Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Հեսու 23–24. «Ընտրեք այսօր»

«Հեսու 23–24. «Ընտրեք այսօր»», Հին Կտակարան․ Սեմինարիայի ուսուցչի ձեռնարկ (2026)

«Հեսու 23–24. «Ընտրեք այսօր»», Հին Կտակարան․ Սեմինարիայի ուսուցչի ձեռնարկ

Հեսու 1–8, 23–24․ Դաս 63

Հեսու 23–24

«Ընտրեք այսօր»

Youth sitting and listening to teacher at church meeting in Thailand

Իր կյանքի վերջում Հեսուն հիշեցրեց իսրայելացիներին, թե ով է Տերը և ինչ է արել իրենց համար: Հեսուն առաջարկեց նրանց ընտրել Տիրոջը ծառայելը՝ կեղծ աստվածների փոխարեն։ Այս դասը կօգնի ուսանողներին ընտրել Տիրոջը ծառայելը՝ այլ ազդեցությունների փոխարեն:

Ուսանողի նախապատրաստում․ առաջարկեք ուսանողներին փոքր քար բերել դասարան։ Նրանք դա պետք է օգտագործեն որպես հիշեցում այն ծրագրի մասին, որը կկազմեն դասի ժամանակ:

Հնարավոր ուսումնական վարժություններ

Շեղող հանգամանքների ազդեցությունը

Կարող եք առաջարկել ուսանողներին գրել հինգ ամենահավանական հանգամանքների ցանկը, որոնք կարող են շեղել երիտասարդներին Տիրոջը ծառայելու ընտրությունից: Ուսանողները կարող են աշխատել անհատապես կամ խմբով: Ուսանողներին առաջարկեք կիսվել իրենց ցանկերով:

Այդ շեղող հանգամանքներում ինչը կարող է դրանք դարձնել այնպիսին, որ թվան ավելի գրավիչ կամ ավելի կարևոր, քան Տիրոջը ծառայելը:

Կարող եք բացատրել, որ եթե մենք զգույշ չլինենք, այս շեղող հանգամանքները կարող են դառնալ Տիրոջ փոխարեն այլ աստվածների երկրպագելու և ծառայելու ժամանակակից տարբերակը:
Ի՞նչ երկարաժամկետ հետևանքներ կարող է ունենալ Տիրոջ փոխարեն այս ազդեցությունների շարունակական ընտրությունը:

Ուսանողներին առաջարկեք խորհել ստորև նշված հարցերի շուրջ կամ պատասխանները գրել իրենց օրագրերում:
Ինչպե՞ս կարող եք ծառայել Տիրոջը կամ ծառայել ինչ-որ բանի կամ ինչ-որ մեկի՝ ձեր ամենօրյա ընտրությունների միջոցով:
Ի՞նչ երկարաժամկետ հետևանքներ կարող են լինել, եթե շարունակեք կատարել այդ ընտրությունները:

Առաջարկեք ուսանողներին խնդրել Հոգու օգնությունը՝ հասկանալու համար, թե իրենք ինչ ընտրություններ կարող են անել՝ Տիրոջը ծառայելու համար:

Մեր Տեր Աստվածը

Որևէ ուսանող կարող է կարդալ հետևյալ պարբերությունը՝ ամփոփ ներկայացնելու Հեսու 5–24 հատվածները:

Իսրայելացիներին Հորդանան գետի վրայով՝ ցամաք գետնով առաջնորդելուց հետո (տես Հեսու 3–4), Տերն օրհնեց իսրայելացիներին՝ քանանացիների հետ իրենց բազմաթիվ մարտերում: Իսրայելացիները տիրեցին այն երկրին, որը Աստված խոստացել էր իրենց (տես Հեսու 5–12): Երկիրը բաժանվեց տասներկու ցեղերի միջև (տես Հեսու 13–22): Իր կյանքի վերջում Հեսուն իր վերջին ուղերձը տվեց իսրայելացիներին (տես Հեսու 23–24):

Ստորև ներկայացվող վարժությունը կատարելու համար դասարանի մի կեսին առաջարկեք կարդալ Հեսու 23․3–11 հատվածները, իսկ մյուս կեսին՝ Հեսու 24․3–11 հատվածները: Ուսանողները կարող են նշել այն, ինչ գտնում են իրենց սուրբ գրություններում:

Կարդացեք Հեսու 23․3–11, 24․3–11 հատվածները՝ փնտրելով, թե ինչ է Տերը արել և ինչ է անելու Իսրայելի համար։

Ուսանողներին առաջարկեք կիսվել: Դուք կարող եք դա անել՝ գրելով նրանց պատասխանները գրատախտակին, երբ նրանք կիսվում են, կամ առաջարկելով ուսանողներին գալ գրատախտակի մոտ և գրել այն, ինչ գտել են:

Այնուհետև՝ օգնելու համար ուսանողներին խորհել այն մասին, թե ինչպես են իրենք տեսել, որ Տերը գործում է իրենց կյանքում, տվեք հետևյալ հարցը. Կարող եք առաջարկել նրանց հիշել օրինակներ Եկեղեցու պատմությունից, գերագույն համաժողովից, իրենց կյանքից կամ իրենց ծխից կամ ընտանիքից որևէ մեկի կյանքից:

Որո՞նք են այն բանի օրինակները, թե ինչպես է Տերը օրհնել մեզ այսօր։

Հեսու 24.15-ը վարդապետության սերտման հատված է: Առաջարկեք ուսանողներին նշել վարդապետության սերտման հատվածները տարբերակիչ ձևով, որպեսզի կարողանան հեշտությամբ գտնել:

Որպեսզի օգնեք ուսանողներին հասկանալ Հեսու 24.14–15 հատվածները, կարող եք առաջարկել նրանց իրենց խոսքերով շարադրել այն, ինչ Հեսուն ուսուցանել է։ Նրանք կարող են շարադրել սուրբ գրությունների հատվածները զույգերով կամ փոքր խմբերով:

Կարդացեք Հեսու 24․14–15 հատվածները։ Շարադրեք Հեսուի ուսուցանածն այնպես, կարծես նա ուսուցանել է դա այսօր:

Առաջարկեք ուսանողներին կիսվել, թե ինչպես են իրենք շարադրել Հեսուի խորհուրդը: Ուսանողները կարող են կիսվել նմանատիպ ճշմարտություններով․ «Դադարեցրեք հետևել ձեր շրջապատի բոլոր այլ ազդեցություններին և ընտրեք Տիրոջը հետևելը: Դուք կարող եք ընտրել այն, ինչ ցանկանում եք, բայց ես ծառայելու եմ Տիրոջը»:

Որպեսզի օգնեք ուսանողներին հստակ արտահայտության միջոցով ձևակերպել ճշմարտությանը, կարող եք տալ հետևյալ հարցը:

Ինչպե՞ս կամփոփեք Հեսուի՝ հատված 15-ում ներկայացված ուսմունքը։

Ուսանողները կարող են ամփոփել հատված 15-ը՝ օգտագործելով նմանատիպ խոսքեր․ մենք կարող ենք օգտագործել մեր կամքի ազատությունը, որպեսզի ընտրենք Տիրոջը ծառայելը։

Հետևյալ հարցը տալիս կարող եք ուսանողներին առաջարկել վերանայել այն պատասխաննեը, որ իրենք գրել էին աղյուսակում։
Ի՞նչ եղանակներով մենք կարող ենք ծառայել Տիրոջն այսօր:
Այն, ինչ դուք գիտեք Տիրոջ մասին, ինչպե՞ս կարող է օգնել ձեզ ընտրել Նրան ծառայելը:

Ընտրել Տիրոջը ծառայելը

Կարդացեք Հեսու 24․24–25 հատվածները՝ փնտրելով, թե իսրայելացիներն ինչ ընտրեցին անել:

Որպեսզի օգնեք ուսանողներին կապել իրենց սովորածն իրենց ընտրությունների հետ, կարող եք առաջարկել նրանց գրել հետևյալ հարցերի պատասխանները:

Ձեր ուսումնական օրագրում պատասխանեք հետևյալ հարցերից մեկին.

Ի՞նչ եք ցանկանում հիշել Տիրոջ մասին, որը կօգնի ձեզ ծառայել Նրան, երբ դա դժվար լինի: Ձեր կարծիքով, այդ պահերին Տիրոջը հիշելը ինչպե՞ս կարող է օգնել ձեզ:
Ի՞նչ կսկսեք անել կամ կդադարեք անել՝ ընտրելու համար Տիրոջը ծառայելը: Ի՞նչ օրհնություններ կարող եք զգալ դա անելու արդյունքում:

Կարող եք խնդրել պատրաստակամ ուսանողներին կիսվել իրենց գրածով: Հիշեցրեք նրանց չկիսվել խիստ անձնական փորձառությամբ: Կարող եք նաև կիսվել Տիրոջ մասին ձեր վկայությամբ և բացատրել, թե ինչու եք ընտրել Նրան սիրելը և ծառայելը՝ այլ բաների փոխարեն:

Կարդացեք Հեսու 24․26–27 հատվածները՝ փնտրելով, թե ինչ արեց Հեսուն, որպեսզի հիշեցնի իսրայելացիներին Տիրոջը ծառայելու իրենց ընտրության մասին:

Եթե ուսանողներն իրենց հետ քար են բերել դասարան, կարող են հիմա հանել այն: Կամ կարող են քար նկարել: Քննարկեք, թե Հեսուն որտեղ դրեց քարը (կաղնու տակ) և ինչու այն դրեց այնտեղ (Իսրայելի որդիներին հիշեցնելու համար այն ուխտը, որ նրանք կապել էին՝ Տիրոջը ծառայելու համար): Հարցրեք ուսանողներին, թե նրանք որտեղ կարող են տեղադրել իրենց քարը, որպեսզի այն հիշեցնի Տիրոջը ծառայելու իրենց ծրագրի մասին: Առաջարկեք նրանց իրենց քարը դնել մի կարևոր տեղում, որը միշտ իրենց աչքի առաջ է: Նրանք կարող են նաև քարի վրա գրել մի բան, որը հիշեցնում է Տիրոջ մասին կամ Նրան ծառայելու իրենց ծրագրի մասին, օրինակ՝ «Ես ծառայելու եմ Տիրոջը»:

Կարող եք ուսանողների հետ կիսվել հետևյալ խոսքերով։ Վկայեք Տիրոջը ծառայելու ընտրության երկարաժամկետ արդյունքների մասին:

Տասներկու Առաքյալների Քվորումից երեց Դեյլ Գ. Ռենլանդն ուսուցանել է Տիրոջը ծառայելու ընտրության երկարաժամկետ արդյունքների մասին.

Մենք պետք է ընտրենք, թե ում ենք ծառայելու: Մեր հավերժական երջանկության չափը կախված է կենդանի Աստծուն ընտրելուց և Նրա գործում Նրան միանալուց: …

Հոր ծրագրին հետևելու ընտրությունը միակ եղանակն է, որով մենք կարող ենք ժառանգորդներ դառնալ Նրա արքայությունում: («Ընտրեք այս օրը», Լիահոնա, նոյեմբեր 2018, 106)

Մտապահեք

Կարող եք օգնել ուսանողներին այս դասի ընթացքում մտապահել վարդապետության սերտման հղումը և սուրբ գրության հիմնական արտահայտությունը, ապա կրկնել դրանք հետագա դասերի ժամանակ: Սուրբ գրության հիմնական արտահայտությունը Հեսու 24.15 հատվածի համար հետևյալն է. «Ընտրեք այսօր, թե ում եք ծառայելու»: Մտապահելու համար նախատեսված վարժությունների վերաբերյալ գաղափարները ներկայացված են հավելվածի նյութերում՝ «Վարդապետության սերտման կրկնության վարժություններ» բաժնում:

Լրացուցիչ նյութեր

Ինչո՞ւ կործանվեցին քանանացիները։

Բ Օրենք 7․1–2 հատվածներում Տերը պատվիրեց իսրայելացիներին «բոլորովին ոչնչացնել» «լիովին բնաջնջել» քետացիներին, գերգեսացիներին, ամորհացիներին, քանանացիներին, փերեզացիներին, խևացիներին և յեբուսացիներին (որոնց բոլորին հաճախ անվանում են քանանացիներ, քանի որ նրանք ապրում էին Քանանում՝ ավետյաց երկրում): Սուրբ գրություններում նշվում է այդ պատվիրանի մի քանի պատճառ։ Բ Օրենք 9․4–5 հատվածները ուսուցանում են, որ Տերը երկրից դուրս քշեց քանանացիներին նրանց ամբարշտության պատճառով (տես նաև Բ Օրենք 20․16–18)։ Մորմոնի գրքում Նեփին ուսուցանեց իր եղբայրներին, որ այդ ժողովուրդը «մերժել էր Աստծո ամեն մի խոսքը և հասունացել էր անօրինության մեջ. և Աստծո լիակատար ցասումը նրա վրա էր» (1 Նեփի 17․35)։

Քանանացիների չար արարքներն այնքան վարակիչ և կործանարար էին, որ եթե նրանց թույլ տրվեր մնալ երկրում, Իսրայելը հոգևոր առումով կկործանվեր։ Իսրայելի պատմությունը ապացուցում է դրա ճշմարտացիությունը։ Քանի որ իսրայելացիները չհնազանդվեցին քանանացիներին «լիովին բնաջնջելու» Տիրոջ պատվիրանին (Դատավորներ 1.21–36), ժամանակի ընթացքում Իսրայելը ընդունեց նրանց կեղծ հավատալիքներն ու չար գործերը, որոնք, ի վերջո, հանգեցրին Իսրայելի հոգևոր կործանմանը և ֆիզիկական ոչնչացմանը: (Տես Old Testament Student Manual Genesis–2 Samuel, 3րդ խմբ․ [2003], 219։)

Եթե ես չեմ ընտրել Տիրոջը, արդյո՞ք ուշ է Նրան ընտրել հիմա:

Տասներկու Առաքյալների Քվորումից երեց Դեյլ Գ. Ռենլանդն ուսուցանել է.

Երբ մենք հայտնաբերում ենք, որ արահետից դուրս ենք եկել, մենք կարող ենք մնալ դրսում կամ Հիսուս Քրիստոսի Քավության շնորհիվ կարող ենք փոխել մեր քայլերը և հետ դառնալ: …

Անկախ նրանից, թե որքան ժամանակ ենք արահետից դուրս եղել և թե որքան հեռու ենք թափառել, այն պահին, երբ մենք որոշում ենք փոխվել, Աստված օգնում է մեզ վերադառնալ: Աստծո տեսանկյունից անկեղծ ապաշխարության միջոցով և անսասան առաջ մղվելով Քրիստոսում, երբ վերադառնանք արահետ, կլինի այնպես, կարծես երբեք չէինք հեռացել: («Ընտրեք այս օրը», Լիահոնա, նոյեմբեր 2018, 106)

Օժանդակ ուսումնական վարժություններ

Տեսանյութի տարբերակ

Տիրոջը ծառայելու ընտրության ժամանակակից օրինակ տեսնելու համար կարող եք ցուցադրել «The Soul’s Sincere Desire» տեսանյութը (3:28): Կարող եք դասը սկսել տեսանյութով և քննարկել այն ընտրությունները, որ մենք կատարում ենք ամեն օր: Կամ կարող եք այն ցուցադրել, երբ ուսանողներին հարց ուղղեք, թե ինչ եղանակներով կարող է երիտասարդը ծառայել Տիրոջը:

3:29

Հիսուս Քրիստոսն է վեմը

Երբ քննարկում եք Հեսու 24.24–27 հատվածները, կարող եք առաջարկել ուսանողներին խաչաձև հղում կատարել կամ կապել Սաղմոս 18.2 և Հելաման 5․12 հատվածները: Խնդրեք նրանց կիսվել, թե ինչու է վեմը լավ խորհրդանիշ Հիսուս Քրիստոսի համար կամ ինչպես է Նա վեմ եղել իրենց համար:

Հեսու 6։ Հնազանդության օրհնությունները

Տիրոջը հնազանդվելու օրհնությունների մասին իմանալու համար ուսանողները կարող են ուսումնասիրել Երիքովի ճակատամարտի պատմությունը: Խնդրեք ուսանողներին մտածել, թե ինչ կլինի, եթե որևէ մեկը չհետևի ընթացակարգին, օրինակ՝ վիրաբույժը պատշաճ կերպով չմաքրի իր գործիքները, ֆերմերը պատշաճ կերպով չհերկի իր արտը և այլն: Առաջարկեք ուսանողներին մտածել, թե ինչու է կարևոր ճշգրտորեն հետևել հրահանգներին, որոնք մենք ստանում ենք:

Այնուհետև կարող եք առաջարկել ուսանողներին կարդալ Հեսու 6.1–5, 10 հատվածները: Խնդրեք նրանց նշել այն հրահանգները, որոնք Տերը տվել է Իսրայելին՝ Երիքովի հետ իրենց ճակատամարտի վերաբերյալ: Նկատի ունեցեք, որ շրջապատել բառը նշանակում է «շուրջը պտտվել»։ Հարցրեք ուսանողներին, թե ինչ իրենք կմտածեին, եթե իսրայելացի լինեին և ստանային այս հրահանգները:

Առաջարկեք ուսանողներին կարդալ Հեսու 6․12–16, 20 հատվածները՝ փնտրելով, թե ինչպես արձագանքեցին իսրայելացիները: Առաջարկեք ուսանողներին կիսվել, թե ինչն է տպավորում իրենց այս ճակատամարտում և ինչ ճշմարտություններ են իրենք բացահայտում այս պատմությունից: Ուսանողները կարող են բացահայտել հետևյալ ճշմարտությունը. Եթե մենք ճշգրտորեն և հավատարմորեն հնազանդվենք Տիրոջը, Նա կօրհնի մեզ: Կարող եք առաջարկել ուսանողներին կիսվել, թե ինչպես են իրենք տեսել, որ Տերը օրհնել է իրենց կամ ուրիշներին հնազանդության համար:

Հեսու 7։ Անհնազանդության հետևանքները

Տիրոջը չհնազանդվելու բացասական հետևանքները քննարկելու համար կարող եք օգնել ուսանողներին ուսումնասիրել Աքանի պատմությունը: Բացատրեք, որ Տերը պատվիրել էր իսրայելացիներին ոչինչ չպահել իրենց համար Երիքով քաղաքը պարտության մատնելուց և գրավելուց հետո (տես Հեսու 6.18–19): Ցավոք, Աքան անունով մի իսրայելացի իր համար քաղաքից վերցրեց հագուստ, ոսկի և արծաթ (տես Հեսու 7.1, 21):

Առաջարկեք ուսանողներին կարդալ Հեսու 7.1–7, 10–13 հատվածները՝ փնտրելով, թե ինչպես Աքանի անհնազանդությունն ազդեց Իսրայելի ժողովրդի վրա։ Այնուհետև օգնեք ուսանողներին բացահայտել հետևյալ ճշմարտությունը. Երբ մենք ընտրում ենք չհնազանդվելը Տիրոջ պատվիրաններին, մենք բացասական հետևանքներ ենք բերում մեզ և ուրիշների վրա։ Առաջարկեք ուսանողներին մտածել այն մասին, թե ինչպես կարող են անհնազանդության փոքր գործողությունները ժամանակի ընթացքում ազդել մեզ կամ մեր շրջապատի մարդկանց վրա: