iVurevure ni Bula Rawati Koya
6: Cakacaka: Vakaitavitaki Iko ka Gugumatua

6:

Cakacaka: Vakaitavitaki Iko ka Gugumatua

Ripote:Wasea vakalailai kei na ilawalawa e dua na ka o a rawata ena macawa sa oti baleta ni o vakayagataka vinaka nomu gauna.

Vakananuma:Na cava e vinakata kina na Tamada Vakalomalagi meu lewa vakataki au na noqu bula?

Sarasara:“Sedrick’s Journey,” ka tiko ena srs.lds.org/videos. (Sega na vidio? Wilika na tabana e 17.)

Na ilakolako i Sedrick

Kevaka o sega ni sarava rawa na vidio, wilika na italanoa.

tiko ga ena iLakolako i Sedrick

Sedrick: Na yacaqu o Sedrick Kambesabwe. Au vakaitikotiko ena Democratic Republic e Congo. Au lewe ni Lotu ena YDE.

Au daukaulotu ni tabana ena koro o Kipusanga. Au gadreva meu vakarau laki kaulotu e vanua tani. Meu rawa niu laki kaulotu, au gadreva e dua na pasipote, e tiko na kena isau ena gauna oqo ena 250 na dola ni Amerika.

Meu rawai lavo, keirau dau voli jaina kei tamaqu. Eso na koro era dau tei jaina vakalevu: Tishabobo, Lusuku, kei Kamanda.

Na koro o Tishabobo e 9 na maile mai ke. Na koro o Lusuku e 18 na maile. Na koro o Kamanda e 18 talega na maile. Keirau lako ena veikoro oqori ka voli jaina, ka kauta mai me volitaki eke.

Na ilakolako ki na veikoro oqori e dau vakayagataki na basikeli. Keirau dau rawa ni kauta e va kina ono na veta jaina.

Niu dau vodo basikeli, e dau rauta na dua kina veimama ni auwa lako yani lesu mai, kevaka e vinaka tiko na basikeli kau kaukauwa tiko. Ena sigalevu e sa dau wadra na siga, au dau lako vakamalua baleta na katakata ni siga.

E rawa niu dau lesu vakarua ena dua na siga kevaka au yadra vakamataka lailai. Esa dua na sala vinaka me rawa ni saumi kina na noqu pasipote.

Ena gauna oqo au sa rawa ilavo tiko, vakalalai, kau sa vakabulai ilavo me baleta na vuli kei na kaulotu. Oqo, ni oti e va na yabaki ni cakacaka, au sa rawata na isau ni pasipote, ka bula tale tu e 70 na dola.

Lesu ki na tabana e 16.

Veivosaki:Eda vulica vakacava me dau tomana tiko ga na ilakolako ni sa dredre mai?

Wilika:Vunau kei na Veiyalayalati 42:42 kei na vosacavuti mai vei Peresitedi Faust (ena imatau)

Veivosaki:Wilika na vosa cavuti mai vei Elder D. Todd Christofferson (ena tabana 17). Na cava e namaka kina vei keda na Turaga me da cakacakataka na veika eda ciqoma?

Vakananuma:Wilika na vosa cavuti mai vei Peresitedi Thomas S. Monson (ena imatau). Ena vakacava na noqu ciqoma se sega niu sotava na druka?

Yalataka:Yalataka mo cakacakataka na veika oqo ena loma ni macawa. Tikitaka ni o vakacavara na itavi yadua.

  • Digia e dua na ka e dredre se sega ni logaloga vinaka ka vakacavara na itavi. Vola e ra.

  • Wasea na veika o vulica nikua me baleta na cakacaka kei na gugumatua kei ira na nomu matavuvale se itokani.