Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Ծննդոց 1.28–31, 2․1–25. «Ընտանիքն առանցքային դեր ունի Արարչի ծրագրում»

«Ծննդոց 1.28–31, 2․1–25․ «Ընտանիքն առանցքային դեր ունի Արարչի ծրագրում», Հին Կտակարան․ Սեմինարիայի ուսուցչի ձեռնարկ (2026)

«Ծննդոց 1.28–31, 2․1–25․ «Ընտանիքն առանցքային դեր ունի Արարչի ծրագրում», Հին Կտակարան․ Սեմինարիայի ուսուցչի ձեռնարկ

Ծննդոց 1–2, Մովսես 2–3, Աբրահամ 4–5․ Դաս 9

Ծննդոց 1․28–31, 2․1–25

«Ընտանիքն առանցքային դեր ունի Արարչի ծրագրում»

Ադամի և Եվայի արարումից հետո Երկնային Հայրը միացրեց նրանց ամուսնությամբ: Նա պատվիրեց նրանց բազմանալ, լցնել երկիրը և հարել միմյանց: Այս դասը կօգնի ուսանողներին հասկանալ ամուսնության և ընտանիքի կարևորությունը Երկնային Հոր ծրագրում:

Ուսանողի նախապատրաստում. «Ընտանիք. Հայտարարություն աշխարհին» հռչակագիրը՝ փնտրելով ուսմունքներ, որոնք նկարագրում են, թե ինչու ընտանիքն առանցքային դեր ունի Երկնային Հոր փրկության ծրագրում:

Հնարավոր ուսումնական վարժություններ

Երկնային Հոր փրկության ծրագրում ամուսնության և ընտանիքի կարևորությունը քննարկելիս՝ հիշեք, որ շատ ուսանողներ այս պահին իդեալական ընտանեկան իրավիճակներում չեն ապրում: Նրբանկատ եղեք ուսանողների կարիքների ու հարցերի նկատմամբ։

Կան բաներ, որոնք առանցքային դեր ունեն

Կարող եք գրատախտակին գրել մեկ կամ մի քանի անավարտ նախադասություն, որոնք ցույց են տալիս, թե ինչպես կարող է որևէ առարկա, գործողություն, մարդ և այլն առանցքային դեր ունենալ՝ ինչ-որ բան իրականացնելու համար: Հետևյալ օրինակները կարող են օգտակար լինել։ Ուսանողներին առաջարկեք մտածել, թե ինչպես կարող են լրացնել նախադասության մեջ բաց թողնված տեղերը, ապա տարբեր ուսանողների խնդրեք կիսվել իրենց պատասխաններով դասարանի հետ: Օգտակար կլինի բացատրել, որ առանցքային բառը կարող է նշանակել նաև կարևոր կամ ամենակարևոր։

դպրոցում հաջողության հասնելու համար կարևոր է, քանի որ ։

երջանիկ կյանքի կարևոր մասն է, քանի որ ։

ամենակարևոր դերն է խաղում իմ կյանքում, քանի որ ։

Երբ ուսանողները կիսվեն իրենց պատասխաններով, ցուցադրեք «Ընտանիք. Հայտարարություն աշխարհին» հռչակագրից հետևյալ խոսքերը և առաջարկեք ուսանողներից մեկին բարձրաձայն կարդալ դրանք: Խնդրեք դասարանին փնտրել մեր Երկնային Հոր փրկության ծրագրի առանցքային կողմը:

«Ընտանիք. Հայտարարություն աշխարհին» հռչակագրում ասվում է՝

Մենք՝ Հիսուս Քրիստոսի Վերջին Օրերի Սրբերի Եկեղեցու Առաջին Նախագահությունը և Տասներկու Առաքյալների Խորհուրդը, պաշտոնապես հայտարարում ենք, որ տղամարդու և կնոջ ամուսնությունը հաստատվել է Աստծո կողմից և, որ ընտանիքն առանցքային դեր ունի Արարչի ծրագրում՝ Իր զավակների հավերժական ճակատագրի համար: («Ընտանիք. Հայտարարություն աշխարհին», Gospel Library)

Ըստ ձեզ, ինչո՞ւ են ամուսնությունն ու ընտանիքն այդքան կարևոր դեր խաղում Երկնային Հոր փրկության ծրագրում:
Ըստ ձեզ, մեր օրերում սատանան ինչպե՞ս է հարձակում գործում ամուսնությունների և ընտանիքների վրա:

Ուսանողներին առաջարկեք մտածել իրենց կամ ուրիշների մոտ ծագած այն հարցերի մասին, որոնք վերաբերում են ամուսնությանը և ընտանիքին։ Նրանք կարող են իրենց հարցերը գրել իրենց օրագրերում: Խրախուսեք ուսանողներին այսօրվա ուսումնասիրության ժամանակ փնտրել ճշմարտություններ և ուշադրություն դարձնել հոգևոր տպավորություններին, որոնք կարող են օգնել իրենց գտնել այս հարցերի պատասխանները:

Ուսմունքներ սուրբ գրություններից

Բացատրեք, որ այն, ինչ արեց Երկնային Հայրը երկրի Արարումից հետո, կօգնի մեզ հասկանալ ամուսնության և ընտանիքի առանցքային դերն Իր ծրագրում: Ցուցադրեք հետևյալ հրահանգներն ու աղբյուրները և ուսանողներին ժամանակ տվեք՝ դրանք ուսումնասիրելու համար: Կարող եք դրանք միասին ուսումնասիրել դասարանով կամ կարող եք ուսանողներին բաժանել խմբերի՝ այս աղբյուրները միասին ուսումնասիրելու և քննարկելու համար:

Երբ ուսանողները կարդան Ծննդոց 2 գլխի հատվածները, կարող եք բացատրել, որ օգնական բառը հատված 18-ում նշանակում է «օգնական, որն արժանի կամ համապատասխան է» Ադամին (տես ծանոթագրություն 18բ): Կարող եք նաև բացատրել, որ Ադամի կողոսկրից Եվայի արարման պատմությունը խորհրդանշական է և կարող է ներկայացնել հավասար գործընկերությունն ամուսնու և կնոջ միջև (տես Ռասել Մ. Նելսոն, «Եվայի դասերը», Ensign, նոյ. 1987, 87):

Ուսումնասիրեք հետևյալ խոսքերը և սուրբ գրությունները՝ փնտրելով Աստծո համար ամուսնության և ընտանիքի կարևորության ապացույցները:

Նախագահ Սպենսեր Վ. Քիմբալը (1895–1985) ուսուցանել է.

Տերը … Ադամին ու Եվային՝ առաջին տղամարդուն և առաջին կնոջը միասին [բերեց] այս երկիր և կատարեց ամուսնության սրբազան արարողությունը՝ նրանց ամուսին և կին դարձնելով: (Եկեղեցու նախագահների ուսմունքները․ Սպենսեր Վ․ Քիմբալ [2006], 192)

Սուրբ գրություններ՝ ուսումնասիրության համար․

Ծննդոց 1.27–28 (Աստծո պատվիրանն Ադամին և Եվային)

Ծննդոց 2.18, 21–24 (Եվայի արարումը)

Ծննդոց 2.24 հատվածը վարդապետության սերտման հատված է։ Առաջարկեք ուսանողներին նշել վարդապետության սերտման հատվածները տարբերակիչ ձևով, որպեսզի կարողանան հեշտությամբ գտնել:

Վարդապետություն և Ուխտեր 49.15–17 հատվածներ (Տիրոջ ուսմունքները՝ Մարգարե Ջոզեֆ Սմիթի միջոցով)

Ի՞նչ ճշմարտություններ գտաք, որոնք ցույց են տալիս ամուսնության և ընտանիքի կարևորությունն Աստծո համար:

Ուսանողները կարող են բացահայտել նմանատիպ ճշմարտություններ․

Աստված պատվիրել է ամուսիններին և կանանց երեխաներ ունենալ (Ծննդոց 1.28):

Ամուսինն ու կինը պետք է մեկ լինեն և գործեն որպես հավասար գործընկերներ (Ծննդոց 2.18, 24):

Տղամարդու և կնոջ միջև ամուսնությունը կարգված է Աստծո կողմից (Վարդապետություն և Ուխտեր 49․15)։

Երկիրը ստեղծվել է, որպեսզի լինի մի տեղ, որտեղ Աստծո զավակները կարող են ծնվել ընտանիքներում և միասին զարգանալ (Վարդապետություն և Ուխտեր 49.16–17):

Այս ճշմարտությունները քննարկելիս օգտակար կլինի քննարկել Նախագահ Ռասսել Մ. Նելսոնի հետևյալ խոսքերը:

Նախագահ Ռասսել Մ. Նելսոնն ընդգծել է այն կարևոր դերը, որը պետք է խաղային ընտանիքները, Աստծո կողմից երկիրը ստեղծելուց հետո

Իր ողջ փառահեղությամբ, Երկիր մոլորակն Աստծո մեծ ծրագրի փառահեղ մասն է: Պարզապես ամփոփելով` երկիրը ստեղծվել է, որ ընտանիքները լինեն: Սուրբ գրությունը բացատրում է, որ ամուսինը և կինը «կլինեն մեկ մարմին, և այս բոլորը նրա համար է, որպեսզի երկիրը հասնի իր ստեղծման նպատակին» [Վարդապետություն և Ուխտեր 49.16]: («The Creation», Ensign, մայիս 2000, 85)

Աստծո ծրագրում ամուսնության և ընտանիքի առանցքային դերի մասին հիշելն ինչպե՞ս կարող է ազդել ձեր կյանքում կատարած ընտրությունների վրա:
Ինչպե՞ս կարող են այս ճշմարտություններն ու ուսմունքները օգնել մեզ արձագանքել, երբ տեսնում ենք, որ ամուսնության կամ ընտանիքի վարդապետությունը քննադատվում կամ նվազեցվում է:
Ըստ ձեզ, ամուսնության և ընտանիքի հետ կապված Երկնային Հոր չափանիշներին հետևելն ինչպե՞ս կօգնի ձեզ ավելի նմանվել Նրան:

Կազմեք պատասխան

Որպեսզի օգնեք ուսանողներին բացատրել, թե իրենք ինչ են իմացել Աստծո ծրագրում ամուսնության և ընտանիքի կարևորության մասին, կարող եք կիսվել հետևյալ սցենարով: Կարող եք հարմարեցնել այս սցենարը՝ անհրաժեշտության դեպքում ավելի համապատասխանեցնելով ձեր մշակույթին և ձեր ուսանողների կյանքին: Սցենարով կիսվելուց հետո ուսանողներին ցուցադրեք պատասխան ստեղծելու հրահանգները:

Էլիզաբեթի դպրոցում դասերից մեկի ժամանակ քննարկում տեղի ունեցավ ամուսնության և ընտանիքի մասին։ Էլիզաբեթը կիսվեց տղամարդու և կնոջ միջև ամուսնության վերաբերյալ իր տեսակետով և ամուսնացած զույգերի՝ երեխաներ ունենալու կարևորության մասին: Էլիզաբեթի դասընկերներից շատերն արտահայտում էին կարծիքներ, որոնք շատ էին տարբերվում իր ունեցած կարծիքներից: Դասերից հետո Իսահակ անունով մի երիտասարդ, որը նույնպես Էլիզաբեթի սեմինարիայի դասարանում էր սովորում, հարցրեց Էլիզաբեթին, թե նրա կարծիքներն ամուսնության և ընտանիքի մասին ինչու են այդքան հնացած:

Օգտագործելով ձեր այսօրվա սովորածը՝ կազմեք պատասխան, որով Էլիզաբեթը կարող է կիսվել Իսահակի հետ: Ձեր պատասխանում ներառեք հետևյալը.

Բացատրություն այն մասին, թե ամուսնությունը և ընտանիքն ինչու են կարևոր Երկնային Հոր և Նրա փրկության ծրագրի համար
Մեկ կամ մի քանի ուսմունք սուրբ գրություններից կամ Եկեղեցու ղեկավարներից
Էլիզաբեթի առաջարկն Իսահակին, որը կօգնի նրան

Ուսանողներին պատրաստվելու համար բավարար ժամանակ տրամադրելուց հետո առաջարկեք նրանց կիսվել իրենց պատասխաններով։ Նրանք կարող են կիսվել իրենց պատասխաններով դասընկերոջ կամ փոքր խմբի հետ: Մի քանի պատրաստակամ ուսանողի առաջարկեք դասարանի հետ կիսվել իրենց պատասխաններով կամ ներկայացնել սցենարը դերախաղով:

Ուսանողներին ժամանակ տրամադրեք մտածելու այն մասին, թե ինչ սովորեցին ու զգացին այսօր: Նրանք կարող են մտածել իրենց սովորած այն ճշմարտությունների մասին, որոնք տալիս են իրենց հարցերի պատասխանները: Ուսանողներին առաջարկեք իրենց օրագրերում գրել իրենց ունեցած հոգևոր տպավորությունների մասին: Վկայեք այսօր քննարկված ճշմարտությունների մասին:

Մտապահեք

Կարող եք օգնել ուսանողներին այս դասի ընթացքում մտապահել վարդապետության սերտման հղումը և սուրբգրային հիմնական արտահայտությունը, ապա կրկնել դրանք հետագա դասերի ժամանակ: Ծննդոց 2.24 հատվածի սուրբգրային հիմնական արտահայտությունն է՝ «Մարդը … կմիանա իր կնոջը, և մեկ մարմին կլինեն»։ Մտապահելու համար նախատեսված վարժությունների վերաբերյալ գաղափարները ներկայացված են հավելվածի նյութերում՝ «Վարդապետության սերտման կրկնության վարժություններ» բաժնում:

Լրացուցիչ նյութեր

Ծննդոց 2․21–22։ Եվան իսկապե՞ս արարվել է Ադամի կողոսկրից։

Նախագահ Սպենսեր Վ. Քիմբալն (1895–1985) ուսուցանել է, որ «կողոսկրի պատմությունն, իհարկե, փոխաբերական իմաստ ունի» («The Blessings and Responsibilities of Womanhood», Ensign, մարտ 1976, 71)։

Նախագահ Ռասսել Մ. Նելսոնը բացատրել է, թե Եվայի արարման պատմության մեջ կողոսկրն ինչու է փոխաբերական կամ խորհրդանշական համարվում.

Կողոսկրը, որպես կողքից վերցված մաս, կարծես թե ունի գործընկերության իմաստ։ Կողոսկրը գերիշխանության կամ ենթակայության նշան չէ, այլ կողք կողքի աշխատելու և ապրելու հավասար գործընկերային հարաբերությունների նշան է։ («Lessons from Eve», Ensign, նոյ. 1987 թ․, 87)

Իսկ ի՞նչ անեն այն մարդիկ, որոնք այս կյանքում չունեն հավերժական ամուսնություն կամ իդեալական ընտանիք:

Տասներկու Առաքյալների Քվորումից երեց Նիլ Լ․ Անդերսենն ուսուցանել է.

14:51

Ես արտահայտում եմ իմ սերն ու կարեկցանքն արդար զույգերի հանդեպ, ովքեր ամուսնանում են և չեն կարողանում ունենալ այն երեխաներին, որոնց այդքան անհամբերությամբ սպասում են, և այն կանանց և տղամարդկանց, ովքեր Աստծո օրենքի համաձայն ամուսնանալու հնարավորություն չեն ունեցել: Կյանքի չիրականացված երազանքները դժվար է հասկանալ, եթե դրանք դիտարկվեն միայն մահկանացության տեսանկյունից: Որպես Տիրոջ ծառա, ես խոստանում եմ ձեզ, որ քանի դեռ հավատարիմ եք Հիսուս Քրիստոսին և ձեր ուխտերին, դուք կստանաք փոխհատուցող օրհնություններ այս կյանքում և ձեր արդար ցանկությունները՝ Տիրոջ հավերժական ժամանակացույցի համաձայն: («Աստծո զավակի անհատական ճամփորդությունը», Լիահոնա, մայիս 2021, 47)

Ինչպե՞ս են տղամարդիկ և կանայք լրացնում միմյանց որպես հավասար գործընկերներ:

Տասներկու Առաքյալների Քվորումից երեց Դեյվիդ Ա. Բեդնարը բացատրել է.

Փաստարկ 1․ Տղամարդու և կնոջ հոգիների բնույթները լրացնում և կատարյալ են դարձնում միմյանց և այդպիսով նախատեսված է, որ տղամարդիկ և կանայք միասին զարգանան դեպի վեհացում: …

… Անհրաժեշտ էր թե տղամարդկանց և թե կանանց հոգևոր, ֆիզիկական, մտավոր և հուզական կարողությունների եզակի համադրությունը, որպեսզի երջանկության ծրագիրն իրականանար։ Ոչ տղամարդը և ոչ էլ կինը միայնակ չէին կարող իրագործել իրենց արարման նպատակները։ …

Փաստարկ 2․ Աստվածային ծրագրի համաձայն, անհրաժեշտ էր թե տղամարդու և թե կնոջ մասնակցությունը՝ երեխաներ լույս աշխարհ բերելու և նրանց զարգացման ու դաստիարակման համար լավագույն պայմաններ ապահովելու համար։

… [Ա]մուսնությունը տղամարդու և կնոջ միջև լիազորված ուղի է, որի միջոցով նախաերկրային ոգիները մտնում են մահկանացու կյանք: («Marriage Is Essential to His Eternal Plan», Ensign, հունիս 2006, 83, 84)

Օժանդակ ուսումնական վարժություններ

Ծննդոց 2․1–3 Աստված հանգստացել է շաբաթ օրը

Եթե ձեր ուսանողների համար օգտակար կլինի Հանգստության օրը սուրբ պահելու վերաբերյալ մանրակրկիտ ծրագիր կազմել, կարող եք ժամանակ հատկացնել՝ Ծննդոց 2.1–3 հատվածների ուսումնասիրության համար։ Բացատրեք, որ Ծննդոց 2 գլուխն արարման պատմության շարունակությունն է: Ուսանողներից մեկին առաջարկեք բարձրաձայն կարդալ Ծննդոց 2․1–3 հատվածները։ Դասարանին խնդրեք հետևել և փնտրել, թե Տերն ինչ արեց յոթերորդ օրը, որն առանձնահատուկ էր:

Ապա տվեք հետևյալ հարցը.

Այս հատվածներում Հանգստության օրվա վերաբերյալ ո՞ր ճշմարտության մասին ենք մենք սովորում Տիրոջ օրինակից։

Ուսանողները կարող են բացահայտել հետևյալ ճշմարտությունը. Մենք կարող ենք Հանգստության օրը սուրբ պահել՝ հանգստանալով մեր գործերից և կենտրոնանալով սրբազան բաների վրա։

Կարող եք քննարկել հետևյալ հարցերը.

Ինչպե՞ս կարող ենք Հանգստության օրը կենտրոնանալ սրբազան բաների վրա:
Ձեր կարծիքով, ինչպե՞ս եք օրհնվել՝ Հանգստության օրն աշխատանքից հանգստանալով և կենտրոնանալով սրբազան բաների վրա:

Առաջարկեք ուսանողներին խորհել, թե ինչպես կարող են լիարժեքորեն սուրբ պահել Հանգստության օրը: Ապա խրախուսեք նրանց իրականցնել այս գաղափարներից առնվազն մեկը:

Ծննդոց 2․18, 24։ Հավասար գործընկերներ

Ուսանողների համար կարող է օգտակար լինել հետագա քննարկումն այն ճշմարտության մասին, որ ամուսինն ու կինը պետք է լինեն հավասար գործընկերներ։ Այս ճշմարտությունը բացահայտելուց հետո կարող եք կիսվել Երեց Դեյվիդ Ա. Բեդնարի խոսքերով «Լրացուցիչ նյութեր» բաժնից: Կարող եք նաև քննարկել հետևյալ հարցերը.

Ըստ ձեզ, ի՞նչ է նշանակում, որ ամուսինն ու կինը հավասար գործընկերներ են ամուսնության մեջ:
Ինչո՞ւ է կարևոր, որ ամուսինն ու կինը միմյանց վերաբերվեն որպես հավասար գործընկերների:

Ամուսնության և ընտանիքի կարևորության մասին տեսանյութեր

Օգտագործեք հետևյալ տեսանյութերից մեկը կամ մի քանիսը, որպեսզի օգնեք ուսանողներին լավ հասկանալ ամուսնության և ընտանիքի կարևորությունը.

«Renaissance of Marriage» (2:36)։ Առաջին Նախագահության նախագահ Հենրի Բ. Այրինգը բացատրել է, թե քույր Այրինգի հետ ամուսնությունն ինչպես է օգնել իրեն «դառնալ ամեն լավ բանը, որ [նա] երբևէ ցանկացել է լինել»:

2:36
«What Is the Purpose of Family?» (1:17)։ Այս տեսանյութը նկարագրում է ընտանիքը որպես հասարակության շինարարական աստվածային աղյուս:

1:14
«Having Children in Faith» (2:25)։ Տասներկու Առաքյալների Քվորումից երեց Նիլ Լ. Անդերսենը քննարկում է այն ուսմունքները, որոնք առնչվում են բազմանալու և երկիրը լցնելու Տիրոջ պատվիրանին:

2:25