Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Հեսու 2–4. Հավատք գործադրել առ Հիսուս Քրիստոս

«Հեսու 2–4. Հավատք գործադրել առ Հիսուս Քրիստոս», Հին Կտակարան․ Սեմինարիայի ուսուցչի ձեռնարկ (2026)

«Հեսու 2–4. Հավատք գործադրել առ Հիսուս Քրիստոս», Հին Կտակարան․ Սեմինարիայի ուսուցչի ձեռնարկ

Հեսու 1–8, 23–24․ Դաս 62

Հեսու 2–4

Հավատք գործադրել առ Հիսուս Քրիստոս

Անապատով իսրայելացիների ճամփորդությունից հետո Տերը Հեսուին պատվիրեց առաջնորդել նրանց դեպի ավետյաց երկիր։ Ավետյաց երկիր մտնելու համար նրանցից պահանջվում էր հավատք գործադրել առ Հիսուս Քրիստոս: Իսրայելի որդիները և Ռահաբ անունով մի կին ցույց տվեցին իրենց հավատքն առ Հիսուս Քրիստոս: Այս դասը կօգնի ուսանողներին հասկանալ, թե իրենք ինչպես կարող են հավատք գործադրել առ Հիսուս Քրիստոս։

Ուսանողի նախապատրաստում․ առաջարկեք ուսանողներին գտնել սուրբ գրություն, որն օգնում է իրենց հասկանալ, թե ինչ է նշանակում հավատք ունենալ առ Հիսուս Քրիստոս: Խնդրեք նրանց պատրաստված գալ՝ կիսվելու այդ սուրբ գրությամբ դասարանում: Անհրաժեշտության դեպքում նրանք կարող են «Հավատք» բառը փնտրել նաև Թեմաների ուղեցույցում կամ Սուրբ գրքերի ուղեցույցում:

Հնարավոր ուսումնական վարժություններ

Հավատք առ Հիսուս Քրիստոս

Կարող եք սկսել դասը՝ առաջարկելով ուսանողներին մտածել մի բառ, որը ներկայացնում է իրենց սիրած զբաղմունքը կամ հետաքրքրությունները, օրինակ՝ բասկետբոլ կամ երգել։ Խնդրեք ուսանողներին նկարագրել իրենց մտածած բառերը՝ առանց բուն բառն օգտագործելու: Դասարանի անդամները պետք է կռահեն նկարագրած բառը:

Ապա գրատախտակին գրեք հավատք բառը և առաջարկեք ուսանողներին նկարագրել հավատքն առ Հիսուս Քրիստոս: Նրանք կարող են կիսվել, թե ինչ են գտել դասին նախապատրաստվելու ժամանակ: Դուք կարող եք նշել, որ Երկնային Հայրը ցանկանում է, որ մենք հավատք գործադրենք առ Հիսուս Քրիստոս, որպեսզի Ինքը կարողանա փրկել և օրհնել մեզ (տես 2 Նեփի 26․13, Եթեր 12.12, 18, Մորոնի 7․33)։

Հիշեցրեք ուսանողներին, որ Սուրբ Հոգու դերերից մեկը՝ մեզ առաջնորդելն է դեպի ճշմարտություն (տես Հովհաննես 16.13): Խրախուսեք ուսանողներին հրավիրել Սուրբ Հոգուն՝ օգնելու իրենց ավելի լավ հասկանալ հավատքն առ Հիսուս Քրիստոս:

Հիսուս Քրիստոսի հանդեպ ձեր հավատքի մեծացումն ինչպե՞ս կարող է օգնել ձեզ ձեր ներկա պայմաններում:

Կարդացեք, թե ինչ է ուսուցանել Տասներկու Առաքյալների Քվորումից երեց Դեյվիդ Ա. Բեդնարը՝ Հիսուս Քրիստոսի հանդեպ հավատքի մասին կամ դիտեք «Seek Learning by Faith» տեսանյութը՝ 3:15-4:33: Այս տեսանյութը հասանելի է ChurchofJesusChrist.org կայքում:

33:36

Պողոս Առաքյալը հավատը բնութագրել է որպես՝ «հուսացված բաների հաստատում ու աներևույթ բաների ապացույց» (Եբրայեցիներին 11.1): Ալման հայտարարել է, որ հավատքը կատարյալ գիտելիք չէ, հետևաբար, եթե մենք հավատք ունենք, մենք «հույս [ունենք] բաների համար, որոնք տեսանելի չեն, [սակայն] որոնք ճշմարիտ են» (Ալմա 32.21): Բացի այդ, Lectures on Faith նյութից մենք սովորում ենք, որ հավատքը … «գործելու սկզբունք է բոլոր բանական էակների մոտ»:

Այս ուսմունքներն ընդգծում են հավատքի երեք հիմնական տարրերը. (1) հավատքը որպես հուսացված բաների հաստատում, որ դրանք ճշմարիտ են, (2) հավատքը որպես աներևույթ բաների ապացույց և (3) հավատքը որպես գործելու սկզբունք բոլոր բանական էակների մոտ: Ես նկարագրում եմ Փրկչի հանդեպ հավատքի այս երեք բաղադրիչները որպես՝ միաժամանակ նայել դեպի ապագան, հետադարձ հայացք գցել դեպի անցյալը և գործողություն սկսել ներկայում: («Seek Learning by Faith», Ensign, սեպտեմբեր 2007, 61–62)

«Հավատք գործադրել առ Հիսուս Քրիստոս» նկարը կարող է օգնել ուսանողներին հասկանալ երեց Բեդնարի՝ Հիսուս Քրիստոսի հանդեպ հավատքի սահմանումը: Նկարեք նկարը գրատախտակին կամ ցուցադրեք այն, որպեսզի ուսանողները օգտվեն դրանից դասի ընթացքում:

Ի՞նչ է Աստված արել անցյալում, որը կարող է օգնել ձեզ հավատալ Նրան:
Ինչպե՞ս կարող է Աստծո խոստացված օրհնությունների նկատմամբ հույս ունենալն օգնել ձեզ հավատք գործադրել Նրա հանդեպ:
Ինչպե՞ս կամփոփեք Երեց Բեդնարի ուսմունքները՝ Հիսուս Քրիստոսի հանդեպ հավատքի մասին:

Օգնեք ուսանողներին բացահայտել հետևյալ ճշմարտությունը. Մենք հավատք ենք գործադրում առ Հիսուս Քրիստոս, երբ նայում ենք ապագային, հայացք ենք գցում դեպի անցյալը և գործում ներկայում:

Հավատքի օրինակներ

Եթե ուսանողները հարցեր ունենան Երիքովում մարդկանց ոչնչացման վերաբերյալ, կարող եք կարդալ «Ինչո՞ւ ոչնչացվեցին քանանացիները» հարցը Դաս 63․ «Հեսու 23–24»-ի Օժանդակ նյութեր բաժնում:

Բավարար ժամանակ տրամադրելուց հետո առաջարկեք ուսանողներին դասարանի հետ կիսվել, թե ինչ սովորեցին Հիսուս Քրիստոսի հանդեպ հավատքի մասին։ Կիսվելիս ուսանողները կարող են իրենց ձեռքում բռնել կարմիր թելը, կոշիկները կամ քարը։ Հետևյալ հարցերը կարող են օգնել:

Ի՞նչ սովորեցիք Հիսուս Քրիստոսի հանդեպ հավատք գործադրելու մասին: Այն, ինչ սովորեցիք, ինչպե՞ս կարող է օգնել երիտասարդներին այսօր:

Կարող եք առաջարկել ուսանողներին կիսվել, թե ինչպես են իրենք կամ իրենց ծանոթը հավատք գործադրել առ Հիսուս Քրիստոս՝ նայելով դեպի ապագան, գործելով ներկայում և հայացք գցելով դեպի անցյալը: Նաև կարող եք կիսվել Հիսուս Քրիստոսի հանդեպ հավատք գործադրելու վերաբերյալ անձնական փորձառությամբ:

Օժանդակ նյութեր

Ինչպե՞ս կարող եմ հավատք գործադրել առ Հիսուս Քրիստոս:

Տասներկու Առաքյալների Քվորումից երեց Դեյվիդ Ա. Բեդնարն ուսուցանել է․

33:36

Հավատքը՝ որպես հուսացված բաների հաստատում, նայում է դեպի ապագան: …

Հավատքն առ Քրիստոս անքակտելիորեն կապված է և ծնում է հույս Քրիստոսի հանդեպ՝ մեր փրկագնման ու վեհացման համար: Իսկ հաստատումն ու հույսը մեզ համար հնարավոր են դարձնում քայլել մինչև լույսի եզրը ու մի քանի քայլ կատարել մթության մեջ՝ ակնկալելով ու վստահելով, որ լույսը կշարժվի ու կլուսավորի ճանապարհը։ Հաստատման և հույսի միասնությունը գործողություն են սկսում ներկայում:

Հավատքը, որպես աներևույթ բաների ապացույց, հայացք է գցում դեպի անցյալը և հավաստում է մեր վստահությունն Աստծո հանդեպ ու մեր վստահությունը աներևույթ բաների ճշմարտացիության նկատմամբ: Մենք քայլեցինք մթության մեջ հաստատումով և հույսով, և մենք ապացույց ու հավաստում ստացանք, երբ լույսն իսկապես շարժվեց և ապահովեց մեզ անհրաժեշտ լուսավորությունը: Մեր հավատի փորձությունից հետո ստացած վկայությունը (տես Եթեր 12.6) ապացույց է, որը մեծացնում ու ամրացնում է մեր հաստատուն լինելը:

Հաստատումը, գործողությունը և ապացույցն ազդում են միմյանց վրա շարունակաբար: Այս պարույրը նման է գալարի, և երբ այն ձգվում է վեր, ընդարձակվում է և լայնանում: Հավատքի այս երեք տարրերը՝ հաստատումը, գործողությունը և ապացույցը, առանձին ու անջատ չեն, դրանք փոխկապակցված են, շարունակական և ցիկլաձև աճող: Իսկ հավատքը, որը վառելիք է մատակարարում այս գործընթացին, զարգանում է, ծավալվում է և փոփոխվում: Երբ մենք կրկին շրջվում ենք և բախվում անորոշ ապագային, հաստատումը հանգեցնում է գործողության և ստեղծում ապացույց, որն էլ ավելի է մեծացնում է հաստատումը: Մեր վստահությունն ամրապնդվում է տող առ տող, ցուցում առ ցուցում, մի քիչ այստեղ և մի քիչ այնտեղ: («Seek Learning by Faith», Ensign, սեպտեմբեր 2007, 62−63)

Ինչպե՞ս կարող եմ հավատք գործադրել՝ նայելով անցյալին և ապագային:

Տասներկու Առաքյալների Քվորումից նախագահ Ջեֆրի Ռ. Հոլլանդը բացատրել է.

Անցածից պետք է դասեր քաղել, բայց չապրել անցյալով։ Մենք հետ ենք նայում, որպեսզի օգտագործենք անցյալի լավագույն փորձառությունների վառ կրակը, այլ ոչ թե մոխիրը։ Եվ երբ մենք սովորում ենք այն, ինչ պետք է սովորեինք, և մեզ հետ վերցնում ենք մեր լավագույն փորձառությունները, ապա մենք առաջ ենք նայում և հիշում, որ հավատքը միշտ ուղղված է դեպի ապագան: Հավատքը միշտ կապված է օրհնությունների, ճշմարտությունների և իրադարձությունների հետ, որոնք դեռ պետք է ի հայտ գան մեր կյանքում։ («The Best Is Yet to Be», Ensign, հունվար 2010, 24)

Ի՞նչ կարող եմ անել՝ առ Հիսուս Քրիստոս իմ հավատքը մեծացնելու համար։

Նախագահ Ռասսել Մ. Նելսոնը հրավիրել է.

Ի՞նչ կանեիք, եթե ավելի շատ հավատք ունենայիք։ Մտածեք այդ մասին: Գրեք այդ մասին: Ապա ձեռք բերեք ավելի մեծ հավատք՝ անելով որևէ բան, որը ավելի մեծ հավատք է պահանջում: …

Հիսուս Քրիստոսի հանդեպ հավատքը ամենամեծ զորությունն է, որը մեզ հասանելի է այս կյանքում։ Ամեն բան կարելի է հավատացողներին։

Նրա հանդեպ ձեր աճող հավատը սարեր կտեղաշարժի՝ ոչ թե երկիրը գեղեցկացնող քարից սարեր, այլ ձեր կյանքի թշվառության սարերը: Ձեր ծաղկող հավատի շնորհիվ ձեր մարտահրավերները կվերածվեն անօրինակ աճի և հնարավորության: («Քրիստոսը հարություն է առել․ Նրա հանդեպ հավատքը սարեր կտեղաշարժի», Լիահոնա, մայիս 2021, 103, 104)

Առաջին Նախագահությունից նախագահ Հենրի Բ. Այրինգն ուսուցանել է.

Եղբայրներ և քույրեր, հավատք է անհրաժեշտ Տիրոջ պատվիրաններին հնազանդվելու համար: Հիսուս Քրիստոսի հանդեպ հավատք է անհրաժեշտ՝ հանուն Նրա ուրիշներին ծառայելու համար: Հավատք է անհրաժեշտ, որպեսզի գնաք և ուսուցանեք Նրա ավետարանը և այն առաջարկեք այն մարդկանց, որոնք գուցե չեն զգում Հոգու ձայնը կամ կարող են նույնիսկ չընդունել ուղերձի իսկությունը: Բայց երբ գործադրենք մեր հավատքն առ Քրիստոս և հետևենք Նրա ապրող մարգարեին, հավատքը կաճի ամբողջ աշխարհում: («Հավատք՝ խնդրելու, իսկ հետո գործելու համար», Լիահոնա, նոյեմբեր 2021, 75)

Լրացուցիչ ուսումնական վարժություններ

Հեսու 3․5: «Սրբագործվեք»

Ձեր ուսանողների համար օգտակար կլինի ուսումնասիրել, թե ինքներս մեզ սրբագործելով՝ ինչպես կարող ենք օգնել մեզ գործադրել հավատք առ Հիսուս Քրիստոս և հրաշքներ զգալ: Կարդացեք Հեսու 3․5 հատվածը։ Այնուհետև կարող եք ցուցադրել «Sanctify Yourselves» տեսանյութը (4:37)։ Առաջարկեք ուսանողներին փնտրել, թե Տերն ինչպես օգտագործեց Մելքիսեդեկյան Քահանայության երիտասարդ և արժանի կրողին՝ հրաշք գործելու համար: Այնուհետև քննարկեք, թե ինչ է նշանակում սրբագործել ինքներս մեզ և ինչպես է դա մեզ իրավասու դարձնում՝ զգալու Տիրոջ հրաշքները: Անհրաժեշտության դեպքում օգնեք ուսանողներին հասկանալ, որ սրբագործել նշանակում է սուրբ կամ հոգևոր առումով մաքուր դարձնել։

4:38

Հեսու 3․6։ «Եվ նրանք վերցրին ուխտի տապանակը և գնացին ժողովրդի առջևում»

Հետևյալը կարող է օգնել ուսանողներին նայել դեպի Հիսուս Քրիստոսը՝ հավատք գործադրելով Նրա հանդեպ և առաջ շարժվելով: Առաջարկեք ուսանողներին կարդալ Հեսու 3․6–16 հատվածները՝ փնտրելով, թե ինչ արեցին քահանաները ուխտի տապանակի միջոցով:

Հիշեցրեք ուսանողներին, որ ուխտի տապանակը խորհրդանշում էր Հիսուս Քրիստոսին։ Այնուհետև առաջարկեք ուսանողներին նորից նայել հատվածները՝ մտածելով, թե ինչ սովորեցին Հիսուս Քրիստոսի մասին: Քննարկեք այն եղանակները, որոնցով մենք կարող ենք առաջ գնալ և ակնկալել հրաշքներ՝ հավատք ունենալով, որ Հիսուս Քրիստոսը գնում է մեր առջևից: Կարող եք խաչաձև հղումով կապել Հեսու 3 գլուխը Եսայի 52․12 և Վարդապետություն և Ուխտեր 84․88 հատվածների հետ։

Հեսու 4 Հավատքի հիշողություններ

Կարող եք օգնել ուսանողներին գտնել իրենց սեփական հիշողությունները կամ հավատքի օրինակները: Հեսու 4 բաժինը ուսումնասիրելուց հետո կարող եք առաջարկել ուսանողներին մտածել իրենց ընտանիքի կամ Վերջին Օրերի Սրբերի՝ ձեր երկրում թողած հավատքի ժառանգության մասին: Ուսանողները կարող են խոսել (գուցե նույնիսկ կապվել դասի ընթացքում) իրենց ծնողի կամ տատիկի/պապիկի հետ, կամ կարող են օգտագործել Family Tree հավելվածը՝ ընտանեկան հիշողություններ գտնելու համար: Ուսանողները կարող են նաև մտածել մի վայրի մասին, որտեղ իրենք կարևոր հոգևոր փորձառություն են ունեցել:

Ուսանողները կարող են նաև ուսումնասիրել Համաշխարհային պատմություն բաժինը ChurchofJesusChrist.org կայքում՝ փնտրելով Վերջին Օրերի հավատարիմ Սրբերի պատմությունները ձեր երկրում։

Ուսանողներին առաջարկեք կիսվել իրենց գտածով:

Եթեր 12.6: Վկայությունը գալիս է հավատքի փորձությունից հետո

Որպեսզի օգնեք ուսանողներին կապել իրենց ուսումնասիրածը Մորմոնի Գրքի հետ, առաջարկեք նրանց կարդալ Եթեր 12.6 հատվածը: Քննարկեք, թե ինչու է վկայությունը հաճախ գալիս հավատքի փորձությունից հետո: Առաջարկեք ուսանողներին կիսվել, թե ինչու էր դա ճշմարիտ Ռահաբի կյանքում (տես Հեսու 2, Հեսու 6.25) և Հորդանան գետն անցնող իսրայելացիների վերաբերյալ (տես Հեսու 3): Խնդրեք ուսանողներին կիսվել փորձառություններով, երբ իրենք վկայություն ֥են ստացել իրենց հավատքի փորձությունից հետո: