Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Дэд хууль 15: “Түүнд гараа сунга”

“Дэд хууль 15: ‘Түүнд гараа сунга,’” Хуучин Гэрээний семинарын багшийн гарын авлага (2026)

“Дэд хууль 15: ‘Түүнд гараа сунга,’” Хуучин Гэрээний семинарын багшийн гарын авлага

Дэд хууль 6–8; 15; 18; 29–30; 34: 60-р хичээл

Дэд хууль 15

“Түүнд гараа сунга”

Дэд хууль дахь Аврагчийн израилчуудад өгсөн тушаалуудад өр авлагыг цуцлах, хүмүүсийг боолчлолоос чөлөөлөх, ядуу зүдүү хүмүүсийн ачаа дарамтыг хөнгөлөх зэрэг нь багтдаг. Түүний хүмүүсийн хувьд бид ч мөн ядуу зүдүү хүмүүсийн ачааг хөнгөлөхийн тулд Аврагчийн бидэнд өгсөн зүйлийг харамгүй хуваалцах гэрээт үүрэгтэй. Энэ хичээл нь Аврагчийн тэдэнд өгсөн зүйлийг хуваалцах зарлигийг дагах илүү их хүслийг мэдрэхэд суралцагчдад тусална.

Суралцагчийн бэлтгэл: Суралцагчдыг “Because I Have Been Given Much” (Hymns, no. 219) дууллыг залбирч байгаад дуулах эсвэл Maтай 25:31–40-ийг судлахад урь. Суралцагчид Тэнгэрлэг Эцэгээс өөрсдөд нь өгсөн зүйлийг бусадтай хуваалцах арга замыг олж харахад туслахыг хүсэж болно.

Боломжит суралцах үйл ажиллагаа

Есүс Христийн жинхэнэ дагалдагчид

Хичээлээ эхлүүлэхдээ Есүс Христийн дуртай зургийг үзүүлэх талаар бодож үз. Та ерөнхийлөгч Нэлсоны хэлсэн дараах дутуу мэдэгдлийг самбарт бичиж болно. Мэдэгдлийг олон зөв санаагаар гүйцээн бичиж болно гэдгийг та онцлохыг хүсэж болох юм.

Ерөнхийлөгч Рассэлл М.Нэлсон ийн заасан.

Есүс Христийн жинхэнэ дагалдагчийг хамгийн амархан тодорхойлж болох нэг арга зам бол явдал юм. (“Амар тайвныг тогтоогчид хэрэгтэй,” Лиахона, 2023 оны 5-р сар, 98)

Бид ерөнхийлөгч Нэлсоны мэдэгдлийг хэрхэн гүйцээж болох вэ?

Суралцагчдыг хариулсны дараа, тэдний өгсөн хариулт яагаад мэдэгдлийг гүйцээж байна гэж мэдэрч байгаагаа хуваалцахад суралцагчдыг урь. Та суралцагчдын хуваалцаж буй зүйлийг сайшаан магтаж, бататгаж болно. Дараа нь ерөнхийлөгч Нэлсоны мэдэгдлийг бүрэн эхээр нь үзүүл.

Есүс Христийн жинхэнэ дагалдагчийг хамгийн амархан тодорхойлж болох нэг арга зам бол тухайн хүн бусдыг хэрхэн өрөвдөн хайрлаж байгааг олж харах явдал юм. (“Амар тайвныг тогтоогчид хэрэгтэй,” Лиахона, 2023 оны 5-р сар, 98)

Яагаад энэ нь Есүс Христийн жинхэнэ дагалдагчдыг ялган таних сайн арга вэ?
Есүс Христийн шавь нар ямар ямар арга замаар хүмүүст энэрэнгүй хандаж болох вэ?

Бусдад хэр сайн хандаж байгаагаа дүгнэхэд суралцагчдад туслахын тулд дараах мэдэгдлүүдийн заримыг эсвэл бүгдийг хуваалцаад, мэдэгдэл бүр тэдэнд ямар хамаатайг тунгаан бодоход суралцагчдыг урь.
Бусдад гаргаж буй хандлага маань Есүс Христийн дагалдагч гэдгийг минь харуулдаг.
Би бусдыг өрөвдөн хайрлаж, тэдэнд чадлынхаа хэрээр туслахыг хүсдэг.
Их Эзэний надад өгсөн зүйлсийг бусадтай хуваалцахад би бэлэн.

Өнөөдөр судалж байхдаа та бусдад хандаж буй хандлагаараа Аврагчийн зарлигийг дагаж мөрдөхийн ач холбогдлыг мэдрэхийн тулд Ариун Сүнсний удирдамжийг эрэлхийл.

Тусламж хэрэгтэй хүмүүсийг халамжлах

Суралцагчдыг дараах судрын хэсгийг уншихын өмнө, Дэд хуульд өгсөн заавруудын хүрээнд долоон жилд нэг удаа бүх өр авлагыг цуцал хэмээн Их Эзэний зарлигласныг тайлбарлаж болно.

Дэд хууль 15:7–11-ийг уншаад, Их Эзэн биднээс эргэн тойрныхоо хүмүүст хэрхэн хандаасай гэж хүсдэгийг олж мэд.

Та нар юу олж мэдсэн бэ?

Суралцагчдыг хуваалцах үед, Их Эзэн Өөрийн өгсөн адислалуудыг хуваалцахыг бидэнд зарлигласан зэрэг үнэнийг олж мэдэхэд тэдэнд тусал.

“Гараа сунга” гэдэг нь ямар утгатайг ойлгоход суралцагчдад туслахын тулд энгийн үзүүлэнт хичээлийг ашиглах нь тустай байж болно (8 болон 11-р шүлэг). Үүний тулд та самбарын өмнө нэг аяга үр тариа, вандуй эсвэл жижиг чихэртэй аяга тавьж болно. Энэ үг хэллэгийг үйлдлээр харуулахад хоёр суралцагчийг урь. Нэг суралцагч нь тухайн зүйлээс атгаж аваад, атгаастай чигээр нөгөө суралцагчийнхаа гарны дээр гараа байрлуулж болно. Эхний суралцагчаас гараа “бага” “багаар” суллан нөгөө суралцагчийнхаа алган дээр асгах боломж олго. Эцэст нь суралцагчдыг 8-р шүлгийг дахин уншихад уриад, “гараа сунга” гэдэг нь юу болохыг үзүүлэхийг нэг суралцагчаас хүс.
Бид гараа сунган ядуу зүдүү хүмүүсийг халамжлах ёстой гэдэг нь ямар утгатай гэж та нар бодож байна вэ?
Бид Аврагчийн зарлигаас Түүний талаар юу мэдэж авч болох вэ? Тэр хэрхэн бидэнд мутраа сунгадаг вэ?
Ямар нөхцөлд бид ядуу зүдүү хүмүүст гар сунгахаас татгалзахад уруу татагдаж болох вэ?

Суралцагчдыг дараах судрын хэсгийг уншихаас өмнө, Их Эзэн долоон жилд нэг удаа, эрх чөлөөтэй болохыг хүссэн боолыг чөлөөлж явуулж байхыг зарлигласан гэдгийг тайлбарлаж болох юм.

Дэд хууль 15:12–15-ыг уншаад, Их Эзэн израилчуудад хэрхэн хандах ёстой талаар чөлөөлөгдөхийг хүссэн боолд юу гэж зарлигласныг олж мэд.

Израилчуудын талаар сурч мэдсэн зүйл дээрээ үндэслэхэд, тэд бие махбод, сүнслэг байдлын хувьд хэрхэн боолчлогдсон байсан бэ? Өнөө үед хэн нэгэн хэрхэн сүнслэг байдлаар боолчлогдож болох вэ?
Аврагч биднийг сүнслэг байдлын болон бие махбодын боолчлолоос чөлөөлснийг санах нь хэрхэн бусадтай хандах хандлагад маань нөлөөлөх вэ?

“Бид бүгд гуйлгачид бус уу?”

Өсвөр үеийнхэнд мөнгө санхүү, сүнслэг байдал, бие махбод, сэтгэл санаа, нийгмийн хувьд “ядуу” байх гэдэг нь юу байж болохыг бодож үзэхэд суралцагчдыг урь.

Энэ тал дээр тусламж хэрэгтэй хүнд бид хэрхэн гараа сунгаж болох вэ?

Хэн нэгэнд ядуу зүдүү хүмүүсийг халамжлах Аврагчийн зарлигийг даган мөрдөхөд туслах судрын хэсэг эсвэл Сүмийн удирдагчийн хэлсэн мэдэгдлийг судар судлах хэрэгслүүдийг ашиглан хайж ол.

Хэрэв нэмэлт тусламж хэрэгтэй бол Лук 6:30–38; Мозая 4:16–27; Сургаал ба Гэрээнүүд 104:15–18; Мосе 7:18 зэрэг судрын хэсгүүдийг суралцагчдад санал болгож болно. Суралцагчид мөн Gospel Library дээрээс “ядуу” гэх мэт үгсийг хайж болно.

Судар, мэдэгдлийг хайж олох цагийг суралцагчдад гаргаж өгсний дараа, олж мэдсэн зүйлээ хамтрагчтайгаа эсвэл жижиг бүлэг дотроо хуваалцахад тэднийг урь. Суралцагчид мөн дараах асуултын дагуу ярилцаж болно.

Санхүү, сүнслэг байдал, бие махбод, сэтгэл санаа, нийгмийн хүрээнд “ядуу зүдүү” нэгнийг халамжлахтай энэхүү судар, мэдэгдэл хэрхэн хамаатай вэ?
Та нар хэзээ бусдын өгөөмөр сэтгэлийн ачаар адислагдаж байсан бэ?

Бусадтай хуваалцах хүслээ нэмэгдүүлэх

Maтай 25:31–40-ийг уншаад, тусламж хэрэгтэй хүмүүсийг халамжлахын тулд бидний гаргаж буй хичээл зүтгэлийн талаар Аврагч ямар бодолтой байдгийг олж мэд.

Та өнөөдөр бусдад өгөөмрөөр өгөх замаар Есүс Христийн жинхэнэ дагалдагч болох хүслийг тань гүнзгийрүүлэхэд тусалсан юуг сурч, мэдэрсэн бэ?
Танд юу хий гэсэн мэдрэмж төрсөн бэ?

Есүс Христийн жинхэнэ дагалдагч болохыг эрэлхийлсэн хүмүүсийн өгөөмөр зангаар амьдрал тань адислагдаж байсан үеийн талаар хуваалцахыг бод. Та хэн нэгэнд үйлчлэх мөн хэрхэн үйлчлэхээ мэдэхийн тулд Тэнгэрлэг Эцэгийн удирдамжийг эрэлхийлэхэд суралцагчдыг урьж болно.

Нэмэлт эх сурвалж

Яагаад ядуу зүдүү хүмүүсийг халамжлах нь чухал вэ?

Арван хоёр төлөөлөгчийн чуулгын ерөнхийлөгч Жэффри Р.Холланд бидэнд ийн сануулсан.

Ядуурал эрт дээр үеэс эхлэн, түүхийн туршид хүн төрөлхтний хамгийн том, мөн хамгийн өргөн цар хүрээтэй бөгөөд хамгийн адармаатай бэрхшээл байсаар ирсэн билээ. Ядуурлаас үүдэлтэй зовлон зүдгүүр ихэвчлэн бие махбодынх байдаг ч түүний сүнслэг болоод сэтгэл санааны байдалд учруулдаг хор хөнөөл бүр ч их юм. Ямар ч байлаа гэсэн, биднийг Өөртэйгөө нэгдэж, тэр хүмүүсийн хүнд ачаанаас үүрэлцэхэд уриалсан Гэтэлгэгчийн агуу уриалгаас өөр, илүү чухал тулгамдсан уриа дуудлага гэж байхгүй. …

Манай өнөө үед Есүс Христийн сэргээгдсэн Сүмийг нэг жилийнхээ ойд хараахан хүрээгүй байх үед Их Эзэн Сүмийн гишүүдэд хандан “ядуус хийгээд гачигдагсдыг харж хандаж, мөн тэд зовохгүй байхын тулд тэднийг хөнгөвчлөхөөр тусламж үзүүлэх ёстой” [Сургаал ба Гэрээнүүд 38:35] гэж зарлиг болгосон билээ. Судрын энэ хэсэг дэх зарлигийн үг —“ тэд зовохгүй байхын тулд” гэсэн үгс болохыг анхаарна уу. Бурхан ямар нэг чухал зүйлийн тухай энэ мэтчилэн ярьдаг. …

Мацгийн хуулийг дагадаг хүмүүст ирдэг материаллаг болон сүнслэг гайхамшгуудын талаар би гэрчилмээр байна. … Та энэхүү ариун нандин боломжийг хамгийн багадаа сард нэг удаа эрхэмлэн дагаж; нөхцөл байдал, боломжийнхоо хэрээр мацгийн болон бусад өргөлөө хүмүүнлэгийн болон боловсролын мөн номлолын санд хандивлаж байгаарай. Бурхан таныг өгөөмрөөр адислах болно гэдгийг, мөн танаас тусламж авсан хүмүүс таныг адислагдсан нэгэн хэмээн дурсах болно гэдгийг би амлаж байна. …

Хэдий тийм ч би ахынхаа манаач нь биш, дүү нь гэдгээ, мөн “надад ихийг өгсөн учраас би ч бас мөн адил өгөх ёстой” гэдгээ мэднэ. (“Бид бүгд гуйлгачид бус уу?,” 2014 оны 10-р сарын Ерөнхий чуулган, 46, 48)

Бид бусдын ачааг хэрхэн хөнгөлж чадах вэ?

Халамжийн нийгэмлэгийн ерөнхий ерөнхийлөгч асан Шарон Юбанк эгч ийн заасан.

Хэрэв бид үзэл бодлоо өөрчилбөл, ядуу хийгээд гачигдагсдад анхаарал халамж тавих нь эд зүйл өгөхөөс илүүтэй, хүн хоорондын харилцаа холбоог ойртуулах, утга учиртай яриа өрнүүлэх, баялгийг бүтээх, эерэг харилцааг бий болгоход чиглэх болно гэдгийг ойлгох ба ингэснээр Их Эзэн биднийг хаа нэгтээ илгээх боломжтой болно. …

Аврагчийн нэгэн адил, тусламж хэрэгтэй байгаа хүмүүст таны өгч чадах хамгийн сайхан бэлгүүдийн нэг нь та өөрөө гэдгийг сана. (“Turning Enemies into Friends” [Brigham Young University forum address, Jan. 23, 2018], 6–7, speeches.byu.edu)

Нэмэлт суралцах үйл ажиллагаа

Дэд хууль 14:22, 28–29: Их Эзэн бидний өргөлийг ашиглан ядуу зүдүү хүмүүсийг адисалдаг

Тэнгэрлэг Эцэгийн хүүхдүүдийг адислахын тулд өргөлийг олон арга замаар ашигладгийг бодож үзэх нь суралцагчдад тустай байж болох юм. Өргөлөө өгөөмрөөр өгсөн хүмүүст Их Эзэний амласан адислалуудыг олж мэдэхийн тулд Дэд хууль 14:22, 28–29-ийг судалж болно. Мосегийн хуулийн хүрээнд гурван жил тутам өргөлийн бүх мөнгөө ядуусыг адислахад зориулахыг израилчуудад зарлигласныг тайлбарлах нь тустай байж болно (28–29-р шүлэг). Өнөө үед ядуу зүдүү хүмүүсийн ачааг хөнгөлөхөд зориулан сар бүр мацгийн өргөл өгдөг.

Дэд хууль 15:1–5, 12–15: Их Эзэн өр авлага цуцлахыг зарлиглав

Долоон жил тутамд аливаа зээлдэгчийг өрөөс чөлөөлөх, бүх боолд эрх чөлөөг олгох Аврагчийн израилчуудад өгсөн зарлигийг суралцагчдад сайтар ойлгуулах нь тустай байж болно. Аврагч биднийг нүгэл, гэм буруугийн өрөөс хэрхэн чөлөөлснийг ярилцахад суралцагчдыг урих талаар бодож үз. Дараа нь “Handel’s Messiah: Debtor’s Prison” (3:35) видеог үзэж болно. Энэхүү видеонд ерөнхийлөгч Нэлсон тэдгээр хоригдлыг суллаж байгаа нь Есүс Христээр дамжин бид гэтэлгэгддэгийг бэлгэдсэн.

3:35

Тусламж хэрэгтэй хүмүүст өгөөмрөөр өгөх

Тусламж хэрэгтэй хүмүүсийг хэрхэн адисалж болохыг ойлгоход нь суралцагчдад туслах зорилгоор та тэднийг орон нутагтаа үйлчлэх зарим боломжийн талаар ярилцахад урьж болно. Үүнд:

Тохинуулах үүрэгт ажил
Мацаг барих, мацгийн өргөл өгөх
Сүмийн хүмүүнлэгийн ажилд оролцох
Боломжтой бол JustServe аппликэйшныг ашиглан орон нутагт үйлчлэх боломжуудыг харах

Нэмэлт санааг ChurchofJesusChrist.org дээр Тусламж хэрэгтэй хүмүүст туслах мөн халамжлах гэдгээс авч болно.

Суралцагчид орон нутагтаа үйлчлэх боломжийг тодорхойлж, тусламж хэрэгтэй хүмүүст туслах ямар нэгэн зүйл хийх зорилго тавьж болно. Суралцагчид Сүмийн хүмүүнлэгийн ажлын талаар дэлгэрэнгүй мэдээлэл авахыг хүсвэл хамгийн сүүлийн хуанлийн жилийн Тусламж хэрэгтэй хүмүүсийг халамжлах жил тутмын тайланг харж болно.

Тусламж хэрэгтэй хүмүүст туслах

“Be the Someone” (4:18) видеонд дүрвэгч байхад нь тусалсан хүмүүс амьдралыг нь өөрчилсөн тухай нэгэн эмэгтэйн түүхийг хуваалцдаг.

4:18

“Joseph Millett Story” (цагийн код 2:36-аас 6:08) видеонд тусламж хэрэгтэй нэгэн гэр бүлд тусалснаар Жозэф Миллэтт хэрхэн Их Эзэнээр адислагдсан тухай өгүүлдэг.

6:14

“That We Might Be One: The Story of the Dutch Potato Project” (цагийн код 0:00–8:57) видеонд дэлхийн II дайны дараа Нидерландад дайснууд нь байсан хүмүүстэй ноогдол хоолоо өөрсдийн хүслээр хуваалцан золиослол гаргаж буй гэгээнтнүүдийн түүхийг харуулдаг. Та Христтэй адил үйлчлэхийн тулд гаргасан хичээл зүтгэлийнх нь төлөө Аврагч хэрхэн Нидерландын гэгээнтнүүдийг адисалсан тухай олж мэдэхэд суралцагчдыг урьж болно.

11:57