Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Эхлэл 6–8: “Ноа … Эзэний тушаасан ёсоор бүхнийг хийжээ”

“Эхлэл 6–8: ‘Ноа … Эзэний тушаасан ёсоор бүхнийг хийжээ,’” Хуучин Гэрээний семинарын багшийн гарын авлага (2026)

“Эхлэл 6–8: ‘Ноа … Эзэний тушаасан ёсоор бүхнийг хийжээ,’” Хуучин Гэрээний семинарын багшийн гарын авлага

Эхлэл 6–11; Мосе 8: 20-р хичээл

Эхлэл 6–8

“Ноа … Эзэний тушаасан ёсоор бүхнийг хийжээ”

The Old Testament prophet Noah standing on a log as he preaches to a group of assembled people. The people are laughing and mocking Noah. The partially completed ark is visible in the background.

Бурхан биднээс зарлигуудыг нь дуулгавартай дагахыг хайр дүүрэн хүсдэг. Зарим зарлигийг ойлгоход амаргүй ч эдгээр нь үргэлж бидний сайн сайхны төлөө байдаг. Ноагийн гэр бүл Бурханы хөвөгч авдар барих Бурханы зарлигийг дуулгавартай дагаснаар урьд хожид тохиолдож байгаагүй гамшигт үерээс аврагдсан. Энэ хичээл Бурханы зарлигуудыг дуулгавартай дагах илүү их хүсэлтэй болоход суралцагчдад тусална.

Суралцагчийн бэлтгэл: Тэнгэрлэг Эцэгийн тодорхой нэг зарлиг нь биднийг хайрлах хайр, хамгаалах Түүний хүслийг хэрхэн харуулж байгааг эргэцүүлэн бодож, хуваалцах бэлтгэлтэй ирэхэд суралцагчдыг урь.

Боломжит суралцах үйл ажиллагаа

Бурханы зарлигууд

Тэнгэр дэх хайрт Эцэг маань ямар учраас бидэнд зарлигуудаа илгээдгийг тунгаан бодоход суралцагчдыг уриалан хичээлээ эхлүүлэх талаар бодож үзээрэй. Дараах зургуудыг үзүүлж, доорх асуултуудыг ашиглан ярилцлага өрнүүлэх нь үүнийг хэрэгжүүлэх нэгэн арга юм. Өөр нэгэн арга бол эцэг эх нь хүүхдүүдээ аюулгүй байлгахын тулд ямар дүрэм журам тогтоодог байсан талаар суралцагчдаар яриулах юм.

A young man Starting a campfire at Burraston Ponds, Utah

A group of little boys and girls play together outside.

Та энэ зусланд бага насны олон хүүхдийг асран халамжилж байна гэж төсөөл.

Та хүүхдүүдийг аюулгүй байлгахын тулд ямар тодорхой дүрмийг тэдэнд өгч болох вэ?
Хэрэв хүүхдүүд дүрмийг уурлан хүлээж авбал та тэдэнд юу гэж тайлбарлах байсан бэ?

Энэхүү нөхцөл байдлыг Тэнгэрлэг Эцэгийн бидэнд өгсөн зарлигуудтай хэрхэн харьцуулж болохыг хамтрагчдаа хуваалцахад суралцагчдыг урь.

Дараа нь дараах асуултуудыг ашиглан Бурханы тухай болон Түүний зарлигуудын талаарх бодлоо судлах тэмдэглэлдээ бичихэд суралцагчдыг урь. Бичсэн зүйлээ сайн дураараа хуваалцахад цөөн суралцагчийг урьж болно.
Бурхан ямар учраас та нарын хүн нэг бүрээс зарлигуудыг нь сахиасай гэж хүсдэг гэж та бодож байна вэ?
Та нарт тухайн зарлигийн шалтгаан ойлгомжгүй байсан ч Бурханы хүслийг дуулгавартай дагахад хэр бэлэн байдаг вэ? Яагаад?

Ноагийн үеийн хүмүүс

Хичээлийн эхэнд Ноагийн зургийг харуулах талаар бодож үз. Дараах ойлголтын талаар мэддэг зүйлээ хуваалцахыг суралцагчдаас хүс. Шаардлагатай бол санал болгосон судрын хэсгүүдийг ашиглахад тэднийг урь.

Ноагийн үеийн хүмүүсийн сүнслэг байдал, үүнээс шалтгаалж Бурханы хийсэн зүйлс (Мосе 8:17, 20, 22, 28–29-ийг үзнэ үү)
Дуулгавартай дагагчдыг аврахын тулд Бурханы Ноад тушаасан зүйл (Мосе 7:43-ыг үзнэ үү)

Суралцагчдыг үргэлжлүүлэн суралцах явцдаа бидний төлөөх Бурханы хайрыг ойлгохын тулд Ариун Сүнсний нөлөөг эрэлхийлэхэд урамшуулан дэмж. Бурханы бүх үйл хэрэг хайраас үүдэлтэй ба үүнд үер ч бас багтана (2 Нифай 26:24-ийг үзнэ үү). Есүс Христ уг үерт нас барсан хүмүүсийн нүглийн төлөө зовж шаналсан ба ингэснээр тэд сүнсний ертөнцөд наманчилж, үүний талаар мэдэх боломжтой гэдгийг ойлгоход суралцагчдад тусал (Мосе 7:38–40; 1 Петр 3:18–20-ийг үзнэ үү). Түүнчлэн үер илгээх нь бусад сүнслэг хүүхдээ ийм аюултай, ёс бус нөхцөл байдалд төрөхөөс хамгаалсан Бурханы сонголт байсан (John Taylor, Journal of Discourses, 19:158–159-ийг үзнэ үү).

Хөвөгч авдар

Цөөн хүнтэй суралцагчдын бүлэгт цаас өгч, дараах үйл ажиллагааг хамтдаа гүйцэтгэх богино хугацааг олгох талаар бодож үзээрэй. (Уг үйл ажиллагааны дараа сурч мэдсэн зүйлсээ ярилцаж, амьдралтайгаа холбоход нь суралцагчдад цаг гаргахад анхаарна уу.)

Эхлэл 6:14–22; 7:1–12, 23; 8:13–17-г уншиж, энэ түүхүүд Бурханы тухай юу зааж буй талаар болон бид Ноагаас юу суралцаж болохыг олж мэд.
Болсон үйл явдлаар энгийн зураг зур.
Бурханы талаар сурсан нэг зүйл, Ноагийн жишээнээс сурсан нэг зүйлээ зурах зурагтаа тус тус оруул.

Зурсан зургуудаа (зурж дуусаагүй байсан ч) өөр хоорондоо үзүүлж, тайлбарлахад бүлгүүдийг урь. Дараа нь Бурханы тухай болон Ноагийн жишээнээс олж мэдсэн зүйлсээ ангийнхандаа хуваалцахад бүлгүүдийг урь.

Энэ түүхээс суралцагчдын тодорхойлж болох нэг үнэн бол биднийг Их Эзэнийг итгэлтэйгээр дуулгавартай дагах үед Тэр биднийг адисалж, хамгаалдаг гэдэг үнэн юм.

Дараах мэдэгдлийг үзүүлж, энэ нь өнөөдөр бидэнд хэрхэн хамаатай талаар уншиж, ярилцахад бүлгүүдийг урих талаар бодож үз.

Ерөнхийлөгч Спэнсэр В.Кимбалл (1895–1985) Ноа болон түүний гэр бүл хөвөгч авдар барих зарлигийг биелүүлэхийн тулд Христэд яагаад итгэх хэрэгтэй болсон тухай зарим шалтгааныг хуваалцсан.

“Бороо орж, үер болно гэсэн ямар ч шинж тэмдэг байсангүй. [Ноагийн] хүмүүс түүнийг элэглэн шоолж, мунхаг хэмээн дуудаж байлаа. Түүний номлолыг хэн ч тоож сонссонгүй. Мөн сэрэмжлүүлгийг нь тэнэглэл хэмээн үзэж байлаа. Өмнө нь ийм зүйл болж байсангүй. Ус [буюу үер] дэлхийг бүрхэх боломжтой гэдгийг ч тэд мэдсэнгүй. Нар дээрээс төөнөж, амьдрал бахь байдгаараа үргэлжилсээр байхад авдрыг хуурай газар дээр барьж байсан нь ямар мунхаг хэрэг вэ!” (Teachings of Presidents of the Church: Spencer W. Kimball [2006], 140–41)

Өнөө цагт хүмүүсийн үл хайхарч, тохуурхаж байгаа Их Эзэний зарим зарлиг юу вэ?
Энэхүү эсэргүүцлийг үл харгалзан Их Эзэнийг дуулгавартай дагахад бидэнд туслах Бурхан, Түүний бошиглогчдын талаар та юу мэдэж байгаа вэ?

Бурханы хайрын хамгаалалт хэмээн итгэж буй зарлигуудыг бусдадаа хуваалцахад суралцагчдыг урь.

Бурханыг амьдралдаа дуулгавартай дагах

Дараах мэдэгдлийг доор дурдсан хувийн дүгнэлтүүдийн хамт суралцагчдад үзүүлэх талаар бодож үзээрэй.

Ерөнхийлөгч Томас С.Монсон (1927–2018) бидний амьдралдаа суралцаж болох хамгийн агуу сургамжийн нэгийг бидэнтэй хуваалцсан.

Ноагийн Бурханы зарлигуудыг дагах итгэл гуйвшгүй байсан. Бидний итгэл ч үүнтэй адил байгаасай. Заримдаа Бурханы мэргэн ухаан хүмүүний нүдэнд тэнэглэл мэт харагддаг гэдгийг сана. Гэхдээ Бурханы хэлснийг бид дагах юм бол хэзээ ч буруудахгүй гэдэг нь мөнх бус амьдралд бидний суралцаж болох хамгийн агуу сургамжийн нэг юм. (“Models to Follow,” Liahona, Nov. 2002, 61)

Судлах тэмдэглэлдээ бичиж тэмдэглэ.

Ерөнхийлөгч Монсоны мэдэгдэл таны амьдрал дахь нөхцөл байдал, зарлигуудтай хэрхэн уялдаж байгаа тухай.
Тэнгэрлэг Эцэг, Түүний зарлигуудын талаар таны өнөөдөр олж мэдсэн, мэдэрсэн зүйл.
Ноагийн итгэлтэйгээр дуулгавартай байдлын үлгэр жишээг дагахад Тэнгэрлэг Эцэг танаас юу хүсэж байгаа талаарх бодол.

Та Эхлэл 7:5 дахь Ноагийн жишээг тэмдэглэн авч, Мосе 4:2 дахь Аврагчийн мөнх бус байдлын өмнөх жишээтэй харьцуулахад суралцагчдыг урьснаар хичээлээ дуусгаж болно. Аврагчийн дуулгавартай байдлын үлгэр жишээг дагахын тулд чин сэтгэлээсээ хичээж чармайсных нь төлөө Бурхан суралцагчдыг адисална гэдгийг тэдэнд гэрчлэх талаар бодож үзээрэй.

Нэмэлт эх сурвалж

Өнөөгийн дэлхий ертөнцийн нөхцөл байдлыг үертэй хэрхэн харьцуулж болох вэ?

Тэргүүн зөвлөлийн ерөнхийлөгч Хэнри Б.Айринг институт, семинарын багш нарт дараах зүйлийг тайлбарласан.

Залуучуудын амьдарч буй дэлхий хурдацтай өөрчлөгдөж байна. Тэдний ах, эгч нарт сурч байсан сургууль, оюутны хотхондоо эргэн ирэхэд тэс өөр уур амьсгал анзаарагддаг. Коридор, хувцас солих өрөөнүүд дэх хүмүүсийн яриа хараалаар дүүрчээ. Залуус даруу төлөв хувцаслахаа больжээ. Порнограф ил тод байх болсон. Хүмүүсийн дундах ёс бус зүйлсийг хүлцэх байдал нэмэгдээд зогсохгүй, буруу зүйлд тооцогддог байсан ихэнх зүйл огтхон ч буруутгагдахаа больсон бөгөөд тэр ч байтугай хожмын үеийн гэгээнтэн өсвөр үеийнхэн ийм байгааг харахад үнэхээр гайхмаар. …

… Хэт олон [өсвөр үеийнхэн], хэтэрхий олон хүн өөртөө: “… би урсгалаараа явна” гэж хэлдэг.

Гэвч энэхүү урсгал нь гол мөрөн болоод байгаа ба удахгүй үерлэн цутгах болно. Мөн Бурханы Сүнсийг доромжилж, уруу таталтад автдаг хүмүүсийн шуугиан, алсын хараа, мэдрэмжийн ширүүн урсгал болж хувирах болно. (“We Must Raise Our Sights,” Ensign, Sept. 2004, 14)

Хүмүүс Ноагийн сэрэмжлүүлгийг хүлээн аваагүй гэдгээс бид юуг ойлгож болох вэ?

Тэргүүн зөвлөлийн ерөнхийлөгч Хэнри Б.Айринг ийн хэлжээ.

Өөр нэгэн төөрөгдөл бол бошиглогчдын зөвлөгөөг хүлээн авах эсвэл авахгүй байх нь сайн зөвлөгөөг хүлээн авах, ашиг тусыг нь хүртэх эсвэл өөрчлөгдөхгүй байх сонголтуудтай ижил зүйл гэдэгт итгэх явдал юм. Харин бошиглогчийн зөвлөгөөг авахгүй байх сонголт нь бидний зогсож буй байрыг өөрчилдөг. Үүнийг илүү аюултай болгодог. Бошиглолын зөвлөгөөг үл хайхрах нь хүмүүст Ариун Сүнсний зөвлөгөөг цаашид хүлээн авах хүчийг сулруулдаг. Авдар барихад нь туслахыг хүмүүсээс хүссэн Ноагийн анхны хүсэлт түүнд туслах хамгийн зөв цаг үе байсан юм. Үүнээс хойших түүний тавьсан хүсэлт бүрийг үл хайхрах нь Ариун Сүнсийг мэдрэн хүлээн авах хүмүүсийн чадварыг бууруулж байсан юм. Бороо орох хүртэл түүний хүсэлтүүд улам мунхаг санагдаж байв. Гэвч нэгэнт оройтсон байлаа. (“Finding Safety in Counsel,” Ensign, May 1997, 25)

Үерийн дараа гарсан солонго юуг илэрхийлсэн бэлгэ тэмдэг болсон бэ?

“Солонго” нь Бурхан дэлхийг дахиж үерлүүлэхгүйн бэлгэдэл юм (Эхлэл 9:13–15-ыг үзнэ үү). Гэвч Бурханы Ноатай байгуулсан гэрээнд илүү олон зүйл байсан. Иосеф Смитийн Орчуулга нь Бурхан Енохтой байгуулсан яг тэр гэрээгээ сэргээсэн гэдгийг ойлгоход бидэнд тусалдаг (Иосеф Смитийн Орчуулга, Эхлэл 9:21–25-ыг Иосеф Смитийн Орчуулгын хавсралтаас үзнэ үү). Энэ гэрээнд Ноагийн үр удам Бурханы бүх зарлигийг дуулгавартай дагасан тохиолдолд тэнгэр болон дэлхий баясаж, Енохын Сионы хот дэлхийд сүндэрлэнэ гэж заасан.

Хөвөгч авдар ямар хэмжээтэй байсан бэ?

Судруудад авдрыг тохойгоор хэмждэг. Нэг тохой нь ерөнхийдөө 18-аас 22 инч (46–56 сантиметр) байдаг. Хэрэв 18 инч нь нэг тохой юм бол хөвөгч авдар 450 фут (ойролцоогоор 138 метр) урт, 75 фут (ойролцоогоор 23 метр) өргөн, мөн 45 фут (ойролцоогоор 14 метр) өндөр байсныг тооцоолон гаргаж болно. Хөвөгч авдрын хэмжээг сайн мэддэг зүйлээрээ төсөөлбөл хялбар ойлгогдож болох юм. Жишээлбэл: Мэргэжлийн хөл бөмбөгийн талбай нь 330–360 фут урт (ойролцоогоор 100–110 метр), өргөн нь 210–240 (ойролцоогоор 64–73 метр) юм. Хөвөгч авдар нь хөл бөмбөгийн талбайгаас урт хэдий ч өргөний хувьд, бараг 1/3-тэй тэнцүү хэмжээтэй байна.

Нэмэлт суралцах үйл ажиллагаа

Хичээлийг эхлүүлэх өөр хувилбар

Аврагч болон Түүний сайн мэдээ тэднийг эцсийн өдрүүдийн ёс бус байдлаас хэрхэн хамгаалж чадах талаар анхаарлаа төвлөрүүлэхэд нь суралцагчдад туслахын тулд “Нэмэлт эх сурвалж” хэсэг дэх ерөнхийлөгч Айрингийн эхний мэдэгдлийг үзүүлж, хичээлээ эхлүүлэх талаар бодож үзээрэй. Мэдэгдлийн талаар юу гэж бодож буйгаа хуваалцахыг суралцагчдаас хүс. Суралцагчид тэдэнд тулгарч буй ёс бус байдал, уруу таталтыг үертэй зүйрлэн илэрхийлэх боломжтой.

Ёс бус байдал, уруу таталтын орчин цагийн үерийн эсрэг Бурханы адислал, хамгаалалтыг хүлээн авахын тулд өнөөдөр юу хийж чадах талаар өдөөлт эрэлхийлэхэд суралцагчдыг урь.

Эхлэл 6:14. “Дотор гадаргүй давирхай түрх”

Биднийг эргэн тойрон дахь нүгэл, уруу таталтад автахаас Бурхан хэрхэн хамгаалж байдгийг мэдэж авах нь суралцагчдад тустай байж болох юм. Гэр бүлээ хамгаалахын тулд завинд ус орохоос сэргийлэхийг Бурхан дараах хоёр бошиглогчид хэрхэн заасан талаар уншихад суралцагчдыг урьж болно. Дараа нь доорх асуултуудыг хамтрагчтайгаа ярилцахад суралцагчдыг урь.

Ноа – Эхлэл 6:14 (Жич: Энэ нь ус үл нэвтрүүлэх давирхай адил бодис юм.)
Жаредын ах – Ифер 2:17
- Бошиглогчдод өгсөн Бурханы заавар нь нүглээс ангид амьдрахыг хичээж буй нэгэнд хэрхэн тус болно гэж та бодож байна вэ?
- Бид нүгэлд автахгүйн тулд ямар арга замаар сүнслэг байдлын хувьд “[өөрийн амьдралд] дотор гадаргүй давирхай түрхэж” болох вэ?

Та мөн Арван хоёр төлөөлөгчийн чуулгын ерөнхийлөгч Боид К.Пакэрын (1924–2015) эш татсан дараах шүлгийг уншихад суралцагчдыг урьж болно. Та тэднээр судартаа Эхлэл 6:14-ийн ойролцоо уг шүлгийг тэмдэглүүлж болно. Үүнийг тэдний амьдралд хэр зэрэг хамааралтай гэж үзэж буйгаа хуваалцахыг суралцагчдаас хүс.

Дэлхийн бүх ус

Хэчнээн их хүчтэй байсан ч

Хэрэв ус дотогш нэвтрээгүй л бол

Хамгийн жижиг хөлөг онгоцыг ч живүүлж чадахгүй.

Дэлхий дээрх бүх ёс бус зүйл

Хамгийн хар нүгэл байсан ч

Хэрвээ чи өөрөө үүнд автаагүй л бол

Чамд өчүүхэн ч гэсэн хор учруулах боломжгүй

(Зохиогч нь мэдэгдээгүй. Boyd K. Packer, “The Spirit of Revelation,” Ensign, Nov. 1999, 24-өөс эш татсан)

Үерийн бэлгэдэл

Та харьцуулах маягаар судраас олж мэдсэн бэлгэдлээ ойлгосон эсэхээ бататгахад нь суралцагчдад тусалж болно. Та дараах хоосон зайг хамтрагчтайгаа бөглөхөд суралцагчдыг урьж болно.

“___________ учраас үерийг баптисмтай зүйрлэж болох юм.”

“___________ учраас Ноагийн барьсан хөвөгч авдар надад Есүс Христийг санагдуулдаг.”

Дараа нь та илүү бүтээлч байж; итгэл, наманчлал, ариун сүмийн шүтлэг бишрэл, номлол, бошиглогч гэх мэт сайн мэдээний бусад зарчмын талаар Ноа, хөвөгч авдрын түүх тэдэнд юу сургаж байгаа талаар хуваалцахыг суралцагчдаас хүсэж болно.

Та Ноагийн цаг үе дэх үерийн бэлтгэл ажлыг Хоёр дахь ирэлтийн бэлтгэлтэй харьцуулан сургасан Есүс Христийн сургаалуудаас олж мэдсэн зүйлсээ хуваалцахад суралцагчдыг урьж болно (Матай 24:36–39-ийг үзнэ үү).