Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Հեսու 1․ Տերը մեզ չի թողնի կամ չի լքի մեզ

«Հեսու 1․ Տերը մեզ չի թողնի կամ չի լքի մեզ», Հին Կտակարան․ Սեմինարիայի ուսուցչի ձեռնարկ (2026)

«Հեսու 1․ Տերը մեզ չի թողնի կամ չի լքի մեզ», Հին Կտակարան․ Սեմինարիայի ուսուցչի ձեռնարկ

Հեսու 1–8, 23–24․ Դաս 61

Հեսու 1

Տերը մեզ չի թողնի կամ չի լքի մեզ

Որպես Տիրոջ ընտրյալ մարգարե՝ Հեսուն կարգվեց Մովսեսի կողմից, որպեսզի առաջնորդի Իսրայելը դեպի խոստացված երկիր: Թեև այս առաջադրանքը կարող էր սարսափելի դժվար թվալ, Փրկիչը պատվիրեց Հեսուին լինել ուժեղ և քաջ՝ խոստանալով, որ Ինքը չի թողնի կամ չի լքի Իր մարգարեին (տես Հեսու 1.5–6): Այս դասը կօգնի մեծացնել ուսանողների վստահությունը, որ Տերը կարող է օգնել իրենց լինել ուժեղ և քաջ, երբ իրենք բախվում են դժվարություների:

Ուսանողի նախապատրաստում․ առաջարկեք ուսանողներին մտածել այնպիսի իրավիճակներ, երբ երիտասարդին կարող է անհրաժեշտ լինել քաջություն ցուցաբերել: Ընտանիքի որևէ անդամի կամ ընկերոջը ուսանողները կարող են հարցնել, թե ինչ փորձառություններ են նրանք ունեցել, երբ անհրաժեշտ է եղել քաջություն ցուցաբերել:

Հնարավոր ուսումնական վարժություններ

Քաջություն՝ դժվարությունների բախվելիս

Կարող եք սկսել դասը՝ Քաջություն բառը գրելով գրատախտակին: Հետևյալ հարցերին պատասխանելիս առաջարկեք նրանց գրել իրենց պատասխանները գրատախտակին:

Ինչպե՞ս էր Հիսուս Քրիստոսը քաջության կատարյալ օրինակ հանդիսանում:
Ի՞նչ իրավիճակների կարող է բախվել դեռահասը, որոնք քաջություն կպահանջեն:

Ձեր օրագրում գրեք մի քանի դժվարություն, որոնց բախվում եք ներկայումս կամ կարող եք բախվել ապագայում, և որոնք պահանջում են քաջություն:

Ինքնագնահատումը կարող է օգնել ուսանողներին գնահատել իրենց ներկա իրավիճակը և հնարավորություն տալ Սուրբ Հոգուն ապահովել իրենց անհատական կարիքները դասի ընթացքում: Դրա համար կարող եք ուսանողներին առաջարկել իրենց օրագրում պատասխանել հետևյալ հուշումներին։

Երբ ինձ խնդրում են անել մի բան, որը դժվար է թվում, ես հաճախ եմ զգում։
1 (քիչ) մինչև 5 (շատ) սանդղակով, որքանո՞վ եմ ես վստահ, որ Երկնային Հայրը և Հիսուս Քրիստոսը կօգնեն ինձ քաջությամբ դիմակայել իմ դժվարություններին: Ինչո՞ւ։

Այսօրվա ուսումնասիրության ժամանակ ուշադրություն դարձրեք Սուրբ Հոգուց եկող տպավորություններին, որոնք կարող են օգնել ձեզ լինել քաջ և մեծացնել ձեր վստահությունն առ այն, որ Տերը ձեզ հետ է:

Հեսուն կարգվում է՝ առաջնորդելու Իսրայելի որդիներին

Կարող եք ցուցադրել Մովսեսի նկարը, որը կարգում է Հեսուին՝ այս դասի սկզբում ներկայացված պատկերի նման (տես Բ Օրենք 34․9)։

Թեև Մովսեսը Իսրայելի զավակների հետ էր Եգիպտոսից ազատվելուց ի վեր, Տերը կանչեց Հեսուին՝ առաջնորդելու նրանց դեպի ավետյաց երկիր:

Ի՞նչ դժվարությունների կարող էր բախվել Հեսուն՝ որպես Տիրոջ մարգարե և Իսրայելի ռազմական ղեկավար:

Օգնեք ուսանողներին հասկանալ, որ Հեսուն ստանձնելու էր Իսրայելի հոգևոր ղեկավարության պատասխանատվությունը: Հեսուն նաև ռազմական ղեկավար էր և պետք է առաջնորդեր Իսրայելի ժողովրդին՝ նվաճելու երկիրը քանանացիներից, որոնք հասունացել էին անօրինության մեջ (տես 1 Նեփի 17.31–40): Տերը խոստացել էր այդ երկիրը Աբրահամին և նրա արդար սերունդներին (տես Հեսու 1.1–4):

Կարդացեք Հեսու 1.5–9 հատվածները՝ նշելով Տիրոջ կողմից տրված կրկնվող խոստումներն ու հրահանգները, որոնք կարող էին օգնել Հեսուին կենտրոնանալ Նրա վրա՝ դժվարությունների բախվելիս:

Ի՞նչն եք կարևոր համարում այս հատվածներում:
Ինչպե՞ս կամփոփեք ճշմարտությունը՝ օգնելու համար մեկին, ով անցնում է դժվարությունների միջով:

Երբ ուսանողները կիսվեն իրենց բացահայտած ճշմարտություններով, օգնեք նրանց հասկանալ, որ երբ մենք գիտենք, որ Տերը մեզ հետ է, մենք կարող ենք լինել ուժեղ և քաջ: Կարող եք օգտագործել հետևյալ հարցերից մի քանիսը՝ օգնելու ուսանողներին հասկանալ այդ ճշմարտությունը: Ուսանողները կարող են աշխատել դասընկերոջ կամ փոքր խմբի հետ և հետո կիսվել դասարանի հետ իրենց քննարկածով:

Խորհեք գրատախտակին և ձեր օրագրում գրված դժվար իրավիճակների մասին:

Ինչպե՞ս կարող եք ուժեղ և քաջ լինել այս դժվարություններին բախվելիս:
Ի՞նչ գիտեք Տիրոջ մասին, որը կարող է օգնել մարդուն լինել ուժեղ և քաջություն ունենալ: Ինչպե՞ս եք իմացել դա։

Կարդացեք Վարդապետություն և Ուխտեր 84․88 հատվածը՝ փնտրելով, թե ինչպես է Տերը մեզ հետ:

Ինչպես կարող ենք հրավիրել Տիրոջ օգնությունը

Հետևյալ գործողությունները կարող են օգնել ուսանողներին իմանալ, թե ինչ եղանակներով կարող են հրավիրել Տիրոջ օգնությունը, երբ անհրաժեշտ է լինել ուժեղ և քաջ: Առաջարկեք ուսանողներին ընտրել վարժություններից մեկը։ Համապատասխան ժամանակից հետո ուսանողները կարող են կիսվել իրենց սովորածով այն դասընկերների հետ, որոնք ընտրել են այլ վարժություն:

Կարող եք տրամադրել նյութերից մեկը, որ հասանելի է Օժանդակ նյութեր բաժնում, որպեսզի ուսանողները ուսումնասիրեն վարժություններից յուրաքանչյուրի հետ:

Վարժություն Ա․ Հնազանդություն Աստծո օրենքին

Կարդացեք Հեսու 1.7 հատվածը և հետևյալ սուրբ գրություններից մեկը կամ մի քանիսը. Հովհաննես 15․10, 1 Նեփի 3․7, Մոսիա 2․41, Վարդապետություն և Ուխտեր 93․20։

Ի՞նչ կապ եք տեսնում Աստծո պատվիրաններին հնազանդվելու և ուժեղ ու քաջ լինելու միջև:
Ի՞նչ եղանակներով Երկնային Հայրը և Հիսուս Քրիստոսը կարող են օրհնել մեզ մեր հնազանդության համար:

Վարժություն Բ․ Խորհրդածել Աստծո խոսքի մասին

Կարդացեք Հեսու 1․8 հատվածը և հետևյալ սուրբ գրություններից մեկը կամ մի քանիսը. Բ Տիմոթեոսին 3․15–17, 2 Նեփի 31․20, 32․3։

Ի՞նչն է օգնում ձեզ խորհրդածել սուրբ գրությունների մասին:
Ձեր կարծիքով, Աստծո խոսքերի մասին խորհրդածելը ինչպե՞ս կարող է օգնել, որ դուք ձեզ մոտ զգաք Նրան:

Two people sitting at a table. Text boxes representing communication.

Հիշենք, որ Տերը մեզ հետ է

Ի՞նչ եղանակներով եք դուք զգացել, որ Տերը ձեզ հետ է դժվարությունների ժամանակ:

Ուսանողներին հնարավորություն տվեք խորհելու, թե ինչ սովորեցին և զգացին այսօր: Նրանք կարող են հրավիրել Հոգուն՝ օգնելու իրենց տեսնել, թե ինչպես են իրենց ջանքերը մեծացրել իրենց վստահությունն առ այն, որ Տերն իրենց հետ կլինի:

Ձեր ուսումնասիրության օրագրում խորհեք այն դժվարությունների մասին, որոնց բախվում եք այժմ կամ կարող եք բախվել ապագայում:

Ի՞նչ սովորեցիք կամ զգացիք Երկնային Հոր և Հիսուս Քրիստոսի մասին, որը կարող է օգնել ձեզ լինել ուժեղ և քաջ՝ դժվարություններին դիմակայելիս:
Այն ամենից, ինչ սովորեցիք կամ զգացիք Երկնային Հոր և Հիսուս Քրիստոսի մասին, ի՞նչ եք ցանկանում հիշել այն ժամանակ, երբ մյուս անգամ վստահ չլինեք դժվար իրավիճակից դուրս գալու ձեր կարողության վերաբերյալ:

Կարող եք կիսվել ձեր վկայությամբ, որ Տերը կպահի Իր այն խոստումը, որ միշտ մեզ հետ կլինի, երբեք չի թողնի կամ չի լքի մեզ՝ ճիշտ այնպես, ինչպես Նա խոստացել էր Հեսուին:

Օժանդակ նյութեր

Ի՞նչ ենք մենք հասկանում Մովսեսի մահվան վերաբերյալ: (Բ Օրենք 34․5–7, Հեսու 1․1–2)

Թեև Հին Կտակարանի մի քանի հատվածներ վերաբերում են Մովսեսի մահվանը, վերականգնման սուրբ գրություններից մենք գիտենք, որ Մովսեսը չի ճաշակել մահը (տես Ալմա 45.19), այլ փոխակերպվել է: Փոխակերպված մարդիկ իրենց մնացյալ մահկանացու գոյության ընթացքում չեն զգում ցավ կամ մահ: Հետո նրանք անմիջապես հարություն են առնում՝ ստանալով անմահություն (տես 3 Նեփի 28.8): Փոխակերպված էակները կատարում են հատուկ հանձնարարություններ, որոնց համար պահանջվում է ֆիզիկական մարմին: Մովսեսը հայտնվեց Փոխակերպման լեռան մոտ՝ նախքան Հիսուսի հարությունը (Մարկոս 9․2–4): Եթե Մովսեսը միայն հոգի լիներ, նա չէր կարող լեռան վրա քահանայության բանալիները հանձնել մահկանացու Պետրոսին, Հակոբոսին և Հովհաննեսին (տես «Մովսես» թեման Աստվածաշնչի բառարանում):

Ինչո՞ւ է Հեսուն Քրիստոսի նախատիպը:

Որպես իսրայելացիների աշխարհիկ և հոգևոր առաջնորդ՝ Հեսուն նաև Հիսուս Քրիստոսի նախատիպն ու արտացոլումն է: Հիսուս անունը «Հոսու» կամ «Հեսու» անվան հունարեն ձևն է, որը նշանակում է «Աստված օգնություն է» կամ «Փրկիչ» (Աստվածաշնչի բառարան, «Հիսուս»): Հոսուն/Հեսուն/Հիսուսը պետք է առաջնորդեր Իսրայելը դեպի ավետյաց երկիր:

Ինչպե՞ս կարող է հնազանդությունը մեծացնել մեր վստահությունը Տիրոջ հանդեպ:

Երիտասարդ տղամարդկանց գերագույն նախագահությունից եղբայր Մ. Ջոզեֆ Բրոուն բացատրել է.

Մեր ընտանիքում մենք ունենք մի ասացվածք, որը դարձել է մեր միսիայի կարևոր մասը։ Նախագահ Ռասել Մ. Նելսոնը որոշ ժամանակ ուսուցանել է այդ գաղափարը: Նա ասել է դա այսպես. «Հնազանդությունը հաջողություն է բերում. ճշգրիտ հնազանդությունը հրաշքներ է բերում»։ (Ռ․ Սքոթ Լլոյդ, «Elder Nelson Delivers Spiritual Thanksgiving Feast to MTCs», newsroom.ChurchofJesusChrist.org)

Ես լիովին չեմ հասկանում, թե ինչ է նշանակում ճշգրիտ հնազանդություն, բայց ահա թե ինչ եմ հասկացել. Դա չի նշանակում, որ մենք կատարելապես հնազանդ ենք հենց հիմա ու ամեն ինչում, թեև մենք կարող ենք կատարյալ լինել Տիրոջ պատվիրաններից շատերին հնազանդվելու հարցում: Հետևաբար, ապաշխարությունը պետք է լինի ճշգրիտ հնազանդության հիմնական մասը: Ճշգրիտ հնազանդությունը պահանջում է հանձնառություն բոլոր նախազգուշացումների, հուշումների ու պատվիրանների վերաբերյալ, որոնք Երկնային Հայրը տալիս է մեզ: («A Still, Small Voice among Big Decisions», Լիահոնա, դեկտեմբեր 2018, 44)

Ինչպե՞ս կարող է սուրբ գրությունների ուսումնասիրությունը մեծացնել մեր վստահությունը Տիրոջ հանդեպ:

Նախագահ Ռասսել Մ. Նելսոնն ասել է.

Երբ ես մտածում եմ Մորմոնի Գրքի մասին, միտքս է գալիս զորություն բառը: Մորմոնի Գրքի ճշմարտությունները զորություն ունեն բժշկելու, սփոփելու, վերականգնելու, սատար կանգնելու, զորացնելու, մխիթարելու և քաջալերելու մեր հոգիները: …

Ես խոստանում եմ, որ եթե դուք ամեն օր աղոթքով ուսումնասիրեք Մորմոնի Գիրքը, ավելի լավ որոշումներ կկայացնեք՝ ամեն օր: Ես խոստանում եմ, որ ձեր ուսումնասիրածի շուրջ խորհելիս երկնքի պատուհանները կբացվեն, և դուք կստանաք ձեր հարցերի պատասխանները, նաև ուղղորդում՝ ձեր կյանքի համար: Ես խոստանում եմ, որ եթե դուք ամեն օր խորասուզվեք Մորմոնի Գրքի ընթերցանության մեջ, դուք կարող եք պաշտպանվել օրվա չարիքից։ («Մորմոնի Գիրքը․ ինչպիսի՞ն կլիներ ձեր կյանքն առանց նրա» Լիահոնա, նոյեմբեր 2017, 62-63)

Լրացուցիչ ուսումնական վարժություններ

Սովորեք «խորհրդածել» Քրիստոսի խոսքերի մասին

Երբ ուսանողները օգտվեն սուրբ գրության մասին խորհրդածելու կամ խորհելու հնարավորությունից, կարող եք կիսվել Տասներկու Առաքյալների Քվորումից երեց Դ. Թոդ Քրիստոֆերսոնի հետևյալ խոսքերով.

11:21

Երբ ես ասում եմ «ուսումնասիրել», նկատի ունեմ ավելին, քան ընթերցելը։ Երբեմն լավ է սուրբ գրություններ կարդալ որոշակի ժամանակահատվածում, որպեսզի ընդհանուր գաղափար կազմեք այդ գրությունների ուղերձի մասին, սակայն դարձի համար պետք է աշխատեք ավելի շատ ժամանակ հատկացնել սուրբ գրությունները կարդալու համար, ոչ թե կենտրոնանաք այդ ժամանակի ընթացքում որոշակի քանակով գրություններ կարդալու վրա։ Ես տեսնում եմ, թե ինչպես եք երբեմն մի քանի հատված կարդում, ապա դադար առնում և խորհում դրանց մասին, այնուհետև կրկին ուշադիր կարդում հատվածները, և երբ մտածում եք դրանց նշանակության մասին՝ աղոթելով հասկանալու համար, հարցեր տալով ձեր մտքում, սպասելով հոգևոր հուշումներին և գրի առնելով այն տպավորություններն ու մտքերը, որոնք ստանում եք, կարող եք հիշել և ավելին սովորել։ Այսպես ուսումնասիրելով՝ դուք գուցե կես ժամում չհասցնեք շատ բաժիններ կամ հատվածներ կարդալ, սակայն ձեր սրտում տեղ կտաք Աստծո խոսքին, և Նա կխոսի ձեզ հետ։ («When Thou Art Converted», Լիահոնա, մայիս 2004, 11)

Առաջարկեք ուսանողներին ընտրել սուրբ գրությունների մի հատված՝ դրա շուրջ խորհրդածելու համար: Նախապատրաստեք սենյակը՝ հեռացնելով որքան հնարավոր է շատ շեղող գործոններ։

Ուսանողները կարող են ստեղծել ցանկ, թե ինչ կարող են անել՝ հիմնվելով երեց Քրիստոֆերսոնի մեջբերման վրա: Եթե նրանք լրացուցիչ օգնության կարիք ունենան, կարող եք տրամադրել հետևյալ քայլերից մի քանիսը.

Մի քանի անգամ կարդացեք ձեր ընտրած հատվածը՝ դրանից սովորելու ցանկությամբ, այլ ոչ թե պարզապես մինչև վերջ կարդալու համար:
Մտածեք, թե ինչ եք կարդում՝ հասկանալով բառերի իմաստը և այն, թե ինչպես են դրանք առնչվում ձեզ: Կրկին ու կրկին խորապես մտածեք այդ մասին:
Փորձեք ձեր միտքը ներգրավել ակտիվ գործընթացի մեջ՝ մտովի զննելով և վերլուծելով սուրբ գրությունը, դրանում պարունակվող բառերը և արտահայտությունները և խորհելով, թե ինչպես կարող է հատվածի ուղերձը օգնել ձեզ:
Գրի առեք բոլոր մտքերը կամ զգացմունքները, որոնք գալիս են, երբ դուք այդ գործընթացի մեջ եք:

Սահմանված ժամանակից հետո անկեղծորեն շնորհակալություն հայտնեք ուսանողներին՝ վարժությանը մասնակցելու պատրաստակամության համար: Կարող եք հիշեցնել ուսանողներին, որ այն, թե ինչպես և երբ Տերը կօրհնի մեզ Իր խոսքի մասին խորհրդածելու մեր ջանքերի համար, կախված է Իրենից: Առաջարկեք նրանց շարունակել հնարավորություններ փնտրել՝ կիրառելու այս հմտությունը ավետարանի իրենց կանոնավոր ուսումնասիրության ժամանակ:

Քաջության և Տիրոջ հանդեպ վստահության օրինակներ

Եթե ուսանողների համար օգտակար կլինի տեսնել մի օրինակ, թե ինչպես է Տերը մեծացնում մեր քաջությունն ու վստահությունը, կարող եք ցուցադրել «Dare to Stand Alone» տեսանյութը (4:20): Այս տեսանյութը ցուցադրում է նախագահ Մոնսոնի պատմությունը, որը վստահություն գտավ Տիրոջ հանդեպ՝ զգալով, որ ինքը մենակ է:

4:20

«Your Great Adventure: Overcoming Life’s Obstacles» տեսանյութի 5:48-8:19 հատվածը կարող է օգտագործվել՝ ցուցադրելու համար, թե ինչպես Տերը մեծացրեց մի երիտասարդի քաջությունն ու վստահությունը՝ կյանքի դժվարություններին դիմակայելու համար:

9:44