Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Ծննդոց 1․1–25 Արարում

«Ծննդոց 1.1–25. Արարում», Հին Կտակարան․ Սեմինարիայի ուսուցչի ձեռնարկ (2026)

«Ծննդոց 1.1–25. Արարում», Հին Կտակարան․ Սեմինարիայի ուսուցչի ձեռնարկ

Ծննդոց 1–2, Մովսես 2–3, Աբրահամ 4–5․ Դաս 7

Ծննդոց 1․1–25

Արարում

Մեր աշխարհի վեհությունն ու գեղեցկությունը վկայում են փառահեղ Արարիչների մասին, որոնք կարող են այս երկրի հրաշալիքների վերափոխել մի բան, որը «անձև և դատարկ է» (տես Ծննդոց 1.2): Այս դասը կօգնի ուսանողներին զգալ սեր և երախտագիտություն Երկնային Հոր և Հիսուս Քրիստոսի հանդեպ՝ ուսումնասիրելով երկրի Արարումը:

Ուսանողի նախապատրաստում. առաջարկեք ուսանողներին խորհել երկրի և Աստծո բոլոր արարչագործությունների գեղեցկության մասին։ Առաջարկեք նրանց բերել մի նկար կամ պատրաստ լինել խոսել մի բանի մասին այս աշխարհում, որը նրանց հաճելի է:

Հնարավոր ուսումնական վարժություններ

Նշում․ Թեև երկրի Արարման մասին պատմությունները կարելի է գտնել նաև Մովսես 2 և Աբրահամ 4 գլուխներում, այս դասը կկենտրոնանա Ծննդոց 1 գլխում արձանագրված պատմության վրա:

Մեծ արարիչներ և արարչագործություններ

Դասը սկսելու համար կարող եք ցուցադրել որևէ գեղեցիկ շենքի նկարներ, որը հայտնի վայր է ձեր տարածքում: Կարող եք տալ նմանատիպ հարցեր.

Ձեր կարծիքով, ինչո՞ւ են մարդիկ ցանկանում այցելել այսպիսի շենք:
Ի՞նչ եք կարծում, ի՞նչ զգացմունքներ են ունենում գեղեցիկ շենքեր ստեղծողները, երբ մարդիկ հաճույքով վայելում են իրենց աշխատանքը:

Այնուհետև կարող եք ցուցադրել ձեր տարածքում գտնվող գեղեցիկ լանդշաֆտի նկար։ Առաջարկեք ուսանողներին անել հետևյալը՝ այսօրվա դասին նախապատրաստվելու համար:

Մտածեք, թե ինչ եք զգում կամ ինչ մտքեր եք ունենում, երբ տեսնում եք երկրի գեղեցկությունն ու վեհությունը: Մտածեք, թե որքան հաճախ եք ժամանակ տրամադրում՝ հիանալու կամ գնահատելու այս երկրային հրաշալիքները: Այսօր ուսումնասիրելիս՝ աղոթքով հրավիրեք Սուրբ Հոգուն, որ օգնի ձեզ սեր և երախտագիտություն զգալ Երկնային Հոր և Հիսուս Քրիստոսի հանդեպ՝ այս աշխարհի արարման համար:

Արարում

Նախքան հետևյալ ուսումնական վարժությունը ներկայացնելը, կարող եք առաջարկել ուսանողներին կիսվել այն ամենով, ինչ իրենք գիտեն երկրի արարման մասին: Այնուհետև առաջարկեք ուսանողներին կարդալ հետևյալ նախադասությունը «Կենդանի Քրիստոսը. Առաքյալների վկայությունը» հռչակագրից: Առաջարկեք ուսանողներին գրել այս ճշմարտությունն իրենց ուսումնասիրության օրագրերում կամ որպես նշում՝ իրենց սուրբ գրություններում: Կարող եք նաև գրել այն գրատախտակին:

«Կենդանի Քրիստոսը. Առաքյալների վկայությունը» հռչակագրում մենք սովորում ենք․

Իր Հոր ղեկավարությամբ [Հիսուս Քրիստոսը] ստեղծեց երկիրը: («Կենդանի Քրիստոսը. Առաքյալների վկայությունը», ChurchofJesusChrist.org)

Ծննդոց 1 գլուխը պարունակում է որոշ մանրամասներ այն մասին, թե ինչպես է Հիսուս Քրիստոսը ստեղծել երկիրը: Կարդացեք արարման առաջին վեց ժամանակաշրջանների պատմությունը Ծննդոց 1 գլխից՝ փնտրելով, թե ինչ ենք սովորում Արարչի և արարչագործության մասին։

Երբ ուսանողներն ուսումնասիրեն հետևյալ հատվածները, կարող եք առաջարկել նրանց գտնել և նշել Արարչության յուրաքանչյուր «օրը» իրենց սուրբ գրություններում: Դա անելու եղանակներից մեկն է՝ հետևյալ աղյուսակը պատկերել գրատախտակին և ուսանողներին ժամանակ տալ՝ այն լրացնելու համար։ Դուք կարող եք ուսանողներին կազմակերպել ավելի փոքր խմբերի և յուրաքանչյուր խմբի հանձնարարել ուսումնասիրել հատվածների մեկական հավաքածու աղյուսակից։

Օգտակար կլինի բացատրել, որ «օր» բառը նշանակում է արարման ժամանակաշրջան, այլ ոչ թե որոշակի ժամանակահատված (տես Աբրահամ 4 գլուխը, որտեղ արարման ժամանակաշրջանները կոչվում են «ժամանակ»): Նշում․ Տղամարդու և կնոջ ստեղծմանն ավելի խորը կանդրադառնանք «Ծննդոց 1․26–27» և «Ծննդոց 1․28–2․25» դասերի ընթացքում։

Ուշադիր եղեք, որ դասի այս հատվածը շատ երկար չտևի, որպեսզի ուսանողները բավականաչափ ժամանակ ունենան կենտրոնանալու «Փրկչի դերը որպես Արարիչ» բաժնի վրա:

Օր 1․ Ծննդոց 1.1–5	Բաժանեց լույսը խավարից
Օր 2․ Ծննդոց 1․6–8
Օր 3․ Ծննդոց 1․9–13
Օր 4․ Ծննդոց 1․14–19
Օր 5․ Ծննդոց 1.20–23
Օր 7․ Ծննդոց 1.24–27

Այս հատվածներն ուսումնասիրելիս ի՞նչ մտքեր կամ զգացողություններ ունեցաք Երկնային Հոր և Հիսուս Քրիստոսի մասին:

Ուսանողները կարող են հարցեր ունենալ Արարման որոշ մանրամասների վերաբերյալ: Օգնեք նրանց հասկանալ, որ Արարման պատմությունները նախատեսված չեն որոշակի գործընթացներին, ժամանակաշրջաններին կամ իրադարձություններին բառացի, գիտական բացատրություն տալու համար: Օգտակար կլինի կարդալ Վարդապետություն և Ուխտեր 101.32–34 հատվածները և վստահեցնել ուսանողներին, որ Փրկիչն Իր ժամանակին կհայտնի բոլոր բաները։

Փրկչի դերը՝ որպես Արարիչ

Ուսանողներին հնարավորություն տվեք խորացնելու իրենց երախտագիտությունը Հիսուս Քրիստոսի՝ որպես Արարչի հանդեպ: Դա կարող եք անել՝ գրատախտակին նկարելով երկրի նկարը և ուսանողներին ցուցադրելով սուրբ գրությունների հետևյալ հղումները՝ ուսումնասիրության համար։ Առաջարկեք նրանց ուսումնասիրել հատվածներից մի քանիսը կամ բոլորը և գալ գրատախտակի մոտ՝ երկրի նկարի շուրջը գրելու այն նշանակալից արտահայտությունները, որ իրենք գտել են։

Երբ ուսանողներն ուսումնասիրեն այս հատվածները, առաջարկեք նրանց առանձնահատուկ ուշադրություն դարձնել, թե ինչպես կարող է Հոգին վկայել իրենց Փրկչի դերի մասին՝ որպես Արարիչ։

Ընտրեք հետևյալ հատվածներից մեկը կամ մի քանիսը ուսումնասիրելու համար՝ փնտրելով ուսմունքներ, որոնք կարող են օգնել ավելի լավ հասկանալ և գնահատել Հիսուս Քրիստոսին՝ որպես Արարիչ։

Ալմա 30․43-44

Վարդապետություն և Ուխտեր 38․1–3

Վարդապետություն և Ուխտեր 59․18–20

Վարդապետություն և Ուխտեր 76.22–24

Մովսես 1.33, 39

Մովսես 6.63

Ուսանողներին խնդրեք կիսվել իրենց մտքերով: Դա անելու համար ուսանողներին ցուցադրեք հետևյալ հարցերը՝ քննարկման համար։

Ի՞նչ կարևոր բառեր կամ արտահայտություններ կառանձնացնեք ձեր ուսումնասիրած հատվածներից: Ինչո՞ւ։
Այս հատվածներն ուսումնասիրելիս ի՞նչ հասկացաք կամ զգացիք Երկնային Հոր և Հիսուս Քրիստոսի վերաբերյալ։

Արտահայտենք մեր երախտագիտությունը Արարչին

Դասի այս հատվածը նախատեսված է օգնելու ուսանողներին արտահայտել իրենց սերն ու երախտագիտությունը Հիսուս Քրիստոսի հանդեպ՝ Արարչի Իր դերի համար: Որպեսզի օգնեք նրանց արտահայտել իրենց երախտագիտությունը, կարող եք կատարել հետևյալ վարժություններից մեկը կամ մի քանիսը: Կարող եք ցուցադրել ձեր ընտրած տարբերակները և առաջարկել ուսանողներին ընտրել դրանցից մեկը և կատարել այն։

Գրեք բանաստեղծություն կամ օրագրում գրառում կատարեք, որն արտահայտում է երախտագիտություն Հիսուս Քրիստոսի և Նրա արարչագործությունների համար:
Նկարեք մի նկար, որը ներկայացնում է ձեր զգացմունքները Փրկչի և Նրա արարչագործությունների հանդեպ:
Ընտրեք մի օրհներգ, որը Փրկչի և Նրա արարչագործությունների մասին է։ Ուսումնասիրեք բառերը՝ երաժշտության հետ: Դուք կարող եք որոնել «Հիսուս Քրիստոս՝ Արարիչ» օրհներգը՝ հիմների ժողովածուի «Թեմաներ» բաժնում: Կարող եք գրել օրհներգի ևս մի տուն, որն արտահայտում է ձեր զգացմունքները Երկնային Հոր, Հիսուս Քրիստոսի և Արարման վերաբերյալ։

Լրացուցիչ նյութեր

Ինչպե՞ս կարող է Փրկիչն օգնել ինձ, քանի որ Նա է Արարիչը:

Նախագահ Բոյդ Ք. Փաքերը (1924–2015) Տասներկու Առաքյալների Քվորումից օգտագործել է հետևյալ պատմությունը՝ ընդգծելու Փրկչի դերի զորությունը որպես Արարիչ։

Տարիներ շարունակ, որպես ժամանց և զբաղմունք, ես փորագրել եմ փայտե թռչուններ: Երբեմն մեկ թռչուն պատրաստելու համար պահանջվել է մեկ տարի։ Ես նմուշներ էի վերցնում, չափում էի փետուրները, ուսումնասիրում էի գույները և հետո փորագրում էի նրանց: Նաև փորագրում էի նրանց շրջապատող միջավայրը։ Ինձ հանգստացնում էր այդ աշխատանքը։ Երբեմն, երբ ես անհանգիստ կամ մտահոգ էի, կինս ասում էր. «Ինչո՞ւ չես գնում թռչուն փորագրելու»: Դա շատ հանգստացնող բան էր իմ կյանքում։

Մի օր ես և երեց Ա. Թեոդոր Թաթլը գնում էինք քաղաք: Ինձ մոտ կար իմ փորագրություններից մեկը: Ես այն վերցրել էի ինչ-որ մեկին ցույց տալու համար: Մենք այն դրել էինք մեքենայի հետևի նստատեղին։ Մի խաչմերուկում երեց Թաթլը կտրուկ արգելակեց, քանդակը շուռ եկավ, ընկավ հատակին և ջարդվեց՝ մասերի բաժանվելով: Նա մի կողմ քաշվեց և նայեց դրան։ Նա խորապես ընկճված էր։ Իսկ ես՝ ոչ։

Առանց մտածելու ես ասացի․ «Մոռացեք այն։ Ես էի քանդակել այն: Ես կարող եմ նորոգել»: Եվ ես նորոգեցի։ Նախկինից ավելի ամուր սարքեցի այն։ Եվ մի փոքր բարելավեցի այն։ …

Չկա մի բան, որ ծռվի կամ կոտրվի ձեր կյանքում, և [Հիսուս Քրիստոսը] չկարողանա նորոգել և չնորոգի: Դուք պետք է որոշեք: Եթե ձեզանից ոմանք սխալներ են թույլ տվել և կարծում են, որ կոտրված են և չեն կարող հավաքվել ու նորոգվել, ուրեմն չգիտեն Եկեղեցու վարդապետությունը: Դուք չգիտեք, թե ինչի համար էր Քավությունը, ով է Տերը և ինչպիսի զորություն ունի Նա ձեր կյանքում: («The Instrument of Your Mind and the Foundation of Your Character» [Բրիգամ Յանգ Համալսարանի հոգևոր հավաք, փետրվարի 2, 2003])

Ո՞րն է մեր պարտականությունն Աստծո արարչագործությունների մասին հոգ տանելու հարցում։

Նախագահող Եպիսկոպոսությունից Եպիսկոպոս Ժերալդ Կոսեն ուսուցանել է․

12:17

Որպես Աստծո արարչագործությունների տնտեսներ, մենք պարտավոր ենք հարգել և հոգ տանել դրանց մասին:

Որպես Աստծո զավակներ՝ մեզ հանձնարարվել է լինելու Նրա աստվածային արարչագործությունների տնտեսները, խնամակալները և պահապանները: …

Մեր Երկնային Հայրը թույլ է տալիս մեզ օգտագործել երկրային ռեսուրսները մեր սեփական կամքի համաձայն: Սակայն մեր ազատ կամքը չպետք է ընդունվի որպես թույլտվություն՝ օգտագործելու այս աշխարհի բարիքներն առանց իմաստության կամ զսպվածության։ …

Նախագահ Ռասսել Մ․ Նելսոնը մի առիթով ասել է․ «Որպես աստվածային Արարման շահառուներ՝ ի՞նչ պետք է անենք մենք: Մենք պետք է հոգ տանենք երկրի մասին, իմաստուն տնտես լինենք նրա նկատմամբ և պահպանենք այն գալիք սերունդների համար»: (Լիահոնա, July 2000, 104)

Գիտական կամ քաղաքական անհրաժեշտությունից զատ, երկրի և մեր բնության նկատմամբ հոգատարությունն Աստծո կողմից մեզ վստահված սուրբ պարտականություն է, որը մեզ պետք է լցնի պարտքի և խոնարհության խոր զգացումով: Դա նաև աշակերտության մեր անբաժանելի բաղադրիչն է: Ինչպե՞ս կարող ենք հարգել և սիրել Երկնային Հորը և Հիսուս Քրիստոսին՝ առանց նրանց ստեղծածը հարգելու և սիրելու: («Տնտես լինելու մեր երկրային պարտականությունը», Լիահոնա, նոյ. 2022, 57–58)

Որտե՞ղ կարող եմ գտնել արարման վերաբերյալ հարցերի պատասխանները:

«What does the Church believe about evolution?»», New Era, հոկտեմբեր 2016, 41

«What does the Church believe about dinosaurs?»», New Era, հոկտեմբեր 2016, 41

«Մարդու ծագումը», Improvement Era, նոյեմբեր 1909, 78, Ensign, փետրվար 2002, 29

«Արարում», Թեմաներ և հարցեր ChurchofJesusChrist.org կայքում

Օժանդակ ուսումնական վարժություններ

Արարման վերաբերյալ այլ սուրբգրային պատմություններ

Օգտակար կլինի առաջարկել ուսանողներին որոնել Արարման վերաբերյալ այլ պատմություններ և ավելացնել Ծննդոց 1.1–25 հատվածների իրենց ուսումնասիրությանը: Կարող եք գրատախտակին գրել Մովսես 2․1–25 և Աբրահամ 4․1–25։ Դասարանը կիսեք և յուրաքանչյուր կեսին առաջարկեք ուսումնասիրել հատվածներից մեկը՝ նշելով այն բառերն ու արտահայտությունները, որոնք նպաստում են արարման գործընթացի իրենց հասկացողության ավելացմանը: Այնուհետև ուսանողները կարող են կիսվել իրենց գտածով դասարանի մյուս կեսի հետ:

Գիտությունը և հոգևոր գիտելիքների ձեռքբերումը

Որպեսզի ուսանողները սովորեն պատասխանել Արարման վերաբերյալ իրենց կամ ուրիշների հարցերին, կարող եք առաջարկել հետևյալ սցենարը կամ նման մի սցենար։ Առաջարկեք ուսանողներին ավելացնել մանրամասներ, որոնք սցենարը կդարձնեն ավելի համապատասխան այն խնդիրներին, որոնք իրենք ունեն կամ կարող են ունենալ ուրիշների կողմից: Ուսանողներին առաջարկեք օգտագործել հոգևոր գիտելիքներ ձեռք բերելու սկզբունքները՝ հարցերին պատասխանելու համար։

Ձեր ընկեր Լորենցոն ասում է ձեզ, որ բնագիտության դասին ինքն իմացել է որոշ բաներ , որոնք չեն համապատասխանում Ծննդոց 1 գլխում իր կարդացածին։

Ո՞ր ճշմարտությունները կարող են օգնել Լորենցոյին։
Ո՞ր աստվածային աղբյուրներով կկիսվեք, որոնք կարող են օգնել Լորենցոյին պահպանել հավերժության հեռանկարը և գործել հավատքով:

Կարող եք ուղղորդել ուսանողներին կարդալ մեջբերումներ և հոդվածներ «Լրացուցիչ նյութեր» բաժնում և սուրբ գրությունների հատվածներ, օրինակ՝ Վարդապետություն և Ուխտեր 101․32–34 հատվածները։

Բոլոր բաները վկայում են Քրիստոսի մասին

Որպեսզի օգնեք ուսանողներին հասկանալ, թե ինչպես են այս աշխարհի արարչագործությունները վկայում Հիսուս Քրիստոսի մասին, կարող եք առաջարկել նրանց կարդալ և նշել Մովսես 6.63 հատվածները։ Այնուհետև ուսանողներին հանձնարարեք գրատախտակին գրել երկրի արարչագործություններից մի քանիսը: Աշխատելով դասընկերոջ հետ կամ փոքր խմբերով՝ ուսանողները կարող են ընտրել գրատախտակին գրված որևէ արարչագործություն և քննարկել, թե ինչպես է այն վկայում Հիսուս Քրիստոսի մասին: Եթե ուսանողները լրացուցիչ ուղղորդման կարիք ունենան, կարող եք օգտագործել այնպիսի օրինակ, ինչպիսին է արևածաղիկը, որը շարժվում է՝ ամբողջ օրվա ընթացքում հետևելով արևին: Մենք միշտ պետք է համոզված լինենք, որ հետևում ենք Հիսուս Քրիստոսին՝ որպես ամեն լույսի աղբյուր:

Լրացուցիչ գաղափարների համար կարող եք ցուցադրել ստորև առաջարկվող տեսանյութերից մեկը:

Տեսանյութերի տարբերակներ

Կարող եք օգտագործել տեսանյութերի հետևյալ տարբերակները՝ օգնելու ուսանողներին զգալ երկրի գեղեցկությունն ու վեհությունը, ինչպես նաև երախտագիտություն զգալ Աստծո ստեղծագործությունների համար:

«The Creation of the Earth» (2:05)

2:9

«Our Home» (1:34)

1:35

«Good to Be Alive» (3:30)

3:31

«The Creation» (5:14)

5:14

«Որքան մեծ ես դու» (5:07)

5:8