“Exodo 35–40; Levitico 1; 4; 16; 19: Kinatibuk-ang Pagpasabot,” Manwal sa Magtutudlo sa Seminary sa Daang Tugon (2026)
“Exodo 35–40; Levitico 1; 4; 16; 19: Kinatibuk-ang Pagpasabot,” Manwal sa Magtutudlo sa Seminary sa Daang Tugon
Exodo 35–40; Levitico 1; 4; 16; 19
Exodo 35–40; Levitico 1; 4; 16; 19
Kinatibuk-ang Pagpasabot
Ang Ginoo misugo sa mga Israelita sa pagtukod og mabalhin-balhin nga tabernakulo, o templo, sa kamingawan. Isip kabahin sa ilang pagsimba diha sa tabernakulo, ang mga Israelita naghalad og mga hayop. Ang tabernakulo ug ang ordinansa sa sakripisyo simbolo nga nagtudlo mahitungod sa Langitnong Amahan ug ni Jesukristo.
Pangita og mga simbolo nga nagpamatuod kang Jesukristo. Samtang magtuon ka sa mga materyal karonng semanaha uban sa imong mga estudyante, pangitaa ang gamhanang simbolo nga nagpamatuod sa Langitnong Amahan ug ni Jesukristo. Hatagi ang mga estudyante og mga kahigayonan nga makat-on gikan sa Espiritu Santo samtang mamalandong sila kon unsay girepresentaran niini nga mga simbolo. Usa ka ehemplo kon unsaon sa paghimo niini mahimong makita sa Leksiyon 52: “Exodo 25; 35–40.” Sa pagkat-on og dugang, tan-awa sa “Pangitaa ang mga Simbolo Nga Nagpamatuod ni Jesukristo” (Pagtudlo Sumala sa Pamaagi sa Manluluwas [2022], 7).
Pangandam sa pagtudlo
Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.
Exodo 25; 35–40
Katuyoan sa leksiyon: Aron tabangan ang mga estudyante nga mobati nga milambo ang tinguha sa pagsimba sa Ginoo diha sa Iyang templo.
-
Pagpangandam sa estudyante: Ikonsiderar ang pagdapit sa mga estudyante sa paggamit sa Librarya sa Ebanghelyo o sa temples.ChurchofJesusChrist.org sa pagpangita og mga litrato sa mga templo o mga bidyo nga may kalabotan sa templo. Hangyoa ang mga estudyante sa paghunahuna kon unsay ilang gibati mahitungod sa templo sa Ginoo. Dapita sila sa pagkonsiderar kon sa unsang paagi ang mga templo sa modernong panahon makatabang nila sa paghinumdom sa Langitnong Amahan ug ni Jesukristo.
-
Handout: “Ang Tabernakulo sa Daang Tugon”
-
Mga Bidyo: “Ang Tabernakulo” (7:18); “Welcome sa Washington D.C. Temple” (11:46)
-
Sulod nga ipakita: Gamit ang tape o pisi, buhata pag-usab diha sa salog sa klasrom ang dayagram sa karaang tabernakulo gikan sa handout sa leksiyon
-
Mga Hulagway: Templo sa modernong panahon; piho nga mga lawak sa sulod sa templo
Levitico, Bahin 1
Katuyoan sa leksiyon: Aron matabangan ang mga estudyante nga mobati og pasalamat alang kang Jesukristo ug sa Iyang maulaong pagsakripisyo.
-
Pagpangandam sa estudyante: Dapita ang mga estudyante sa pagpamalandong og tambag nga ilang mahatag sa usa ka tawo nga nanlimbasog sa pagsabot kon unsa ang nahimo ni Jesukristo kanila. Pwede usab nimong dapiton ang mga estudyante sa pagpangutana og sakop sa pamilya o higala kon unsa nga tambag ang ilang mahatag.
-
Mga bidyo: “Unsa ang Nabuhat sa Atong Manluluwas alang Kanato?” (12:44) gikan sa time code nga 0:00 hangtod 0:34; “Hinumdomi Siya Kanunay” (5:27)
-
Sulod nga ipakita: Tun-i ang mga pangutana sa journal sa pagsukod sa leksiyon
-
Mga hulagway: Usa ka paghulagway sa usa ka hayop nga hapit na isakripisyo sunod sa hulagway sa Manluluwas diha sa krus
Levitico, Bahin 2
Katuyoan sa leksiyon: Aron matabangan ang mga estudyante nga makaila sa mga sakripisyo nga ilang mahimo aron mahimong mas sama sa Langitnong Amahan ug ni Jesukristo.
-
Pagpangandam sa estudyante: Dapita ang mga estudyante sa pagbuhat og usa ka butang nga ilang gibati nga usa ka maayong sakripisyo alang sa Ginoo. Ang ubang mga ehemplo mahimong maglakip sa pagbayad sa ikapulo o mga halad sa puasa, pagsakripisyo sa panahon aron tabangan ang usa ka tawo nga nanginahanglan, o pagsakripisyo og pipila ka dugang nga mga minuto sa pagkatulog aron magtuon sa mga kasulatan. Dapita ang mga estudyante sa pagpamalandong kon sa unsang paagi kini nga sakripisyo makaapekto sa ilang relasyon ngadto sa Ginoo.
-
Imahe: Pie nga tsart
-
Sulod nga ipakita: Mga instruksyon nga mogiya sa pagtuon sa mga estudyante sa seksiyon nga giulohan og “Pagsunod sa balaod sa sakripisyo sa atong panahon”; mga instruksyon alang sa kalihokan sa journal sa pagtuon sa kataposan sa leksiyon
-
Bidyo: “Pas-ana ang Among Krus” (14:47) gikan sa time code nga 3:23 hangtod 3:49
Pagsukod sa Imong Nakat-onan 3
Katuyoan sa leksiyon: Aron matabangan ang mga estudyante sa pagpamalandong sa mga tumong nga ilang gihimo ug sa paglambo sa ilang nasinati atol sa ilang bag-ohay nga pagtuon sa Daang Tugon.
-
Pagpangandam sa estudyante: Dapita ang mga estudyante sa pag-andam sa pagpakigbahin sa unsay ilang nakat-onan o mga paagi nga sila mitubo sa espirituhanong paagi samtang sila nagtuon sa Daang Tugon niini nga tuig. Pwede nimong isugyot nga ilang irebyo ang ilang mga journal sa pagtuon o mubo nga mga sulat sa ilang mga kasulatan aron matabangan silang mabantayan ang ilang pagtubo ug pagkat-on.
-
Mga imahe: Mga propeta sa Daang Tugon sama nila ni Enoch, Noe, ug Moises; pan; propeta karon