Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Sēnesi 15–18; 21: “Naʻe Fai ʻe [he ʻEikí] … ʻo Hangē Ko ʻEne Folofolá”

“Sēnesi 15–18; 21: ‘Naʻe Fai ʻe [he ʻEikí] … ʻo Hangē Ko ʻEne Folofolá,’” Fuakava Motuʻá – Tohi Lēsoni ʻa e Faiako Seminelí (2026)

“Sēnesi 15–18; 21: Naʻe Fai ʻe [he ʻEikí] … ʻo Hangē Ko ʻEne Folofolá,’” Fuakava Motuʻá – Tohi Lēsoni ʻa e Faiako Seminelí

Sēnesi 18–23: Lēsoni 25

Sēnesi 15–18; 21

“Naʻe Fai ʻe [he ʻEikí] … ʻo Hangē Ko ʻEne Folofolá”

Sarah holds a baby Isaac in her arms. She looks down at him and smiles.

Kuo fakahoko ʻe he ʻEikí ha ngaahi talaʻofa nāunauʻia ki he kakai faivelengá, ka ko e taimi ʻe niʻihi ʻe lava ʻe he ngaahi tūkunga ʻi heʻetau moʻuí ʻo fakatupu ke tau fifili pe ʻe malava nai ke fakahoko ʻa e ngaahi talaʻofa ko ʻení. Mahalo naʻe ongoʻi pehē ʻa ʻĒpalahame mo Sela hili e talaʻofa ʻa e ʻEikí ʻi hona taʻu motuʻá ʻe ʻi ai ha fānau ʻa Selá. ʻE lava ke tokoni e lēsoni ko ʻení ke fakatupulaki ʻe he kau akó ʻenau falala ʻe tauhi ʻe he ʻEikí ʻEne ngaahi talaʻofá.

Teuteu ʻa e tokotaha akó: Fakaafeʻi e kau akó ke ako maʻuloto mo fakakaukau ki he laine ʻuluaki ʻoku maʻu ʻi he Sēnesi 18:14: “He ʻoku ai ha meʻa ʻe taha ʻoku faingataʻa ki [he ʻEikí]?” Te ke lava ʻo poupouʻi kinautolu ke fakakaukau ki ha ngaahi taimi kuo nau mamata ai ki hono fakahoko ʻe he ʻEikí ha ngaahi meʻa ngali taʻemalava ʻi he folofolá, ʻi heʻenau moʻuí, pe moʻui ʻa e niʻihi kehé.

Ngaahi ʻEkitivitī Ako ʻOku Ala Fakahokó

Ko e talaʻofa ʻa e ʻEikí kiate kitautolú

Fakaʻaliʻali ʻa e ngaahi tūkunga ko ʻení ke fakatātaaʻi ʻa e ʻuhinga ʻe fehuʻia ai ʻe ha taha pe ʻe tauhi ʻe he ʻOtuá ʻa ʻEne ngaahi talaʻofá. Ki ha tūkunga ʻe taha, te ke lava ʻo mamata ʻi he “Continue in Patience” (2:41), mei he taimi 1:07 ki he 1:55. ʻOku maʻu ʻa e vitioó ni ʻi he ChurchofJesusChrist.org. Te ke lava foki ʻo fakaafeʻi e kau akó ke faʻu haʻanau ngaahi tūkunga tatau.

2:46

Kuo fili ha finemui ke faitotonu ʻi heʻene ngāue fakaakó, ʻi heʻene tui ʻe tāpuekina ia ʻe he ʻEikí. ʻOkú ne fakatokangaʻi ʻoku kovi ange hono māká ʻi he kau ako kehe ʻoku kākaá.
Naʻe maʻu ʻe ha talavou hono tāpuaki fakapēteliaké, ʻa ia ʻoku pehē ai te ne ngāue fakafaifekau taimi kakato. Lolotonga ha sivi fakafaitoʻo, ʻoku ʻiloʻi ʻe he kau toketaá ʻoku ʻi ai haʻane ngaahi palopalema fakaesino he ʻikai ke ne lava ai ʻo ngāue.
Kuo ʻahiʻahiʻi ʻe ha finemui e palōmesi ʻa Molonaí ʻaki ʻene lau e Tohi ʻa Molomoná mo lotu ke ʻiloʻi pe ʻoku moʻoni. ʻOkú ne ongoʻi kuo teʻeki ke ne maʻu ha tali. Ko e hā ha ngaahi fehuʻi ʻe ala maʻu ʻe he kakai kei talavoú ni fekauʻaki mo e ʻOtuá mo ʻEne ngaahi talaʻofá?
- Ko e hā ha ngaahi fehuʻi ʻe ala maʻu ʻe he kakai kei talavoú ni fekauʻaki mo e ʻOtuá mo ʻEne ngaahi talaʻofá?

Fakaafeʻi e kau akó ke fakakaukau ki ha ngaahi tūkunga ʻe ala faingataʻa ai kiate kinautolu pe ko ha kakai ʻoku nau ʻiloʻi ke vakai ki he founga ʻe fakahoko ai ʻe he ʻEikí e ngaahi tāpuaki kuo talaʻofa maí. Fakakaukau ke fakaafeʻi e kau akó ke tohi fekauʻaki mo e ngaahi tūkunga ko ʻení ʻi heʻenau tohinoa akó. ʻE lava foki ke nau hiki ha ngaahi fehuʻi kapau ʻoku ʻi ai.

Poupouʻi e kau akó ke nau feinga ke fakahoko ha ngāue te ne lava ʻo fakaafeʻi e Laumālie Māʻoniʻoní ki heʻenau akó. Fakamoʻoni ange ʻi heʻenau fai iá, ʻe lava ke tokoniʻi kinautolu ʻe he Laumālie Māʻoniʻoní ke maʻu ha ngaahi tali ki heʻenau ngaahi fehuʻí mo fakatupulaki ʻenau falala ʻe fakahoko ʻe he ʻEikí ʻEne ngaahi talaʻofá.

Ko e ngaahi talaʻofa ʻa e ʻEikí kia ʻĒpalahame mo Selá

ʻI hono ako ʻe he kau akó ʻa e talanoa kia Sela mo ʻĒpalahamé, te ke lava ʻo tokoniʻi kinautolu ke akoako lau ʻa e folofolá ʻi hono ʻuhinga totonú. ʻE lava ke fakafeʻiloaki ʻe he palakalafi ko ʻení ʻa e kau akó ki he taukei ko ʻení:

ʻI heʻetau ako ʻa e folofolá, ʻe ala tokoni ia ke mahino ʻa e puipuituʻa ʻo e folofolá (ngaahi tūkunga pe meʻa ʻoku hoko ʻi ha potufolofola pau). ʻE lava ke fakamahinoʻi mo ʻomi ʻe he puipuituʻá ha mahino lahi ange ki he ngaahi talanoa pe ngaahi akonaki ʻi he folofolá. Hangē ko ʻení, lolotonga hono ako e talanoa ʻo ʻĒpalahame mo Selá, ʻe ala tokoni ke ʻiloʻi naʻe fakaʻamu ʻa ʻĒpalahame ke hoko ko ha tamai ʻi ha konga lahi ʻo ʻene moʻuí (vakai, ʻĒpalahame 1:2). Ka ʻi heʻene motuʻa mo hono uaifi ko Selá ki he ngaahi taʻu ʻo e fāʻelé, naʻe hangē he ʻikai ke na aʻusia ʻa e ngaahi tāpuaki kuo talaʻofa ange te na maʻu ha fānau lolotonga ʻena moʻui fakamatelié.

Hili e ako mo alēlea ʻa e kau akó mo ʻenau kulupú, fakakaukau ke fakaafeʻi ha niʻihi ʻe loto-fiemālie ke vahevahe ʻenau ngaahi fakakaukaú mo e kalasí. Te ke lava leva ʻo ʻeke e ngaahi fehuʻí ni:

ʻOkú ke ongoʻi fēfē hono tokoniʻi koe ʻe he kakano ʻo e folofolá ke mahino ʻa e meʻa naʻá ke akó?
Naʻá ke mei ongoʻi fēfē nai kapau naʻá ke aʻusia ʻa e meʻa naʻe fai ʻe ʻĒpalahame mo Sela ʻi he ngaahi veesi ko ʻení?

ʻOku tauhi ʻe he ʻEikí ʻEne ngaahi talaʻofá

Lau ʻa e Sēnesi 21:1–6, ʻo kumi e founga naʻe tauhi ai ʻe he ʻEikí ʻEne ngaahi talaʻofa kia ʻĒpalahame mo Selá.

Ko e hā ha ngaahi moʻoni ʻokú ke ako fekauʻaki mo e ʻEikí mei he fakamatala ko ʻení?

Naʻe vahevahe ʻe Palesiteni Tieta F. ʻUkitofa, ʻo e kau Palesitenisī ʻUluaki he taimi ko iá, ha lēsoni naʻá ne ako fekauʻaki mo e ngaahi talaʻofa ʻa e ʻOtuá:

ʻOku ʻikai vave maʻu pē hono fakahoko ʻo e ngaahi talaʻofa ʻa e ʻOtuá ʻi he founga ʻoku tau ʻamanaki atu ki aí; ʻoku hoko mai ia ʻo fakatatau mo ʻEne taimí pea ʻi Heʻene ngaahi foungá. (“Fai Atu Ai Pē ʻi he Faʻa Kātaki,” Liahona, Mē 2010, 58)

Ko e moʻoni ʻe taha ʻe lava ke ʻiloʻi ʻe he kau akó ʻoku fakahoko ʻe he ʻEikí ʻEne ngaahi talaʻofá ʻi Heʻene taimí mo ʻEne foungá.

ʻE lava fēfē ke tau maʻu ha lelei mei he ngaahi taimi ʻoku ʻikai fakahoko vave ai e ngaahi talaʻofa ʻa e ʻEikí ʻi heʻetau moʻuí?
Ko e hā e meʻa ʻokú ke ʻilo fekauʻaki mo e ʻEikí ʻe lava ʻo tokoni atu lolotonga hoʻo tatali ke fakahoko ʻEne ngaahi talaʻofá?

ʻE ala ʻaonga ki he kau akó haʻanau kumi ha ngaahi potufolofola fekauʻaki mo e ʻEikí ʻe lava ʻo tokoni ke nau tali e fehuʻi kimuʻá. ʻE lava ke kau ʻi he ngaahi potufolofolá ʻa e Sione 14:18; 1 Nīfai 9:6; Mōsaia 24:14; Tokāteline mo e Ngaahi Fuakava 24:8; 68:6.

Ngaahi aʻusiá mo e ngaahi fakamoʻoní

Naʻe vahevahe ʻe Palesiteni Sefilī R. Hōlani ʻo e Kōlomu ʻo e Kau ʻAposetolo ʻe Toko Hongofulu Mā Uá ʻa e fakakaukaú ni fekauʻaki mo e ngaahi tāpuaki ʻa e ʻEikí kuo talaʻofa maí:

Ko e ngaahi tāpuaki ʻe niʻihi ʻe vavé ni mai, ko ha niʻihi ʻe fuoloa pea toki maʻu, mo ha niʻihi he ʻikai maʻu kae ʻoua ke tau aʻu ki hēvani; ka ko kinautolu ʻoku nau tali ʻa e ongoongolelei ʻo Sīsū Kalaisí, ʻoku hoko mai ia. (“An High Priest of Good Things to Come,” Ensign, Nōvema 1999, 38)

Ko e hā ha ngaahi meʻa kuó ke aʻusia pe ko ha niʻihi kehe kuo nau tokoniʻi koe ke ke tui ʻe tauhi ʻe he ʻEikí ʻEne ngaahi talaʻofá ʻi Heʻene foungá mo ʻEne taimí?

Teuteuʻi e kau akó ke fakamoʻoni ki he ngaahi moʻoni kuo nau ako pe ongoʻí. Te ke lava ʻo fai ʻeni ʻaki haʻo fakaʻaliʻali e ngaahi fakahinohino ko ʻení:

Fili ha taha ʻo e ngaahi ʻekitivitī ko ʻení ke fakakakato ʻi hoʻo tohinoa akó:

Fakakaukau ki he ngaahi tūkunga naʻe vahevahe ʻi he kamataʻanga ʻo e lēsoní. Fai ha tohi ki ha taha ʻo e niʻihi fakafoʻituitui ko iá, pea fakakau ai ʻa e ʻuhinga ʻokú ke tui ai ʻe tauhi ʻe he ʻEikí ʻa ʻEne ngaahi talaʻofá.
Hiki ha palakalafi nounou ʻi hoʻo tohinoá. Fakakau ai ha ngaahi meʻa kuó ke ako mo ongoʻi he ʻahó ni ʻe lava ʻo tokoni atu ʻi he taimi ʻokú ke tatali ai ke fakahoko e ngaahi talaʻofa ʻa e ʻEikí.

Fakaafeʻi ha kau ako ʻe niʻihi ke vahevahe ʻenau ngaahi ongó mo e kalasí. Te ke lava ʻo fakaʻosi ʻaki hano vahevahe hoʻo fakamoʻoní ʻe tauhi ʻe he ʻEikí ʻEne ngaahi talaʻofá.

Ngaahi Maʻuʻanga Tokoni Kehé

ʻE lava fēfē ke tākiekina ʻeku moʻuí ʻi heʻeku tui ki he ngaahi talaʻofa ʻa e ʻOtuá?

Naʻe akonaki ʻa ʻEletā Tēvita A. Petinā ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

Ko e tui kiate Iá ko e falala ia ki Heʻene ngaahi tāpuaki mahutafea ʻoku ʻatā pea ʻaonga ki heʻetau moʻui fakafoʻituituí mo fakafāmilí. ʻOku hoko mai e tui kiate Ia ʻaki hotau lotó kotoa [vakai, ʻAmenai 1:26] ʻi heʻetau vilitaki atu kimuʻa ʻi he hala ʻo e fuakavá, fakavaivai ki Hono finangaló, pea talangofua ki Heʻene taumuʻá mo e taimi maʻatautolú. ʻOku hanga ʻe he tui kiate Iá—ʻa hono tali moʻoni Hono iví mo e talaʻofá—ʻo fakaafeʻi mai e fakakaukaú, nongá mo e fiefiá ki heʻetau moʻuí. (“Ka Ne Mou ʻIlo Au,” Liahona, Nōvema 2016, 105)

ʻE tokoniʻi fēfē au ʻe ha fakakaukau ʻoku taʻengatá ke u falala ki he ngaahi talaʻofa ʻa e ʻOtuá?

Naʻe palōmesi ʻe ʻEletā Niila L. ʻEnitaseni ʻo e Kōlomu ʻo e Kau ʻAposetolo ʻe Toko Hongofulu Mā Uá:

Ko e taimi ʻe niʻihi hangē ʻoku ʻikai loko lelei e moʻuí—kae tautautefito ʻi he taimi ko ʻetau holi lahi tahá pē ke fai e fekau ʻa e ʻEikí. ʻI heʻeku hoko ko e tamaioʻeiki ʻa e ʻEikí, ʻoku ou fakapapauʻi atu ko e talaʻofá ni ʻoku pau: “Ko e kāingalotu faivelenga ko ia ʻoku ʻikai lava ʻi honau ngaahi tūkungá ke nau maʻu ʻa e ngaahi tāpuaki ʻo e mali taʻengatá mo e tuʻunga ko e mātuʻa ʻi he moʻui ko ʻení, te nau maʻu ʻa e ngaahi tāpuaki kotoa ko ia ne ʻosi talaʻofa ʻakí ʻi ʻitāniti, ka kuo pau ke nau tauhi e ngaahi fuakava ne nau fakahoko mo e ʻOtuá” [Tohi Tuʻutuʻuni Fakakātoá (2020), 38.1.4]. (“Fānaú,” Liahona, Nōvema 2011, 30)

Sēnesi 16:1–3. Ko e hā e ʻuhinga naʻe mali ai ʻa ʻĒpalahame mo Hekaʻā kapau naʻá ne ʻosi mali mo Selá?

Naʻe mali ʻa ʻĒpalahame mo Hekaʻā, ko e kaunanga ʻa hono uaifi ko Selá, koeʻuhí he naʻe fekauʻi ia ke ne fai ia (vakai, Tokāteline mo e Ngaahi Fuakava 132:34–35). ʻOku tapui ʻa e mali tokolahí kae ʻoua kuo fekauʻi ia ʻe he ʻEikí ʻo fakafou ʻi Heʻene palōfitá (vakai, Sēkope 2:27–30). Ki ha fakamatala lahi ange fekauʻaki mo e mali tokolahí ʻi he hisitōlia ʻo e Siasí, vakai ki he “Plural Marriage in The Church of Jesus Christ of Latter-day Saints.”

Sēnesi 17:20. Ko hai ʻa e hako ʻo ʻIsimelí?

Fakatatau ki he tukufakaholo faka-ʻIsilamí, naʻe ʻomi ʻe ʻĒpalahame ʻa ʻIsimeli mo ʻene faʻeé ki ʻAlepea peá na nofo ʻo ofi ki he feituʻu ʻe hoko ko e kolo lahi ko Meká. Naʻe faifai pea kamata fakafonu ʻe he hako ʻo e ngaahi foha ʻe toko 12 ʻo ʻIsimelí ʻa e Konga Fonua ʻAlepeá (Arabian Peninsula).

ʻOku fakaʻapaʻapaʻi ʻa Hekaʻā mo hono foha ko ʻIsimelí ʻi he tui faka-ʻIsilamí he ko e ongo kui kinaua ʻo Mohāmetí, ʻa ia naʻá ne fokotuʻu e siasi ʻIsilamí. ʻOku toe fakaʻapaʻapaʻi foki ʻe he kau Mosilemí (ʻa e kau muimui ʻo ʻIsilamí) ʻa ʻĒpalahame ko ha palōfita.

Ki ha fakamatala lahi ange, vakai, “Ishmael, Our Brother,” James B. Mayfield, Ensign, June 1979, 24–32.

Ngaahi ʻEkitivitī Fakalahi ki he Akó

Ngaahi potufolofola fakafekauʻakí

Ke fakatātaaʻi e tui naʻe fakahaaʻi ʻe ʻĒpalahame mo Sela ki he ʻEikí, fakaafeʻi e kau akó ke fakafehokotaki ha potufolofola ʻe taha pe lahi ange mei he ngaahi potufolofola ko ʻení ki he Sēnesi 21:1–2:

Loma 4:16–22
Hepelū 11:11
Ko e hā ha meʻa ʻokú ke ako mei he ngaahi veesi ko ʻení ʻe lava ʻo tokoni atu ke ke tui ʻe tauhi ʻe he ʻOtuá ʻEne ngaahi talaʻofá?

Liliu ʻe Siosefa Sāmita

Ke fakakau ʻi hoʻo ako ʻa e Sēnesi 15, fakakaukau ke fakamatalaʻi ʻoku akoʻi ʻi he Liliu ʻa Siosefa Sāmitá, naʻe maʻu foki ʻe ʻĒpalahame ha ngaahi fehuʻi fekauʻaki mo e talaʻofa ʻa e ʻEikí ki hono foaki ha fonua ʻo e tofiʻá.

Lau ʻa e Liliu ʻa Siosefa Sāmitá, Sēnesi 15:9–12 (ʻi he Fakahinohino ki he Ngaahi Folofolá), ʻo kumi e meʻa naʻe akoʻi ʻe he ʻEikí kia ʻĒpalahame ʻe tokoni ke ne tui ki he talaʻofá.

Ko e hā e meʻa naʻá ke maʻú?
ʻOkú ke pehē ko e hā e ʻuhinga naʻe tokoni ai ʻa e ako fekauʻaki mo e pekia mo e Toetuʻu ʻa Sīsū Kalaisí kia ʻĒpalahame ʻi he taimi ko ʻení?
ʻE tokoniʻi fēfē kitautolu ʻe ha fakakaukau ʻoku taʻengatá ʻi he taimi ʻoku tau ongoʻi ai ʻoku ʻikai fakahoko e ngaahi tāpuaki kuo talaʻofa maí?

Ako mei he ngaahi sīpinga ʻi he folofolá

Mahalo ʻe ʻi ai ha ngaahi taimi ʻoku tau fakakaukau ai ki ha ngaahi meʻa pau ʻoku hoko ʻi heʻetau moʻuí, ka ʻoku tau iku fehangahangai mo ha ngaahi pole pe tūkunga taʻeʻamanekina.

Fakaafeʻi e kau akó ke nau fakalaulauloto ki he fehuʻi ko ʻení:

Ko hai ʻokú ke ʻiloʻi ʻoku kehe hono ngaahi tūkunga ʻi he moʻuí mei he meʻa naʻá ne ʻamanaki ki aí?

Fili ha taha ʻo e ongo kakai ko ʻení ke ako. Kumi e ngaahi meʻa ʻe ala fiemaʻu ʻe he tokotaha ko ʻeni mei he folofolá ke ʻilo ʻe hoʻo kaungāmeʻá pe mēmipa ʻo e fāmilí fekauʻaki mo e ʻEikí.

ʻĒpalahame (Sēnesi 15:1–6)
Hekaʻā (Sēnesi 16:3–11)
Sela (Sēnesi 18:9–14; 21:1–2)
ʻIsimeli (Sēnesi 21:9–20)
- ʻE tokoniʻi fēfē koe ʻi hoʻo manatuʻi ʻoku ʻafioʻi ʻe he ʻEikí ʻa e ngaahi faingataʻa ʻokú ke fehangahangai mo iá lolotonga e ngaahi taimi faingataʻá?