Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Sēnesi 29–33: “Tuku ke Lāngilangiʻia ʻa e ʻOtuá”

“Sēnesi 29–33: ‘Tuku ke Lāngilangiʻia ʻa e ʻOtuá,’” Fuakava Motuʻá – Tohi Lēsoni ʻa e Faiako Seminelí (2026)

“Sēnesi 29–33: ‘Tuku ke Lāngilangiʻia ʻa e ʻOtuá,’” Fuakava Motuʻá – Tohi Lēsoni ʻa e Faiako Seminelí

Sēnesi 24–33: Lēsoni 32

Sēnesi 29–33

“Tuku ke Lāngilangiʻia ʻa e ʻOtuá”

The Old Testament characters Jacob and Esau embracing one another. A desert landscape is portrayed in the background.

Ko e palōfita ko Sēkopé ko ha sīpinga ia ʻo e tuku ke lāngilangiʻia ʻa e ʻOtuá ʻi heʻene moʻuí. Naʻá ne feinga lahi ke mali ʻi he fuakavá, maʻu e ngaahi tāpuaki ʻa e ʻEikí ʻi heʻene ngāue fakaʻahó, pea mo fai e meʻa naʻe kole ange ʻe he ʻOtuá ke ne fai ke fakamoʻui hono ngaahi vā fetuʻutaki fakafāmilí. ʻE lava ke tokoni ʻa e lēsoni ko ʻení ke fakatupulaki ʻe he kau akó ʻenau loto-fiemālie ke tuku ke lāngilangiʻia ʻa e ʻOtuá ʻi heʻenau moʻuí.

Teuteu ʻa e tokotaha akó: Fakakaukau ke fakaafeʻi e kau akó ke hiki ha ngaahi founga ʻoku hoko ai ʻa e ʻOtuá ko ha ivi tākiekina ʻi heʻenau moʻuí. Kapau ʻoku fie ako lahi ange ʻa e kau akó ki he kaveingá ni, te nau lava ʻo fanongo, mamata, pe lau ha ngaahi konga ʻo e lea ʻa Palesiteni Lāsolo M. Nalesoni, “Tuku ke Lāngilangiʻia ʻa e ʻOtuá” (18:51).

Ngaahi vitioó: “Tuku ke Lāngilangiʻia ʻa e ʻOtuá” (18:51) mei he taimi 12:18 ki he 13:02, “Jacob and His Family” (3:00)

Ngaahi ʻEkitivitī Ako ʻOku Ala Fakahokó

Ko e Ngaahi Ivi Takiekina ʻi Heʻetau Moʻuí

Fakakaukau ke fakaafeʻi e kau akó ke hiki ha lisi ʻi heʻenau tohinoa akó ʻo ha niʻihi ʻo e ngaahi ivi tākiekina ʻi heʻenau moʻuí. ʻE lava ke kau ai ha ngaahi kaungāmeʻa, kau faiako, kau faifaleʻi, tuʻunga ʻo e mītiá, mātuʻá, kau palōfitá, ko e ʻEikí, pea naʻa mo ʻenau ngaahi fakakaukaú mo ʻenau ngaahi taumuʻá.

Fakaafeʻi leva kinautolu ke fakahokohoko fakalelei ʻa e lahi ʻo e ivi tākiekina ʻoku maʻu ʻe he meʻa takitaha ʻi he lisí. ʻE lava ke fokotuʻu ʻe he kau akó ha fika 1 ʻi he tafaʻaki ʻo e ivi tākiekina mālohi taha ʻi heʻenau moʻuí, pea mo e fika 2, pea fai pehē atu ai pē. Pe ko hono tohiʻi ʻe he kau akó ha ngaahi foʻi lea hangē ko e “lahi,” “feʻunga pē,” pe “siʻisiʻí” ke fakahaaʻi ʻaki ʻa e lahi ʻo e ivi tākiekina ʻo e meʻa takitaha.

Kimuʻa pea nau lau e fakamatala ko ʻení, mahalo ʻe ʻaonga ke fakamatalaʻi ange ko hono tuku ke langilangiʻia ʻa e ʻOtuá ko hono fakaʻatā ia Ia ke hoko ko e ivi tākiekina maʻongoʻonga taha ʻi heʻetau moʻuí.

Lau e ngaahi fehuʻi ueʻi fakalaumālie ko ʻeni ʻa Palesiteni Lāsolo M. Nalesoní. Fakakaukau pe te ke tali fēfeeʻi kinautolú.

18:51

ʻOkú ke loto-fiemālie nai ke tuku ke lāngilangiʻia ʻa e ʻOtuá ʻi hoʻo moʻuí? ʻOkú ke loto-fiemālie nai ke tuku ke hoko ʻa e ʻOtuá ko e ivi tākiekina mahuʻinga taha ʻi hoʻo moʻuí? Te ke tuku nai ʻEne folofolá, ʻEne ngaahi fekaú, mo ʻEne ngaahi fuakavá ke nau tākiekina ‘a e meʻa ʻokú ke fai ʻi he ʻaho kotoa pē? Te ke tuku nai Hono leʻó ke muʻomuʻa taha ʻi ha toe meʻa? ʻOkú ke loto-fiemālie nai ke fakamuʻomuʻa ha meʻa pē ʻokú Ne finangalo ke ke fai, ʻi ha toe meʻa kehe ʻokú ke fakaʻamua? ʻOkú ke loto-fiemālíe nai ke fakamoʻulaloaʻi ho lotó ki Hono finangaló? (“Tuku ke Lāngilangiʻia ʻa e ʻOtuá,” Liahona, Nōvema 2020, 94).

Fakaafeʻi e kau akó ke hiki ‘enau ngaahi tali ki he ngaahi fehuʻi ko ʻení ʻi heʻenau tohinoa akó. ʻE lava ke kau heni e ngaahi founga ʻoku nau loto-fiemālie ai ke tuku ke langilangiʻia ʻa e ʻOtuá pe hoko ko e ivi tākiekina maʻongoʻonga tahá ʻi heʻenau moʻuí. Te nau lava foki ʻo fakakau ai ha ngaahi founga ʻoku ʻikai ke nau loto ki ai pea mo e ʻuhinga ʻoku faingataʻa ai kiate kinautolú.

Fekumi ki he fakahinohino ʻa e Laumālie Māʻoniʻoní ke ʻoatu ha ngaahi fakakaukau mo ha tokoni ki ha taha ʻo e ngaahi meʻa ʻokú ke hohaʻa pe faingataʻaʻia aí, pea ke tokoniʻi koe ke ke ongoʻi ha holi lahi ange ke tuku ke Ne langilangiʻia lahi ange ai ʻi hoʻo moʻuí.

Sīpinga ʻa Sēkopé

ʻI ha meʻa ʻe taha, naʻe “manavahē … [mo] mamahi lahi” ai ʻa Sēkope (Sēnesi 32:7), ʻi heʻene hohaʻa ki he malu ʻa hono fāmilí. Naʻá ne “fefaʻuhi” (Sēnesi 32:25) he poó kakato, ʻi heʻene fakapapau ke maʻu e ngaahi tāpuaki ʻa e ʻEikí ʻi he tūkunga faingataʻa naʻá ne fehangahangai mo iá. (Te ke ako lahi ange ki he tūkungá ni ʻamui ange ʻi he lēsoní.) ʻI hono talí, naʻe talaʻofa ʻa e ʻEikí ke tokoni kia Sēkope, ka naʻá Ne toe liliu foki mo e hingoa ʻo Sēkopé.

Lau ʻa e Sēnesi 32:28 pea fakaʻilongaʻi e meʻa naʻe liliu ki ai ʻe he ʻEikí ʻa e hingoa ʻo Sēkopé pea mo hono ʻuhingá.

Fakakaukau ke fakaafeʻi e kau akó ke fakaʻilongaʻi ʻi heʻenau folofolá ko e taha ʻo e ngaahi ʻuhinga ʻo e hingoa ʻIsilelí ko e “Tuku ke Lāngilangiʻia ʻa e ʻOtuá”

ʻOku fakamamafaʻi ʻe he lēsoni ko ʻení ha tafaʻaki ʻe tolu ʻo e moʻui ʻa Sēkopé, pe ko ʻIsilelí, ʻa ia naʻá ne tuku ai ke langilangiʻia ʻa e ʻOtuá. ʻI hoʻo akó, kumi ha ngaahi sīpinga ʻo e tefitoʻi moʻoni ko ʻení: ʻI heʻetau loto-fiemālie ke tuku ke langilangiʻia ʻa e ʻOtuá ʻi heʻetau moʻuí, te Ne tāpuakiʻi kitautolu ʻi he meʻa kotoa pē.

Teuteu ha tatau ʻo e ngaahi laʻipepa tufa ko ʻení pea fai ha taha ʻo e ngaahi meʻá ni:

Tomuʻa ʻoange ʻa e ʻū laʻipepa tufa ko ʻení ki ha kau ako ʻe toko tolu pe ngaahi kulupu ʻo e kau akó pea fakaafeʻi kinautolu ke tataki e kalasí ʻi he ʻū laʻipepa tufá.
Fakaafeʻi e kau akó ke nau fakakakato fakakulupu iiki kotoa e ngaahi ʻekitivitī ʻe tolú.
ʻOange ki he kau akó ha vakai fakalūkufua ki he laʻipepa tufa ʻe tolú pea tuku ke fili ʻe he kau akó ha meʻa ʻe taha pe ua ke nau ako. Ko e founga ʻe taha ke maʻu ai ha vakai fakalūkufuá ko e mamata ʻi he “Sēkope mo Hono Fāmilí” (3:00).

3:0

Ko e Fakahoko ʻe Sēkope ha Ngaahi Feilaulau Lahi ke Mali ʻi he Fuakavá

Ngaahi tāpuaki ʻi heʻetau moʻui fakatuʻasinó

Ko e teuteu ʻa Sēkope ke feʻiloaki mo ʻĪsoá

Kapau naʻe ako fakakulupu ʻe he kau akó e vahe ʻe tolu ko ʻení, fakaafeʻi kinautolu ke vahevahe ʻa e meʻa ne nau akó mo e founga ʻe lava ke mahuʻingamālie ai kiate kinautolú. Kapau he ʻikai ke nau talaatu ia ʻiate kinautolu pē, fehuʻi ange pe ko e hā ne nau ako fekauʻaki mo e ʻEikí.

Fakakaukau ke kole ki he kau akó ke vahevahe ha ngaahi sīpinga kehe kuo nau mamata ai ʻo ha kakai naʻa nau tuku ke langilangiʻia ʻa e ʻOtuá ʻi heʻenau moʻuí.

Tuku ke lāngilangiʻia ʻa e ʻOtuá ʻi hoʻo moʻuí

Fakaʻaongaʻi ha kiʻi taimi ke fakalaulauloto ai ki he meʻa naʻá ke akó pe fiemaʻu ke ke manatuʻi mei he lēsoni ko ʻení. Fekumi ki he tataki ʻa e Laumālie Māʻoniʻoní ʻi hoʻo tānaki atu hoʻo ngaahi fakakaukaú ki hoʻo tohinoa mei he kamataʻanga ʻo e lēsoní. Fakakau e ngaahi ʻuhinga te ke fie tuku ai ke langilangiʻia ʻa e ʻOtuá ʻi hoʻo moʻuí. ʻE lava foki ke ke fakakau ai ʻa e meʻa ʻokú ke ongoʻi te ke lava ʻo fai ke fakatupulaki ai hoʻo holi ke tuku ke langilangiʻia ʻa e ʻOtuá ʻi hoʻo moʻuí.

Kapau ʻoku ʻikai fuʻu fakataautaha, fakaafeʻi e kau akó ke vahevahe ʻenau ngaahi fakakaukaú. Fakakaukau ke vahevahe foki hoʻo ngaahi fakakaukaú mo e fakamoʻoní.

Ngaahi Maʻuʻanga Tokoni Kehé

ʻE tokoniʻi fēfē kitautolu ʻi hono tuku ke langilangiʻia ʻa e ʻOtuá ʻi heʻetau moʻuí?

Naʻe palōmesi ʻa Palesiteni Lāsolo M. Nalesoni ʻo pehē:

Fakakaukau ki he founga ʻe lava ke tāpuekina ai koe ʻe he faʻahinga loto-fiemālie peheé [ke tuku ke langilangiʻia ʻa e ʻOtuá]. …

Kapau ʻoku ʻi ai haʻo ngaahi fehuʻi moʻoni fekauʻaki mo e ongoongoleleí pe Siasí, ko hoʻo fili ko ia ke tuku ke lāngilangiʻia ʻa e ʻOtuá, ʻe taki ai koe ke ke ʻilo mo mahino ʻa e ngaahi moʻoni kakato, mo taʻengata te ne tataki hoʻo moʻuí mo tokoni ke ke tuʻu maʻu ʻi he hala ʻo e fuakavá.

Ko e taimi te ke fehangahangai ai mo e fakatauelé—tatau ai pē kapau ʻe hoko mai ʻi he taimi ʻokú ke ongosia mo ongoʻi liʻekina aí pe ʻave-halaʻí—fakakaukau ki he loto-toʻa te ke lava ʻo maʻú kapau te ke fili ke tuku ke lāngilangiʻia ʻa e ʻOtuá ʻi hoʻo moʻuí pea mo e taimi te ke kole ai kiate Ia ke ne fakamālohia koé.

Ko e taimi ʻe hoko ai hoʻo fakaʻamu lahi tahá ke tuku ke lāngilangiʻia ʻa e ʻOtuá, ke hoko ko ha konga ʻo ʻIsilelí, ʻe faingofua ange ha konga lahi ʻo hoʻo ngaahi filíi. Ko ha ngaahi palopalema lahi ʻe ʻikai toe hoko ia ko ha palopalema! Ko koe ʻokú ke ʻiloʻi lelei taha ʻa e founga ke ke teuteu aí. ʻOkú ke ʻilo ʻa e meʻa ke ke mamata mo laukonga aí, feituʻu ke fakaʻaongaʻi ai ho taimí, pea mo e kakai ke ke feohi mo iá. ʻOkú ke ʻilo ʻa e meʻa ʻokú ke fie fakahokó. ʻOkú ke ʻilo ʻa e faʻahinga tokotaha ʻokú ke fie hokosi moʻoní. (“Tuku ke Lāngilangiʻia ʻa e ʻOtuá,” Liahona, Nōvema 2020, 94).

ʻE tokoniʻi fēfē ʻe he Fakamoʻuí hotau ngaahi vā fetuʻutakí?

Naʻe akonaki ʻa Palesiteni Sefilī R. Hōlani ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

Kuo kole ʻe Sīsū ke tau “nofo fakataha ʻi he ʻofa” [Tokāteline mo e Ngaahi Fuakava 42:45] ʻo “ʻoua naʻa ʻi ai ha ngaahi fakakikihi ʻiate [kitautolu]” [3 Nīfai 11:22]. … ʻIo, ko ha konga lahi, ʻe fuatatau hotau vā mo Kalaisí—pe ʻe uesia—ʻi hotau vā ʻiate kitautolú. …

… Te tau toki lava pē ʻo hao hake mei heʻetau mamahí ʻi ha taimi te tau fokotuʻu ai hotau vaʻé ʻi he hala ki he fakamoʻui moʻoní. Ko e halá ko e fakamolemole ʻa ia naʻe foua ʻe Sīsū ʻo Nāsaletí, ʻa ia ʻokú Ne ui mai kiate kitautolu takitaha, “Haʻu, ʻo muimui ʻiate au” [Luke 18:22]. …

… ʻOku kole mai ʻa e Fai-fakamoʻui ki he kafo kotoa peé, ʻa Ia ʻokú Ne fakatonua ʻa e fehalaaki kotoá, ke tau ngāue mo Ia ʻi ha ngāue fakalilifu ʻo e faʻa fakaleleí ʻi ha māmani ʻe ʻikai ke ne maʻu ia ʻi ha toe founga. (“Ko e Ngāue ʻo e Fakaleleí,” Liahona, Nōvema 2018, 78–79)

Ngaahi ʻEkitivitī Fakalahi ki he Akó

Vitiō ʻe malava ke fakaʻaongaʻí

Ki ha sīpinga fakaonopooni ʻo ha taha ʻokú ne tuku ke langilangiʻia ʻa e ʻOtuá ʻi heʻene moʻuí, fakakaukau ke ke mamata ʻi he “Your Day for a Mission” (3:31), ko e talanoa ʻo ha talavou naʻá ne fakakaukau ke toloi ʻa e ʻakapulu fakapalofesinalé ke ʻalu ʻo ngāue fakafaifekau.

3:32

Ko e fāinga ʻa Sēkope ke maʻu e ngaahi tāpuaki ʻa e ʻEikí.

Kapau ʻokú ke ongoʻi ʻe ʻaonga, fakaafeʻi e kau akó ke fakafehoanaki e fefaʻuhi ʻa Sēkope ʻi he Sēnesi 32:24–28 mo e aʻusia ʻa ʻĪnosi ʻi he ʻĪnosi 1:2, 10–12.

Hangē ko Sēkopé, ʻoku fakamatalaʻi ʻe ʻĪnosi ʻa e fekumi ki he ʻEikí ʻi he lotú ko ha “fāinga,” “fefaʻuhi,” mo e “ngāue faivelenga.”

ʻOkú ke pehē ko e hā ʻoku fakahaaʻi mai ʻe he ngaahi lea ko ʻení fekauʻaki mo e ngaahi aʻusia ʻa Sēkope mo ʻĪnosi ʻi heʻenau fekumi ki he ʻEikí?
ʻOkú ke pehē ko e hā ʻoku finangalo ai e ʻEikí ke tau ngāue ʻi heʻetau feinga ke maʻu e ngaahi tāpuaki ʻo e fuakavá?

Fakaafeʻi e kau akó ke vahevahe ʻa e meʻa ne nau ongoʻi naʻe mahuʻinga mei he fakamatala ko ʻení pea mo e founga ʻe ala tokoni ai kiate kinautolu ʻi heʻenau moʻuí.