آغازِ خُود انحصاری

اپنی المیخ میں خُود انحصاری کی ضروریات کو سمجھنے اور حل کرنے کے لئے، المیخ کی صدارتی مجلس المیخ مجلس کے حصہ کے طور پر المیخ کی خُود انحصار کمیٹی کو منظم کر سکتی ہے۔ المیخ کی خود انحصار کمیٹی کی صدارت المیخ کی صدارتی مجلس کا ایک رکن کرتا ہے اور المیخ میں خُود انحصاری کی ضروریات کی جانچ اور منصوبہ سازی کرنے کے لئے باقاعدگی سے ملتا ہے۔ المیخ کی خود انحصارکمیٹیوں کی اُن ضروریات کا اندازہ لگانے اور پورا کرنےکے لئے اُسقف صاحبان کی فلاحی مجلس کے ساتھ کام کرنے کی حوصلہ افزائی کی جاتی ہے۔

عموماً المیخ کی خود انحصار کمیٹی میں مجلسِ اعلیٰ کا ایک رکن، المیخ کی ریلف سوسائٹی کی صدارتی مجلس کی ایک رکن، اُسقف کی فلاحی مجلس کا چیئرمین، اور بلائے گئے المیخ کے خُود انحصاری کے ماہرین میں سے کوئی ایک شامل ہوتے ہیں۔ کمیٹی کے دیگر اراکین میں المیخ کے ینگ مین اور انجمنِ دختران کی صدارتی مجالس کے اراکین، اضافی المیخ ماہرین، اور مبلغین شامل ہو سکتے ہیں۔

المیخ میں افراد اور خاندانوں کی ضروریات کا جائزہ لینے اور منصوبہ سازی کرتے ہوئے، کمیٹی درج ذیل پر توجہ مرکوزکرتی ہے:

• اُسقف صاحبان اور حلقہ کی کونسلز کو خُود انحصاری کی تعلیم کے بارے میں سِکھانا اور اُن کے فرائض میں اُن کی معاونت کرنا۔

• اُسقف صاحبان کی معاونت کرنے اور سٹیک کی خُود انحصاری کی ضروریات کو پورا کرنے کے لیے سادہ منصوبہ بنانا۔ اس ہدایت نامہ برائے راہنما کے آخر میں”کمیٹیوں کے غور کرنے کے لیے سوالات“ کی طرف رجوع کریں۔

• باقاعدگی سے خُود انحصاری کے رُوحانی اجلاس منعقد کرنااور خُود انحصاری گروہوں کو منظم کرنا۔

• سہولت کاروں کو حسبِ ضرورت رواں تربیت مہیا کرنا۔

• خُود انحصاری گروہ کی میٹنگوں میں وقفے وقفے سے جانااور رکن کی ترقی سے متعلق اُسقف اور حلقہ کی مجالس سے اپنی رائے کا اظہا ر کرنا۔

• معاشرے اور کلیسیا میں میسر مقامی ذرائع اکٹھے کرنااور اُنکی اطلاع دینا۔ ان لوگوں کے نام جو کہ مدد کر سکتے ہیں، حکومتی پروگرامز، روزگار کے مواقع، وغیرہ اِن ذرائع میں شامل ہو سکتے ہیں۔ مقامی خُود انحصاری خدمات کا مینجربھِی کمیونٹی ذرائع اکٹھے کرنے اور بانٹنے کے طریقے سے متعلق ہدایت مہیا کر سکتا ہے۔

”مقدسینِ ایام آخر کی یہ ہمیشہ سے ہی بنیادی تعلیم رہی ہے، کہ جو مذہب لوگوں کو مادی طور پر بچانے اور اُنہیں یہاں خُوشحال اور شادمان بنانے کی قدرت نہیں رکھتا، اُس پر اُنہیں روحانی طور پر بچانے، اُنہیں آئندہ زندگی میں سرفراز کرنے کے لئے بھروسہ نہیں کیا جا سکتا ہے۔“

صدر جوزف ایف سمتھ کلیسیا کے صدور کی تعلیمات: جوزف ایف سمتھ (۲۰۱۱)، ۱۶۳

ایک بہن، بھائی، یا جوڑا بطور ماہر خُود انحصاری برائے المیخ (یا ضلع) خدمت کر سکتا ہے۔ کمیٹی کے اراکین کے ساتھ قریبی طور پر کام کرتے ہوئے، ایک ماہر المیخ میں خُودانحصاری کی کاروائیوں اور سرگرمیوں کی نگرانی کرتا ہے۔ ماہرینِ المیخ اُسقف صاحبان اور حلقہ کے دیگر راہنماؤں کے لئے بطورِ وسیلہ خدمت کرتے ہیں (Handbook 2, 6.3.3) اور ارکان کی تعلیم، تربیت، خاندانی مالیات، اور جاری تعلیمی فنڈ جہاں لاگو ہو، جیسی ضروریات میں مدد کر سکتے ہیں (Handbook 2, 6.2.5)۔ حسبِ ضرورت اُسقف بھی حلقہ (یا شاخ )کے ماہرینِ خُود انحصاری کو بُلا سکتا ہے۔

ماہر کی ذمہ داریوں میں درجِ ذیل شامل ہو سکتی ہیں:

• جب درخواست کی جائے تب اُسقف صاحبان اور حلقہ کی مجالس کو تربیت دینا اور اُنکی معاونت کرنا۔

• رُوحانی اجلاس میں ربط قائم کرنے اور گروہوں کو منظم کرنے کے لئے المیخ کی خود انحصار کمیٹی کے ساتھ کام کرنا۔

• خُود انحصار گروہ کے سہولت کاروں کو تربیت فراہم کرنا، کتابچہ خُود انحصاری کے لیے گرہوں کو سہولت دینا کا استعمال کرتے ہوئے (جو srs.lds.org/facilitator پر آن لائن میسر ہے)۔

• خُود انحصاری گروہوں کا وقفے وقفے سے مشاہدہ کرنا اور اُنکی معاونت کرنا۔

• اراکین کے ساتھ دستیاب کمیونٹی اور کلیسیائی ذرائع کا اشتراک کرنا۔

• یقینی بنانا کہ srs.lds.org/report پر رپورٹیں مکمل ہوں۔

”یہ خُد اکی منشاء ہے کہ ہم آزاد مرد و زن ہوں، دونوں مادی اور روحانی طورپر اپنی بھرپور صلاحیتوں تک اُبھرنے کے قابل ہوں، کہ ہم غربت کی تحقیر آمیز حدود اور گناہ کے بندھن سے آزاد ہوں، کہ ہم عزتِ نفس اور آزادی سے لطف اندوز ہوں، کہ ہم سلیٹیل جلال میں اُس کے ساتھ شامل ہونے کے لیے تمام باتوں میں تیار ہوں۔“

ڈی  ٹاڈ کرسٹوفرسن، ”Free Forever, to Act for Themselves،“ انزائن یا لیحونا، نومبر ۲۰۱۴، ۱۹

منجی نے سیکھایا کہ ”جہاں دو یا تین میرے نام میں، ایک چیز کی بابت، اکھٹے ہوتے ہیں، دیکھو، وہاں میں اُن کے درمیان میں ہوں گا“ (عقائد اور عہود ۶: ۳۲)۔ خُود انحصاری گروہ چھوِٹی اور عمل پر مبنی مجالس ہیں۔ وہ ہر شریک کار کے ایمان اور مہارتوں کی تعمیر کرنے میں مدد کے لئے باہم ملتے ہیں۔ گروہی میٹنگوں کے دوران ذاتی مکاشفہ کئی مختلف ذرائع سے آ سکتا ہے۔ تدریسی کتب کے علاوہ، ہر شریک کار وہ علم، تجربات، اور نعمتیں رکھتا ہے جو دوسروں کی سیکھنے اور فروغ پانے میں مد دکر سکتی ہیں۔

ایک گروہ عموماً ۸ سے ۱۲ افراد پر مشتمل ہوتا ہے اور ۱۲ ہفتوں تک ہر ہفتے تقریباً دو گھنٹے ملتا ہے۔

ہر گروہی میٹنگ کے دوران، شرکا خُود انحصاری کے نظریاتی اصولوں کا جائزہ لینے، بشمول رسوم کی اہمیت پر وقت صرف کرتے ہیں۔ وہ عملی مہارتیں جیسا کہ بہتر مالی انصرام کرنا، بہتر ملازمت کی تلاش کرنا، تعلیم میں بہتری لانا، یا کوئی چھوٹا کاروبار شروع کرنا اور اُسکو وسعت دینا سیکھتے ہیں۔

ہر گروہی مجلس کا آغاز سابقہ ہفتے میں کیے گئے اُنکے وعدوں کی انفرادی رپورٹ دینے سے ہوتا ہے۔ پھر شرکا رکاوٹوں کی نشاندہی کرنے اور اُن پر غالب آنے کے لئے باہم مشورت کرتے ہیں۔

خُود انحصاری گروہ تین کاموں کا احاطہ کرتے ہیں جن کی بابت صدر گورڈن بی ہینکلی نے فرمایا ہے کہ وہ ایک تبدیل ہونے والے شخص کی ضرورت ہے: ” ایک دوست، ایک ذمہ داری، اور ’خُدا کے عمدہ کلام‘ سے پرورش (مرونی ۶ :۴)“ (”تبدیل شدگان اور نوجوان مرد،“ انزائن، مئی ۱۹۹۷، ۴۷؛ مزید دیکھیں مرونی ۶ :۳–۹)۔

زیادہ تر سیکھنا گروہی مجلس سے باہر وقوع پذیر ہوتاہے جب اراکین نئی مہارتوں کی مشق کرتے ہوئے اپنے وعدوں کو پورا کرتے ہیں۔ شرکا کی حوصلہ افزائی کی جاتی ہے کہ وہ جو کچھ بھی سیکھتے ہیں اسے اپنے اراکینِ خاندان کو بتائیں۔

شرکا سے ہر ہفتےگروہ کے ایک دوسرے رکن کی معاونت کرنے اور اُسکو مضبوط کرنے کو کہا جاتا ہے۔ یہ ”عملی ساتھی“ ایک دوسرے کی باقاعدہ رابطے اور حوصلہ افزائی کے ذریعے اپنے وعدوں کو پورا کرنے میں مدد کرتے ہیں۔

”اگر ہم خُداوند کے طریق پر ایک دوسرے کے ساتھ مشورت کرتے ہوئے—واقعی مشورت کرتے ہوئے—حل تلاش کریں تو خاندان، حلقہ یا المیخ میں کوئی بھی مسئلہ ایسا نہیں جِسے حل نہ کیا جا سکے۔“

ایم  رسل بیلیرڈ، Counseling with Our Councils, rev. ed. (2012), 4

خُود انحصاری گروہوں کی راہنمائی ایک معلم نہیں کرتا بلکہ ایک سہولت کار ان کی قیادت کرتا ہے۔ سہولت کار لیکچر نہیں دیتے بلکہ اس کی بجائے کورس کے مواد پر عمل کرتے ہیں اور تمام ارکینِ گروہ کو شرکت کرنے کی دعوت دیتے ہیں۔ سہولت کار ایسا ماحول پید اکرتے ہیں جہاں روح القدس شرکاکو ”وہ سب باتیں جو [اُنہیں] کرنی ہیں“ سیکھا سکے (۲ نیفی ۳۲: ۵؛ ۲ نیفی ۳۲: ۳ بھی دیکھِیں)۔

اگر ضرورت ہو، تو ماہرینِ المیخ، رضاکار، یا خاندانی اور ملاقاتی معلمین کو بذریعہ فون یا بذات خود شرکا کی انفرادی طور پر پیش رفت کی پیروی یا سرپرستی کرنے کے لیے مقر رکیا جا سکتاہے۔ المیخ کی خود انحصار کمیٹی وقفے وقفے سے خودانحصاری گروہ کے گریجوئیٹس کا ایک اجتماع بھی منظم کر سکتی ہے تاکہ شرکا دوستی جاری رکھ سکیں، تجربات بانٹے رہیں، اور خود انحصاری کیلئے میری بنیاد کے اصولوں کا جائزہ لیتے رہیں۔

ذیل کی صورتحال والے اراکین مستفید ہو سکتے ہیں: روزے کے ہدیے کے وصول کنندگان، بے روزگار یا کم روزگار والے، حال ہی میں لوٹے ہوئے مشنری، نئے تبدیل شدگان، کم متحرک اراکین، اور اکیلے والدین۔