8. kafli
Hinn rangláti konungur Heródes
Vitringarnir höfðu sagt Heródesi að Jesús yrði konungur. Heródes vildi vera eini konungurinn. Hann sagði hermönnum sínum að drepa öll ungbörn í Betlehem og á nærliggjandi stöðum.
Matt 2:3, 13, 16
Engill sagði Jósef að fara með Maríu og Jesú til Egyptalands, lands langt frá Betlehem. Heródes myndi ekki leita að Jesú þar.
Matt 2:13
Jósef hlýddi. Hann, María og Jesús voru í Egyptalandi þegar hermenn Heródesar drápu öll börnin í Betlehem og á nærliggjandi stöðum.
Matt 2:14, 16
Eftir að Heródes konungur dó, sagði engill við Jósef að fara með Jesú og Maríu heim. Jósef fór með þau til Nasaret, þar sem Jesús var öruggur.
Matt 2:19‒21, 23