Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Ելք 5–6. Կատարեք Տիրոջ կամքը՝ անկախ արդյունքից

«Ելք 5–6. Կատարեք Տիրոջ կամքը՝ անկախ արդյունքից», Հին Կտակարան․ Սեմինարիայի ուսուցչի ձեռնարկ (2026)

«Ելք 5–6. Կատարեք Տիրոջ կամքը՝ անկախ արդյունքից», Հին Կտակարան․ Սեմինարիայի ուսուցչի ձեռնարկ

Ելք 1–6․ Դաս 40

Ելք 5–6

Կատարեք Տիրոջ կամքը՝ անկախ արդյունքից

The Old Testament prophet Moses and his brother Aaron standing in the Court of the Pharaoh of Egypt. Moses and Aaron are petitioning for the release of the Israelites from bondage. A guard is standing by the Pharaoh.

Երբ Տերը կանչեց Մովսեսին՝ ազատելու Իսրայելը Եգիպտոսի գերությունից, Մովսեսը խնդրեց փարավոնին ազատ արձակել Տիրոջ ժողովրդին։ Փարավոնը մերժեց և փոխարենը՝ մեծացրեց իսրայելացիների բեռը։ Չնայած փարավոնի պատասխանին, Մովսեսը շարունակեց անել այն, ինչ Տերն էր պատվիրել իրեն: Այս դասը կօգնի ուսանողներին հասկանալ, որ Տիրոջ խոստումները կարող են մղել իրենց կատարել Նրա կամքը՝ անհապաղ արդյունք չակնկալելով:

Ուսանողի նախապատրաստում․ առաջարկեք ուսանողներին գալ դասարան՝ պատրաստ լինելով կիսվել հետևյալ հարցի իրենց պատասխաններով. Հիսուս Քրիստոսին հետևելը հեշտացնո՞ւմ թե՞ դժվարացնում է ձեր կյանքը:

Հնարավոր ուսումնական վարժություններ

Հետևեք Հիսուս Քրիստոսին

Ուսանողներին առաջարկեք մտածել, թե իրենք ինչպես կպատասխանեին, եթե որևէ մեկն իրենց տար հետևյալ հարցը:

Հիսուս Քրիստոսին հետևելը հեշտացնո՞ւմ, թե՞ դժվարացնում է ձեր կյանքը:

Այս հարցը քննարկելու համար կարող եք գրատախտակին գրել հեշտ և դժվար բառերը և համապատասխան բառի տակ գրել ուսանողների պատասխանների պատճառները: Ուսանողներից մի քանիսին խնդրեք բացատրել իրենց պատասխանները:

Մովսեսը խնդրում է փարավոնին ազատ արձակել իսրայելացիներին

Կարող եք նշել, որ Ելք 5–7 հատվածներում Մովսեսը և իսրայելացիները, հնարավոր է, մտածում էին՝ արդյոք Փրկչին հետևելը հեշտացնում, թե դժվարացնում է իրենց կյանքը: Որպեսզի օգնեք ուսանողներին հասկանալ Ելք 5–7 հատվածների համատեքստը, դասարանի անդամներին առաջարկեք կիսվել, թե ինչ են հիշում Մովսեսի և Իսրայելի զավակների մասին Դաս 39. «Ելք 2–4»-ից: Անհրաժեշտության դեպքում, ուսանողներից մեկին առաջարկեք կարդալ հետևյալ ամփոփումը:

Իսրայելի զավակների շատ սերունդներ եղել են եգիպտացիների գերության մեջ: Տերը լսեց Իր ժողովրդի աղերսը և կանչեց Մովսեսին՝ օգնելու ազատել նրանց գերությունից (տես Ելք 3.9–10):

Կարդացեք Ելք 5․1–2 հատվածները՝ փնտրելով, թե Մովսեսն ու Ահարոնն ինչ ասացին փարավոնին Տիրոջ անունից:

Ի՞նչ պատասխանեց փարավոնը:

Գրատախտակին գրեք փարավոնի պատասխանը. «Ո՞վ է Տերը»: Հարցրեք ուսանողներին, թե ինչու է կարևոր, որ այս հարցին մենք ինքներս կարողանանք պատասխանել: Դասի հաջորդ բաժնում անդրադարձ կկատարվի այս հարցին:

Զայրացած փարավոնը դժվարացրեց իսրայելացիների կյանքը՝ մեծացնելով նրանց ամենօրյա աշխատանքային բեռը (տես Ելք 5.6–9, ներառյալ ծանոթագրություն 8ա, 15–19): Իսրայելացիները բողոքեցին Մովսեսին և Ահարոնին իրենց ավելացած բեռների համար (տես Ելք 5.20–21):

Եթե դուք լինեիք Մովսեսը, ի՞նչ զգացմունքներ կունենայիք:

Կարդացեք Ելք 5.22–23 հատվածները՝ մտածելով, թե ինչպես կարող եք ամփոփ ներկայացնել, թե Մովսեսն ինչ է ասում Տիրոջը:

Մովսեսի զգացմունքները Ելք 5.22–23 հատվածներում ինչպե՞ս կարող են կապված լինել մեր կյանքի հետ։

Ուսանողները կարող են կիսվել, թե ինչ են զգում, երբ անմիջապես չեն տեսնում օրհնությունները Տիրոջը հնազանդվելուց հետո: Հաստատեք նրանց պատասխաններն ու զգացմունքները:

Ուսանողներին ցուցադրեք հետևյալ ինքնագնահատման տարբերակը և առաջարկեք նրանց խորհել իրենց պատասխանների շուրջ:

Ավարտեք հետևյալ նախադասությունն այնպես, որ լավագույնս արտահայտի ձեր զգացմունքները։ Կարող եք ընտրել մեկից ավելի պատասխաններ.

Երբ ես անմիջապես օրհնություններ չեմ տեսնում Երկնային Հորը և Հիսուս Քրիստոսին հնազանդվելուց հետո, ես … եմ զգում։

Եթե ուսանողների համար օգտակար կլինի օգտագործել ինքնագնահատման համար ներկայացված հուշումները, կարող եք գրատախտակին գրել հետևյալ բառերից մի քանիսը, որպեսզի նրանք ընտրեն․ հուսահատված, շփոթված, զայրացած, հիասթափված, վճռական, հույսով լեցուն, վստահ, խաղաղ։ Ուսանողները կարող են նաև ավելացնել, թե ինչ կարող են անել այդ իրավիճակում:

Այսօր սովորելու ընթացքում փնտրեք ճշմարտություններ Հիսուս Քրիստոսի մասին, որոնք կարող են օգնել ձեզ հետևել Նրան, նույնիսկ այն ժամանակ, երբ դա դժվար է, և երբ օրհնություններն անմիջապես չեք տեսնում: Ուշադրություն դարձրեք Սուրբ Հոգու տպավորություններին, որոնք կարող են օգնել ձեզ ձեր անձնական հանգամանքներում:

Տիրոջ խոստումները

Երբ ուսանողները կարդան հետևյալ հատվածները, առաջարկեք նրանց նշել բոլոր այն արտահայտությունները, որոնցում Տերը նշում է Իրեն (արտահայտություններ, որոնք սկսվում են Ես, Ես եմ, Ես կարող եմ և Ես ունեմ): Սուրբ գրություններում նշումներ կատարելը կօգնի ուսանողներին գտնել և մտապահել իրենց սովորած կարևոր գաղափարները և ճշմարտությունները:

Կարդացեք Ելք 6․1–8, 7․1–2, 5 հատվածները՝ փնտրելով, թե Տերն ինչ է ուսուցանել Մովսեսին Իր մասին:

Ի՞նչ սովորեցիք Տիրոջ մասին Մովսեսին տված Նրա խոստումներից:

Ուսանողները կարող են գրել իրենց պատասխանները գրատախտակին՝ «Ո՞վ է Տերը» վերնագրի տակ։ Ուսանողների պատասխանները կարող են ներառել հետևյալը.

Նա Ամենակարող Աստվածն է (6․2–3):

Նա հիշում և պահում է Իր խոստումները (6.3–5):

Նա խոստացավ ազատել իսրայելացիներին գերությունից (6․6, 7․5), տալ նրանց Քանանի երկիրը (6․4, 8) և լինել նրանց Աստվածը (6․7):

Շարունակեք կատարել Տիրոջ կամքը

Հիշեք, թե ինչ էր զգում Մովսեսը։ Կարդացեք Ելք 7.6 հատվածը և նշեք, թե ինչ արեցին Մովսեսն ու ԱհարոնըՏիրոջից սովորելուց և Նրա խոստումները լսելուց հետո:

Եթե դուք լինեիք Մովսեսը, Տիրոջ խոստումներից ո՞րը կօգներ ձեզ վերադառնալ փարավոնի մոտ: Ինչո՞ւ։
Ի՞նչ ճշմարտություն կարող ենք սովորել Մովսեսի փորձառությունից։

Ուսանողներն իրենց բառերով կարող են նշել հետևյալ ճշմարտությունը. երբ մենք հավատում ենք Տիրոջը և Նրա խոստումներին, մենք կարող ենք վստահել և հետևել Նրան, նույնիսկ, երբ անմիջապես չենք տեսնում արդյունքը:

Որպեսզի օգնեք ուսանողներին հասկանալ, թե այդ ճշմարտությունն ինչպես կարող են կիրառել այն իրավիճակներում, որոնց կարող են բախվել, կիսվեք հետևյալ խոսքերով: Պատրաստակամ ուսանողները կարող են դասարանի համար բարձրաձայն կարդալ յուրաքանչյուր պարբերություն:

Տասներկու Առաքյալների Քվորումից երեց Դ. Թոդ Քրիստոֆերսոնը կարևոր խորհուրդ է տվել մեզ, որը կարող ենք օգտագործել, երբ սպասում ենք Տիրոջ խոստացած օրհնություններին.

13:17

Ոմանք սխալ են հասկանում Աստծո խոստումները՝ կարծելով, թե Նրան հնազանդվելը որոշակի արդյունքներ է տալիս կայուն ժամանակացույցով: Նրանք գուցե մտածում են. «Եթե ես ջանասիրաբար ծառայեմ լիաժամկետ միսիայում, Աստված կօրհնի ինձ երջանիկ ամուսնությամբ և երեխաներով», կամ՝ «Եթե ես ձեռնպահ մնամ Հանգստության օրը դպրոցական աշխատանք կատարելուց, Աստված կօրհնի ինձ լավ գնահատականներով», կամ՝ «Եթե ես վճարեմ տասանորդը, Աստված կօրհնի ինձ այն աշխատանքով, որը ես ցանկանում եմ»: … Մենք չպետք է մտածենք Աստծո ծրագրի մասին՝ որպես տիեզերական առք ու վաճառքի մեքենայի, որտեղ մենք (1) ընտրում ենք ցանկալի օրհնությունը, (2) տեղադրում ենք բարի գործերի պահանջվող գումարը և (3) պատվերն անհապաղ առաքվում է:

Աստված իսկապես կպահի մեզանից յուրաքանչյուրին տված Իր ուխտերն ու խոստումները: Մենք չպետք է անհանգստանանք դրա մասին։ Հիսուս Քրիստոսի քավիչ զորությունը … երաշխավորում է, որ Աստված կարող է և կկատարի Իր խոստումները: Կարևոր է, որ մենք հարգենք և հնազանդվենք Նրա օրենքներին, բայց հնազանդվելու վրա հիմնված ոչ ամեն օրհնություն է, որ ձևավորվում է, նախագծվում և ժամկետավորվում՝ ըստ մեր ակնկալիքների: Մենք պետք է անենք հնարավոր ամեն բան, բայց պետք է Նրան թողնենք օրհնությունների կառավարումը: («Մեր հարաբերությունը Աստծո հետ», Լիահոնա, մայիս 2022, 78)

Այս խոսքերում ի՞նչն է տպավորում ձեզ:

Հիշեցրեք ուսանողներին, որ Տիրոջ մասին մեր սովորած ճշմարտություններից մեկը հետևյալն է․ Նա հիշում և պահում է Իր խոստումները (տես Ելք 6.3–5):

Բացատրեք, որ Տերը կատարել է Մովսեսին տված Իր խոստումները (տես Ելք 20.2, Բ Օրենք 7․6, 14․2, Հեսու 24.5–7, 13): Եթե բավարար ժամանակ ունեք, կարող եք գրել այդ հղումները գրատախտակին և ուսանողներին առաջարկել խոստումը համապատասխանեցնել կատարման հետ:

Այնպես, ինչպես Տերը Մովսեսին ուսուցանեց ավելին Իր մասին՝ կրկնելով Իր խոստումները, մենք նույնպես կարող ենք ավելի լավ ճանաչել Տիրոջը՝ նշելով այն խոստումները, որոնք Նա տվել է մեզ: Այս խոստումները կրկնելը կօգնի մեզ հնազանդվել Նրան, նույնիսկ եթե անհապաղ արդյունքներ չստանանք:

Նշեք երեք խոստում, որոնք Տերը տվել է ձեզ՝ սուրբ գրություններում կամ վերջին ուսմունքներում, որոնք ստացել եք Իր ընտրյալ ծառաների միջոցով: Կարող եք խոստումներ գտնել.

Վարդապետության սերտման հատվածներում կամ այլ սուրբ գրություններում:
Երիտասարդներին զորացնելու համար. ընտրություն կատարելու ուղեցույցում։
Գերագույն համաժողովի վերջին ելույթներում։

Բավարար ժամանակ հատկացնելուց հետո պատրաստակամ ուսանողներին առաջարկեք կիսվել, թե ինչ սովորեցին կամ զգացին, երբ ուսումնասիրում էին խոստումները: Խրախուսեք ուսանողներին շարունակել վստահել Տիրոջը՝ անկախ անհապաղ արդյունքից:

Լրացուցիչ նյութեր

Ինչպե՞ս կարող եմ անմիջապես օրհնվել, երբ չեմ տեսնում այն օրհնությունները, որոնք փնտրում եմ:

Երիտասարդ կանանց գերագույն նախագահությունից քույր Անդրեա Մունյոս Սպաննաուսը բացատրել է.

Երբ դուք նույնպես որոշեք ամուր կառչել հավատքից և հուսալ, որ կստանաք այն օրհնությունները, որոնք փնտրում եք, դուք կտեսնեք, որ Երկնային Հայրը և Հիսուս Քրիստոսը միշտ ձեզ հետ են: Միշտ։ Մենք կարող ենք վստահել Նրա խոստումներին, նույնիսկ երբ որոշակի օրհնություններ, որոնք մենք փնտրում ենք, դեռ անհասանելի են: Մենք կարող ենք հավատարիմ մնալ նույնիսկ այն ժամանակ, երբ սպասում ենք: («How Can We Continue to Have Faith When Promised Blessings Don’t Seem to Come?» YA Weekly, ապրիլ 29, 2022, ChurchofJesusChrist.org)

Ի՞նչ կարող եմ անել, երբ ինձ թվում է, որ իմ հնազանդությունն օրհնություններ չի բերում:

Տասներկու Առաքյալների Քվորումից երեց Դեյլ Գ. Ռենլանդը կիսվել է.

15:10

Եթե ցանկալի օրհնությունը դեռ չեք ստացել Աստծուց, պետք չէ մտահոգվել և մտածել, թե ուրիշ ինչ պետք է անեք։ Փոխարենը, լսեք Ջոզեֆ Սմիթի խորհուրդը «ուրախությամբ անելու ամեն բան, որ [ձեր] ուժի սահմաններում է. և հետո … կանգնեք հանգիստ, ամենայն համոզվածությամբ՝ տեսնելու … [Աստծո] բացահայտվող … բազուկը» [Վարդապետություն և Ուխտեր 123․17]։ Որոշ օրհնություններ պահված են և կգան ավելի ուշ, նույնիսկ, Աստծո ամենախիզախ զավակների համար։ («Օրհնությունները շատ են», Լիահոնա, մայիս, 2019, 72)

Ի՞նչ է անհրաժեշտ Հիսուս Քրիստոսի հետևորդ լինելու համար:

Տասներկու Առաքյալների Քվորումից նախագահ Ջեֆրի Ռ. Հոլլանդը բացատրել է.

13:6

Հիսուս Քրիստոսի հետևորդ լինելու համար երբեմն պետք է կրել բեռ … և գնալ այնտեղ, որտեղ զոհաբերություններ են պահանջվում, և տառապանքն անխուսափելի է: Ճշմարիտ քրիստոնյան չի կարող հետևել Վարդապետին միայն այն հարցերում, որոնց հետ նա համաձայն է: Ոչ: Մենք հետևում ենք Նրան ամենուր, այդ դեպքում՝ կարիքի պահերին, արցունքներով և դժվարություններով լի ոլորտներում, որտեղ երբեմն կարող ենք բոլորովին մենակ մնալ: («Խաչ բարձրացվեց», Լիահոնա, նոյ. 2022, 78)

Լրացուցիչ ուսումնական վարժություններ

Դասը սկսելու այլընտրանքային տարբերակ

Որպեսզի օգնեք ուսանողներին տեսնել իրենց կյանքի և Ելք 5–6 գլուխների միջև կապը, դասը կարող եք սկսել հետևյալ հարցով.

Որո՞նք են անհապաղ բավարարվող կամ պահանջված ժամանակ ստացվող բաները, որ հասանելի են ձեր կյանքում:

Կարող եք կիսվել նախկինում Առաջին Նախագահությունից նախագահ Դիտեր Ֆ․ Ուխդորֆի հետևյալ խոսքերով։

Մենք ապրում ենք մի աշխարհում, որն առաջարկում է արագ սնունդ, ակնթարթային հաղորդագրություններ, ցպահանջ ֆիլմեր և առավել հասարակ կամ առավել խոր հարցերի անհապաղ պատասխաններ: Մենք չենք սիրում սպասել: Ոմանց անգամ թվում է, իրենց արյան ճնշումը բարձրանում է, երբ մթերային խանութում կողքի մյուս հերթերի համեմատ իրենց հերթն ավելի դանդաղ է առաջ շարժվում: («Համբերությամբ շարունակենք», Լիահոնա, մայիս 2010, 56)

Մեր ուզածը ստանալու այս մոտեցումն ինչո՞վ է նման կամ տարբեր Աստծուց օրհնություններ ստանալուց:
Ինչպիսի՞ օրհնություններ ենք մենք խնդրում Աստծուց, որոնք չեն կարող անմիջապես գալ:
Ինչո՞ւ կարող է օգտակար լինել մեզ համար այն, որ մենք անմիջապես չենք ստանում այն օրհնությունները, որոնք խնդրում ենք Աստծուց:

Իր Հոր կամքը կատարելու Փրկչի օրինակը

Ուսանողները կարող են սովորել Փրկչի օրինակից՝ հավատարմորեն հետևելու Երկնային Հոր կամքին՝ անկախ արդյունքից: Ուսանողները կարող են կարդալ 3 Նեփի 27.13 հատվածը և նշել, թե Փրկիչն ինչու աշխարհ եկավ: Ուսանողներին առաջարկեք հիշել սուրբ գրությունների օրինակներ, որոնք ցույց են տալիս, որ Փրկիչը կատարում էր Հոր կամքը՝ հաշվի չառնելով կարճաժամկետ բացասական հետևանքնեը: Օրինակները կարող են ներառել Մարկոս 3.1–6, 11․15–18, Ղուկաս 22.41–44, Հովհաննես 11.43–53, 1 Նեփի 19.9–10 հատվածները։

Ուսանողներին թույլ տվեք կիսվել, թե ինչն է հատկապես տպավորել իրենց Փրկչի օրինակից: Կարող եք նաև քննարկել, թե Փրկչի օրինակը հիշելն ինչպես կարող է օգնել մեզ, երբ մենք դժվարանում ենք հետևել Աստծո կամքին:

Երկնային Հոր կամքը կատարելու այլ օրինակներ

Եթե ուսանողների համար օգտակար կլինի ուսումնասիրել այլ մարդկանց օրինակներ, որոնք, ինչպես Մովսեսը, շարունակում էին հավատարմորեն կատարել Տիրոջ կամքը նույնիսկ այն ժամանակ, երբ դա դժվար էր, կարող եք գրատախտակին գրել հետևյալ անունները (կամ այլ անուններ, որ կհիշեք)․ Հովսեփ, Նեփի, Աբինադի, Ջոզեֆ Սմիթ:

Ուսանողները կարող են կիսվել, թե ինչ սովորեցին այդ մարդկանցից, որը կօգնի իրենց, երբ դժվարանան ճիշտ գործել:

Եկեղեցու ամսագրերի հոդվածներ

Որպեսզի օգնեք ուսանողներին տեսնել այն մարդկանց ժամանակակից օրինակները, որոնք հավատարմորեն կատարում են Տիրոջ խնդրանքը՝ անկախ անհապաղ արդյունքից, առաջարկեք նրանց կարդալ հետևյալ հոդվածներից մեկը կամ երկուսը.

«My Struggle with Anxiety at Church»։ 17-ամյա երիտասարդ աղջիկը կիսվում է իր փորձառությամբ այն մասին, որ ինքը շարունակում էր հաճախել եկեղեցի՝ նույնիսկ անհանգստության զգացում ունենալով:
«Living ‘as though’ God’s Promises Have Been Fulfilled.» Չափահաս երիտասարդը կիսվում է երեք գաղափարով, որոնք կարող են օգնել մեզ հավատարմորեն առաջ շարժվել, երբ որոշ խոստումներ դեռ չեն կատարվել մեր կյանքում: