iVurevure ni Bula Rawati Koya
1: Na Dina sa dua na iVakavuvuli ni Veivakabulai

1:

Na Bula Rawati Koya sa dua na iVakavuvuli ni Veivakabulai

Ni se bera ni tekivu, wilika “Na Vakayagataki ni iVolavakarau Oqo” ena loma ni waqana.

Vakananuma:Joni 10:10 (ena imatau)

Veivosaki:Na cava na ibalebale ni bula sa vakasinaiti?

Sarasara:“A Boroya Na Qaqalo ni Yavaqu,” e tiko ena srs.lds.org/videos. (Sega na vidio? Wilika na tabana e 5.)

A Boroya Na Qaqalo ni Yavaqu

Kevaka o sega ni sarava rawa na vidio, wilika na itukutuku.

e tiko ena A Boroya Na Qaqalo ni Yavaqu

Elder Enrique R. Falabella: Niu tubucake tiko, a sega soti ni levu na ka e tiko vei keitou. Au nanuma e dua na siga niu a gole yani vei tamaqu ka kaya vei koya, “Tata, au gadreva e dua na ivava vou. Koya oqo era sa mamare.” E tu vakadua o koya ka raica mai na noqu ivava ka raica ni sa mamare dina. E kaya mai o koya, “Au kila oqo e dua na ka eda rawa ni vakavinakataka.” E kauta mai o koya na iboro ni vava ka boroya noqu ivava, ka sa rairai caliva ka qai rairai vinaka. E kaya o koya, “Qo sa vinaka tale, luvequ.” Au sauma yani, “Sega, e se bera. E rawa ni o raica na taukuku ni yavaqu ni sa yati tu mai na noqu ivava.” E kaya, “Io, e rawa talega ni vakavinakataki oqori!” E taura mai o koya e so na iboro ni taukuku ka qai boroya kina na taukuku ni yavaqu.

Ena siga oya au vulica ni na leqa kece e tiko na kena iwali. Au sa kila deivaki ni vakavuvuli ni tuvatuva ni bula rawati koya e sala ni vakusakusataki na cakacaka ni Turaga. Era tiki kecega ni cakacaka ni veivakabulai. Eda rawa ni vinaka cake mai na noda ituvaki ena gauna oqo. E dodonu mo biuta na vucesa. Ena levu na gauna eda vakawelewele, ena rawa ni vakacacana na noda toso oqori. Ena veisiga e rawa niu toso tiko kevaka au digia me cakava e dua na ka me vakavinakataki na veika au a sega ni cakava vakavinaka e liu. Kevaka o cakava ena vakabauta, ni o cakacakataka tiko na nomu vakabauta kei na nuitaki Karisito ni na tiko o Koya me vukei iko, o na vukea na sala mo toso tiko ga ki liu ena veika vakayalo ka vakayago talega. Oqo e baleta ni bula tiko na Kalou ka o Luvena, yalewa se tagane.

Lesu ki na draunipepa 4.

Veivosaki:O vakabauta li ni tiko na iwali ni nomu leqa? Ena rawa vakacava me da rawata na kaukauwa ni Turaga me vukei keda?

Wilika:Na iVoladusidusi 2, ivola taukeni, kei na vosa cavuti mai vei Elder Dallin H. Oaks (ena imatau). Na bula rawati koya e sega ni kena ibalebale ni da na rawata na veika cava ga eda vakanamata kina. Ia, e kena ibalebale ni vakabauti ni loloma veivueti, se kaukauwa veivueti, i Jisu Karisito kei na noda sasaga, eda na rawa ni rawata kina na veika vakayalo ka vakayago ni bula eda gadreva vei keda kei na noda matavuvale. Na bula rawati koya sai koya na noda nuitaka se vakabauta na kaukauwa ni Kalou me da tosoya na veiulunivanua ena noda bula me solia vei keda na kaukauwa me vaqaqacotaki me da rawata na veivakatovolei kei na noda dredre.

Veivosaki:E sa vukei iko vakacava na loloma veivueti i Karisito mo rawata na veika e gadrevi ena bula vakayalo ka vakayago talega?

Veivosaki:Wilika na vosa cavuti mai vei Peresitedi Marion G. Romney (ena imatau). O kila vakacava ni o sa rawata tiko mai na bula rawati koya?

Yalataka:Yalataka mo cakacakataka na veika oqo ena loma ni macawa. Tikitaka ni o vakacavara na yalayala yadua.

  • Wilika na ivola mai na Mataveiliutaki Taumada ena tabana e 3, ka makataka na veivakalougatataki sa yalataki tiko kina. Na cava e dodonu me da vakayacora me da ciqomi ira kina? Vola e ra na nomu nanuma.

  • Wasea na veika o vulica nikua me baleta na bula rawati koya kei ira na nomu matavuvale se itokani.