Japta 39: Jisas I Hilim Wan Blaen Man

The disciples ask Jesus if a certain man is blind because he sinned or his parents sinned - ch.34-1

Wan dei Jisas i bin stap wokbaot wetem ol disaepol blong Hem. Oli bin luk wan man we hem i bin blaen taem hem i bon. Ol disaepol oli bin askem sapos man ia i bin blaen from hem i bin gat sin o from sin blong papa mo mama blong hem.

Jon 9:1–2

Jesus tells the disciples that the man was blind so that He could heal him and the people could see God's power - ch.34-2

Sevya i bin talem se man ia i blaen i no from sin blong papa mo mama blong hem mo i no from sin blong hem tu. Man ia i blaen blong Jisas bae i save hilim hem mo soem long olgeta pipol paoa blong God.

Jon 9:3–5

Jesus puts mud on the man's eyes and tells him to wash his eyes - ch.34-3

Jisas i spet long graon mo i mekem sofmad long hem. Hem i putum long ae blong blaen man ia. Jisas i bin talem long man ia blong go wasem ol ae blong hem.

Jon 9:6–7

The man washes the mud from his eyes and can see - ch.34-4

Taem man ia i bin wasemaot sofmad long ae blong hem, hem i save lukluk bakegen!

Jon 9:7

The man tells the people that Jesus healed him - ch.34-5

Taem ol neiba blong hem oli luk hem, oli no bin luksave man ia. Hem i bin talem long olgeta se Jisas i bin mekem hem i kam gud bakegen. Ol neiba blong man ia oli bin tekem hem i go long ol Farasi. Man ia i talem long ol Farasi se Jisas i bin mekem hem i kam gud bakegen.

Jon 9:8–11

The man tells the Pharisees that Jesus healed him and they are angry - ch.34-6

Sam Farasi oli bin ting se Jisas i mas wan stret mo gud man. Ol narawan oli ting se Hem i man blong mekem sin. Taem man ia we i save lukluk i talem se Jisas i wan stret mo gud man, sam long ol Farasi ia oli bin kros mo oli sakemaot man ia.

Jon 9:13–16, 30–34

The man worships Jesus after Jesus tells him that He is the Son of God - ch.34-7

Jisas i bin faenem man ia. Hem i bin askem se sapos hem i biliv long Pikinini blong God. Man ia i askem se huia nao i Pikinini blong God. Jisas i bin talem se Hem nao i Pikinini blong God, mo man ia i bin wosipim Hem.

Jon 9:35–38