Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Faataitaiga 3 o le Atamai i Aoaoga Faavae: Taulotoina o Fasifuaitau Autu ma le Faaaogaina o Mataupu Faavae o le Mauaina o le Malamalama Faaleagaga

“Faataitaiga 3 o le Atamai i Aoaoga Faavae: Taulotoina o Fasifuaitau Autu ma le Faaaogaina o Mataupu Faavae o le Mauaina o le Malamalama Faaleagaga,” Tusi Lesona a le Faiaoga Seminare o le Feagaiga Tuai (2026)

Esoto 7–13: Lesona 44

Faataitaiga 3 o le Atamai i Aoaoga Faavae

Taulotoina o Fasifuaitau Autu ma le Faaaogaina o Mataupu Faavae o le Mauaina o le Malamalama Faaleagaga

Young man (seminary student) in gray sweater, holding and reading scriptures at desk in seminary class. (horiz)

O le atamai i aoaoga faavae e mafai ona fesoasoani i tagata aoga e fausia ai le faavae mo o latou olaga i luga o Iesu Keriso ma Lana talalelei. E mafai ona fesoasoani lenei lesona i tagata aoga e tauloto fasifuaitau autu o mau i fuaitau o aoaoga faavae ma faaaoga mataupu faavae paia o le mauaina o le malamalama faaleagaga.

Sauniuniga a le tagata aoga: Valaaulia tagata aoga e filifili se fuaitau se tasi pe lua o le atamai i aoaoga faavae mai le Feagaiga Tuai ma tauloto le mau faasino ma le fasifuaitau autu o mau. Afai latou te mananao ai, e mafai foi ona latou taulotoina le fuaitau atoa. Valaaulia i latou e mafaufau loloto pe faapefea e le taulotoina o fasifuaitau autu po o fuaitau ona fesoasoani ia i latou i o latou olaga.

Gaoioiga E Ono Mafai Ona Aoao Ai

Toefaamanatu le Atamai i Aoaoga Faavae: Tauloto

O le vaega muamua o lenei lesona o le a faatusatusa ai le taulotoina o se mau i le mauaina o se uo fou. Mafaufau i se gaoioiga e saunia ai tagata aoga mo lenei faatusatusaga. Mo se faataitaiga, afai e toatele lau vasega atonu e le iloa lelei e tagata aoga le tasi ma le isi, e mafai ona e valaaulia tagata aoga e ta’u mai le toatele o ni igoa latou te mafaia o tagata o le vasega. E mafai ona latou faia lenei mea taitoatasi pe i ni vaega toalaiti. Valaaulia tagata aoga e mafaufau loloto po o ai ua latou iloa lelei.

O a nisi o mafuaaga e lelei ai le faamasani i tagata o lenei vasega?
O a nisi o aoga mai le i ai o ni uo?

Faitau le saunoaga lenei a Elder Richard G. Scott (1928–2015) o le Korama a Aposetolo e Toasefululua:

“E mafai ona oo mai se mana maoa’e mai le taulotoina o mau. O le taulotoina o se mau o le fatuina lea o se faigauo fou.” (“O Le Mana o Tusitusiga Paia,” Liahona, Nov. 2011, 6)

E te manatu e faapefea ona pei se fasifuaitau po o se fuaitau o mau ua taulotoina o se uo?

A o faasoa mai tagata aoga, atonu e te manao e tusi a latou tali i le laupapa. Valaaulia tagata aoga e faitau atili mai ia Elder Scott i le faamatalaga lenei, ma vaavaai mo ni tali faaopoopo. E mafai foi ona e faailoa atu o upu o tusitusiga paia e mai, pe musuia e, le Alii. I le tele o itu, o tusitusiga paia e pei lava o le i ai o le Tama Faalelagi ma Iesu Keriso o ni uo taiala.

Sa faaauau le saunoaga a Elder Scott:

E pei lava o le mauaina o se tagata fou e mafai ona fesoasoani mai i se taimi o puapuaga, tuu mai musumusuga ma faamafanafanaga, ma avea o se punavai o uunaiga mo suiga manaomia. (Richard G. Scott, “O Le Mana o Tusitusiga Paia,” Liahona, Nov. 2011, 6)

O anafea na pei ai se mau tauloto po o se fasifuaitau o se uo ia te oe i soo se tasi o nei auala?
O a nisi o mea e mafai ona e faia pe mafai foi ona e faia e ono fesoasoani ia te oe e tauloto ai fasifuaitau autu o mau po o fuaitau?

O tali e ono aofia ai le toe faia o fasifuaitau po o fuaitau, tusiina ai i lalo, pe faaaoga kata po o pepa na fatuina e tagata aoga i le Lesona 15: “Faataitaiga 1 o le Atamai i Aoaoga Faavae.”

Mafaufau e faaali atu pe tuuina atu i tagata aoga taitasi ia fuaitau o aoaoga faavae ua latou suesueina e oo mai i le taimi nei. O se lisi o fuaitau o le atamai i aoaoga faavae ma fasifuaitau autu o mau o le Feagaiga Tuai, e mafai ona maua i le Pepa Autu o le Atamai i Aoaoga Faavae (2023).

Valaaulia tagata aoga e faaalu ni nai minute i le gaoioiga lenei:

Mulimuli i le fautuaga a Elder Scott e “fausia … faauoga fou” e ala i le taulotoina o mau faasino ma fasifuaitau autu mo le tele o mau tauloto o aoaoga faavae. E mafai foi ona e taulotoina se fuaitau atoa.

Filifili se tasi o fasifuaitau po o fuaitau na e taulotoina, ma tali le fesili lenei:

E faapefea ona pei lenei fasifuaitau po o le fuaitau o se uo ia te oe? (E mafai faapefea ona fesoasoani i se taimi o le manaomia, tuuina atu musumusuga po o le faamafanafanaga, pe avea ma se punavai mo suiga manaomia?)

Valaaulia le toatele o ni tagata aoga e faasoa mai. Mafaufau e faasoa atu foi ou lava manatu. Vaavaai mo auala e uunaia ai tagata aoga e faaauau pea ona tauloto tusitusiga paia.

Aoao ma faaaoga mataupu faavae o le mauaina o le malamalama faaleagaga

O le vaega o totoe o le lesona e taulai agai i le fesoasoani ai i tagata aoga e faaaoga mataupu faavae o le mauaina o le malamalama faaleagaga i ni tulaga talafeagai. A o lei faaauau, atonu e aoga le valaaulia o tagata aoga e toe iloilo nei mataupu faavae. O le tomai o tagata aoga e toe manatua ma faaaoga nei mataupu faavae o le mauaina o le malamalama faaleagaga o le a faateleina e ala i le toe iloiloina ma le faataitai soo. E mafai ona maua gaoioiga toe iloilo fautuaina i le vaega o le faaopoopoga ua faaulutalaina “Gaoioiga Iloilo o le Atamai i Aoaoga Faavae.” O faʻamatalaga o mataupu faavae o loʻo maua i parakalafa 5–12 o le Pepa Autu o le Atamai i Aoaoga Faavae (2023).

Mafaufau loloto i manaoga o au tagata aoga ma saili le fesoasoani a le Alii e filifili ai se tasi o tulaga faataitai nei pe fetuunai pe fatu se tasi e fetaui lelei ai ma manaoga o au tagata aoga. Pe faitau leotele ni vaaiga faataitai se lua pe tolu ma valaaulia le vasega e filifili se tasi latou te lagona e sili ona aoga e taulai atu i ai.

“Ou te faalogo i isi talavou o talanoa e uiga i le faasoaina atu o ata lē tauagafau, le talafeagai, po o ni ata telenoa o i latou lava po o isi i a latou telefoni. E mafai ona ou iloa e latou te le o manatu o se mea leaga. Atonu o se vaega masani o sootaga, pe o loo latou faia faataaloga.”
“E foliga mai o se mea masani le vaai ma faalogo i mea faalefeusuaiga. O loo i ai faamatalaga faalefeusuaiga i tala malie, vaaiga i ata tifaga, vitio i luga o le initoneti, ma isi mea faapena. O mea e manatu taitai o le Ekalesia e talafeagai e ese mai mea e fai mai ai le toatele o isi tagata o se mea masani. Ou te manatu ua le o toe tutusa taimi e pei ona i ai nei ma ua le o se mea tele e pei ona sa i ai muamua.”
“Sa ou maua muamua ni lesona e uiga i le tulafono o le legavia, ae e foliga mai o le toatele o talavou i le mea o loo ou nofo ai o loo toaga i feusuaiga pe le o fuafua foi e faatali seia faaipoipo. Ou te manatu ua ou malamalama i le mafuaaga ua fai mai ai taitai o le Ekalesia ia tatou mama i feusuaiga, ma e tele mea lelei e uiga i ai, ae o nisi taimi ou te mafaufau ai pe aoga.”

Valaaulia tagata aoga e vaai faalemafaufau faapea o le tagata o loo tautala i le vaaiga faataitai o loo i ai faatasi ma i latou. Faamalamalama atu o se tasi lenei e i ai se loto faamaoni. Faamanatu i tagata aoga e tatau ona tatou taumafai e taulima tagata uma i le alofa ma le faaaloalo e tasi e pei ona faia e le Tama Faalelagi ma Iesu Keriso.
O a ni taumatega e uiga i le tulafono o le ola mama na e maitauina i lenei vaaiga faataitai?

Faamalamalama atu o le a saunia le vasega e fesoasoani i lenei tagata. A o talanoaina e tagata aoga le fesili lenei, faamautinoa atu ia i latou e leai ni tali sese.
Afai sa e taumafai e fesoasoani i lenei tagata, o le a le mataupu faavae o le mauaina o le malamalama faaleagaga o le a e taulai muamua atu i ai? Aisea?

Saunia se auala e faaaoga ai lenei mataupu faavae o le mauaina o le malamalama faaleagaga e fesoasoani ai i lenei tagata. E aofia ai:

O se fesili e mafai ona e fai atu i lenei tagata.
Mau, e aofia ai fuaitau o le atamai i aoaoga faavae, po o faamatalaga mai taitai o le Ekalesia e ono fesoasoani ai.
O ou lava mafaufauga, lagona, po o molimau.

Afai e aoga, faaali atu fesili nei e fesoasoani ai i tagata aoga. I se isi faiga, e mafai e tagata aoga ona saunia na o i latou lava i se auala se tasi e faaaoga ai se mataupu faavae se tasi o le mauaina o le malamalama faaleagaga. Ona mafai lea ona latou faaaogaina fesili nei e saunia ai se auala e faaaoga ai se mataupu faavae faaopoopo.

Iloilo Manatu ma Fesili ma se Vaaiga e Faavavau

E mafai faapefea e le malamalama i lagona o le Atua e uiga i le mama faalefeusuaiga ona fesoasoani i le tagata o loo i ai i le vaaiga faataitai? (tagai Kenese 39:9; 1 Korinito 6:18–19; Iakopo 2:28).
O a filifiliga e te manatu e mafai ona taitai atu ai i latou e uiga faaalia o lenei tagata e fai?

Saili le Malamalama Atili e ala i Punavai Paia ua Atofaina

E mafai faapefea e le Kenese 39:9 ma le faataitaiga a Iosefa o Aikupito ona fesoasoani i lenei tulaga?
O a nisi o mau po o saunoaga mai taitai o le Ekalesia e ono mafai ona fesoasoani i ai? (Mo se faataitaiga, Alema 38:12; Alema 39:9; Mataupu Faavae ma Feagaiga 42:23; o le vaega ua faaulutalaina “E paia lou tino” i le Mo Le Malosi o le Autalavou; o le vaega ua faaulutalaina “O Faamanuiaga o le Mama” i le saunoaga a Elder David A. Bednar i le konafesi aoao “Matou te Talitonu i le Mama,” [Liahona, Me 2013, 43–44])

Faatino i le Faatuatua

I lenei tulaga, e te manatu e faape’ī foliga o le faatino ma le faatuatua i le Faaola o Iesu Keriso?
Afai e te feagai ma lea tulaga e tasi, o le a se mea e mafai ona e faia e valaaulia ai le fesoasoani ma le mana o le Faaola i lou olaga.

A uma ona lava se taimi e saunia ai tagata aoga, fai atu ia i latou e faasoa mai. Mafaufau e fai atu ni fesili tulitatao e pei o le “E i ai se isi tagata e fia faaopoopo atu i mea na faasoa mai?” “E te manatu o le a le tali atu a le tagata o loo tatou taumafai e fesoasoani i ai i mea o loo faasoaina mai?” “E mafai faapefea ona tatou fesoasoani i lenei tagata ia lagona atili le alofa o le Alii ma lagona le sili atu ona saili Lana fesoasoani?” ma le “E mafai faapefea e se isi mataupu faavae o le mauaina o le malamalama faaleagaga ona fesoasoani?”

I lau api faamaumau mo suesuega, tusi ai mea na e aoaoina mai lenei aafiaga e te manao e manatua. E mafai ona aofia ai le auala e mafai ai e le faagasologa o le faaaogaina o mataupu faavae o le mauaina o le malamalama faaleagaga ona fesoasoani ia te oe i soo se fesili po o ni atugaluga o ia te oe.

Gaoioiga Faaopoopo e Aoao Ai

Gaoioiga mo se isi taulotoga

Tuu atu i se tagata aoga i se mea mamafa faamalositino po o se mea faitino mamafa ma valaaulia i latou e uu i luga. Fesili atu pe aisea tatou te ono uunai ai i tatou lava ia malolosi atili.

E mafai faapefea e le taulotoina o fasifuaitau autu o mau po o fuaitau o mau ona tatou malolosi atili ai faaleagaga?

Valaaulia tagata aoga e tauloto fasifuaitau autu o mau po o fuaitau. Fai atu ia i latou e faasoa mai pe faapefea e le fuaitau o mau tauloto ona faamalosia ai i latou faaleagaga.

O se isi vaaiga faataitai

Vaai faalemafaufau i se alii ma se tamaitai talavou o lagonaina ua alofa le tasi i le isi. O se tasi o i laua e lagonaina e pei o le auala sili mo le faalolotoina o le la mafutaga o le faia lea o feusuaiga vavalalata faatasi. O le isi e le o mautinoa ae e lagona le uunaiga o le faia o lena mea.

O a nisi o mafuaaga e ono manatu ai tagata o le faia o feusuaiga vavalalata e ono faalolotoina ai le la mafutaga?
O a nisi o mafuaaga e ono lagona ai e se tasi le uunaiga ina ia faia feusuaiga?

Valaaulia tagata aoga e filifili se tasi o talavou e toalua. Valaaulia tagata aoga e faaaoga ia mataupu faavae o le mauaina o le malamalama faaleagaga e fesoasoani ai i le tagata lea.