Ծնունդ 42–45

• Ինչպե՞ս Հովսեփը տառապեց իր եղբայրների արարքների պատճառով:

• Ի՞նչ կզգայիք մի մարդու հանդեպ, որը այդպիսի արարքներ գործած լիներ ձեր նկատմամբ։

• Ինչո՞ւ դժվար կլիներ ներել այդ մարդուն։

Մտածեք, թե ինչպես եք սովորաբար արձագանքում, երբ որևէ մեկը ձեր նկատմամբ վիրավորական բան է անում կամ ասում: Այսօր ուսումնասիրելիս՝ շատ ուշադիր եղեք Սուրբ Հոգուց ստացած ցանկացած տպավորությունների նկատմամբ, որոնք կօգնեն ձեզ իմանալ, թե ինչպես կարող եք հետևել Փրկչի օրինակին՝ ներելու համար:

Իր եղբայրների հետ Հովսեփի վերամիավորման պատմությունն ուսումնասիրելու համար կարող եք ուսանողներին բաժանել երեք հոգանոց խմբերի: Խմբի յուրաքանչյուր ուսանող կարող է ուսումնասիրել երեք ամփոփումներից և սուրբ գրությունների հատվածներից մեկը: Այնուհետև ուսանողները կարող են խմբի մյուս անդամներին ուսուցանել պատմության իրենց մասը:

Որպես այլընտրանք, կարող եք ցուցադրել «Joseph and the Famine» տեսանյութի (2:26) 00:00-01:41 հատվածը, որը հասանելի է ChurchofJesusChrist.org կայքում։

2:26

Վերանայեք հետևյալ ամփոփումները և ուսումնասիրեք ուղեկցող հատվածները:

Ամփոփում 1․ Հովսեփին ստրկության վաճառելուց հետո շատ տարիներ անց նրա եղբայրները մեկնեցին Եգիպտոս՝ սովից փրկվելու համար: Եղբայրները, ներկայանալով Հովսեփի առաջ, որն այժմ երկրորդ բարձրագույն պաշտոնյան էր ողջ Եգիպտոսում, չճանաչեցին նրան: Չիմանալով, որ Հովսեփը ճանաչել էր և կարող էր հասկանալ իրենց, եղբայրներն իրենց վիշտն ու ափսոսանքն էին արտահայտում այն արարքի համար, որ տարիներ առաջ կատարել էին նրա հանդեպ։

Կարդացեք Ծնունդ 42․21–24 հատվածները՝ փնտրելով, թե ինչպես արձագանքեց Հովսեփը, երբ լսեց իր եղբայրների խոսքերն այն մասին, թե ինչպես էին վարվել իր հետ:

Ամփոփում 2․ Հովսեփը սնունդ տրամադրեց ընտանիքի համար, սակայն բանտարկեց Շմավոնին և հրահանգեց մյուս եղբայրներին չվերադառնալ Եգիպտոս, եթե իրենց հետ չբերեն կրտսեր եղբորը՝ Բենիամինին: Եղբայրները վերադարձան տուն, իսկ երբ ընտանիքի ուտելիքը կրկին վերջացավ՝ նրանք Բենիամինի հետ վերադարձան Եգիպտոս։

Կարդացեք Ծնունդ 43․30 հատվածը՝ փնտրելով, թե Հովսեփն ինչպես արձագանքեց, երբ տեսավ իր եղբորը՝ Բենիամինին:

Ամփոփում 3․ Հովսեփը փորձեց իր եղբայրների սերը Բենիամինի հանդեպ՝ մեղադրելով նրան գողության մեջ և սպառնալով նրան բանտ նետել։ Հուդան առաջարկեց իր կյանքը՝ Բենիամինի ազատության դիմաց։

Կարդացեք Ծնունդ 45․1–2 հատվածները՝ ուշադրություն դարձնելով, թե ինչպես արձագանքեց Հովսեփը այն բանից հետո, երբ Հուդան առաջարկեց իր կյանքը՝ Բենիամինին պաշտպանելու համար:

• Ի՞նչը օգտակար կլիներ, որ Հովսեփը հիշեր Երկնային Հոր և Հիսուս Քրիստոսի մասին, երբ նա հաղորդակցվում էր իր եղբայրների հետ:

Կարդացեք հետևյալ սուրբ գրությունները՝ փնտրելով, թե Երկնային Հոր և Հիսուս Քրիստոսի մասին ինչն օգտակար կլիներ իմանալ մի մարդու, որը վատ վերաբերմունքի է արժանացել։

Ղուկաս 6․36

Եփեսացիներին 4.31–32

Կողոսացիներին 3․13

• Ինչո՞վ կկիսվեիք այս հատվածներից։

Կարդացեք Ծնունդ 45․3–8 և 9–15 հատվածները՝ փնտրելով, թե ինչպես պատասխանեց Հովսեփն իր եղբայրներին:

• Ի՞նչ կարող ենք սովորել Հովսեփի փորձառությունից՝ Երկնային Հորը և Հիսուս Քրիստոսին նմանվելու մասին:

Որպեսզի օգնեք ուսանողներին հասկանալ այս ճշմարտությունը, կարող եք ցուցադրել «Forgiving Others: An Easter Message from President Russell M. Nelson» (5:01) տեսանյութը ChurchofJesusChrist.org կայքում։

5:1

Մեկ այլ տարբերակ է ուսումնասիրել հետևյալ ուղերձը:

Նախագահ Ռասսել Մ. Նելսոնն օգնել է մեզ հասկանալ, թե ինչպես ենք մենք ապավինում Փրկչի զորությանը, երբ ներում ենք մարդկանց:

17:18

Եթե ներկայումս ներումն անհնարին է թվում, խնդրեք, որ ուժ ստանաք Հիսուս Քրիստոսի քավիչ արյան միջոցով, որը ձեզ կօգնի: Եթե դուք անեք դա, ես խոստանում եմ, որ անձնական խաղաղություն և հոգևոր լիցքի մեծ բռնկում կզգաք:

Երբ Փրկիչը քավություն կատարեց ողջ մարդկության համար, Նա բացեց մի ճանապարհ, որով նրանք, ովքեր հետևում են Իրեն, կկարողանան ստանալ Իր բժշկող, զորացնող և փրկագնող զորությունը: Այս հոգևոր արտոնությունները հասանելի են բոլոր նրանց, ովքեր ձգտում են լսել Նրան և հետևել Նրան: («Հոգևոր լիցքի զորությունը», Լիահոնա, մայիս 2022, 100)

• Ինչպե՞ս կարող են նախագահ Նելսոնի ուսմունքներն օգնել մեզ ներել մարդկանց:

• Ի՞նչ խորհուրդ կտաք անել մի մարդու, որը դժվարանում է ներել: Ի՞նչ խորհուրդ կտաք նրան անել՝ Փրկչին ապավինելու համար:

Աղոթքով խորհեք այն տպավորությունների մասին, որոնք դուք ստացաք այսօր ուսումնասիրելիս: Հրավիրեք Սուրբ Հոգուն՝ օգնելու ձեզ ճանաչել բոլոր փոփոխություները, որ պետք է անեք: Խնդրեք Երկնային Հորը, որ օգնի մեծացնել մարդկանց ներելու ձեր կարողությունը։

Ընտրեք հետևյալ վարժություններից մեկը՝ ուսումնասիրության ձեր օրագրում կատարելու համար։

• Գրեք մի կարճ պարբերություն, որն ամփոփում է, թե ինչպես եք օրհնվել մարդկանց ներելու ձեր ջանքերի շնորհիվ: Գրեք, թե ինչ եք արել՝ Փրկչին ձեր ջանքերում ներառելու համար: Ձեր կարծիքով, ինչն է կարևոր հիշել հաջորդ անգամ, եթե անհրաժեշտ լինի ներել որևէ մեկին:

• Աղոթքով մտածեք, թե արդյոք կա մեկը ձեր կյանքում, որին պետք է ներել: Գրեք հակիրճ մի պարբերություն՝ նշելով այդ անձին ներելու հետ կապված ձեր զգացմունքները: Ձեր կարծիքով, ի՞նչը կարող է խանգարել ներելու ձեր կարողությանը: Գրեք մի քանի եղանակ, որոնցով կարող եք խնդրել Փրկչի օգնությունը ձեր ջանքերում:

• Մի գրություն գրեք, որ կարող է օգնել ձեր ընկերոջը, որը դժվարանում է ներել ինչ-որ մեկին։ Համառոտ բացատրեք, թե ինչո՞ւ է Հովսեփի՝ իր եղբայրներին ներելու որոշումը նման Փրկչի բնույթին: Ներառեք սուրբգրային մի հատված, որը կարևոր է ձեզ համար՝ մարդկանց ներելու ձեր ջանքերում։