Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Мосе 8: Ёс бус ертөнцөд Аврагчийг дагах

“Мосе 8: Ёс бус ертөнцөд Аврагчийг дагах,” Хуучин Гэрээний семинарын багшийн гарын авлага (2026)

“Мосе 8: Ёс бус ертөнцөд Аврагчийг дагах,” Хуучин Гэрээний семинарын багшийн гарын авлага

Эхлэл 6–11; Мосе 8: 19-р хичээл

Мосе 8

Ёс бус ертөнцөд Аврагчийг дагах

Jesus Christ walking along a path by a river. There are a number of sheep following him.

Хүмүүс “үргэлжид хилэнцэт байв” (Мосе 8:22) гэж тодорхойлогдож байсан цаг үед Их Эзэн Ноаг бошиглогч байхаар дуудсан. Ноа болон түүний хөвгүүд маш их ёс бус, муу зүйлсийн дунд байсан ч Есүс Христийг дагахаар сонгожээ. Энэ хичээл ёс бус ертөнцөд амьдарч байгаа ч Аврагчийг илүү сайн дагахад суралцагчдад тусалж чадна.

Суралцагчийн бэлтгэл: Өнөөгийн дэлхийд Есүс Христийг дагахад тулгарч буй сорилт, бэрхшээлийн талаар бодоход суралцагчдыг урь. Хичээлдээ ирэхдээ, дэлхийг ялж Есүс Христийг дагахад юу тусалсан талаар хуваалцах бэлтгэлтэй ирэхийг тэднээс хүс.

Боломжит суралцах үйл ажиллагаа

Ертөнцөд амьдарч байгаа ч ертөнцийнх биш

Хичээлийг эхлүүлэхдээ суралцагчдад хувин ус, жижиг хуурай эд зүйлийг үзүүл.

Хувинтай усанд хийсэн энэ зүйл хуурай гарч ирэх боломжтой юу? Яаж?

Бодлоо хуваалцах боломжийг суралцагчдад олгосны дараа уг эд зүйлийг гялгар уутанд эсвэл битүүмжилсэн саванд хийж хувинтай усанд хий.
Энэ үзүүлэнт хичээл ёс бус ертөнцөд зөв шударга байх бидний хичээл зүтгэлтэй хэрхэн холбогдож байна вэ?

Ёс бус ертөнцөд зөв шударга амьдрах чадвараа үнэлэхэд нь суралцагчдад туслахын тулд дараах мэдэгдлүүдийг харуулах талаар бодож үз. Мэдэгдэл нэг бүр нь хэр үнэн болохыг тунгаан бодоход суралцагчдыг урь.

Дэлхий уруу таталтыг эсэргүүцэж, Есүс Христийг дагах нь надад хэцүү байдаг.

Би ёс бус ертөнцөд итгэлээ алдахгүй үлдэхийн тулд хаанаас тусламж хүсэж болохоо мэддэг.

Би Есүс Христийн тухай илүү ихийг мэдэж, Түүнийг дагахыг эрэлхийлэхэд өдөр бүр цаг зарцуулдаг.

Ариун Сүнс бидэнд юу хийх ёстойг харуулна гэдгийг суралцагчдад сануул (2 Нифай 32:5-ыг үзнэ үү). Улам их ёс бус болж буй ертөнцөд зөв шударга хэвээр үлдэхийн тулд юу хийж болохоо мэдэхийн тулд сүнслэг өдөөлт эрэлхийлэхэд суралцагчдыг урь.

Ёс бус ертөнц

Их Эзэн Енохыг болон түүний хотыг тэнгэрт аваачих үед (Мосе 7:69-ийг үзнэ үү) Енохын зөв шударга хүү Метусела дэлхийд үлджээ (Мосе 8:2-ыг үзнэ үү). Метуселагийн ач хүү Ноа, Ноагийн гурван хүү “Бурхантай хамт алхаж байв” (Мосе 8:27), харин дэлхий дээр үлдсэн хүмүүсийн ихэнх нь ёс бусыг сонгосон.

Дараах зааварчилгааг болон хүснэгтийг самбарт үзүүл. Судлах тэмдэглэлдээ уг хүснэгтийг зурахад суралцагчдыг урь. Суралцагчид жижиг бүлгүүдэд хуваарилагдан, хүснэгтийг бөглөж болно.

Мосе 8:12–22, 28–29-ийг уншиж, Ноагийн үеийн хүмүүсийн сүнслэг байдлын талаар олж мэд.

Дараа нь Ноагийн үеийн сүнслэг байдал, бидний өнөөгийн нөхцөл байдлын хоорондын ижил төстэй байдлыг тодорхойл.

Ноагийн үеийн олон хүний сүнслэг байдал	Ноагийн үеийн болон бидний үеийн ижил төстэй байдал

Олж мэдсэн зүйлээ бусад бүлэгтэй хуваалцахад бүлгүүдийг урь. Ангийнхныхаа хуваалцсан зүйлийг хүснэгтдээ нэмэхэд суралцагчдыг урамшуулан дэмж.

Суралцагчдад тусламж хэрэгтэй бол та дараахтай адил төстэй байдлуудыг онцолж болно.

1. Ноагийн ач охидын адилаар өнөө үед зарим хүн мөнхийн, гэрээний гэрлэлтээр дамжуулан Бурханы тэдэнд өгдөг адислалуудыг алддаг (12–15-р шүлэг-ийг үзнэ үү).

2. Өнөө үед зарим хүн мөн бошиглогчийн эсрэг тэмцэж, түүний зөвлөгөөг үгүйсгэдэг (18–20-р шүлэг-ийг үзнэ үү).

Хүмүүс наманчлахгүй бол юу тохиолдох талаар Их Эзэний Ноад хэлсэн зүйлсийг харахын тулд Мосе 8:16–17-г дахин үзнэ үү.

Их Эзэн хүмүүст наманчлахад нь хэр их хугацаа өгсөн бэ?
Энэ нь Бурханы мөн чанарын тухай бидэнд юу зааж байна вэ?

Ёс бус ертөнцөд Аврагчийг дагах

Ёс бус ертөнцөд Аврагчийг дагаж чадна гэсэн итгэл найдварыг мэдрэхэд нь суралцагчдад туслахын тулд дараах мэдэгдлийг уншихад нэг суралцагчийг урих талаар бодож үз.

Ерөнхийлөгч Рассэлл М.Нэлсон энэхүү унасан ертөнцийг хэрхэн даван туулах боломжтой талаар хуваалцсан.

Есүс Христ энэ унасан ертөнцийг ялж, бидний хүн нэг бүрийн төлөө Цагаатгалыг гүйцэлдүүлсэн учраас гэм нүгэлд нэвчсэн, хувиа хичээсэн, ихэнхдээ хэцүү бэрх энэ ертөнцийг та нар бас ялж чадна. (“Ертөнцийг ялж, амралтыг олох нь,” 2022 оны 10-р сарын Ерөнхий чуулган, 96)

Та эргэн тойрныхоо ёс бусад автсан хүнд туслахын тулд ерөнхийлөгч Нэлсоны мэдэгдлээс юуг ашиглах байсан бэ?

Дараах үнэний мэдэгдлийг самбарт гүйцээж бичихийг бод. Үүнийг ямар өөр арга замаар нөхөн бичиж болох талаар эргэцүүлэн бодоход суралцагчдыг урь.

Би … ёс бус ертөнцөд Аврагчийг дагахыг сонгох боломжтой.

Дараах эх сурвалжуудаас сонгон, бидний эргэн тойрон дахь ёс бус байдал, уруу таталтыг үл хайхран Есүс Христийг дагахын тулд юу хийж болох талаар судлах тэмдэглэлдээ жагсаан бичээрэй.

Эргэн тойронд тань буй ёс бус зүйлсийг даван туулахын тулд юу хийснээ тунгаан бод. Эдгээр үйлдэл нь таны тогтмол хийдэг жижиг бөгөөд энгийн зүйлс байж болох ба Хүүхэд, өсвөр үеийнхний хөтөлбөрт ажилласан таны зорилго болон бусад туршлага байж болно.

Та Аврагчийг илүү сайн дагаж, эргэн тойрныхоо ёс бусыг даван туулахын тулд юу хийсэн бэ?
Таны хичээл зүтгэлд ямар нэгэн саад бэрхшээл тулгарч байсан уу? Хэрэв тийм бол та эдгээр саад бэрхшээлийг даван туулахын тулд юу хийсэн эсвэл хийж чадах байсан бэ? Та бусад хүнд ямар зөвлөгөө өгөх байсан бэ?

Есүс Христийг дагах миний төлөвлөгөө

Есүс Христийг дагаж болох арга замуудын талаар бодож үзэхэд суралцагчдад тусал. Та тэднийг дараах асуултуудад хариулахад урих байдлаар үүнийг гүйцэтгэж болно. Та суралцагчдыг хариултуудаа байнга харах боломжтой газраа бичих эсвэл итгэл даах найз нөхөд, гэр бүлийн гишүүд, Сүмийн удирдагчдад төлөвлөгөөгөө хуваалцахад нь урамшуулан дэмжиж болно. Эдгээр зөвлөмж нь юу сурч, хийхийг хүсэж байгааг нь суралцагчдад сануулж чадна.

Та өнөөдөр юу хийхээр сүнслэгээр өдөөгдсөн бэ?
Эдгээр төрж буй сэтгэгдлээ дагах нь Аврагчийг дагаж, ертөнцийг ялан дийлэх чадварыг тань хэрхэн нэмэгдүүлэх вэ?

Өнөөдөр юу сурч, юу мэдэрсэн тухай болон Аврагчийг дагах нь ертөнцийг ялан дийлэхэд хэрхэн тусалж болох талаарх суралцагчдын гэрчлэлээр хичээлээ өндөрлөхийг бодож үзээрэй. Та мөн гэрчлэлээ тэдэнтэй хуваалцаж болно.

Нэмэлт эх сурвалж

Мосе 8:18. “Дэлхий дээр аварга хүмүүс” гэдэг нь ямар утгатай вэ?

Эхлэл 6:4 болон Мосе 8:18 дээр гарах “аварга хүмүүсийг” еврей хэлээр Нефилим гэж нэрлэсэн ба энэ нь naphal буюу “унах” гэсэн үйл үгээс гаралтай. Тиймээс тэдгээр нь үнэн шашнаас урваж, унасан хүмүүс байсан байж болох юм.

Мосе 8:25. “Ноа үүнд харамсаж, … түүний зүрх сэтгэл өвдөв” гэдэг нь юу гэсэн үг вэ?

Энэхүү шүлэгт “Өөрөө хүнийг газар дээр бүтээсэндээ харамсан зүрхэндээ ихэд халаглав” гэж гардаг ба энэ нь Эхлэл 6:6-ийн чухал бөгөөд сүнслэг нөлөө бүхий залруулга юм. Энд еврей үг ашигласан ба Библид харамссан гэж орчуулсан нь nacham (naw-kham), “санаа алдах,” “өрөвдөх,” “харамсах” гэсэн үг юм.

Өөрийн итгэдэг зүйлээ бусдад ойлгуулах нь ёс бус ертөнцөд зөв шударга амьдрахад хэрхэн туслах вэ?

Далын ахлагч Питэр Ф.Мөрс ийн хуваалцжээ.

Миний туршлагаар бол ёс бус ертөнцөөс ангид байх гол түлхүүр бол найз нөхөд, ажлын хамтрагчдаа бидний юунд итгэдгийг ойлгуулах явдал юм. Намайг хожмын үеийн гэгээнтэн гэдгийг мэддэг, юуны төлөө байгааг мэддэг найзууд намайг олон удаа өмгөөлж, хамгаалж байсан. (“Living Righteously in a Wicked World,” Ensign, Feb. 2018, 51)

Бурхан миний чин сэтгэлийн наманчлалыг хэрхэн авч үздэг вэ?

Арван хоёр төлөөлөгчийн чуулгын ахлагч Дэйл Г.Рэнланд ийн тайлбарлажээ.

13:49

Бид замаас гарчихсан байна гэдгээ олж мэдсэнийхээ дараа замаас холхон үлдэж болох юм эсвэл Есүс Христийн Цагаатгалын ачаар алхаагаа өөрчилж, зам дээрээ буцаж гарахыг сонгож болно. …

Бид замаасаа гарч хэр их удсан эсвэл хэр хол төөрсөн гэдгээс үл хамааран, өөрсдийгөө өөрчлөх шийдвэр гаргах тэр мөчөөс Бурхан бидэнд буцаж ирэхэд маань тусалдаг. Бурханы байр суурин дээрээс харахад, чин сэтгэлээсээ наманчилж, Христэд тууштайгаар урагшилж, зам дээрээ буцаж гарах нь хэзээ ч төөрөн гарч байгаагүй юм шиг байдаг. Аврагч бидний нүглийн төлөөсийг төлж, хүртэх аз жаргал, адислалууд нь буурах аюулаас чөлөөлдөг. (“Өнөөдөр өөрсдөдөө сонго,” 2018 оны 10-р сарын Ерөнхий чуулган, 108)

Нэмэлт суралцах үйл ажиллагаа

Аврагчийг дагах

Суралцагчид Есүс Христийг сонгоход тэднийг чиглүүлэх зарчмуудыг тодорхойлохдоо Өсвөр үеийнхний бат бөх байдлын төлөө: Сонголт хийхэд туслах хөтөч-ийн зарим хэсгээс хайж болно. Та үүнийг хичээлийн тараах материалын хамтаар нэмэлт суралцах санаа болгон ашиглаж болно.

Их Эзэн гэрээнүүдээ биелүүлдэг

Их Эзэн хүүхдүүдтэйгээ байгуулсан гэрээгээ хэрхэн биелүүлдэг жишээг ойлгоход нь суралцагчдад туслахын тулд тэдэнд Мосе 7:50–52-ыг уншуулж болох ба Их Эзэний амласан зүйлсийг (52-р шүлэг-ийг үзнэ үү) олж мэдэх боломжтой. Шаардлагатай бол Их Эзэн хүмүүсийн зөв шударга байдлыг харгалзан Енохын хотыг тэнгэрт аваачсан (Мосе 7:69-ийг үзнэ үү) гэдгийг тайлбарла. Их Эзэн амлалтаа хэрхэн биелүүлснийг харахын тулд та дараа нь Мосе 8:1–2-ыг уншиж болно. (Ноаг Енохын үр удамд төрүүлэхийн тулд Их Эзэн Метусела хэмээх зөвт хүнийг тэнгэрт аваачаагүй.)

Та Их Эзэн өгсөн амлалтаа амьдралд нь хэрхэн биелүүлж байгааг харсан тухай бусдадаа хуваалцахад суралцагчдыг урьж болно. Та мөн Сургаал ба Гэрээ 1:38-ыг уншаад, Мосе 8:1–2-той холбоход суралцагчдыг урьж болно.

4:20