambana ng sakripisyo, isaalang-alang ang sumusunod.

Noong panahon ni Gideon, sinasamba ng mga Israelita si Baal na isang diyus-diyusan ng mga Cananeo. Basahin o alalahanin ang nangyari sa Mga Hukom 6:25–27.

Ano ang nais ng Panginoon na alisin ni Gideon, at ano ang nais Niya na ipalit dito?
Anong mga simbolo ni Cristo ang nakita ninyo sa talata 26? (Tulungan ang mga estudyante na makita na si Cristo ang simbolo ng handog na susunugin at ang paghahandog nito sa ibabaw ng bato, ay simbolo rin ni Cristo.)
Ano sa palagay ninyo ang gusto ng Panginoon na malaman ng mga tao mula sa ginawa ni Gideon?

Sabihin sa mga estudyante na pag-isipan ang ilan sa mga maling pinagkukunan ng lakas na hinahanap natin kung minsan. Sabihin sa kanila na pag-isipan kung paano natin mapapalitan ang mga mapagkukunang iyon ng pagtutuon kay Cristo para sa lakas. Maaari mong ibahagi ang sumusunod na clip mula sa mensahe ni Pangulong Russell M. Nelson na “Daigin ang Mundo at Makasumpong ng Kapahingahan” (Liahona, Nob. 2022, 97).

18:44

Mga Hukom 13–16. Si Samson, isang taong may malaking potensyal

Maaari mong paghambingin ang salaysay tungkol kay Gideon sa salaysay tungkol kay Samson sa pamamagitan ng paggamit ng ilan o lahat ng sumusunod.

Hindi nagtagal matapos ang tagumpay ni Gideon, muling bumagsak sa kasalanan at kasamaan ang mga Israelita (tingnan sa Mga Hukom 8). Kalaunan ay pumili ang Panginoon ng ibang lalaki na magliligtas sa Israel.

Suriin ang mga larawan sa ibaba na ipinapakita si Samson, isa sa mga hukom na tinawag ng Panginoon upang iligtas ang mga Israelita mula sa mga Filisteo.

Ano ang alam ninyo tungkol kay Samson?

Kilala si Samson sa kanyang lakas na bigay ng Diyos. Gayunpaman, bagama’t ginagamit niya kung minsan nang tama ang kaloob na lakas sa kanya, nagwakas ang kanyang buhay sa trahedya dahil umasa siya sa sarili niyang lakas at kapangyarihan sa halip na sa Panginoon.

Basahin ang dalawa o tatlo sa mga passage sa ibaba, na naglalarawan sa pagkatao at mga priyoridad ni Samson.

Mga Hukom 14:2 (nagpakasal sa labas ng tipan)

Mga Hukom 14:19 (pinupuksa ang mga tao nang dahil sa galit)

Mga Hukom 15:5–6 (naghahangad na maghiganti)

Mga Hukom 16:1 (pinuntahan ang isang bayarang babae)

Mga Hukom 16:4–6 (nagmahal sa isang mapanlinlang na babae na si Delila)

Mga Hukom 16:28 (inaalala lamang ang paghihiganti para sa kanyang sarili)

Ano ang matututuhan natin mula sa mga karanasan ni Samson kumpara sa mga karanasan ni Gideon?
Ano ang natutuhan ninyo tungkol sa pag-asa sa Panginoon habang ginagamit din ang sarili ninyong lakas sa abot ng inyong makakaya?