Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Mga Bilang 21: Umasa sa Tagapagligtas nang may Pananampalataya

“Mga Bilang 21: Umasa sa Tagapagligtas nang may Pananampalataya,” Manwal ng Titser ng Seminary para sa Lumang Tipan (2026)

“Mga Bilang 21: Umasa sa Tagapagligtas nang may Pananampalataya,” Manwal ng Titser ng Seminary para sa Lumang Tipan

Mga Bilang 11–14; 20–24; 27: Lesson 57

Mga Bilang 21

Umasa sa Tagapagligtas nang may Pananampalataya

The Old Testament prophet Moses pointing to a staff with a brass serpent attached to the top. The painting illustrates the event wherein Moses promised the Israelites that they would be saved from the fiery serpents if they looked at the brass serpent.

Habang patuloy na naglalakbay sa ilang ang mga anak ni Israel, nagreklamo sila laban sa Panginoon. Bilang tugon, nagpadala Siya sa kanila ng mga makamandag na ahas. Pagkatapos ay iniutos Niya kay Moises na magpatong ng ahas na tanso sa isang tikin bilang simbolo ng Tagapagligtas at ipinangako Niya na ang mga titingin dito ay gagaling. Ang lesson na ito ay makatutulong sa mga estudyante na umasa kay Jesucristo nang may pananampalataya.

Paghahanda ng estudyante: Ipabasa sa mga estudyante ang Mga Bilang 21:7–9 at Alma 33:18–21, at alamin kung ano ang matututuhan natin mula sa salaysay na ito sa Lumang Tipan. Hikayatin ang mga estudyante na maging handang ibahagi sa klase ang natutuhan nila.

Mga Posibleng Aktibidad sa Pag-aaral

Isang tuklaw ng ahas

Maaari mong simulan ang klase sa pamamagitan ng pagpapakita ng larawan ng ahas.

Sa inyong palagay, ano ang pakiramdam na matuklaw ng makamandag na ahas?

Tulungan ang mga estudyante na maunawaan na maaaring magdulot ng pamamaga, pamamaltos, matinding sakit, at karamdaman ang tuklaw ng makamandag na ahas. Sa malalang mga sitwasyon, maaari pa itong makamatay.
Ano ang ilan sa iba’t ibang reaksyon ng mga tao pagkatapos matuklaw?

Ang ilang posibleng sagot ay: mataranta, maghiganti sa ahas at patayin ito, maghintay para tingnan kung ano ang magiging reaksyon ng kanilang katawan sa tuklaw, o agad na humingi ng tulong.

Sa tabi ng ahas, isulat ang salitang kasalanan. Sabihin sa mga estudyante na ihambing kung paano maaaring katulad ng tuklaw ng ahas ang kasalanan at ang mga bunga nito.
Ano ang ilan sa iba’t ibang maaaring gawin ng mga tao pagkatapos magkasala?

Ang ilang posibleng sagot ay mangangatwiran sa kanilang mga ginawa, susubukang maging manhid sa kanilang nararamdaman, itatago ang kanilang mga ginawa dahil sa kahihiyan, maghihintay na malaman kung ano pa ang mga kahihinatnan nito, o aasa sa Panginoon para sa tulong.

Pag-isipan sandali kung ano ang gagawin ninyo. Aasa ba kayo sa Panginoon para matulungan kayo? Bakit oo o bakit hindi? Sa pag-aaral ninyo ng lesson na ito, hingin ang patnubay ng Espiritu Santo upang tulungan kayong umasa sa Tagapagligtas para sa tulong sa inyong buhay. Maaari din kayong humingi ng tulong para sa anumang tanong o alalahanin ninyo tungkol sa pag-asa sa Tagapagligtas.

Ang mga makamandag na ahas

Gaya ng ilang beses na nilang ginawa noon, nagreklamo ang mga anak ni Israel laban sa Panginoon habang naglalakbay sila sa ilang. Basahin ang mga sumusunod na talata at sagutin ang mga kalakip na tanong ng mga ito.

Maaari mong ipakita o isulat sa pisara ang mga sumusunod na talata at tanong. Maaari mong anyayahan ang mga estudyante na pag-aralan ang mga ito nang sama-sama sa maliliit na grupo, o sabihin sa mga estudyante na pag-aralan ang mga talata nang mag-isa, pagkatapos ay ibahagi ang kanilang mga sagot sa isang kapartner o maliit na grupo para malaman ang kanilang mga sagot. Kung kapaki-pakinabang, ipaliwanag na hindi pinahintulutan ang mga anak ni Israel na maglakbay sa lupain ng Edom, ngunit kailangang maglakbay paikot dito (tingnan sa Mga Bilang 21:4), na nangangahulugang magiging mas mahaba at mahirap ang kanilang paglalakbay.

Mga Bilang 21:4–5. Bakit nagsalita ang mga anak ni Israel laban sa Panginoon at kay Moises?

Mga Bilang 21:6. Bilang tugon, ano ang ipinadala ng Panginoon?

Mga Bilang 21:7–9. Ano ang iniutos ng Panginoon kay Moises at sa mga anak ni Israel na gawin para gumaling?

1 Nephi 17:41; Alma 33:18–21. Bakit hindi tumingin sa ahas na tanso ang ilan sa mga anak ni Israel?

Maaari mong anyayahan ang mga estudyante na isulat ang mga talata sa Aklat ni Mormon bilang mga cross-reference sa Mga Bilang 21:9.

Ano ang mahalaga para sa inyo mula sa salaysay na ito?
Paano kaya tayo natutulad kung minsan sa mga anak ni Israel?

Isang simbolo para sa Tagapagligtas

Sa Kanyang mortal na ministeryo, tinulungan tayo ng Tagapagligtas na maunawaan ang sinisimbolo ng ahas na tanso na ipinatong sa isang tikin. Basahin ang Juan 3:14–16, at alamin ang sagot. (Maaari ninyo itong markahan bilang cross-reference sa Mga Bilang 21:7–9.)

Matapos ibahagi ng mga estudyante ang natuklasan nila, maaari mong ipakita ang mga sumusunod na larawan.

Ano ang matututuhan natin mula sa mga salaysay na ito?

Maaaring ibahagi ng mga estudyante ang isang alituntuning tulad ng sumusunod: Kapag umasa tayo sa Tagapagligtas nang may pananampalataya, pagagalingin Niya tayo sa espirituwal. Maaari mong isulat ang alituntuning ito sa pisara.

Upang mas maunawaan ang alituntuning ito, ipabasa sa mga estudyante ang mga sumusunod na pahayag.

Itinuro ni Pangulong Russell M. Nelson:

Nagsusumamo ako sa inyo na lumapit sa Kanya upang mapagaling Niya kayo! Pagagalingin Niya kayo mula sa kasalanan kung magsisisi kayo. Pagagalingin Niya kayo mula sa kalungkutan at takot. Pagagalingin Niya kayo mula sa mga sugat ng mundong ito. (“Ang Sagot ay Laging si Jesucristo,” Liahona, Mayo 2023, 127)

Ano ang nagustuhan o natutuhan ninyo mula sa pahayag na ito?
Paano kaya maihahalintulad ang paggaling mula sa kamandag sa paggaling mula sa mga bunga ng kasalanan sa pamamagitan ng Tagapagligtas?

Umasa sa Tagapagligtas

Sabihin sa mga estudyante na tingnan sandali ang larawan ng Tagapagligtas na nakapako sa krus at isipin ang mga paraan kung paano tayo makakaasa sa Kanya nang may pananampalataya ngayon. Pagkatapos ay anyayahan silang gawin ang sumusunod sa maliliit na grupo.

Maglista ng ilang paraan kung paano tayo makakaasa sa Tagapagligtas nang may pananampalataya ngayon.
Talakayin ang mga dahilan kung bakit maaaring mahirapan tayong gawin ang mga bagay na ito. (Maaari ninyong talakayin na tulad ng mga anak ni Israel, maaari din tayong matukso na maniwala na ang mga paraang ito ng pag-asa sa Tagapagligtas ay napakasimple o hindi makakatulong sa atin.)
Sa kabila ng anumang paghihirap, talakayin kung bakit makabubuti na umasa sa Tagapagligtas. (Maaaring kabilang dito ang pagbabahagi ng mga halimbawa sa banal na kasulatan ng mga pagpapagaling ng Tagapagligtas, ang inyong nadarama o patotoo tungkol sa pag-asa sa Tagapagligtas, o mga karanasan ninyo noong umasa kayo sa Tagapagligtas nang may pananampalataya at kung ano ang nangyari.)

Ang pinaniniwalaan mo

Hingin ang tulong ng Espiritu Santo habang isinusulat ninyo ang isang paraan na naniniwala kayo na nais ng Panginoon na umasa kayo sa Kanya, o patuloy na umasa sa Kanya sa inyong buhay. Maaari din ninyong isulat kung bakit maaaring mahirap ito ngunit makabubuti pa rin.

Karagdagang Resources

Ano ang magagawa natin para hangarin ang pagpapagaling ng Tagapagligtas?

Itinuro ni Pangulong Russell M. Nelson:

Kapag dumating sa atin ang mga pagsubok, panahon na para palakasin ang pananampalataya natin sa Diyos, magsumigasig, at maglingkod sa iba. Pagkatapos ay pagagalingin Niya ang ating mga bagbag na puso. Gagawaran Niya tayo ng personal na kapayapaan at aliw. Ang mga dakilang handog na iyon ay hindi masisira, maging ng kamatayan. (“Jesucristo—Ang Dalubhasang Manggagamot,” Liahona, Nob. 2005, 87)

Itinuro ni Sister Cristina B. Franco, dating Pangalawang Tagapayo sa Primary General Presidency:

Hindi ba tayo … may kaunting sira, biyak, at pinsala, na pakiramdam natin ay hindi na tayo muling maibabalik sa dati? Gayunman, kapag lumapit tayo kay Jesucristo sa pamamagitan ng pagsampalataya sa Kanya, pagsisisi, at paggawa at pagtupad ng mga tipan, ang ating pagkasira—anuman ang sanhi nito—ay mapapagaling. Ang prosesong ito, na nag-aanyaya sa nakapagpapagaling na kapangyarihan ng Tagapagligtas sa ating buhay, ay hindi lamang nagbabalik sa atin sa kung ano tayo noon ngunit ginagawa tayo nitong mas mabuti higit kailanman. Alam ko na sa pamamagitan ng ating Tagapagligtas na si Jesucristo, tayong lahat ay maaaring maayos, mabuo, at makatupad sa ating layunin. (“Ang Nakapagpapagaling na Kapangyarihan ni Jesucristo,” Liahona, Nob. 2020, 60)

Ano ang ilang halimbawa ng maliliit at simpleng bagay na magagawa natin para mapalapit sa Tagapagligtas?

Pinag-isipan ni Pangulong Dallin H. Oaks ng Unang Panguluhan ang ipinagawa sa mga anak ni Israel para gumaling at sinabing “Isang maliit na bagay na nagbunga ng himala!” Ibinahagi rin Niya ang ilang maliliit at mga karaniwang gawain na maglalapit sa atin sa ating Tagapagligtas:

17:36

Isipin ang pag-aaral ng mga banal na kasulatan na itinuro sa atin na gawing bahagi ng ating buhay sa araw-araw. O isipin ang mga personal na panalangin at pagluhod at pagdarasal ng pamilya na regular na ginagawa ng matatapat na Banal sa mga Huling Araw. Isipin ang attendance sa seminary para sa mga kabataan o mga institute class para sa mga young adult. Bagama’t bawat isa sa mga gawing ito ay tila maliliit at karaniwan, sa paglipas ng panahon ang mga ito ay humahantong sa matinding espirituwal na paglakas at pag-unlad. Nangyayari ito dahil ang bawat isa sa maliliit at mga karaniwang bagay na ito ay nag-aanyaya ng patnubay ng Espiritu Santo, ang Tagapagpatotoo na nagbibigay ng kalinawan sa atin at gumagabay sa atin patungo sa katotohanan. …

Ang isa pang pinagmumulan ng lakas at pag-unlad ay ang patuloy na pagsisisi, kahit na sa tila maliliit na pagkakamali. Ang pagsusuri natin sa ating sarili ay makatutulong sa atin para malaman natin kung paano tayo nagkamali at kung paano natin mas mapagbubuti ang ating sarili. Ang pagsisising iyan ay dapat munang gawin bago tumanggap ng sakramento tuwing Linggo. (“Maliliit at mga Karaniwang Bagay,” Liahona, Mayo 2018, 90)

Mga Karagdagang Aktibidad sa Pag-aaral

Isang alternatibong simula

Maaari mong ipanood ang video ng Tagapagligtas na nagpapagaling ng mga tao, gaya ng “Nahabag si Jesucristo at Pinagaling ang mga Tao” mula sa time code na 1:43 hanggang 6:19.

6:31

Kung narito ang Tagapagligtas ngayon, sino ang gusto ninyong dalhin sa Kanya para mapagaling? Bakit?
Maliban sa mga karamdaman, ano ang ilan sa iba pa na mapapagaling ng Tagapagligtas?

Maraming beses na binanggit sa mga banal na kasulatan na pinagaling ng Tagapagligtas ang mga tao mula sa mga karamdaman, pagkabulag, ketong, at yaong mga “nahihirapan sa anumang dahilan” (3 Nephi 17:9). Itinuro din ng Tagapagligtas na ipinakita ng kanyang mga pagpapagaling ang espirituwal na magagawa Niya para sa mga tao (tingnan sa Marcos 2:2–11). Pag-isipan kung saan ninyo personal na kailangan ang tulong ng Panginoon at kung nananampalataya kayo na mapapagaling Niya kayo.

Mga Simbolo ng Tagapagligtas

Kung makatutulong na magtuon sa isa pang simbolo ng Tagapagligtas sa kabanatang ito, isulat sa pisara ang mga salitang kordero, bato, at tubig.

Ano ang pagkakatulad ng mga bagay na ito? (Ginamit ang lahat ng ito bilang simbolo ng Tagapagligas.)
Paano kaya sinisimbolo ng mga ito ang Tagapagligtas?

Sa 40 taon ng mga Israelita sa ilang, gumamit ang Panginoon ng maraming iba’t ibang bagay at karanasan upang ituro sa kanila ang tungkol sa Kanyang kapangyarihang magpagaling at maglaan para sa mga taong bumabaling sa Kanya. Sa dalawang magkaibang pagkakataon, nagreklamo ang mga tao laban kay Moises nang wala silang mainom na tubig sa ilang (tingnan sa Exodo 17:1–4; Mga Bilang 20:1–5).

Maaari mong ipabasa sa kalahati ng klase ang Exodo 17:5–6 at sa kalahati naman ang Mga Bilang 20:7–8, at pag-isipan kung paanong sa pamamagitan ng mga pangyayaring ito ay maalaala nila ang tungkol kay Jesucristo sa simbolikong paraan. Kung kinakailangan, ipaalala sa kanila na ang Tagapagligtas ay inihambing sa bato sa maraming pagkakataon (tingnan sa Helaman 5:12; Moises 7:53).

Paano naipaalala sa inyo ang Tagapagligtas ng mga pangyayari sa mga talatang ito? (Kung kailangan ninyo ng tulong, isiping pag-aralan ang Moises 7:53 at Juan 4:13–14.)

Tulad ng pag-asa ng mga Israelita na maglalaan ang Diyos ng tubig sa ilang, umaasa rin tayo na maglalaan ang Diyos para sa ating mga pangangailangan. Pag-isipan kung paano nakatutulong sa inyo ang mga simbolong ito para mas makilala ang Panginoon.