Ծննդոց 1.26–27

Գծեք հորիզոնական մի գիծ, որը ներկայացնում է ձեր կյանքը և պիտակեք այն տարբեր բնութագրերով կամ պաշտոններով որոնք դուք ունեցել եք նախկինում, ունեք ներկայումս կամ ակնկալում եք ունենալ ապագայում: Այն կարող է ներառել` «ընկեր», «ուսանող», աշխատանքային պաշտոն, որ դուք ունեցել եք: Ստորև բերված է օրինակ.

• Որո՞նք են այն բնութագրերը, որոնք որոշեցիք դնել ձեր ժամանակագրության վրա: Ինչո՞ւ։

• Ինչպե՞ս են այս բնութագրերը կամ պաշտոններն ազդում ձեր կատարած ընտրությունների վրա:

Նախագահ Ռասսել Մ. Նելսոնը բացատրել է, թե ինչպես կարող են ազդել մեզ վրա այն եղանակները, որոնցով մենք պիտակավորում ենք մեզ:

31:24

Պիտակները կարող են հետաքրքիր լինել և արտահայտել ձեր աջակցությունը ցանկացած դրական բանի հանդեպ: Ժամանակի ընթացքում շատ պիտակներ կկորցնեն իրենց արդիականությունը ձեզ համար։ Եվ ոչ բոլոր պիտակներն ունեն հավասար արժեք։ Բայց, եթե որևէ պիտակ փոխարինում է ձեր ամենակարևոր բնութագրերին, դուք հոգևոր առումով կարող եք վնաս կրել։ («Ընտրություններ հավերժության համար», [համաշխարհային հոգևոր հավաք չափահաս երիտասարդների համար, մայիսի 15, 2022], broadcasts.ChurchofJesusChrist.org)

• Ձեր կարծիքով, որոշ պիտակներ ինչպե՞ս կարող են հոգևոր առումով վնասել:

Կարդացեք Ծննդոց 1.26–27 հատվածները և հետևյալ խոսքերը «Ընտանիք. Հայտարարություն աշխարհին» հռչակագրից՝ փնտրելով, թե ինչ կարող եք սովորել ձեր հավերժական ինքնության վերաբերյալ:

Մարդկային էակները՝ տղամարդիկ և կանայք, բոլորն արարվել են Աստծո պատկերով: Յուրաքանչյուրը երկնային ծնողների կողմից սիրված հոգևոր որդին կամ դուստրն է, և, որպես այդպիսին, յուրաքանչյուր ոք ունի աստվածային բնույթ և ճակատագիր: Սեռն անհատի նախաերկրային, երկրային և հավերժական ինքնության և նպատակի հիմնական բնութագիրն է: («Ընտանիք․ Հայտարարություն աշխարհին», ChurchofJesusChrist.org)

• Ի՞նչ պատկերացումներ ձեռք բերեցիք ձեր հավերժական ինքնության մասին:

  Ճշմարտություններից մեկը, որ ուսանողները կարող են նշել, այն է, որ մենք երկնային ծնողների որդիներ և դուստրեր ենք՝ ստեղծված նրանց պատկերով։ Եթե նրանք դեռ չեն գրել դա, առաջարկեք ուսանողներին գրել «Աստծո զավակ» իրենց ժամանակացույցի վրա:

• Ձեր կարծիքով, ի՞նչ է նշանակում ստեղծված լինել Աստծո պատկերով:

Նախագահ Թոմաս Ս. Մոնսոնը (1927–2018) կիսվել է հետևյալ գաղափարներով Աստծո պատկերով ստեղծված լինելու վերաբերյալ։

Աստված՝ մեր Հայրը, ականջներ ունի, որոնցով լսում է մեր աղորթները: Նա ունի աչքեր, որոնցով տեսնում է մեր գործերը: Նա ունի բերան, որով խոսում է մեզ հետ: Նա ունի սիրտ, որը լի է կարեկցանքով և սիրով: Նա իրական է: Նա ապրում է: Մենք նրա զավակներն ենք՝ նրա պատկերով ստեղծված: Մենք նման ենք նրան և նա նման է մեզ։ («Ես գիտեմ, որ իմ Քավիչն ապրում է», Ensign, ապրիլ 1990, 6)

• Ձեր կարծիքով, ինչո՞ւ է կարևոր ձեր ինքնությունը որպես Աստծո զավակ վեր դասել ցանկացած այլ բնութագրից:

  Ուսանողներին ժամանակ տվեք խորհելու, թե ներկայումս իրենց համար որքան կարևոր է իրենց ինքնությունը՝ որպես Աստծո զավակ: Դա անելը կարող է հրավիրել Սուրբ Հոգուն՝ վկայելու ճշմարտության մասին կամ օգնելու նախապատրաստել ուսանողների մտքերն ու սրտերը ուսումնառության համար:

• Ի՞նչ խոչընդոտներ կարող են դժվարացնելձեր ինքնությանը հավատալը կամ հիշել ձեր ինքնությունը որպես Աստծո զավակներ՝ ստեղծված Նրա պատկերով:

Բացել PDF-ը

• Ձեր ուսումնասիրած աղբյուրներում ի՞նչ գտաք, որը կարևոր էր ձեզ համար:

• Աստծո զավակ լինելու ձեր ինքնության մասին իմացությունն ինչպե՞ս կարող է ազդել ինքներդ ձեր և ուրիշների մասին ձեր պատկերացումների վրա:

• Ձեր աստվածային ինքնության և ներուժի մասին իմացությունն ինչպե՞ս է ազդել ձեր կյանքի վրա:

Եթե ուսանողների համար օգնակար կլինի տեսնել մի օրինակ, թե ինչպես կարող է իրենց վրա ազդել իրենց հավերժական ինքնության իմացությունը, կարող եք ցուցադրել «Running Toward the Light» տեսանյութը (17:34, դիտել 11:00–15:19), որը հասանելի է ChurchofJesusChrist.org կայքում։ Այս տեսանյութում Յոթանասունից երեց Պիտեր Մ․ Ջոնսոնը կիսվել է իր փորձառությամբ, երբ իմացել է, որ ինքն Աստծո զավակն է, և այն ազդեցությամբ, որ այդ իմացությունն ունեցել է իր կյանքի վրա: Տեսանյութից հետո կարող եք առաջարկել մի քանի ուսանողի կիսվել, թե ինչը տպավորեց իրենց Երեց Ջոնսոնի ուղերձում:

17:34