Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Mosesy 7:1–21: “Ny Tompo dia niantso ny vahoakany hoe i Ziona”

“Mosesy 7:1–21: -Ny Tompo dia niantso ny vahoakany hoe i Ziona,-” Boky torolalana ho an’ny mpampianatra semineran’ny Testamenta Taloha (2026)

“Mosesy 7:1–21: -Ny Tompo dia niantso ny vahoakany hoe i Ziona,-” Boky torolalana ho an’ny mpampianatra semineran’ny Testamenta Taloha

Mosesy 7: Lesona 16

Mosesy 7:1–21

“Ny Tompo dia niantso ny vahoakany hoe i Ziona”

A painting by Del Parson showing Enoch surrounded by the people of his city on a large cloud being raised into the air.

Nantsoin’ Andriamanitra ho mpaminany i Enoka hitory ny hafatry ny filazantsara. Ny vahoaka izay nisafidy ny hanaraka an’i Enoka dia niangona ary niaro azy ireo tamin’ny faharatsiana nanodidina azy ireo ny Tompo. Tamin’ny farany izy ireo dia nanangana tanàna feno hafaliana sy masina izay nantsoin’ny Tompo hoe “Ziona” (Mosesy 7:18). Ity lesona ity dia afaka manampy ny mpianatra hampivelatra ny toetra tahaka ny an’i Kristy nananan’i Enoka sy ny vahoakany.

Fiomanan’ny mpianatra: Asao ny mpianatra hieritreritra ny androny omaly sy ny mety ho fiantraikan’ny zavatra nataon’izy ireo tamin’ny olon-kafa.

Sahanasa fianarana azo atao

Hery ananana amin’ny alalan’ny faka mifandray

Eritrereto ny fomba iray hanombohana ny lesona amin’ny alalan’ny fanampiana ny mpianatra hahafantatra ny hery izay mety hisy avy amin’ny firaisan-tsaina amin’ny hafa. Fomba iray ahafahanao manao izany ity manaraka ity.

Araka ny hevitrao, tonga hatraiza ny halavan’ny karazana hazo maniry avo indrindra?

Ny hazo avo indrindra maneran-tany dia ny séquoias. Afaka maniry mihoatra ny 92 metatra ny haavony.

Mba hihazonana ny hazo ho avo toy izany, dia toy ny ahoana araka ny eritreritrao ny fakan’ny hazo séquoia iray?

Mahagaga fa ny fakan’ny hazo séquoia dia eo amin’ny 1–2 metatra lalina eo monja. Miparitaka amina 100 metatra mahery anefa ireo faka ireo ary lasa mifamatopatotra amina fakan-kazo hafa. Io famatopatorana io dia ahafahan’ny séquoia mijoro tsara mandritra ny an-jato taonany ao anatin’ny rivotra sy ny tondra-drano (jereo ny Richard H. Winkel, “Web of Friendship,” New Era, Aug. 2003, 10–11).

Illustration of redwood tree roots below ground.

Araka ny hevitrao, inona no azontsika ianarana avy amin’ireo séquoias ireo ka mety hisy fiantraikany amin’ny fianakaviantsika, ny any am-pianarana, ary ny paroasy na ny sampana misy antsika?
Nahoana araka ny eritreritrao no tian’ny Tompo hahita hery miaraka amin’ny hafa manodidina antsika sy ao Aminy ihany koa isika?

Mba hanampiana ny mpianatra hanombana ny fifandraisan’izy ireo tsara amin’ireo olona manodidina azy ireo, dia asao hamaly ireto fanontaniana manaraka ireto ao amin’ny diary fandalinan’izy ireo ny mpianatra:
Amin’ny fomba ahoana no hanampiana sy hanohanan’ny hafa anao, indrindra amin’ny ezaka ataonao mba hanatonana akaiky kokoa ny Mpamonjy? (Izany dia mety ho ao amin’ny fianakavianao, ny paroasy na ny sampana, ny vondrona mpinamana, ny fiaraha-monina, sy ny sisa.)
Amin’ny fomba ahoana ianao no miezaka manohana sy manampy ny hafa hahatsapa ho akaiky kokoa ny Mpamonjy?

Rehefa mandalina ity lesona ity ny mpianatra, dia asao izy ireo hifantoka amin’ireo fahatsapana avy amin’ny Fanahy Masina. Ny Fanahy Masina dia afaka mampianatra azy ireo amin’ny fomba ahafahan’izy ireo mampitombo ny hery izay tsapany miaraka amin’ Andriamanitra sy miaraka amin’ireo olona manodidina azy ireo.

Hery ao Ziona

Tao amin’ny fahitana iray ny Tompo dia niantso an’i Enoka mpaminany mba hitory ny fibebahana sy ny batisa amin’ny tanàna maro. Nivondrona ny olona nanaraka an’i Enoka.

Vakio ny Mosesy 7:13, 16–17, ary tadiavo ny fahasamihafana misy eo amin’ny olona izay miezaka ny hanaraka ny Tompo sy ny olona izay manohitra azy ireo.

Inona no nanaitra anao momba ireo fitahiana nomen’ny Tompo an’ireo olona izay niezaka ny hanaraka Azy?

Mba hamantarana tsara kokoa ny mampiavaka ny vahoakan’ny Tompo, dia vakio ny Mosesy 7:18–21. (Mety hanampy ny manamarika fa ny hoe voaozona dia midika hoe tsy mandray fitahiana noho ny tsy fahamarinana. Jereo koa ny hoe “Ozona,” ao amin’ny Torolalana ho an’ny Soratra Masina.)

Ny Mosesy 7:18 dia andalan-tsoratra masina fifehezana fotopampianarana. Hevero ny hanasa ny mpianatra hanisy marika amin’ny fomba miavaka ireo andinin-tsoratra masina fifehezana fotopampianarana mba ho mora aminy ny mahita ny toerana misy azy ireo.

Ampio hahatakatra ny zavatra nianarany ny mpianatra. Mba hanaovana izany dia azonao atao ny manasa azy ireo hanao sary ao amin’ny diary fandalinan’izy ireo mampiseho ny fanehoana tsotsotra ny zavatra nianaran’izy ireo tao amin’ny andininy 18. Avy eo dia azon’ny mpianatra atao ny mizara ny sary nataon’izy ireo sy ny antony nahatonga azy ireo hanao izany miaraka tamin’ny mpiara-mianatra iray, na ao anaty vondrona kely, na ny iray kilasy.

Inona no ianaranao momba ny vahoakan’ny Tompo ao amin’ny andininy 18?
Inona araka ny eritreritrao no dikan’ny hoe “iray fo sy iray saina”?

Ampio ny mpianatra hahita fahamarinana iray mitovitovy amin’ny hoe ny vahoakan’ny Tompo dia miezaka ny miray saina sy miaina amim-pahamarinana ary miahy ny mahantra ao aminy. Mety ho tianao ny manamarika fa toetran’ny Mpamonjy ihany koa ireo. Ny hoe tonga vahoakan’ny Tompo dia midika hoe tonga kokoa tahaka Azy.

Tonga vahoakan’ny Tompo

Mba hanampiana ny mpianatra hahatakatra kokoa ny fomba hiraisan-tsaina, hiainana amim-pahamarinana ary hiahiana ny olona sahirana, dia hevero ny hangataka ny mpianatra hiasa amin’ny alalan’ity taratasy zaraina manaraka ity ao anatin’ny vondrona kely. Afaka miezaka mifanampy sy mifanohana izy ireo mandritra ilay sahanasa. Ireto ambany ireto ny fomba roa azonao ampiasana ny taratasy zaraina.

Asao ny mpianatra hizara ireo fizarana ao amin’ilay taratasy zaraina amin’ny mpikambana ao amin’ny vondrona misy azy sy handalina samirery ny fizarana azony. Rehefa nahavita ilay fizarana izy ireo dia afaka mizara ny zavatra nianaran’izy ireo ny mpianatra.
Apetaho eny amin’ny rindrina ny tahadikan’ilay fizarana ao anaty taratasy zaraina ary asao ireo vondrona kely mba handehandeha manodidina ny efitrano ka hameno ny fizarana tsirairay.

Manasà mpianatra maromaro hizara ny zavatra nianarany na nohalalininy ka nanan-danja tamin’izy ireo. Azonao atao ihany koa ny manontany hoe nahoana no nampitombo ny fahatakaran’ny mpianatra ny fanaovana sahanasa tao anaty vondrona.

Ahoana no nanehoan’ny Mpamonjy ny Tenany ho ohatra amin’ny toetra mampiavaka ananan’i Ziona nandritra ny fiainany?

Mba hanehoana ohatra ny amin’ireo toetran’i Ziona tahaka ny an’i Kristy, dia azonao atao ny mizara ilay horonan-tsary hoe “Charity: An Example of the Believers” (4:50), izay hita ao amin’ny Médiathèque de l’Évangile. Hevero ny hanasa ny mpianatra hitady ny fomba nanehoana an’ohatra an’i Ziona tamin’ny alalan’ireo zatovovavy ireo.

4:50

Manaova drafitra

Asao ny mpianatra hieritreritra ireo fahatsapana mety nananan’izy ireo nandritra ny lesona ary hanoratra ny valin’ireto fanontaniana manaraka ireto ao amin’ny diary fandalinan’izy ireo:

Inona no toetra tahaka ny an’i Kristy ananan’i Ziona izay tsapanao fa azonao hatsaraina eo amin’ny fiainanao? (Mety any an-trano, any am-piangonana, na miaraka amin’ny hafa izany)
Inona no zavatra hatombokao hatao amin’ity herinandro ity mba hanamafisana orina io toetra tahaka ny an’i Kristy io? (Mety ho anisan’ny tanjonao ho an’ny fandaharanasa Ankizy sy Zatovo izany.)

Manao tsianjery

Azonao atao ny manampy ireo mpianatra hitadidy ilay andinin-tsoratra masina fifehezana fotopampianarana sy ilay andian-teny manan-danja ao amin’ny soratra masina nandritra ity lesona ity, ary mamerina mijery izany mandritra ireo lesona hafa any aoriana any. Ny andian-teny manan-danja ao amin’ny soratra masina ho an’ny “Mosesy 7:18” dia ny hoe “Ny Tompo dia niantso ny vahoakany hoe i Ziona, satria izy ireo dia iray fo sy iray saina.” Ireo hevitra ho an’ny asa fanaovana tsianjery dia ao amin’ny tovana eo ambanin’ilay hoe “Sahanasa famerenana ny fifehezana fotopampianarana.”

Loharanom-pitaovana fanampiny

Ahoana no ahafahantsika miray saina raha tsy tsapantsika fa mahay mifanaraka isika?

Nampianatra izao ny Loholona D. Todd Christofferson ao amin’ny Kôlejin’ny Apôstôly Roambinifolo:

Tena manan-danja ho an’ny fahasambarantsika ara-batana sy ara-tsaina ary ara-panahy ny fahatsapana ho manana ny toerana. Kanefa, tena mety hisy fotoana mety hahatsapantsika tsirairay indraindray ho tsy ilaina. Amin’ny fotoam-pahakiviana isika dia mety hahatsiaro ho tsy hahafam-po mihitsy an’ireo fenitra avon’ny Tompo, na ny zavatra andrasan’ny hafa amintsika. Mety tsy manao fanahy iniana isika mametraka fitakiana amin’ny hafa—na ny tenantsika mihitsy aza—izay tsy fitakiana avy amin’ny Tompo akory. Mety maneho amin’ny fomba tsy mivantana isika hoe ny lanjan’ny fanahy iray dia miankina amin’ny fahatratrarana zavatra iray na ny antso ananana, saingy tsy ireo no hamaritan’ny Tompo ny fahamendrehantsika. “Jehovah mijery ny fo” [1 Samoela 16:7]. Ny raharahiany dia ireo faniriantsika sy ny zavatra tiantsika hatao ary hoe lasa manao ahoana isika. …

Lafiny iray … amin’ilay fotopampianaran’ny fahatsapana ho manan-toerana dia misy idirany amin’ny anjara birikintsika manokana. Na dia mahalana aza isika vao mieritreritra azy, ny ampahany lehibe indrindra amin’ny fahatsapantsika ho manana toerana dia tonga avy amin’ny fanompoana ataontsika sy ny fahafoizana izay ataontsika ho an’ny hafa sy ho an’ny Tompo. Ny fifantohana be loatra amin’ireo zavatra ilaintsika na ny mampiadana antsika manokana dia mety manohintohina io fahatsapana ho manana toerana io. (“Ny fotopampianaran’ny fahatsapana ho manana toerana,” Liahona, nôv. 2022, 54, 55)

Ahoana no ahafahantsika miray hina na dia eo aza ny fahasamihafantsika?

Nampianatra toy izao ny Loholona Quentin L. Cook avy ao amin’ny Kôlejin’ny Apôstôly Roambinifolo:

Mihatsara ny firaisan-kina rehefa entina am-pahamendrehana sy haja ny olona na dia hafa aza izy ireo eo amin’ny endrika ivelany. …

Miaraka amin’ny fotopampianarantsika natao ho an’ny rehetra, dia afaka ny ho loharano andrandraina ipoiran’ny firaisan-kina isika ary hanana fijery tsara momba ny fahasamihafana. Tsy mifanipaka ny firaisan-kina sy ny fahasamihafana. Afaka mampisy firaisan-kina bebe kokoa isika rehefa mikolokolo tontolo ahatsapana tena ho amin’ny toerana tokony hisy ny tena sy manaja ny fahasamihafana. …

Ny kolontsain’ny filazantsaran’i Jesoa Kristy dia tsy … voafaritry ny lokom-bolonkoditry ny olona iray na ny toerana onenany. Na dia mifaly amin’ny fisian’ny kolontsaina miavaka aza isika dia tokony hamela ny lafin-javatra amin’ireo kolontsaina ireo izay mifanohitra amin’ny filazantsaran’i Jesoa Kristy. (“Fo mifamihina ao amin’ny fahamarinana sy firaisan-kina,” Liahona, nôv. 2020, 18, 19, 21)

Sahanasa fianarana fanampiny

Fomba hafa hanombohana ny lesona

Azonao atao ny manasa ny mpianatra haka sary an-tsaina fa misy sekoly na vondron’olona eo akaikiny ka ny olona rehetra ao amin’izany dia sariaka, tsy tia tena, miray hina ary manao ny marina. Azonao atao ny mifanakalo hevitra momba ity manaraka ity:

Inona no antony mahaliana anao ho isan’ny sekoly na vondrona tahaka izany?
Mihevitra ve ianao fa mety hisy amin’izao andro izao io sekoly na vondrona io? Nahoana no eny, na nahoana no tsia?

Lazao amin’ny mpianatra fa ny Tompo dia nanampy an’i Enoka mpaminany hanorina vondron’olona toy izany. Ny Tompo dia niantso azy ireo hoe Ziona. Azonao atao ny mametraka ity fanontaniana manaraka ity:

Rehefa mandre ny teny hoe Ziona ianao dia inona no tonga ao an-tsainao?

Ataovy bebe kokoa tahaka an’i Ziona ny tokantranonao

Azonao atao ny manampy ny mpianatra hahita ny fomba ahafahan’ny fitsipiky ny Ziona mihatra ao an-tokantranon’izy ireo. Asao ny mpianatra hihevitra ny fomba ahafahany manampy ny fianakaviany (1) ho tonga iray fo sy saina, (2) hiaina amim-pahamarinana ary (3) hifampikarakara tsara kokoa. Apetraho izao fanontaniana manaraka izao:

Inona avy ireo fomba ahafahanao manao ny tokantranonao hitovy kokoa amin’i Ziona amin’ity herinandro ity?

Azonao atao ny manoratra ireo fitsipika telon’ny Ziona eny amin’ny solaitrabe, ary azon’ny mpianatra atao ny mitanisa ireo hevitra.

Mampitaha an’i Ziona amin’ny vahoaka ao amin’ny 4 Nefia 1

Taorian’ny fitsidihan’ny Mpamonjy ireo Nefita sy Lamanita tao amin’ny Bokin’i Môrmôna, dia niaina nandritra ny taona maro tao amin’ny fiarahamonina iray izay naneho ohatra ireo fitsipiky ny Ziona ny olona.

Asao ny mpianatra hamorona tabilao misy tsanganana telo ao amin’ny diary fandalinan’izy ary misy soratra hoe Firaisankina sy Fahamarinana ary Fiahiana ny mahantra. Azon’ny mpianatra atao ny mandalina ny 4 Nefia 1:1–3, 11–18, ka hitady ny fomba nanehoan’ireo Nefita sy Lamanita ireo toetra mampiavaka an’i Ziona ireo. Azon’izy ireo atao ny manoratra hevi-baovao ao amin’ny tsanganana mifanaraka amin’izany eo amin’ny tabilaon’izy ireo.