Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Levitiku, Pjesa 2: Sakrifikimi për Zotin

“Levitiku, Pjesa 2: Sakrifikimi për Zotin”, Manuali i Mësuesit të Seminarit për Dhiatën e Vjetër (2026)

“Levitiku, Pjesa 2: Sakrifikimi për Zotin”, Manuali i Mësuesit të Seminarit për Dhiatën e Vjetër

Eksodi 35–40; Levitiku 1; 4; 16; 19: Mësimi 54

Levitiku, Pjesa 2

Sakrifikimi për Zotin

Young man strides toward the Tucson Arizona Temple, his sister follows

Izraeli i lashtë kryente rituale që simbolizonin Jezu Krishtin dhe Shlyerjen e Tij. Ndër këto rituale ishte sakrifica e ofertave për djegie. Këto oferta treguan gjithashtu zotimin e vazhdueshëm të Izraelit për të sakrifikuar çdo gjë që Zoti u kërkonte atyre. Ky mësim mund t’i ndihmojë nxënësit të dallojnë sakrificat që mund të bëjnë për t’u bërë më shumë si Ati Qiellor dhe Jezu Krishti.

Përgatitja e nxënësve: Ftojini nxënësit të bëjnë diçka që e ndiejnë se do të ishte një sakrificë e mirë për Zotin. Disa shembuj mund të përfshijnë pagimin e së dhjetës ose ofertave të agjërimit, sakrifikimin e kohës për të ndihmuar dikë në nevojë ose sakrifikimin e gjumit për disa minuta më shumë për të studiuar shkrimet e shenjta. Ftojini nxënësit të reflektojnë mbi mënyrën se si kjo sakrificë ndikon në marrëdhënien e tyre me Zotin.

Veprimtari të Mundshme të të Mësuarit

Gatishmëria për të sakrifikuar

Merreni parasysh ta filloni orën mësimore duke i ndihmuar nxënësit të shohin vlerën e të qenit të gatshëm për të bërë sakrifica për Zotin. Mund ta bëni këtë duke shkruar thënien vijuese në tabelë. Ftojini nxënësit të diskutojnë pyetjet shoqëruese.

Çelësi për ta bërë ditën tonë të suksesshme është …

Si do ta përfundoje këtë thënie?
Pse mendon se përgjigjja jote mund ta ndihmojë dikë të ketë një ditë të suksesshme?

Plaku Tejlor G. Godoi, i Të Shtatëdhjetëve, tregoi sa vijon në lidhje me një ditë të suksesshme:

“Çelësi për ta bërë ditën tonë të suksesshme, është të jemi të gatshëm të sakrifikojmë”. (“Edhe një Ditë më Shumë”, Liahona, maj 2018, f. 34)

Pse mendon se të qenit i gatshëm për të sakrifikuar mund ta bëjë ditën tonë të suksesshme?

Merreni parasysh t’i shkruani përgjigjet e nxënësve për pyetjen vijuese në tabelë. Mund t’u referoheni këtyre përgjigjeve në momente të ndryshme gjatë gjithë mësimit.
Cilat janë disa sakrifica që na i kërkon Zoti, që ti e ndien se mund të çojnë në një ditë, javë ose jetë të suksesshme?

Merreni parasysh t’i ftoni nxënësit të reflektojnë mbi gatishmërinë e tyre për të bërë sakrifica për Zotin. Një mënyrë se si mund ta bëni këtë, është t’u tregoni nxënësve një diagram në formë rrethi. Jepni udhëzimet e mëposhtme.

Blue pie chart graphic with percentage symbol

Krijo një diagram në formë rrethi në ditarin tënd të studimit. Mbush një përqindje (0 përqind deri në 100 përqind) që ti e ndien se reflekton gatishmërinë tënde gjatë javës së kaluar për të sakrifikuar për Zotin. Më pas përsiat pyetjet vijuese:

Nëse ndien se përqindja jote është e lartë, përse ke qenë i gatshëm të sakrifikosh për Zotin?
Nëse ndien se përqindja jote është e ulët, çfarë mund të të ketë penguar të jesh më i gatshëm të sakrifikosh?

Merre parasysh të bësh një lutje në heshtje. Kërkoji Atit Qiellor të të ndihmojë të kuptosh atë që do të donte Ai të dish dhe bësh lidhur me sakrificat e tua vetjake. Gjatë këtij mësimi, kushtoju vëmendje mendimeve dhe ndjenjave që mund të të vijnë nëpërmjet Frymës së Shenjtë.

Ofertat për djegie

Te Levitiku 1, Zoti i udhëzoi Izraelitët të bënin oferta për djegie. Priftërinjtë i bënin këto oferta çdo ditë. Ofertat ishin simbolikë e Shlyerjes së Shpëtimtarit. Këto oferta ishin edhe një shenjë e zotimit të vazhdueshëm të Izraelit ndaj Zotit.

Lexo te Levitiku 1:3, 8–9 duke kërkuar fjalë dhe fraza që mund të lidhen me sakrificat që mund të bëjmë për Zotin sot.

Çfarë gjete?

Nëse nxënësit kanë nevojë për ndihmë, mund të vini në dukje disa nga vargjet vijuese:

“[Ai do] ta [ofrojë] … me vullnetin e tij” (vargu 3).
“Kokën”, “dhjamin”, “zorrët” dhe “këmbët” (vargjet 8–9). Këto pjesë të ndryshme të kafshës mund të jenë simbolikë e ofrimit ndaj Zotit të çdo gjëje që na kërkon Ai, duke përfshirë zemrën, mendjen dhe trupin tonë.
“Tymos[n]i çdo gjë mbi altar” (vargu 9). Djegia e të gjithë kafshës mbi altar përfaqësonte zotimin e plotë ndaj Zotit.
“Me erë të këndshme për Zotin” (vargu 9). Kjo mund të nënkuptojë se sakrificat tona janë të ëmbla dhe të këndshme për Atin Qiellor dhe Shpëtimtarin.

Jezu Krishti është shembulli i përsosur i ofrimit të sakrificës.

Si mund të na ndihmojë gatishmëria jonë për të sakrifikuar të bëhemi më shumë si Shpëtimtari?

Një mësim që mund të mësojmë duke kuptuar ofertat për djegie, është se ne mund të bëhemi si Shpëtimtari ynë ndërsa jemi të gatshëm të sakrifikojmë gjithçka që Ati Qiellor kërkon prej nesh.

Të jetuarit e ligjit të sakrificës në kohën tonë

Pasi flijimi shlyes i Jezu Krishtit u krye, Ai e përshtati llojin e flijimit që u kërkoi njerëzve të Tij të bënin (shih tek 3 Nefi 9:19–20). Edhe pse tani ne nuk flijojmë kafshë, Zoti ende i kërkon popullit të Tij të bëjë sakrifica. Këto sakrifica përfshijnë më shumë sesa heqjen dorë nga zotërimet tona materiale.

Paraqitni udhëzimet, fragmentet e shkrimeve të shenjta dhe pyetjet vijuese. Mund t’i ftoni nxënësit ta plotësojnë vetë këtë.

Studio dy ose më shumë nga fragmentet vijuese, duke kërkuar ide që mund të të ndihmojnë t’u përgjigjesh pyetjeve të mëposhtme.

Romakëve 12:1–2
Omni 1:26
3 Nefi 9:19–20
Doktrina e Besëlidhje 4:2
- Si mund t’i përdorësh këto fragmente për ta ndihmuar dikë të kuptojë atë që dëshiron Zoti që të sakrifikojmë në kohën tonë?
- Si mund të na ndihmojë sakrifikimi në këto mënyra që të bëhemi më shumë si Shpëtimtari?
- Pse mendon se mund të jetë e vështirë për disa njerëz që të jenë të gatshëm të sakrifikojnë atë që u kërkon Zoti?

Ftoni vullnetarë ta tregojnë atë që mësuan dhe se si do t’u përgjigjeshin dy pyetjeve të mësipërme. Gjithashtu, mund të diskutoni se si këto vargje mund të gjejnë zbatim në sakrificat që ata renditën në tabelë më herët në mësim. Ky diskutim mund të çojë në pyetjen e radhës.

Bekimet e sakrificës

Merreni parasysh t’i vini nxënësit në grupe të vogla. Ftojini ata t’i përdorin përgjigjet e tyre për pyetjen e mëparshme për të krijuar një skenar ku dikush mund të ngurrojë të sakrifikojë atë që Zoti i kërkon. Në vijim është një shembull i thjeshtë. Ftojini nxënësit ta diskutojnë pyetjen shoqëruese në grupet e tyre. Për të ndihmuar për këtë diskutim, nxënësit mund të studiojnë zërin “Sakrificë” tek Udhëzuesi për Shkrimet e Shenjta.

Imagjino sikur ke një shok që mendon se nuk ka kohë të mjaftueshme për të bërë disa nga sakrificat që i kërkon Zoti.

Çfarë mund të tregosh që mund të ndihmojë të zgjidhen disa nga shqetësimet e shokut tënd?

Ftojini disa grupe të tregojnë disa nga idetë e tyre. Ndërsa shprehen, merreni parasysh të bëni pyetje për ndjekjen e ecurisë si: “Çfarë do të donit të dinte shoku juaj rreth Atit Qiellor dhe Jezu Krishtit që mund ta ndihmojë atë të jetë më i gatshëm për të bërë sakrifica për Ta?” ose “Çfarë përvojash vetjake mund të tregoni që ju kanë mësuar vlerën e bërjes së sakrificave për Zotin?”

Për ta thelluar kuptueshmërinë rreth sakrificës, mund të paraqitni thënien vijuese.

Plaku Ulises Soares, i Kuorumit të Dymbëdhjetë Apostujve, tregoi disa nga bekimet që jep Zoti ndërsa bëjmë sakrifica për Të:

14:48

“Vendosmëria jonë për të mos bërë asgjë që është në kundërshtim me vullnetin e Perëndisë dhe për të sakrifikuar gjithçka që na kërkohet të japim dhe të përpiqemi fort që të ndjekim mësimet e Tij, do të na ndihmojë të durojmë në shtegun e ungjillit të Jezu Krishtit – madje përballë vuajtjes, dobësisë së shpirtit tonë ose trysnisë shoqërore dhe filozofive të botës, që i kundërshtojnë mësimet e Tij”. (“Ta Marrim Kryqin Tonë”, Liahona, nëntor 2019, f. 113–114)

Çfarë ke mësuar rreth Zotit dhe arsyeve të Tij përse na kërkon të sakrifikojmë?

Sakrifica vetjake

Ftojini nxënësit të reflektojnë mbi mbresat që kanë marrë. Merreni parasysh të paraqitni udhëzimet vijuese. Nëse është e dobishme, nxënësit mund t’i referohen listës së sakrificave në tabelë ndërsa e plotësojnë këtë veprimtari.

Plotëso njërën nga sa vijon në ditarin tënd të studimit:

Një sakrificë që po e bëj tashmë për Atin Qiellor, është …

Diçka që mësova sot që do të më ndihmojë ta vazhdoj ose ta përmirësoj këtë sakrificë, është …
Një gjë që do të filloj ose ndaloj së bëri për të treguar gatishmërinë time për të sakrifikuar për Zotin, është …

Diçka që mësova sot që do të më ndihmojë ta bëj këtë ndryshim, është …

Mund t’i ftoni nxënësit ta tregojnë atë që shkruan, së bashku me dëshminë e tyre për atë që kanë mësuar ose ndier.

Burime Shtesë

Si mund të më ndihmojë bërja e sakrificave të bëhem më shumë si Shpëtimtari?

Motra Trejsi Y. Brauning, Këshilltare e Dytë në Presidencën e Përgjithshme të Fillores, dha mësim:

10:16

“Kur ia sjellim ofertën tonë Shpëtimtarit, ne po ftohemi që të shohim më shumë nga bekimet dhe udhërrëfimi i Jezu Krishtit në jetën tonë, teksa ia nënshtrojmë me përulësi vullnetin tonë Atij, si pranim dhe mirëkuptim për nënshtrimin e Tij të përsosur ndaj vullnetit të Atit”. (“Të Shohim Më Shumë nga Jezu Krishti në Jetën Tonë”, Liahona, nëntor 2022, f. 14)

Pse duhet të dëshiroj të bëj sakrifica?

Plaku Diter F. Uhtdorf, i Kuorumit të Dymbëdhjetë Apostujve, shpjegoi:

14:15

“Të sakrifikosh do të thotë të heqësh dorë nga diçka në favor të diçkaje më të vlefshme. Në lashtësi, populli i Perëndisë i flijonte të parëlindurit e tufave të tij për nder të Mesisë që do të vinte. Gjatë gjithë historisë, shenjtorët besnikë kanë sakrifikuar dëshirat vetjake, rehatinë e madje edhe jetën e tyre për Shpëtimtarin.

Të gjithë kemi gjëra, të mëdha e të vogla, që na nevojitet t’i sakrifikojmë në mënyrë që ta ndjekim më plotësisht Jezu Krishtin. Sakrificat tona tregojnë atë që vlerësojmë vërtet. Sakrificat shenjtërohen dhe nderohen nga Zoti.” (“Gjithçka Kemi me Gjithë Zemër”, Liahona, maj 2022, f. 124)

Çfarë mund të sakrifikoj për Zotin?

Plaku Nil A. Maksuell (1926–2004), i Kuorumit të Dymbëdhjetë Apostujve, dha mësim:

“Akti i vërtetë i sakrificës vetjake nuk është tani, as ka qenë ndonjëherë, të vendosësh një kafshë mbi altar. Përkundrazi, ajo është gatishmëria për ta vendosur kafshën që kemi brenda vetes, mbi altar – më pas me gatishmëri ta shohim atë të digjet! E tillë është ‘fli[ja për Zotin e] një zem[re] të thyer dhe një shpirt[i] të penduar’ (3 Nefi 9:20).” (Neal A. Maxwell, Meek and Lowly [1987], f. 94)

Veprimtari Plotësuese të të Mësuarit

Shembuj nga shkrimet e shenjta

Ftojini nxënësit të studiojnë njërin nga tregimet vijuese, duke kërkuar idetë që mund të ndihmojnë të rritet gatishmëria e tyre për të sakrifikuar çdo gjë që Zoti u kërkon atyre:

E veja e Sareptës. 1 Mbretërve 17:8–16
Monedhat e gruas së ve. Marku 12:41–44
Një mbret lamanit. Alma 22:13–19, 22–23

Një shembull nga historia e Kishës

Gjatë diskutimit të skenarëve të krijuar nga nxënësit, mund të shihni “Treasure in Heaven: The John Tanner Story” [“Thesar në Qiell: Historia e Xhon Tanerit”] (20:31) nga kodi kohor 8:16 deri në 18:43. Ftojini nxënësit të kërkojnë mësime që mund t’i mësojnë nga shembulli i Xhon Tanerit për sakrificën.

20:32

Procesi i sakrificës

Nxënësit mund të kenë dobi nga të parit e një shembulli të mënyrës se si përpjekjet tona të vazhdueshme për të bërë sakrifica për Zotin na ndihmojnë të bëhemi të shenjtë siç është Ai. Ndihmojini ata të dallojnë se ky proces nuk është gjithmonë i lehtë. Merreni parasysh të shihni “Overcoming Challenges” [“Kapërcimi i Sfidave”] (5:02). Ftojini nxënësit të kërkojnë sakrificat e vazhdueshme që bëri ky njeri për Zotin, dhe se si ndihmoi ky proces që ky njeri të bëhej i shenjtë.

5:2