Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Эхлэл 1:26–27: “Бурхан Өөрийнхөө дүр төрхөөр хүнийг бүтээжээ”

“Эхлэл 1:26–27: ‘Бурхан Өөрийнхөө дүр төрхөөр хүнийг бүтээжээ,’” Хуучин Гэрээний семинарын багшийн гарын авлага (2026)

“Эхлэл 1:26–27: ‘Бурхан Өөрийнхөө дүр төрхөөр хүнийг бүтээжээ,’” Хуучин Гэрээний семинарын багшийн гарын авлага

8-р хичээл: Эхлэл 1–2; Мосе 2–3; Абрахам 4–5

Эхлэл 1:26–27

“Бурхан Өөрийнхөө дүр төрхөөр хүнийг бүтээжээ”

Есүс балчир хүүхдүүдийг тэвэрсэн байгаа нь

Бүтээлтийн зургаа дахь үед Бурхан эрэгтэй, эмэгтэй хүнийг бүтээсэн. Дэлхий дээрх хүн бүр тэнгэрлэг эцэг эхийн хайртай сүнслэг охин буюу хүүгийн хувьд хүн бүр бурханлаг шинж чанар, хувь тавилантай. Энэ хичээл суралцагчдад тэнгэрлэг эцэг, эхийн охид хөвгүүдийн хувьд өөрсдийн мөн чанар, чадавхын ач холбогдлыг мэдрэхэд тусална.

Суралцагчийн бэлтгэл: Залуу эмэгтэйчүүд, Аароны санваартнуудын урианы эхний мөрийг цээжлээд эсвэл уншаад, дараах мэдэгдэл бүрийн ач холбогдлыг эргэцүүлэхийг хүс.

Боломжит суралцах үйл ажиллагаа

Ижилсэл ба сэтэр

Самбарт цаг хугацааны шугам зураад, суралцагчдыг судлах тэмдэглэл дээрээ өөрсдийн цаг хугацааны шугамыг гаргахыг хүсэж болно. Цаг хугацааны шугамын жишээг доор өгөв.

Өөрийн амьдралыг төлөөлүүлэн хөндлөн зураас зураад, өөрийгөө өмнө нь хэн байсан, ямар цол гуншинтай байсан, одоо хэн байгаа эсвэл ирээдүйд хэн болсон байна хэмээн хүсэн хүлээж байгаагаа тодорхойлж, дээр нь тэмдэглэ. Үүнд “найз,” “сурагч” эсвэл хийж байсан ажил, дуудлага орж болно. Дараах жишээг үзнэ үү.

Та цаг хугацааны шугам дээрээ өөрийгөө хэн гэж тодорхойлж, ямар цол тавихаар сонгосон бэ? Яагаад?
Эдгээр тодорхойлолт эсвэл цол таны сонголтод ямар байдлаар нөлөөлдөг вэ?

Ерөнхийлөгч Рассэлл М.Нэлсон бид өөрийгөө юу гэж нэрлэх нь бидэнд хэрхэн нөлөөлдгийг тайлбарласан.

31:24

Таних тэмдэг нь сонирхолтой байж болох төдийгүй чамайг ямар ямар эерэг зүйлийг дэмжиж байгааг илтгэх боломжтой юм. Цаг хугацаа өнгөрөх тусам таних тэмдгүүд өөрчлөгддөг. Таних тэмдэг бүрийн үнэ цэн адилгүй. Ямар нэг таних тэмдэг та нарын хамгийн чухал ялгарах шинж тэмдгийн байрыг эзлэх юм бол үр дүнд нь та нарын сүнслэг байдал алдагдаж болно. (“Мөнхийн ач холбогдолтой сонголтууд” (Залуучуудад зориулсан дэлхий даяарх онцгой цугларалт, 2022 оны 5-р сарын 15), broadcasts.ChurchofJesusChrist.org.

Зарим тодорхойлолт биднийг сүнслэг байдлын хувьд хэрхэн боомилдог гэж та бодож байна вэ?

Тэнгэрлэг эцэг, эхийн хүүхдүүд

Эхлэл 1:26–27-г болон “Гэр бүл: Дэлхий дахинаа өргөх тунхаг”-ийн дараах мэдэгдлийг уншаад, мөнхийн тодорхойлолтынхоо талаар юу сурч мэдэж болохоо олж мэдээрэй.

Эхлэл 1:26–27 бол төгс эзэмших сургаалын хэсэг юм. Суралцагчдыг төгс эзэмших сургаалын судрын хэсгийг амархан олохын тулд онцгойлон тэмдэглэхийг урьж болно.

Бурхан бүх хүн төрөлхтөн, эрэгтэй, эмэгтэй хүмүүсийг Өөрийнхөө дүр төрхөөр бүтээсэн. Хүн бүр Тэнгэрлэг Эцэг Эхийн хайртай сүнслэг хүү охин нь бөгөөд хүн бүр бурханлаг шинж чанар, хувь тавилантай. Хүйс бол хувь хүний мөнх бус байдлын өмнөх, мөнх бус болон мөнх амьдралын тодорхойлолт, зорилгын салшгүй шинж чанар юм. (“Гэр бүл: Дэлхий дахинаа өргөх тунхаг,” ChurchofJesusChrist.org)

Та мөнхийн тодорхойлолтынхоо талаар юу сурч мэдсэн бэ?

Бид бол тэнгэрлэг эцэг, эхийнхээ дүр төрхөөр бүтээгдсэн хөвгүүд, охид нь билээ гэсэн үнэнийг суралцагчид тодорхойлсон байж болох юм. Хэрэв тэд хараахан оруулаагүй байвал цаг хугацааны шугам дээрээ “Бурханы хүүхэд” гэж нэмэхийг хүс.
Бурханы дүрээр бүтээгдсэн гэдэг нь юу гэсэн утгатай гэж та бодож байна вэ?

Бурханы дүр төрхөөр бүтээгдсэн талаар ерөнхийлөгч Томас С.Монсон (1927–2018) дараах тайлбарыг хуваалцсан.

Бидний Эцэг Бурханд залбирлыг маань сонсох чих бий. Түүнд бидний үйлдлийг харах нүд бий. Түүнд бидэнтэй ярих ам бий. Түүнд өрөвдөн хайрлахыг мэдэрдэг зүрх сэтгэл бий. Тэр бол бодит. Тэр бол амьд. Бид Түүний хүүхдүүд бөгөөд Түүний дүр төрхөөр бүтээгдсэн. Бид Түүнтэй адил харагддаг бөгөөд Тэр бидэнтэй адил харагддаг. (“I Know That My Redeemer Lives,” Ensign, Apr. 1990, 6)

Бурханы хүүхэд хэмээх тодорхойлолтоо бусад бүх тодорхойлолтоос дээгүүр тавих нь яагаад чухал гэж та бодож байна вэ?

Суралцагчдад Бурханы хүүхэд хэмээх тодорхойлолт нь өөрсдөд нь хэр чухал болохыг эргэцүүлэн бодох хугацаа өг. Үүнийг хийх нь үнэнийг гэрчлэх Ариун Сүнсийг урьж, суралцагчдын оюун бодол, зүрх сэтгэлийг хичээлд бэлдэхэд тусална.
Бурханы дүрээр бүтээгдсэн Түүний хүүхэд хэмээх тодорхойлолтдоо итгэхэд эсвэл үүнийг санахад танд юу саад болж болох вэ?

Суралцагчдын өмнөх асуултад хариулсан хариултыг самбар дээр жагсаан бичиж болно. Бурханы хүүхэд байх нь яагаад ач холбогдолтойг зарим хүн ойлгодоггүй, Бурханы хайрыг мэдрэхэд хэцүү, эсвэл чухал бус бусад тодорхойлолтод сатаарах гэх зэрэг хариултууд байж болно. Хэрэв суралцагчдад хүйстэй холбоотой асуулт байвал ойлголт, найдвар, эдгээлтийг авчрах арга замаар заахдаа Аврагчийн үлгэр жишээг дагаарай. Бурхан Өөрийн бүх хүүхдийг хайрладаг бөгөөд сүнслэг мэдлэг олж авах зарчмуудыг хэрэгжүүлбэл асуултынхаа хариултыг олоход суралцагчдад тусална гэдгийг гэрчил.

Хүйстэй холбоотой асуулттай суралцагчдад туслах талаар нэмэлт санаа авахыг хүсвэл Нэмэлт суралцах үйл ажиллагаа” хэсгийг үзнэ үү.

Судар ба бошиглогчдын үгс

Суралцагчдад “Би Бурханы хүүхэд” нэртэй тараах материалыг өг. Өөрсдийнхөө тэнгэрлэг уг гарлын чухлыг таньж мэдэхийн тулд судлах явцдаа Бурханаас сүнслэг удирдамж эрэлхийлэхийг суралцагчдад уриал. Тарааж өгөх материалаас гадна та суралцагчдаас Залуу эмэгтэйчүүдийн уриа, Аароны санваарын урианууд дээрх сургаалыг үзэхийг хүсэж болно. Суралцагчид үүнийг бие даан эсвэл жижиг бүлгээр гүйцэтгэж болно.

Суралцагчдыг судалж дууссаны дараа ангийнхантайгаа эсвэл жижиг бүлгүүддээ сурч мэдсэн зүйлээ хуваалцахыг урьж болно. Та түүнчлэн дараахын адил асуултуудыг тавьж болно. Тухайлбал:

Таны судалсан эдгээр эх сурвалжаас юу нь танд утга учиртай санагдсан бэ?
Бурханы хүүхэд гэдгээ мэдэх нь өөрийгөө болон бусдыг харах өнцөгт тань хэрхэн нөлөөлөх вэ?
Өөрийн тань тэнгэрлэг уг гарал, чадавхын тухай мэдлэг таны амьдралд хэрхэн нөлөөлсөн бэ?

Өөрийгөө хэн бэ гэдгийг эргэцүүлэн бод

Суралцагчдад өөрсдийгөө хэн гэдгээ, мөн тэнгэрлэг эцэг, эхийн охид, хөвгүүдийн хувьд ямар боломж бололцоотой байдаг талаар сурч мэдсэн зүйлсээ эргэцүүлэн бодох цаг гаргаж өг. Санахыг хүссэн аливаа сүнслэг өдөөлтөө эсвэл ойлголтоо судлах тэмдэглэл дээрээ бичихийг тэдэнд уриал. “Би Бурханы хүүхэд” дууг ангиараа дуулаад, Бурханы хүүхэд байх тухай гэрчлэлээ хуваалцсанаар хичээлээ өндөрлөж болно.

Цээжил

Та энэ хичээлийн турш төгс эзэмших сургаалын эшлэл, судрын түлхүүр үг хэллэгийг цээжлэхэд нь суралцагчдад тусалж, дараа дараагийн хичээлүүд дээр давтаж болно. Эхлэл 1:26–27 дээрх судрын түлхүүр хэллэг нь “Бурхан Өөрийнхөө дүр төрхөөр хүнийг бүтээж[ээ]” юм. “Төгс эзэмших сургаалыг давтах үйл ажиллагаа” хэсгийн хавсралт материалуудад цээжлэх үйл ажиллагаанд зориулсан санаанууд бий.

Нэмэлт эх сурвалж

Бурханы хүүхдүүдийн хувьд бидэнд ямар тэнгэрлэг чадавх байдаг вэ?

Бид Бурханы сүнсэн хүүхдүүд учраас Түүний бурханлаг чанаруудыг өвлөн авах чадвартай байдаг. Бид Есүс Христийн Цагаатгалаар дамжуулан Тэнгэрлэг Эцэгтэйгээ адил болж, баяр баясгалангийн бүрэн байдлыг хүлээн авч чадна. (Сэдэв ба асуултууд, “Тэнгэрлэг эцэг эхийн сүнсэн хүүхдүүд,” topics.ChurchofJesusChrist.org)

Дэлгэрэнгүй мэдээллийг Сайн мэдээний бичвэрүүд дээрх “Becoming Like God”-ыг үзнэ үү.

“The Origin of Man,” Ensign, Feb. 2002, 26–30-ийг үзнэ үү.

Бид Тэнгэр дэх Эхийн талаар юу мэдэх вэ?

Арван хоёр төлөөлөгчийн чуулгын ахлагч Дэйл Г.Рэнланд ийнхүү заасан.

14:9

Хэдийгээр тэнгэр дэх Эхийн тухай багахан илчлэгдсэн ч бидний мэддэг зүйлийг Сайн мэдээний номын сан аппликэйшны Сайн мэдээний сэдвүүд хэсэгт хураангуйлсан байдаг. Тэнд байгаа зүйлийг та нар уншчихвал энэ сэдвийн талаар миний мэддэг бүх зүйлийг мэдэх болно. Би илүү ихийг мэддэг ч байсан болоосой. Та нарт ч бас хариулт хүссэн асуултууд байсаар байгаа байх. Илүү их ойлголтыг хайх нь сүнслэг өсөлт хөгжлийн чухал хэсэг мөн ч гэсэн бид болгоомжтой байх хэрэгтэй. Учир шалтгаан нь илчлэлтийг орлож чадахгүй.

Онолын учир шалтгаан нь биднийг агуу сүнслэг мэдлэг рүү хөтөлдөггүй. Харин энэ нь хууран мэхлэгдэхэд хүргэж эсвэл бидний анхаарлыг илчлэгдсэн зүйлээс холдуулдаг. (“Таны бурханлаг шинж чанар ба мөнхийн хувь тавилан” Лиахона, 2022 оны 5-р сар, Лиахона, 75)

Gospel Library дахь “Heavenly Parents” хэсгээс нэмэлт мэдээлэл аваарай.

Нэмэлт суралцах үйл ажиллагаа

Бүтээлтийн тухай түүхүүд

Судруудад Бүтээлтийн талаар хэд хэдэн түүх багтсан. Түүх бүр бидний ойлголтыг тэлдэг. Суралцагчдаас эрэгтэй, эмэгтэй хүний бүтээлтийн талаарх дараах судрын хэсгүүдийг судлахдаа хэсэг бүр бидний ойлголтод юу нэмж байгааг тодорхойлохыг хүс.

Хаан болохоор төрсөн

Залуу эмэгтэйчүүдийн ерөнхий ерөнхийлөгч асан Элэйн С.Далтон эгч бид өөрсдийн бололцоог мэдэж байх нь бидний сонголтод хэрхэн нөлөөлдгийг заахдаа XVI Луис хааны тухай түүхийг хуваалцсан. “Өөрийгөө хэн гэдгээ сана” видеог цагийн код 6:03-аас 6:50 хүртэл үзүүлж болно.

14:28

Энэ түүх Бурханы хүүхдийн хувьд бидний чадавхтай ямар хамааралтай вэ?

Хүйстэй холбоотой асуултууд

Хэрэв суралцагчдад жендерийн талаар асуух зүйл байвал хичээлийн үеэр цаг гарган, тэдний асуултуудад хариулахыг хичээх нь тустай байж болно. Үнэнийг ойлголт, хайраар тэдэнд тодорхой заахын тулд Ариун Сүнсний удирдамжийг эрэлхийл.

Суралцагчдыг энэхүү болгоомжтой ярих сэдвээр ярилцахад бэлдэхийн тулд Арван хоёр төлөөлөгчийн чуулгын ахлагч Роналд А.Расбандын хэлсэн дараах мэдэгдлийг хуваалцаж болно.

Ялангуяа хүйсийн асуудалтай өсвөр үеийнхэн, ганц бие залуучууд амиа хорлох нь их байдаг. Тэд Аврагчийн мутраар хүрээлүүлж, хайрлагдсан гэдгээ мэдэх хэрэгтэй. Их Эзэн биднийг үргэлж дууддаг бөгөөд Өөрийнх нь халамж, хайраар дүүрэн мутар болоосой хэмээн хүсэн хүлээдэг. Бид бас тэдний найз нөхдийг үүний адил үйлдэхэд урамшуулах хэрэгтэй. (“Есүс Христ бол хариулт мөн” [Ерөнхий эрх мэдэлтний хамт нэгэн үдэш, 2019 оны 2-р сарын 8])

Суралцагчдыг хичээл дээр үзсэн Гэр бүл: Дэлхий дахинаа өргөх тунхаг”-ийн хэсэг рүү чиглүүл.

Хүйс яагаад чухал шинж чанар болохыг ойлгоход туслах Тэнгэрлэг Эцэгийн хүүхдүүддээ зориулсан төлөвлөгөөний талаар та юу мэддэг вэ?

Суралцагчдад дараах эх сурвалжийг өг. Тэнгэрлэг Эцэгийн төлөвлөгөөн дэх хүйсийн үүргийг илүү сайн ойлгон, уг сэдэвтэй холбоотой бусад ойлголтыг авахын тулд нэг юм уу хэд хэдийг судлахыг санал болго.

Сүм хүйсийг төрөх үеийн биологийн хүйсээр тодорхойлдог (Ерөнхий гарын авлага: Есүс Христийн Хожмын Үеийн Гэгээнтнүүдийн Сүмд үйлчлэх нь[2023], 38.6.23).
“7-р хичээлд бэлтгэх материал: Хүйсийн мөнхийн мөн чанар ба зорилго,” “Мөнхийн гэр бүл” ангийн багшийн материал, institute.ChurchofJesusChrist.org.
Ерөнхийлөгч Далли Х.Өүкс, “Ерөнхий чуулганы удирдлагын цуглааны эхлэл,” Newsroom.ChurchofJesusChrist.org.
“Transgender” in the Life Help section of the Gospel Library.

Видеоны сонголт

Суралцагчдад өөрсдийнхөө тэнгэрлэг чадавхыг, мөТэнгэрлэг Эцэгийн Өөрийн хүүхдүүдийн хувиар тэднийг хайрлах хайрыг ойлгоход туслахын тулд ChurchofJesusChrist.org дээрх дараах видеонуудаас аль нэгийг үзүүлж болно.

Learn about God’s Plan for You (0:56)

0:57

Төрсөн эцэг ба Тэнгэрлэг Эцэг (3:59)

3:60

God’s Greatest Creation (2:51)

2:48