Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Eksodi 25; 35–40: “Lavdia e Zotit e Mbushi Tabernakullin”

“Eksodi 25; 35–40: ‘Lavdia e Zotit e Mbushi Tabernakullin’”, Manuali i Mësuesit të Seminarit për Dhiatën e Vjetër (2026)

“Eksodi 25; 35–40: ‘Lavdia e Zotit e Mbushi Tabernakullin’”, Manuali i Mësuesit të Seminarit për Dhiatën e Vjetër

Eksodi 35–40; Levitiku 1; 4; 16; 19: Mësimi 52

Eksodi 25; 35–40

“Lavdia e Zotit e Mbushi Tabernakullin”

A depiction of the Israelite tabernacle in the wilderness. The tabernacle is viewed from above. The interior and exterior of the tabernacle are depicted.

Për t’iu bindur urdhrit të Zotit, izraelitët ndërtuan një tabernakull, ose tempull, në shkretëtirë. Ky tabernakull ishte një shenjtërore e lëvizshme ku Zoti mund të banonte në mes të popullit të Tij ndërsa ai udhëtonte. Ky mësim mund t’i ndihmojë nxënësit të ndiejnë një dëshirë më të madhe për të adhuruar Zotin në tempullin e Tij.

Përgatitja e nxënësve: Merreni parasysh t’i ftoni nxënësit të përdorin programin Gospel Library [Biblioteka e Ungjillit] ose temples.ChurchofJesusChrist.org për të gjetur figura të tempujve ose materiale filmike të lidhura me tempullin. Kërkojuni nxënësve të mendojnë se si ndihen në lidhje me tempullin e Zotit. Ftojini ata të marrin parasysh se si tempujt e ditëve të sotme i ndihmojnë ata të kujtojnë Atin Qiellor dhe Jezu Krishtin.

Veprimtari të Mundshme të të Mësuarit

Cili është qëllimi i tempujve?

Merreni parasysh ta filloni mësimin duke treguar skenarin vijues. Mund të paraqitni më pas pyetjet pas skenarit dhe t’i ftoni nxënësit t’i diskutojnë ato me një partner.

Imagjino sikur një tempull do të përkushtohet së afërmi në zonën tënde. Ti fton një shoqe për të frekuentuar me ty shtëpinë e hapur për tempullin. Shoqja jote e pranon ftesën, por thotë se nuk di asnjë gjë rreth tempujve.

Çfarë do të doje që shoqja jote të kuptonte rreth tempujve dhe qëllimit të tyre?
Si mund të përgjigjeshe nëse shoqja jote do të të pyeste përse tempujt janë të rëndësishëm për ty?

Pasi nxënësit t’i kenë diskutuar përgjigjet me partnerët e tyre, ftojini ata të mendojnë rreth përgjigjeve të tyre për pyetjen vijuese.
Duke përdorur një shkallë nga 1 (e ulët) deri në 5 (e lartë), si do ta vlerësoje dëshirën tënde për ta adhuruar vazhdimisht Zotin në tempull?

Merreni parasysh t’i ftoni nxënësit të mendojnë rreth arsyes përse u përgjigjën në atë mënyrë për pyetjen e mëparshme.

Ndërsa studion sot, kushtoji vëmendje asaj që mund të të mësojë Fryma e Shenjtë rreth tempujve dhe mënyrës se si ata mund të na lidhin me Atin Qiellor dhe Jezu Krishtin. Kërko frymëzim për të të ndihmuar të ndiesh dëshirë më të madhe për ta adhuruar Zotin në tempujt e Tij.

Zoti i urdhëron izraelitët të ndërtojnë një tabernakull

Ndërsa fliste me Moisiun në malin Sinai, Zoti iu kërkoi izraelitëve që të ofronin arin, argjendin e tyre dhe materiale të tjera me vlerë për të ndërtuar një shenjtërore, ose tabernakull, për Të. Në kohën tonë, edhe neve na është kërkuar të ndërtojmë tempuj për të shërbyer si shenjtërore ose një vend shenjtërie.

Lexo tek Eksodi 25:8, duke kërkuar arsyen përse Zoti dëshiroi që izraelitët të ndërtonin një shenjtërore.

Çfarë gjete?
Çfarë të mëson arsyeja e Zotit për këtë urdhërim rreth Tij dhe mënyrës se si ndihet Ai për ne?

Simbolizmi i tabernakullit

Sendet dhe ordinancat në tabernakull ishin simbolike. Ata kishin për qëllim t’i mësonin Izraelit rreth Atit Qiellor dhe Jezu Krishtit dhe mënyrës se si të udhëtojnë në jetë deri tek Ata.

Pasi nxënësit të kenë pasur kohë të mjaftueshme për të studiuar, ftojini ata ta tregojnë atë që mësuan. Mund të bëni pyetje si vijueset si pjesë e këtij diskutimi.

Cilat simbole dukeshin veçanërisht kuptimplota ose interesante për ty?
Çfarë të mësuan simbolet nga tabernakulli rreth Atit Qiellor dhe Jezu Krishtit?

Tempuj të ditëve të sotme

An exterior shot of the Kinshasa Democratic Republic of the Congo Temple. We see exterior images of the temple.

Merreni parasysh të paraqitni një figurë të tempullit të ditëve të sotme. Shpjegoni se tempujt sot përfshijnë ordinancat e Priftërisë Melkizedeke që Perëndia nuk ua dha izraelitëve të lashtë për shkak të rebelimit të tyre. Pavarësisht këtij ndryshimi, tempujt tanë kanë shumë ngjashmëri me tabernakullin e lashtë.

Çfarë ngjashmërish sheh ndërmjet tempujve tanë dhe tabernakullit të lashtë?
Çfarë të vërtetash mëson nga këto ngjashmëri?

Inkurajojini nxënësit të tregojnë një sërë përgjigjesh për pyetjen e mëparshme. Mund t’i renditni në tabelë të vërtetat që përcaktojnë nxënësit. Duke përdorur vetë fjalët e tyre, nxënësit mund të përcaktojnë të vërteta si vijueset:

Zoti na urdhëron të ndërtojmë tempuj në mënyrë që Ai të mund të banojë mes nesh.
Ordinancat dhe simbolet e tempullit na mësojnë rreth Atit Qiellor dhe Jezu Krishtit.
Tempulli na ndihmon të përgatitemi për t’u kthyer tek Ati Qiellor dhe Jezu Krishti.

Shpjegoni se, ashtu si tabernakulli i lashtë, tempujt e ditëve të sotme përmbajnë simbole që na japin mësim rreth Atit Qiellor dhe Jezu Krishtit.

Baptistry (Temples) at Provo City Center Temple

Winnipeg Manitoba Temple. An interior image of the temple featuring the Sealing Room. There are chairs around an altar. Above the altar is a chandelier. There is a stained glass window on one side.

Cilat janë mënyrat se si tempujt e ditëve të sotme të ndihmojnë të kujtosh Atin Qiellor dhe Jezu Krishtin?

Si pjesë e diskutimit tuaj të pyetjes së mëparshme, merreni parasysh të tregoni fotografi të dhomave të veçanta brenda tempujve të ditëve të sotme. Për shembull, pasi të vini në dukje një fotografi të pagëzimores në tempull, mund t’i pyesni nxënësit se çfarë mund të na mësojnë rreth Atit Qiellor dhe Jezu Krishtit ordinanca e pagëzimeve për të vdekurit. Nëse dëshironi, mund të përdorni figurat e mësipërme ose figurat e përfshira në artikullin “Inside Temples” [“Brenda Tempujve”], në dispozicion në ChurchofJesusChrist.org.

Mund të shihni gjithashtu materialin filmik “Welcome to the Washington D.C. Temple” [“Mirë se Vini në Tempullin e Uashington D.K‑së”] (11:46), në dispozicion në ChurchofJesusChrist.org. Ky material filmik është një burim tjetër për t’i ndihmuar nxënësit të shohin se si tempujt e ditëve të sotme na mësojnë rreth Atit Qiellor dhe Jezu Krishtit. Nëse koha është e kufizuar, merreni parasysh të shihni një nga pjesët vijuese: nga kodi kohor 0:00 deri në 3:49, kodi kohor 4:37 deri në 7:44, ose nga kodi kohor 8:16 deri në 9:04.

11:45
Si mund të ndikojë dijenia se tempujt na mësojnë rreth Atit Qiellor dhe Jezu Krishtit në dëshirën tonë për të adhuruar atje?
Kur je ndier më afër Atit Qiellor dhe Jezu Krishtit për shkak të tempullit ose pjesëmarrjes në punën në tempull dhe për historinë familjare?

Shënoji mbresat e tua

Për t’i ndihmuar nxënësit të reflektojnë mbi atë që kanë mësuar dhe ndier nga Fryma e Shenjtë sot, merreni parasysh t’i ftoni ata t’i përgjigjen pyetjes vijuese në ditarët e tyre të studimit.

Çfarë ke mësuar ose ndier sot nga Fryma e Shenjtë që ka ndikuar në dëshirën tënde për ta adhuruar Zotin në tempull?

Mund t’i ftoni disa nxënës të gatshëm ta tregojnë atë që shkruan. Bëjuani të ditur nxënësve se ata do të kenë mundësi për të reflektuar mbi dëshirën e tyre për ta adhuruar Zotin në tempull, në Mësimin 80: “Vlerësoni të Mësuarit Tuaj 5”.

Dëshmoni për të vërtetat që keni diskutuar sot.

Burime Shtesë

Pse është e rëndësishme për mua ta adhuroj Zotin në tempull?

Presidenti Rasëll M. Nelson dha mësim:

8:2

“Vëllezërit dhe motrat e mia të dashura, sulmet e kundërshtarit po shtohen në mënyrë eksponenciale, për nga intensiteti dhe larmia. Nevoja jonë për të qenë në tempull rregullisht dhe shpesh nuk ka qenë kurrë më e madhe. Ju përgjërohem ta merrni parasysh plot lutje mënyrën se si e shpenzoni kohën tuaj. Kushtojani kohën të ardhmes suaj dhe asaj të familjes suaj. Nëse keni mjaftueshëm afër një tempull, ju nxit të gjeni një mënyrë për të lënë një takim rregullisht me Zotin – për të qenë në shtëpinë e Tij të shenjtë – dhe pastaj shkoni në atë takim me përpikëri dhe gëzim. Ju premtoj se Zoti do t’i sjellë mrekullitë që Ai e di se ju nevojiten, teksa bëni sakrifica për të shërbyer dhe adhuruar në tempujt e Tij.” (“Të Bëhemi Shenjtorë Shembullorë të Ditëve të Mëvonshme”, Liahona, nëntor 2018, f. 114)

Ku duhet të jetë përqendrimi im ndërsa frekuentoj tempullin?

Presidenti Xhefri R. Holland, i Kuorumit të Dymbëdhjetë Apostujve, dha mësim:

14:46

“Kur dikush shkon në tempullin e shenjtë për herë të parë, ai ose ajo mund të mahnitet disi nga ajo përvojë. Puna jonë është të sigurohemi që simbolet e shenjta dhe ritet që zbulohen aty, veshjet ceremoniale dhe paraqitjet pamore, kurrë të mos e largojnë vëmendjen, por përkundrazi t’i drejtojnë njerëzit për te Shpëtimtari, të cilin kemi shkuar që ta adhurojmë atje. Tempulli është shtëpia e Tij dhe Ai duhet të jetë mbizotërues në mendjen dhe zemrën tonë – doktrina madhështore e Krishtit duhet ta përshkojë gjithë qenien tonë ashtu si përshkon ordinancat e tempullit – nga koha kur e lexojmë shkrimin mbi derën e hyrjes [“Shenjtëri Zotit. Shtëpia e Zotit.”] deri në çastin e fundit fare që kalojmë në atë ndërtesë. Në mes të të gjitha çudive që hasim, ne duhet të shohim, mbi gjithçka tjetër, kuptimin e Jezusit në tempull.” (“Mesazhi, Kuptimi dhe Turma”, Liahona, nëntor 2019, f. 7)

Po sikur të ndihem nervoz për frekuentimin e tempullit?

Presidenti Rasëll M. Nelson dha mësim:

18:59

“Nëse ende nuk ju pëlqen shumë ta frekuentoni tempullin, shkoni më shpesh – jo më rrallë. Lëreni Zotin, nëpërmjet Shpirtit të Tij, t’ju mësojë dhe frymëzojë atje. Ju premtoj se me kalimin e kohës, tempulli do të bëhet një vend sigurie, ngushëllimi dhe zbulese.” (“Tempulli dhe Themeli Juaj Shpirtëror”, Liahona, nëntor 2021, f. 95)

Veprimtari Plotësuese të të Mësuarit

Fillim ndryshe

Para orës mësimore, gjeni raportin statistikor të dhënë gjatë sesionit të pasdites të së shtunës të konferencës së përgjithshme më të fundit të muajit prill. Këtë mund ta gjeni në newsroom.ChurchofJesusChrist.org, ose në botimin më të fundit të muajit maj të revistës Liahona.

Paraqitni figura të tempujve dhe bëjuni nxënësve disa pyetje rreth tempujve në bazë të raportit statistikor. Për shembull, mund t’i pyesni se sa tempuj janë në funksionim, cilët tempuj janë në ndërtim e sipër, cilët tempuj janë njoftuar kohët e fundit e me radhë. Më pas, për t’i përgatitur nxënësit për të studiuar rreth urdhërimit të Zotit për izraelitët për të ndërtuar një tabernakull, merrni parasysh të bëni pyetjen:

Si bekohemi nga ndërtimi i tempujve?

Materiale filmike shtesë

Mund t’i përdorni materialet filmike vijuese në pika të ndryshme të mësimit:

“Temples” [“Tempujt”] (5:40). Studiues dhe shenjtorë të ndryshëm të ditëve të mëvonshme përshkruajnë se çfarë janë tempujt dhe përse janë të rëndësishëm. Mund ta përdorni këtë material filmik në fillim të mësimit, ose mund ta përdorni atë nga fundi i mësimit para se t’i pyesni nxënësit se si tempulli i ka sjellë më pranë Atit Qiellor dhe Jezu Krishtit.

5:41

“Latter-day Saint Temples” [“Tempujt e Shenjtorëve të Ditëve të Mëvonshme”] (1:40). Ky material filmik jep një hyrje të shkurtër për tempujt dhe qëllimin e tyre. Mund ta përdorni atë në fillim të mësimit.

1:40