Jozef Smithi

Dëshmia e fuqishme e Jozef Smithit për Jezu Krishtin është e shënuar në shkrimet e shenjta. Lexojeni dëshminë e tij te Doktrina e Besëlidhje 76:22–24 dhe Doktrina e Besëlidhje 110:1–4. Reflektoni mbi atë që mësoni rreth Jezu Krishtit nga këto vargje. Pastaj përsiateni vetë dëshminë tuaj për Shpëtimtarin (shihni te 2 Nefi 31:18). Si ka ndikuar dëshmia e Profetit Jozef Smith për Jezu Krishtin te dëshmia juaj vetjake? Nëse doni, mund të shënoni edhe dëshminë tuaj ose përvoja të tjera vetjake që ju kanë sjellë më pranë Zotit.

Në moshën 14‑vjeçare, Jozef Smithi dëshmoi për herë të parë Atin Qiellor dhe Jezu Krishtin. Mësoni për këtë dëshmi duke lexuar së bashku vargjet te Joseph Smith – Historia 1:14–20. Çfarë mund të mësojmë rreth Perëndisë, Atit, dhe Jezu Krishtit nga ky rrëfim? Si ndryshoi bota për shkak të dëshmisë së Jozefit? Shprehini mendimet tuaja dhe më pas si grup shikoni materialin filmik “#Dëgjoje Atë: Dëgjoje Zërin e Jezu Krishtit” (1:47). Si e dëgjoni zërin e Shpëtimtarit? (Shihni edhe te Doktrina e Besëlidhje 6:22–24; 8:2–3; 9:8–9; 11:12–13). Diskutoni për mendimet tuaja dhe më pas flisni për ndikimin që mund të ketë dëshmia juaj tek të tjerët ndërsa e dëgjoni Shpëtimtarin ashtu siç bëri Jozefi.

Dëshmia e Jozefit për Shpëtimtarin është e përfshirë në materialin “Krishti i Gjallë: Dëshmia e Apostujve”. Lexojeni së bashku dëshminë e Profetit në deklaratë dhe diskutoni për rrethanat historike të vegimeve që mori ai. Ju gjithashtu mund të punoni që si grup ta mësoni përmendsh dëshminë e Profetit. Ndoshta ju mund t’i thoni përmendsh fjalët me zë të lartë dhe të përdorni figura nga Biblioteka e Mjeteve të Informimit për Ungjillin të Kishës ose të krijoni materiale të tjera pamore për t’ju ndihmuar. Flisni se si të mësuarit përmendsh të dëshmisë së Profetit mund ta rritë besimin tuaj te Jezu Krishti dhe të jetë një burim fuqie, shtyse, frymëzimi dhe ngushëllimi.

Doktrina e Besëlidhje 135:1–7

M. Rasëll Ballard, “Lavdi Burrit”, Liahona, nëntor 2023, f. 74–75

“Testimony of the Book of Mormon” (material filmik), Gospel Library [Biblioteka e Ungjillit]

“The First Vision”, “Tutored by Heaven”, “Strengthened by Trials”, “Sealed His Testimony with His Blood” (materiale filmike), Gospel Library [Biblioteka e Ungjillit]

Presidenti Xhefri R. Holland dëshmoi: “Unë e di se Jozef Smithi, i cili e pranoi se nuk ishte i përsosur, ishte, pavarësisht prej kësaj, mjeti i zgjedhur në dorën e Perëndisë për të rivendosur ungjillin e përjetshëm në tokë. Unë gjithashtu e di se, duke e bërë këtë – veçanërisht nëpërmjet përkthimit të Librit të Mormonit – ai më ka mësuar më shumë për dashurinë e Perëndisë, për hyjninë e Krishtit dhe për fuqinë e priftërisë, sesa çdo profet tjetër për të cilin kam lexuar, ditur ose dëgjuar gjatë një jete të tërë kërkimi.” Çfarë ju ka mësuar Profeti Jozef Smith rreth dashurisë së Perëndisë, hyjnueshmërisë së Krishtit dhe fuqisë së priftërisë nëpërmjet Rivendosjes së ungjillit të Jezu Krishtit? Si ju dëshmojnë ato mësime se Jozef Smithi u zgjodh nga Perëndia? Shënojeni çdo mbresë që mund të merrni.

Ne gëzojmë shumë bekime ngaqë Perëndia e rivendosi ungjillin nëpërmjet Jozef Smithit. Si grup, përpiquni të krijoni një listë të atyre bekimeve. Mund të filloni me ato që përmenden te Doktrina e Besëlidhje 135:3. Këto fjalë nga Presidenti Rasëll M. Nelson mund t’ju japin gjithashtu disa ide: “[Rivendosja e ungjillit] do të thotë që ju dhe familja juaj mund të vuloseni së bashku përgjithmonë! Do të thotë që, për shkak se jeni pagëzuar nga dikush që ka autoritet nga Jezu Krishti, dhe jeni konfirmuar anëtar/e i/e Kishës së Tij, ju mund të gëzoni shoqërimin e vazhdueshëm të Frymës së Shenjtë. Ai do t’ju udhërrëfejë dhe mbrojë. Do të thotë që nuk do të mbeteni kurrë pa ngushëllim apo pa të drejtën e përdorimit të fuqisë së Perëndisë për t’ju ndihmuar. Do të thotë që fuqia e priftërisë mund t’ju bekojë kur i merrni ordinancat thelbësore dhe bëni besëlidhje me Perëndinë e i mbani ato.” Më pas flisni se si mund ta tregoni mirënjohjen tuaj për atë që Zoti ju ka dhënë nëpërmjet profetit të Tij Jozef Smith.

A e dinit se një profet tjetër i quajtur Jozef, i cili jetoi në lashtësi, e parashikoi misionin e Jozef Smithit? Lexoni te 2 Nefi 3:6–15 për të mësuar atë që profetizoi Jozefi i Egjiptit rreth Jozef Smithit dhe punës së tij të rëndësishme. Çfarë fjalësh përdoren për ta përshkruar Jozef Smithin në këto vargje? Për çfarë e përgatiti Perëndia atë që të bënte? Flisni me njëri‑tjetrin rreth asaj që gjeni. Ju mund të diskutoni edhe për bekimet e premtuara në këtë profeci dhe se si janë realizuar ato nëpërmjet Rivendosjes.

Doktrina e Besëlidhje 21:1–5

Dallin H. Oaks, “Joseph, the Man and the Prophet”, Ensign, maj 1996, f. 71–73

Ted R. Kelister, “Jozef Smithi – Profeti i Rivendosjes”, Liahona, nëntor 2009, f. 35–37

“Ministry of Joseph Smith: The Book of Mormon”, “Ministry of Joseph Smith: The Restoration of Priesthood Authority”, (materiale filmike), Gospel Library [Biblioteka e Ungjillit]

“Teachings of Joseph Smith: The Organization of the Church” (material filmik), Gospel Library [Biblioteka e Ungjillit]

Ka shumë mënyra se si mund të fitojmë një dëshmi vetjake se Jozef Smithi ishte një profet. Plaku Nil L. Andersen tha: “Ajo mund të vijë kur gjunjëzoheni në lutje, duke i kërkuar Perëndisë t’ju konfirmojë që ai ishte një profet i vërtetë. Mund të vijë kur lexoni rrëfimin e Profetit për Vegimin e Parë. Një dëshmi mund të pikojë në shpirtin tuaj kur e lexoni Librin e Mormonit në mënyrë të vazhdueshme. Ajo mund të vijë kur jepni dëshminë tuaj për Profetin ose kur qëndroni në tempull dhe e kuptoni se fuqia e shenjtë e vulosjes u rivendos në tokë nëpërmjet Jozef Smithit.” Mendoni rreth dëshmisë suaj për rolin e Jozef Smithit si profet i Perëndisë. Çfarë ju ka ndihmuar të besoni në thirrjen e tij hyjnore? Çfarë mund të bëni më shumë për të fituar ose forcuar dëshminë tuaj se ai është një profet?

Një dëshmi vetjake se Jozef Smithi ishte profeti i Perëndisë, nuk vjen rastësisht, është diçka për të cilën ne punojmë. Ju mund ta forconi dëshminë tuaj vetjake për thirrjen e Jozefit duke ndarë me grupin tuaj një shkrim të shenjtë nga Libri i Mormonit dhe duke folur se në ç’mënyrë ishte Jozefi një mjet në duart e Perëndisë për ta vënë atë shkrim të shenjtë në dispozicion për ne. Ndoshta ju mund ta bëni me radhë që ta regjistroni së bashku dëshminë e profetit nga Perla me Vlerë të Madhe dhe më pas ta dëgjoni atë ose t’ua tregoni atë të tjerëve. Si e forcojnë Libri i Mormonit dhe dëshmia e Jozefit besimin tuaj se Jozefi u thirr nga Perëndia?

Ne mund ta rritim dëshminë për thirrjen hyjnore të Jozef Smithit gjatë gjithë jetës. Ndoshta dëshmia juaj për rolin e tij ndihet më e fortë në disa çaste të caktuara sesa në të tjera. Ju mund të lexoni së bashku këtë këshillë nga Presidenti Diter F. Uhtdorf: “Unë ju ftoj të tërhiqeni, ta shikoni jetën tuaj nga një plan më i lartë dhe të thjeshtoni qasjen tuaj ndaj dishepullimit”. Merrni parasysh të hulumtoni se si zbatohet këshilla e Presidentit Uhtdorf për dëshminë tuaj se Jozefi ishte profeti i Perëndisë duke parë një fotografi ku zmadhimi është përqendruar te një hollësi. Flisni së bashku se si duket pamja. Pastaj shikoni të njëjtën fotografi të zvogëluar në mënyrë që të tregojë të gjithë pamjen. Si duket fotografia ndryshe nga më parë? Çfarë ju mëson ky shembull rreth mënyrës se si të fitoni një dëshmi për thirrjen hyjnore të Profetit Jozef Smith?

Parathënia për Librin e Mormonit

Nil L. Andersen, “Jozef Smithi”, Liahona, nëntor 2014, f. 28–31

“Jeta dhe Shërbesa e Jozef Smithit”, Mësime të Presidentëve të Kishës: Jozef Smith (2009), f. 1–26

Joseph Smith: The Prophet of the Restoration (material filmik), Gospel Library [Biblioteka e Ungjillit]