Vakaraitaka na Vakabauti Jisu Karisito

Ripote:Wasea vakalailai kei na nomu ilawalawa na nomu bula rawati iko tiko vakacava ena macawa sa oti.

Vakananuma:Ena tara vakacava na noqu bula rawati au na noqu vakabauti Jisu Karisito?

Sarasara:“Vakabauti Jisu Karisito,” e tiko ena srs.lds.org/videos. (Sega na vidio? Wilika na tabana e 7.)

Vakaraitaka na Vakabauti Jisu Karisito

Kevaka o sega ni sarava rawa na vidio, wilika na itukutuku.

Elder David A. Bednar: Na noda cakacaka ka vakaraitaka na vakabauta. Era laveta tiko na kato ni veiyalayalati na Isireli. Era sa yacova mai ki na Uciwai ko Joretani. Na yalayala sai koya ni ra na takoso ena vanua mamaca. Ena gauna cava e qai tawase kina na wai? Ni sa suasua na yavadra. Era taubale yani ena lomani uciwai—cakacakataka. E muria mai na kaukauwa—e tawase na wai.

Ena levu na gauna eda vakabauta, “Au na kila deivaki rawa mada e liu, kau na qai veisautaka kina veika meu cakava.” Au vakatura ni sa rauta na veika e tiko me da tekivu kina. E tiko vei ira na wakilakila ni idusidusi donu. Na vakabauta sa ivakavuvuli—na ivakavuvuli—ni cakacaka kei na kaukauwa. Na vakabauta dina sai koya na raica matua tikoga ni Turaga o Jisu Karisito ka na dau veimuataki ga kina cakacaka.

(Raica na “Seek Learning by Faith” [address to Church Educational System religious educators, Feb. 3, 2006], lds.org/media-library)

Lesu ki na draunipepa 6.

Veivosaki:Na cava e dau laki cakacakataki tikoga kina na vakabauta dina? Na cava e gadrevi kina na vakabauta na Kalou me vukei keda ena veika vakayalo ka vakayago?

Wilika:Maciu 6:30 kei na vosa cavuti mai na Lectures on Faith (ena imatau)

Yalataka:Yalataka mo cakacakataka na veika oqo ena loma ni macawa. Tikitaka ni o vakacavara na itavi yadua.

• Vakaraitaka na nomu vakabauta ena Sigatabu oqo ena nomu vakatabuya na Siga ni Vakacecegu ka vakaivotavota ena sakaramede ena vakarokoroko.

• Wiliwili mai na Vola i Momani ena veisiga.

• Wilika na ivolanikalou mai na tabana e 7. Digia e dua ka qai wasea vei ira nomu vuvale se itokani.

  iVolanikalou me baleta na Cakacakataki ni Vakabauta

  Ena nona sega ni via sorovaka o Taniela na masumasu, a viritaki ki na qara ni laione, ia na “Kalou … sa tala mai na nona agilose, ka … sogota vakaruburubu na gusudra na laione, … a sa sega ni kune vua e dua na tikina e ca, ka ni sa vakabauta na Kalou.” (Taniela 6:22–23; raica talega na tikina e 16–21).

  E solia na Turaga na Liaona vei Liai me dusimaka na nona matavuval, ka “sa vakatau na cakacaka ni ka oqo, e na nodra vakabauta na Kalou. … [Ia] ni ra sa vucesa ka sega ni vakabauta … a sa berabera sara na nodra ilakolako.”(Alama 37:40–41).

  “Dou kauta kece mai nai sigana ki na lololo … ka vakatovolei au mada … se’u na dolava se segai na katuba ni lomalagi, ka sovaraka vei kemudou na ka ni veivakalougatataki, me na sautu dina sara.” (Malakai 3:10).

  Ena na gauna ni lauqa, a kerea e dua na yada o Ilaija me solia vua na otioti ni ka e tu vua me kana kina. E yalataka vua o Ilaitia ni na vakarautaka na Kalou vua na kakana, ka sega vakadua ni oti na kena. (Raica na 1 Tui 17.)

  “Ni ra sa qara wai na malumalumu kei na dravudravua, ka sa sega, ni sa mamaca na yamedra ena via gunu, koi au ko Jiova kau na rogoci ira, koi au na nodra Kalou na Isireli, kau na sega ni laivi ira” (Aisea 41:17; raica talega na tikina 18).