Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Akoako Fakataukei Fakatokāteline 2: Ko e Mahino ki he Tokāteliné mo Hono Maʻu ʻo e ʻIlo Fakalaumālié

“Akoako Fakataukei Fakatokāteline 2: Ko e Mahino ki he Tokāteliné mo Hono Maʻu ʻo e ʻIlo Fakalaumālié,” Fuakava Motuʻá – Tohi Lēsoni ʻa e Faiako Seminelí (2026)

“Akoako Fakataukei Fakatokāteline 2: Ko e Mahino ki he Tokāteliné mo Hono Maʻu ʻo e ʻIlo Fakalaumālié,” Fuakava Motuʻá – Tohi Lēsoni ʻa e Faiako Seminelí

Sēnesi 18–23: Lēsoni 28

Akoako Fakataukei Fakatokāteline 2

Ko e Mahino ki he Tokāteliné mo Hono Maʻu ʻo e ʻIlo Fakalaumālié

A group of youth sitting at desks in a Seminary class. There are scriptures open on their desks.

ʻE lava ke tokoni ʻa e fakataukei fakatokāteliné ki he kau akó ke langa ʻa e makatuʻunga ki heʻenau moʻuí ʻia Sīsū Kalaisi mo ʻEne ongoongoleleí. ʻE lava ke tokoni ʻa e lēsoni ko ʻení ke mahino ki he kau akó ʻa e ngaahi moʻoni ʻoku akoʻi ʻi he ngaahi potufolofola fakataukei fakatokāteliné pea fakaʻaongaʻi e ngaahi tefitoʻi moʻoni fakalangi ki hono maʻu ʻo e ʻilo fakalaumālié.

Teuteu ʻa e tokotaha akó: Fakaafeʻi ʻa e kau akó ke fili ha potufolofola fakataukei fakatokāteline ʻoku nau loto ke mahino kiate kinautolu. Fakaafeʻi leva kinautolu ke ako ʻa e potufolofolá, fakalaulauloto ki hono ʻuhingá, pea fakakaukau ki he ʻuhinga ʻoku mahuʻinga ai ʻa e tokāteline naʻe akoʻí.

Ngaahi ʻEkitivitī Ako ʻOku Ala Fakahokó

Toe vakaiʻi ʻo e fakataukei fakatokāteliné: Mahinó

Fakakaukau ke fakaafeʻi e kau akó ke fakakaukau ki ha taimi naʻe faingataʻa ai ke nau ako pe fai ha meʻa foʻou. ʻE ala kau ʻi he ngaahi sīpingá hano ako ha lea fakafonua foʻou, akoako ha meʻalea, pe vaʻinga ʻi ha sipoti. ʻE lava ke vahevahe ʻe he kau akó ha ngaahi meʻa naʻá ne tokoniʻi kinautolu ke nau ako mo ikunaʻi e ngaahi faingataʻa ʻo hono ako ha meʻa foʻoú. Kapau he ʻikai tala atu ia ʻe he kau akó, mahalo te ke fie tānaki atu ʻe ala tokoni ke faʻa kātaki pea fakaʻehiʻehi mei hono fakafehoanaki hoʻo fakalakalaká mo e niʻihi kehé.

ʻI he founga tatau pē ʻoku lava ai ke faingataʻa hono ako ha taukei foʻoú, ʻe lava ʻe he lea ʻo e folofolá he taimi ʻe niʻihi ʻo ʻai ke faingataʻa ke maʻu ha mahino kiate kinautolu.

Ko e hā ha ngaahi meʻa kuó ne tokoniʻi koe pe ko e niʻihi kehé ke mahino lelei ange ʻa e lea ʻo e folofolá?

Ko e founga ʻe taha ke fakatupulaki ai ʻetau mahino ki ha potufolofolá ko hono ako fakalelei ia, ʻo fakaʻaongaʻi ʻa e ngaahi meʻangāue ako folofolá ke fakamatalaʻi mo fakamahinoʻi ʻa e leá mo e ʻuhingá.

Fakamatalaʻi ange ʻe maʻu ʻe he kau akó ʻi he konga ko ʻeni ʻo e lēsoní ha ngaahi faingamālie ke fakaloloto ʻenau mahino ki he taha ʻo e ngaahi potufolofola fakataukei fakatokāteline kuo nau ako he taʻu ní. ʻE lava ke ke fakaʻaliʻali ʻa e fuofua potufolofola fakataukei fakatokāteline mo e kupuʻi lea fakafolofola mahuʻinga ʻe ono ʻo e Fuakava Motuʻá, ʻoku maʻu ʻi he Fakamatala ki he ʻElito ʻo e Fakataukei Fakatokāteliné (2022). Fakaafeʻi e kau akó ke fili ha potufolofola fakataukei fakatokāteline te nau fiemaʻu ke mahino lelei ange kiate kinautolu.

ʻI he ʻekitivitī ako ko ʻení, ʻe lava ke ngāue fakafoʻituitui pe fakakulupu iiki ʻa e kau akó mo e kau ako kehe naʻa nau fili ʻa e potufolofola tatau. Fakakaukau ke fakaʻaliʻali ʻa e ngaahi fakahinohino ko ʻení.

Lau māmālie mo fakalelei ʻa e potufolofola fakataukei fakatokāteliné, ʻo fakaafeʻi ʻi he faʻa lotu ʻa e Laumālie Māʻoniʻoní ke tokoni ke fakatupulaki hoʻo mahinó. Fakaʻilongaʻi ha ngaahi foʻi lea pe kupuʻi lea ʻokú ke pehē ʻoku ʻuhingamālie.
Hiki ha faʻahinga fehuʻi pē ʻokú ke maʻu pe maʻu ʻe ha niʻihi kehe fekauʻaki mo e lea pe ʻuhinga ʻo e veesi folofolá.
Fakaʻaongaʻi e ngaahi meʻangāue ako folofola ʻoku maʻú ke fekumi ki he ngaahi fakaʻuhingá, fakamaʻalaʻala, ngaahi potufolofola fakafekauʻakí, ngaahi fakamatala mei he kau taki ʻo e Siasí, pe ha toe fakamatala pē te ne lava ʻo tānaki atu ha mahino ki he vēsí pe ngaahi lea pe kupuʻi lea naʻá ke fakaʻilongaʻí.
Aleaʻi ʻa e meʻa ʻoku akoʻi ʻe he potufolofolá fekauʻaki mo e Tamai Hēvaní mo Sīsū Kalaisí. ʻOkú ke pehē ko e hā e ʻuhinga ka mahuʻinga ai ke ʻilo mo mahino ki ha tokotaha taʻu hongofulu tupu ʻa e potufolofola ko ʻení?

Fakalaulauloto ʻi he lolotonga ʻo e ʻahó ki he potufolofola fakataukei fakatokāteline naʻá ke filí, ʻo kumi e ngaahi ueʻi mei he Laumālie Māʻoniʻoní ʻokú ne akoʻi koe ki he founga ʻe lava ke faitāpuekina ai ʻe he potufolofola ko iá hoʻo moʻuí.

Ako mo fakaʻaongaʻi ʻa e ngaahi tefitoʻi moʻoni ʻo hono maʻu ʻo e ʻilo fakalaumālié

Kuo vahevahe ʻe hoʻo kaungāmeʻa ko ʻEnitií ʻokú ne ongoʻi taʻefiemālie ʻi heʻene moʻuí. ʻOkú ne fakamoleki ha taimi lahi ʻi heʻene telefoní, vaʻinga keimi vitiō, mo feohi mo hono ngaahi kaungāmeʻá, ka ʻokú ne ʻiloʻi ʻoku ʻikai ke ne maʻu ha taimi lahi maʻá e ʻOtuá pe ko hono fāmilí. Kimuí ni maí, kuó ne fifili pe ʻoku toe ʻi ai nai ha taumuʻa mo ha ʻuhinga lahi ange ki heʻene moʻuí ʻo ope atu ʻi he meʻa ʻokú ne lolotonga aʻusiá.

Fakaʻaliʻali ʻi he palakipoé ʻa e ngaahi tefitoʻi moʻoni ʻe tolu ki hono maʻu ʻo e ʻilo fakalaumālié mo e ngaahi fehuʻi ko ʻení. Fakakaukau ke fokotuʻutuʻu ʻa e kau akó ki ha fanga kiʻi kulupu iiki ke aleaʻi e ngaahi tefitoʻi moʻoní mo e founga te nau ala fakatātaaʻi ai kinautolú. Fakaafeʻi e kau akó ke faʻu ha kiʻi tohi tufa pe pousitā ʻe lava ʻo tokoni ki ha taha ke ne fakaʻaongaʻi e ngaahi tefitoʻi moʻoni ki hono maʻu ʻo e ʻilo fakalaumālié ke fakaleleiʻi ʻaki e ngaahi meʻa ʻoku nau hohaʻa ki aí. Te ke lava ʻo ʻoange ha ʻū pepa mo e naunau fakaʻaati. Ke maʻu ha kiʻi tohi tufa, ʻe lava ke peluki tolu ʻe he kau akó ʻa e laʻipepá pea tā fakatātaaʻi ʻi he konga takitaha ha tefitoʻi moʻoni ʻe taha. Poupouʻi e kau akó ke nau mohu founga ʻi hono tā fakatātaaʻi e ngaahi tefitoʻi moʻoni ʻe tolú.

Kapau ʻe fiemaʻu, ʻe lava ke tokoni ʻa e ngaahi fehuʻi ko ʻení ke mahino lelei ange ki he kau akó ʻa e founga ke fakaʻaongaʻi ai ʻa e ngaahi tefitoʻi moʻoni ki hono maʻu ʻo e ʻilo fakalaumālié. Manatuʻi ʻoku fakataumuʻa ʻa e ʻekitivitī ko ʻení ke ʻoange ki he kau akó ha ngaahi faingamālie ke akoako vahevahe ʻa e meʻa kuo nau akó. Neongo te ke lava ʻi hoʻo hoko ko e faiakó ʻo tokoni ke tataki ʻenau fealēleaʻakí mo fai ha tokoni ʻo ka fiemaʻu, ka ke fai ho lelei tahá ke fokotuʻu ha feituʻu ʻe lava ke fakahoko ai ha fealēleaʻaki ʻoku tataki ʻe he tokotaha akó.

Vakaiʻi ʻa e ngaahi fakakaukaú mo e ngaahi fehuʻí ʻaki ha fakakaukau ʻoku taʻengatá

ʻE tokoni fēfē hono tauhi ha fakakaukau ʻoku taʻengatá ʻi he tūkunga ko ʻení?

Fekumi ki ha mahino lahi ange ʻo fakafou ʻi he ngaahi maʻuʻanga tokoni kuo fokotuʻu fakalangí

Ko e hā ha ngaahi potufolofola fakataukei fakatokāteline, ngaahi potufolofola kehe, pe ngaahi fakamatala mei he kau taki ʻo e Siasí ʻe ala tokoni kia ʻEnitī mo hono tūkungá?

Fakakaukau ke poupouʻi e kau akó ke fakaʻaongaʻi e Gospel Library ke maʻu ha maʻuʻanga tokoni ʻe tolu pe lahi ange te nau fokotuʻu atu ke ako ʻe ʻEnitī. Kapau ʻoku fiemaʻu tokoni ʻa e kau akó ki hono kumi ʻo e ngaahi potufolofolá, te ke lava ʻo fokotuʻu ange ha ngaahi veesi hangē ko e Sēnesi 12:1–3; Mōsese 1:6, 39; Mōsese 6:26–33; mo e ʻĒpalahame 3:22–23.

Ngāue ʻi he tuí

Ko e hā ha ngaahi meʻa pau ʻe lava ke fai ʻe ʻEnitī ke ne ongoʻi ha ʻuhinga mo ha taumuʻa lahi ange ʻi heʻene moʻuí?

ʻOange ha faingamālie ki he kau akó ke vahevahe ʻenau ngaahi pousitaá pe tohitufá mo ha kulupu ʻe taha.

Ke fakaʻosi e kalasí, te ke lava ʻo ʻoange ki he kau akó ha faingamālie ke tali e ngaahi fehuʻi ko ʻení ko ha fealēleaʻaki pe hiki ʻenau ngaahi fakakaukaú ʻi heʻenau tohinoa akó.
Ko e hā ha ngaahi fakakaukau naʻá ke pehē ʻoku ʻuhingamālie ʻi hoʻo ako he ʻaho ní?
ʻE tokoniʻi fēfē koe ʻe he ngaahi tefitoʻi moʻoni ki hono maʻu ʻo e ʻilo fakalaumālié ke ke ofi ange ai ki he Tamai Hēvaní mo Sīsū Kalaisi?

Ngaahi ‘Ekitivitī Fakalahi ki he Akó

Tūkunga ʻe tahá

ʻE lava ke akoako ʻe he kau akó hono fakaʻaongaʻi ʻo e ngaahi tefitoʻi moʻoni ki hono maʻu ʻo e ʻilo fakalaumālié ʻaki hono faʻu haʻanau tūkunga pē ʻanautolu. Te ke lava ʻo fakafeʻiloaki ha tefitoʻi tūkunga pea fakaafeʻi e kau akó ke tānaki atu ha ngaahi fakaikiiki ʻokú ne fakahaaʻi e ngaahi tūkunga ʻoku nau fehangahangai mo ia pe niʻihi kehe ʻoku nau ʻiló. Ke fai ʻení, te ke lava ʻo fakaʻaliʻali ʻa e ngaahi fakamatala taʻekakato ko ʻení. ʻE lava ke fakafonu ʻe he kau akó ʻa e ngaahi fakaikiiki ʻo e tūkungá ko ha kalasi pe faʻu ha ngaahi tūkunga fakafoʻituitui ʻi ha ngaahi hoa pe fanga kiʻi kulupu iiki.

Kuo foua ʻe (hingoá) ha taimi faingataʻa ʻi heʻene feinga ke feohi lelei mo e kau mēmipa ʻo e

koeʻuhí .

ʻOkú ne fifili .

Fakaafeʻi ʻa e kau akó ke fakaʻaongaʻi ʻa e tefitoʻi moʻoni takitaha ʻe tolu ki hono maʻu ʻo e ʻilo fakalaumālié ke tokoni ki he tokotaha ko ʻení. ʻI hono aleaʻi ʻe he kau akó ha ngaahi maʻuʻanga tokoni kuo fokotuʻu fakalangí, te ke lava ʻo fakaafeʻi kinautolu ke fakaʻaongaʻi ʻa e Mōsese 7:18 ko ha kamataʻanga. Hili iá, ʻe lava ke fekumi ʻa e kau akó ʻi he Gospel Library ki ha ngaahi potufolofola fakafekauʻaki mo ha ngaahi fakamatala mei he kau taki ʻo e Siasí ʻe lava ʻo tokoni ki he tokotaha ko ʻení. ʻE lava ke ke fokotuʻu ange ha ngaahi foʻi lea ke fai ʻaki e fekumí ʻo hangē ko e melinó, tokotaha faʻa fakalelei, fekeʻikeʻí, mo e uouangatahá.