Ծնունդ 37–41

Առակը պատմում է մի ավանակի մասին, որն ընկել է փոսը։ Վախեցած և ծուղակում հայտնված՝ ավանակը ոռնում և զռում էր։ Ավանակին փրկելու միջոցներ փնտրելուց հետո տերը սկսեց բահով ցեխ լցնել փոսի մեջ։ Ամեն մի բահ ցեխը, որն ընկնում էր ավանակի մեջքին, ստիպում էր նրան ավելի բարձր ոռնալ։

Ավանակը իր մեջքի վրայից թափ էր տալիս ցեխը, որի հետևանքով նրա ոտքերի տակ ցեխի կույտեր էին գոյանում։ Ավանակը նորից ու նորից ցեխը թափ էր տալիս մեջքից և ոտքերով կանգնում աճող հողաթմբի վրա, մինչև որ, ի վերջո, հողաթմբի վրա կանգնած ավանակը այնքան բարձրացավ, որ կարողացավ դուրս ցատկել փոսից:

• Ինչպե՞ս է այս առակը կապված այն փորձությունների և դժվարությունների հետ, որ Երկնային Հայրը թույլ է տալիս, որ մենք ունենանք։

Մտածեք այն դեպքերի մասին ձեր կյանքում, երբ դուք փորձություններ եք ունեցել կամ հուսահատություն եք զգացել։ Ուսումնասիրության ձեր օրագրում գրեք հետևյալ հարցերի ձեր պատասխանները.

• Ինչպե՞ս եք արձագանքել այդ փորձառություններին:

• Ինչո՞ւ կարող է դժվար լինել հիշել Տիրոջը, երբ դժվարությունների եք բախվում:

• Հավերժության հեռանկարից ինչպե՞ս է հնարավոր Երկնային Հոր համար օգտագործել ձեր դժվարությունները՝ ձեր կյանքը օրհնելու համար:

Այսօր ուսումնասիրելով Հովսեփի կյանքը՝ հայտնություն փնտրեք Սուրբ Հոգուց, որպեսզի ձեզ հույս տա, որ Երկնային Հայրը և Հիսուս Քրիստոսը կարող են նույնիսկ դժվար փորձությունները վերածել օրհնությունների ձեր կյանքում:

Երբ Հովսեփը 17 տարեկան էր, նրա ավագ եղբայրները նախանձում էին նրան, քանի որ նա իրենց հոր՝ Հակոբի ամենասիրելի որդին էր։ Նրանք ատում էին Հովսեփին, քանի որ նա պատմել էր նրանց իր տեսած երազը, որտեղ իր եղբայրներն ապագայում խոնարհվում էին իր առաջ: Որոշ ժամանակ անց նրանք ստրկության վաճառեցին Հովսեփին (տես Ծնունդ 37)։

Հովսեփը վաճառվեց Պետափրեսին, որը Եգիպտոսի փարավոնի բարձրաստիճան պաշտոնյաներից էր։ Հովսեփը ի վերջո դարձավ Պետափրեսի տան վերակացուն (տես Ծնունդ 39․1–4)։

Պետափրեսի կինը ցանկասիրություն դրսևորեց Հովսեփի նկատմամբ, բայց Հովսեփը հրաժարվեց խախտել մաքրաբարոյության օրենքը և փախավ նրանից: Պետափրեսի կինը կեղծ կերպով մեղադրեց Հովսեփին իր հետ վատ վարվելու մեջ, և Հովսեփը բանտարկվեց (տես Ծնունդ 39․7–20)։

Երբ Հովսեփը բանտում էր, նա մեկնաբանեց փարավոնի ծառաների երազները (տես Ծնունդ 40)։

Երկու տարի անց փարավոնը երազներ տեսավ, որոնք չէր կարողանում հասկանալ։ Փարավոնի ծառաներից մեկը, որը ազատ էր արձակվել բանտից, ասաց փարավոնին, որ Հովսեփը կարող է մեկնաբանել երազները։ Հովսեփը բացատրեց փարավոնին, որ նրա երազները նշանակում են յոթ բերքառատ տարի և յոթ սովի տարի, որոնք շուտով կգան Եգիպտոս (տես Ծնունդ 41)։

1. Կարդացեք հետևյալ հատվածները՝ փնտրելով, թե Տերն ինչպես օգնեց Հովսեփին իր փորձությունների ժամանակ:

   1. Ծնունդ 39․1–6 (Երբ Հովսեփը ստրկության վաճառվեց իր եղբայրների կողմից)

   2. Ծնունդ 39․20–23 (Երբ Հովսեփը բանտ նետվեց Պետափրեսի կողմից)

   3. Ծնունդ 41․14–16, 25–32 (Երբ Հովսեփը վերջապես ազատվեց բանտից)

2. Պատասխանեք հետևյալ հարցերին.

   • Ի՞նչ ճշմարտություններ կարող ենք սովորել այն բանից, թե Հովսեփն ինչպես արձագանքեց իր դժվարություններին։

   • Ձեր կարծիքով, ինչո՞ւ Հովսեփն այդքան տարի պետք է սպասեր, որպեսզի ստանար իր փնտրած օրհնությունները:

   • Ի՞նչ ապացույց եք տեսնում առ այն, որ Աստված օգնում էր Հովսեփին իր փորձությունների ժամանակ:

   • Երկնային Հայրը և Հիսուս Քրիստոսն ինչպե՞ս կարող են օգնել մեզ նույն ձևով, երբ մենք դժվար ժամանակներ ենք ապրում:

Կարդացեք Ծնունդ 41․37–45 հատվածները՝ փնտրելով, թե ինչն է վկայում այն մասին, որ Աստված օգտագործեց Հովսեփի փորձությունները՝ նրան և ուրիշներին օրհնելու համար։

• Ինչպե՞ս Տերը օրհնեց Հովսեփին և ուրիշներին՝ Հովսեփի փորձությունների միջոցով:

  Տվեք հարցեր, որոնք կարող են օգնել ուսանողներին՝ ուսուցանվող ճշմարտություններից սովորել Աստծո զորության և ողորմության մասին։ Հետևյալ հարցերն օրինակներ են, որոնք դուք կարող եք օգտագործել։ (Լրացուցիչ ուսուցում ստանալու համար, թե ինչպես օգնել ուսանողներին սովորել Տիրոջ սիրո, զորության և ողորմության մասին, տես «Օգնեք սովորողներին ճանաչել Տիրոջ սերը, զորությունը և ողորմությունը իրենց կյանքում» բաժինը «Ուսուցիչների կատարելագործման հմտություններ» ձեռնարկում։

• Ձեր կարծիքով, իր փորձառություններով անցնելուց հետո Հովսեփն ի՞նչ կցանկանար, որ դուք իմանաք Տիրոջ մասին։

• Ինչպե՞ս կարող են փորձություններն օգնել մեզ ամրացնել մեր հարաբերությունները Երկնային Հոր և Հիսուս Քրիստոսի հետ։

Կարդացեք Վարդապետություն և Ուխտեր 90․24 հատվածը և Տասներկու Առաքյալների Քվորումից երեց Դիտեր Ֆ․ Ուխդորֆի հետևյալ խոսքերը։ Նշեք, թե ինչպես են դրանք առնչվում Հովսեփի և բոլոր նրանց հետ, ովքեր անցնում են փորձությունների և դժվարությունների միջով:

Վկայում եմ, որ չնայած երբեմն կարող ենք զգալ, թե թաղված ենք կյանքի փորձությունների մեջ կամ զգացմունքային խավարը պատել է մեզ, Աստծո սերը և Հիսուս Քրիստոսի վերականգնված ավետարանի օրհնությունները աներևակայելի մի պտուղ կտան: («Աստված աներևակայելի մի բան կանի», Լիահոնա, նոյեմբեր 2020, 52)

• Վարդապետություն և Ուխտեր 90.24 հատվածը և երեց Ուխդորֆի խոսքերը ինչպե՞ս են առնչվում Հովսեփի հետ: Իսկ ձե՞զ հետ։

Որպեսզի նախապատրաստեք ուսանողներին մտածելու այն մասին, թե Երկնային Հայրն ինչպես կարող է օրհնել մեզ մեր փորձությունների ժամանակ, կարող եք ցուցադրել «Faith Murray’s Story: Overcoming Adversity through Service» տեսանյութը (4:52), որը հասանելի է ChurchofJesusChrist.org կայքում։ Առաջարկեք ուսանողներին փնտրել, թե Տերն ինչպես օգտագործեց Ֆեյթի դժվարությունները՝ նրան և ուրիշներին օրհնելու համար:

4:52

Մտածեք այն փորձառությունների մասին, երբ դուք կամ ուրիշները տեսել եք, թե ինչպես է Երկնային Հայրը օգտագործում ձեր փորձությունները՝ ձեր կյանքը օրհնելու համար: Ձեր ուսումնասիրության օրագրում պատասխանեք հետևյալ հարցերից առնվազն երկուսին.

• Ինչպե՞ս է Երկնային Հայրը օգտագործել փորձությունները՝ ձեր ծանոթ մարդկանց կյանքը օրհնելու համար: Ի՞նչ եք դուք սովորել այդ մարդկանցից:

• Եթե որևէ մեկը հենց հիմա գտնվեր դժվարին փորձության մեջ, ի՞նչ կցանկանայիք, որ նա իմանար Երկնային Հոր և Հիսուս Քրիստոսի մասին:

• Ի՞նչն է օգնել ձեզ հավատարիմ մնալ Աստծուն փորձությունների ընթացքում, որոնք ունեցել եք ձեր կյանքում։