Vakayacora na Cakacakatabu Vakalotu ni Valetabu

Ripote:Wase na nomu parakaravu ni “lesilesi ni bula” kevaka e digia vakakina.

Vakananuma:Na cava eso na ka e bibi vei iko?

Sarasara:“Doing What Matters Most,” e tiko talega ena srs.lds.org/videos. (Sega na vidio? Wilika na tabana e 31.)

Na Cava e Bibi Duadua

Kevaka o sega ni sarava rawa na vidio, wilika na itukutuku.

Dautalanoa: E a voca e dua na waqavuka ena dua na bogi buto ni Tiseba mai Florida. Sivia e 100 na tamata era mate. E a tiko mai na vanua taqomaki ena rauta ga na 20 na maile.

Peresitedi Dieter F. Uchtdorf: Ni oti na vakacalaka, era saga me kila na dauvakadidike na vu ni leqa. Na iroro e mua e liu a vakarau tu vakavinaka. A taucoko tu na ituvaki vakaigacagaca ni waqavuka. A cakacaka vakavinaka tu na ka kece—vakavo ga e dua na ka: e dua na matanicina lailai sa kama. Na matanicina lailai oqo—e kena isau e 20 na sede—a vakavuna na semati ni leqa me ra laki mate vakaciriloloma sara kina e 100 na tamata.

E dina, na matani cina sa boko tu oya a sega ni vakavuna na vakacalaka; a yaco baleta ni ra sa laki vakatabakidua na kaimua kina ka lailai sara ena gauna oya ka ra guilecava na ka e bibi duadua.

Na ivakarau ni noda dau raica ga na veika tawayaga ka tagutuvi kina na veika bibi e sega ni yaco ga vei ira na pailate kivei keda taucoko. Eda rawa ni vakaleqai kece kina. … E vakatabakidua tiko beka na nomu vakasama kei na yalomu ki na veika lalai e yaga ga vakalekaleka, se ki na veika bibi duadua?

(“Eda Sa Kitaka Tiko e Dua na Cakacaka Levu Sa Dredre Me da Lako Sobu,” Ensign se Liaona, Me 2009, 59, 60)

Lesu ki na tabana e 30.

Veivosaki:Na cava e so na ka e sega ni yaga e rawa ni vakaleqa na noda toso ki liu? Ena vukei keda vakacava na cakacaka vakalotu ni kosipeli eso?

Wilika:Vunau kei na Veiyalayalati 84:20 kei na vosacavuti mai vei Peresitedi Boyd K. Packer (ena imatau)

Veivosaki:Ena noda vakasaqara na bula rawati koya, na cava e sa rui bibi kina meda bula kilikili vakavaletabu?

Yalataka:Yalataka mo cakacakataka na veika oqo ena loma ni macawa. Tikitaka ni o vakacavara na itavi:

• Kevaka e tiko na nomu volatara ni valetabu, vakatikitikitaka na tikinisiga mo tiko e valetabu.

• Kevaka e sega na nomu volatara ni valetabu, sota kei na nomu bisopi se peresitedi ni tabana ka veivosakitaka na nomu vakavakarautaki iko mo ciqoma na cakacaka vakalotu ni valetabu.

• Wasea na veika o vulica me baleta na cakacaka vakalotu ni valetabu vei ira na nomu matavuvale se itokani.

Gole ki na tabana e 32 ka railesuva na nomu kalawa e tarava.