« ៣៥. ការថែទាំ និងការប្រើប្រាស់សាលាប្រជុំ » ជម្រើសចេញមកពីក្បួនខ្នាតទូទៅ ( ឆ្នាំ២០២៣ ) ។
« ៣៥. ការថែទាំ និងការប្រើប្រាស់សាលាប្រជុំ » ជម្រើសចេញមកពីក្បួនខ្នាតទូទៅ
៣៥.
ការថែទាំ និងការប្រើប្រាស់សាលាប្រជុំ
៣៥.១
គោលបំណង
សាសនាចក្រផ្ដល់សាលាប្រជុំទាំងឡាយ ដើម្បីឲ្យមនុស្សទាំងអស់ដែលចូលមកអាច ៖
-
ចុះ និងរំឭកសេចក្ដីសញ្ញាតាមរយៈពិធីបរិសុទ្ធដ៏ពិសិដ្ឋទាំងឡាយ ( សូមមើល គោលលទ្ធិ និងសេចក្ដីសញ្ញា ២០:៧៥; ៥៩:៩–១២ ) ។
-
ជួបជុំគ្នា ( សូមមើល នីហ្វៃទី៣ ១៨:២២–២៣ ) ។
-
ថ្វាយបង្គំ និងអធិស្ឋានជាមួយគ្នា ( សូមមើល ម៉ូសាយ ១៨:២៥; មរ៉ូណៃ ៦:៩ ) ។
-
បង្រៀន និងផ្ដល់ការងារបម្រើដល់គ្នាទៅវិញទៅមក ( សូមមើល មរ៉ូណៃ ៦:៤–៥ ) ។
-
ចូលរួមនៅក្នុងការប្រើប្រាស់ដែលបានអនុម័តដទៃទៀត ដូចបានពិពណ៌នានៅក្នុងជំពូកនេះ ។
៣៥.២
តួនាទី និងការទទួលខុសត្រូវ
៣៥.២.២
អ្នកគ្រប់គ្រងអគារសាសនាចក្រ
អ្នកគ្រប់គ្រងអគារដែលជាបុគ្គលិករបស់សាសនាចក្រ ជួយស្តេកនីមួយៗឲ្យដំណើរការសាលាប្រជុំ ។ គាត់រៀបចំការជួសជុលធំៗ ការសម្អាតពិសេស និងការថែទាំអគារជាប្រចាំ ។
តាមដែលត្រូវការ អ្នកគ្រប់គ្រងអគារជួយបង្រៀនដល់អ្នកតំណាងអគាររបស់ស្តេក និងវួដ អំពីរបៀបសម្អាតអគារ និងធ្វើការងារខាងក្នុងផ្សេងៗទៀត ។ គាត់ផ្ដល់ការណែនាំ សម្ភារ និងឧបករណ៍ ។
គាត់ក៏អាចពិនិត្យមើលការចំណាយលើអគារជាមួយនឹងប៊ីស្សពផងដែរ ។
៣៥.២.៧
គណៈប៊ីស្សព
គណៈប៊ីស្សព ( ឬអ្នកតំណាងអគារប្រចាំវួដ ) បង្រៀនសមាជិកពីរបៀបប្រើប្រាស់ មើលថែ និងរក្សាសន្តិសុខដល់សាលាប្រជុំ ។ គណៈប៊ីស្សពក៏ប្រគល់កូនសោដល់ថ្នាក់ដឹកនាំវួដផងដែរ ។
ពួកគាត់ធ្វើឲ្យប្រាកដថា សកម្មភាពនៅក្នុងអគារ និងនៅលើបរិវេណអគារត្រូវបានធ្វើឡើងដោយសុវត្ថិភាព ( សូមមើល ២០.៧ ) ។
ពួកគាត់ប្រាស្រ័យទាក់ទងជាមួយនឹងអ្នកគ្រប់គ្រងអគារសាសនាចក្រអំពីការថែទាំ និងតម្រូវការផ្នែកប្រតិបត្តិការរបស់អគារ ។ ពួកគាត់ក៏អាចនឹងពិនិត្យមើលការចំណាយដែលទាក់ទងជាមួយនឹងអ្នកគ្រប់គ្រងអគារផងដែរ ។
៣៥.២.៩
អ្នកតំណាងអគារវួដ
គណៈប៊ីស្សពកំណត់ថាតើត្រូវហៅអ្នកតំណាងអគារប្រចាំវួដម្នាក់ឬអត់ ។ ប្រសិនបើពួកគាត់សម្រេចចិត្តថាត្រូវផ្ដល់ការហៅនេះ នោះគណៈប៊ីស្សពអាចហៅសមាជិកមជ្ឈិមវ័យជាបុរស ឬស្ត្រីម្នាក់ ។ ប្រសិនបើអ្នកតំណាងអគារប្រចាំវួដមិនត្រូវបានហៅទេ នោះប៊ីស្សពអាចចាត់តាំងការទទួលខុសត្រូវនេះទៅទីប្រឹក្សាមួយរូបរបស់គាត់ ស្មៀនវួដ ឬជំនួយការស្មៀនវួដ ឬលេខាប្រតិបត្តិ ។
អ្នកតំណាងអគារប្រចាំវួដរៀបចំសមាជិក និងអ្នកស្ម័គ្រចិត្តដើម្បីសម្អាត និងថែទាំអគារ ។
៣៥.៣
ការផ្ដល់សាលាប្រជុំ
សាលាប្រជុំមានទំហំ និងប្រភេទខុសៗគ្នា ដោយផ្អែកទៅលើតម្រូវការ និងលក្ខខណ្ឌក្នុងមូលដ្ឋាន ។ សាលាប្រជុំមួយអាចជាកន្លែងសាងសង់ដោយសាសនាចក្រ ឬកន្លែងដែលបានជាវដោយសាសនាចក្រ ផ្ទះរបស់សមាជិក សាលារៀនក្នុងមូលដ្ឋាន ឬមជ្ឈមណ្ឌលក្នុងសហគមន៍ កន្លែងជួល ឬជម្រើសដែលបានអនុម័តផ្សេងទៀត ។
ថ្នាក់ដឹកនាំក្នុងតំបន់ និងមូលដ្ឋាន ត្រូវខិតខំព្យាយាមដើម្បីប្រើប្រាស់សាលាប្រជុំដែលមានស្រាប់ឲ្យអស់ពីលទ្ធភាព ហើយធ្វើការផ្ដល់អនុសាសន៍ប្រកបដោយភាពឈ្លាសវៃក្នុងការរៀបចំកន្លែងបន្ថែមទៀត ។
៣៥.៤
ការថែទាំសាលាប្រជុំ
៣៥.៤.១
ការសម្អាត និងការថែទាំសាលាប្រជុំ
ថ្នាក់ដឹកនាំ និងសមាជិកក្នុងមូលដ្ឋាន រួមទាំងយុវវ័យ មានទំនួលខុសត្រូវក្នុងការជួយរក្សាអគារនីមួយៗឲ្យបានស្អាត និងនៅក្នុងស្ថានភាពល្អប្រសើរ ។
កាលវិភាគសម្អាតមិនគួរជាបន្ទុកទៅលើសមាជិកនោះទេ ។ ឧទាហរណ៍ ប្រសិនបើធ្វើដំណើរទៅអគារនោះគឺជាការលំបាក នោះសមាជិកអាចធ្វើការសម្អាត ជាផ្នែកមួយនៃព្រឹត្តិការណ៍ប្រចាំសប្តាហ៍ នៅពេលពួកគេនៅឯសាលាប្រជុំស្រាប់ ។
៣៥.៤.២
ការស្នើសុំការជួសជុល
សមាជិកក្រុមប្រឹក្សាវួដ និងស្តេក អាចរាយការណ៍ពីតម្រូវការនានាសម្រាប់ការជួសជុលអគារបាន ។ ការណ៍នេះអាចត្រូវបានធ្វើឡើង ដោយប្រើប្រាស់ឧបករណ៍ ការរាយការណ៍បញ្ហាអគារ ( រ.ប.អ. ) ។
៣៥.៤.៥
សុវត្ថិភាព និងសន្តិសុខ
ថ្នាក់ដឹកនាំ និងសមាជិកគួរតែ ៖
-
រក្សាច្រកផ្លូវ ជណ្តើរ ច្រកចេញ និងបន្ទប់ឧបករណ៍ប្រើប្រាស់ឲ្យស្រឡះសម្រាប់ការចេញចូលដោយសុវត្ថិភាព ។
-
ចូរកុំប្រើ ឬកុំរក្សាទុកវត្ថុគ្រោះថ្នាក់ ឬងាយឆាបឆេះនៅក្នុងអគារឡើយ ។
-
បង្កើត និងធ្វើតាមនីតិវិធីចាក់សោអគារ ។
-
រក្សាឧបករណ៍ដែលជាកម្មសិទ្ធិរបស់សាសនាចក្រឲ្យមានសុវត្ថិភាពពីចោរ ។
-
ដឹងពីរបៀបបិទរបស់ប្រើប្រាស់ ដូចជាទឹក អគ្គិសនី និងហ្គាស ឬប្រេង ។
តាមដែលចាំបាច់ អ្នកគ្រប់គ្រងអគារអាចផ្ដល់ផែនទីមួយ ដែលបង្ហាញពីបំពង់ពន្លត់អគ្គិភ័យ កញ្ចប់ជំនួយបឋម និងទីតាំងដើម្បីបិទទឹកភ្លើង ។ ព័ត៌មានបន្ថែម អំពីសុវត្ថិភាពមាននៅក្នុង « សុវត្ថិភាព និងនិតិវិធីចាក់សោ » នៅក្នុង « ការថែទាំសាលាប្រជុំ » ( មគ្គទេសក៍អគារសាលាប្រជុំ ) ។ សូមមើលផងដែរ ២០.៧ ។
៣៥.៥
គោលនយោបាយអំពីការប្រើប្រាស់សាលាប្រជុំសាសនាចក្រ
៣៥.៥.១
គោលការណ៍ និងលក្ខខណ្ឌមូលដ្ឋានសម្រាប់ការប្រើប្រាស់សាលាប្រជុំរបស់សាសនាចក្រ
ការប្រើប្រាស់អគារប្រជុំសាសនាចក្រត្រូវតែបំពេញតាមតម្រូវការមូលដ្ឋានដូចខាងក្រោម ៖
-
ធ្វើឲ្យស្របតាមគោលលទ្ធិគោលនយោបាយ និងការអនុវត្តរបស់ សាសនាចក្រ រួមទាំងលក្ខណៈ និងគោលបំណងដ៏ពិសិដ្ឋនៃសាលាប្រជុំរបស់សាសនាចក្រ ។
-
សូមគោរពតាមច្បាប់ ។
-
ធ្វើឲ្យសមស្របជាមួយនឹងស្ថានភាពលើកលែងពន្ធរបស់សាសនាចក្របើអនុវត្ត ។
-
សូមចាត់វិធានការត្រឹមត្រូវដើម្បីចៀសវាងកាត់បន្ថយ និងគ្រប់គ្រងសុវត្ថិភាពហានិភ័យ រួមទាំងគោលការណ៍ណែនាំ និងគោលនយោបាយសាសនាចក្រ ការការពារកុមារ និងយុវវ័យ ( សូមមើល ១២.៥.១ និង ២០.៧.១ )
-
អនុលោមតាមលក្ខខណ្ឌ និងការដាក់កំហិតផ្សេងទៀតដែលបានផ្តល់ឲ្យដោយប្រធានស្ដេក ឬប៊ីស្សព ។
៣៥.៥.២
ការប្រើប្រាស់សាលាប្រជុំសាសនាចក្រ
ការប្រជុំសាសនាចក្រ កម្មវិធី និងសកម្មភាពនានាមានអាទិភាពជាងលើការប្រើប្រាស់សាលាប្រជុំផ្សេងទៀតប្រសិនបើជាន់សកម្មភាពគ្នា ។
វួដ និងស្តេកក៏អាចផ្តល់នូវកម្មវិធីសាសនាចក្រផ្សេងទៀត ដែលផ្តល់ប្រយោជន៍ដល់សមាជិក និងសហគមន៍ផងដែរ ។ ទាំងនេះរួមមាន ៖
៣៥.៥.៣
សមាជិកប្រើប្រាស់សាលាប្រជុំ — ផ្ទាល់ខ្លួន និងគ្រួសារ
សមាជិកអាចស្នើសុំប្រើប្រាស់សាលាប្រជុំមួយនៅក្នុងស្ដេករបស់ពួកគេ សម្រាប់សកម្មភាពផ្ទាល់ខ្លួន ឬគ្រួសារ ។ ដើម្បីស្វែងរកការអនុម័តពួកគេទាក់ទងសមាជិកនៃគណៈប៊ីស្សពនៃ វួដមួយដែលជួបជុំគ្នានៅក្នុងសាលាប្រជុំនោះ ( ឬនរណាម្នាក់ដែលគាត់បានកំណត់ ) ។ ស្ថានភាពដូចតទៅនេះអនុវត្តបានដូចជា ៖
-
ការប្រើប្រាស់នេះត្រូវតែត្រួតពិនិត្យដោយផ្ទាល់ដោយសមាជិកពេញវ័យ ដែលទទួលខុសត្រូវក្នុងវួដដែលជួបជុំគ្នានៅក្នុងសាលាប្រជុំនោះ ។
-
អ្នកប្រើប្រាស់មានទំនួលខុសត្រូវទាំងស្រុងចំពោះរាល់ការខូចខាតណាមួយទៅលើអាគារ ឬការរងរបួស ឬការទទួលខុសត្រូវដែលពាក់ព័ន្ធនឹងការប្រើប្រាស់បែបនេះ ។
-
អ្នកប្រើប្រាស់ត្រូវសម្អាត និងធ្វើឲ្យអគារស្អាតទាំងស្រុងដូចពីមុនពេលប្រើប្រាស់ ។
-
អ្នកប្រើប្រាស់ត្រូវអនុលោមតាមការណែនាំ និងសំណើមកពី ថ្នាក់ដឹកនាំក្នុងមូលដ្ឋាន រួមទាំងសំណើរបស់ថ្នាក់ដឹកនាំដែលសុំឲ្យត្រួតពិនិត្យមើលពេលប្រើប្រាស់នោះផងដែរ ។
-
ថ្នាក់ដឹកនាំសាសនាចក្រអាចសុំឲ្យបុគ្គល ឬក្រុមណាមួយឈប់ប្រើទ្រព្យសម្បត្តិនោះ ប្រសិនបើពួកគេមិនអនុវត្តតាមគោលការណ៍ណែនាំទេ ។
-
សម្រាប់សកម្មភាពដែលបានអនុម័ត នោះថ្នាក់ដឹកនាំវួដ និងស្តេកគួរតែចាត់ចែងសម្រាប់ការចូលប្រើប្រាស់សាលាប្រជុំ ។ កូនសោអគារគួរតែត្រូវបានប្រគល់ឲ្យតែសមាជិកវួដ ឬសមាជិកស្ដេកដែលបានចាត់តាំងប៉ុណ្ណោះ ។
សូមមើល ៣៨.៣.៤ សម្រាប់ការប្រើប្រាស់សាលាប្រជុំសម្រាប់ពិធីរៀបអាពាហ៍ពិពាហ៍ និងពិធីជប់លៀងទទួលភ្ញៀវ ។
សូមមើល ២៩.៥ សម្រាប់ការប្រើប្រាស់សាលាប្រជុំសម្រាប់ពិធីបុណ្យសព និងកម្មវិធីផ្សេងទៀតសម្រាប់អ្នកស្លាប់ ។
៣៥.៥.៤
ការប្រើប្រាស់សាលាប្រជុំសាសនាចក្រដោយអង្គការមិនរកប្រាក់ ចំណេញ ឬដោយ ក្រុម ឬបុគ្គលផ្សេងៗ
ថ្នាក់ដឹកនាំតំបន់អាចអនុញ្ញាតឲ្យអង្គការមិនរកប្រាក់ចំណេញ សហគមន៍ និងក្រុមផ្សេងទៀត ( ដូចជាក្រុមកីឡា ) ឬបុគ្គលដែលមិនបានរៀបរាប់ក្នុង ៣៥.៥.៣ ដើម្បីប្រើសាលាប្រជុំសាសនាចក្រ សម្រាប់សកម្មភាព ឬកម្មវិធីកម្សាន្ដទាំងឡាយ ។ ស្ថានភាពដែលបានរៀបរាប់នៅក្នុង ៣៥.៥.៣ អាចអនុវត្ត ។
ដើម្បីស្វែងរកការអនុម័តពីថ្នាក់ដឹកនាំប្រចាំតំបន់សម្រាប់ការប្រើប្រាស់បែបនេះ ប្រធានស្ដេកទាក់ទងទៅកាន់អ្នកគ្រប់គ្រងអាគារ ។
៣៥.៥.៥
ភាពអាសន្ន
សាលាប្រជុំសាសនាចក្រអាចនឹងត្រូវបានប្រើប្រាស់សម្រាប់សេវាកម្មពិសេសដល់សហគមន៍ក្នុងអំឡុងពេលអាសន្ន ។ ឧទាហរណ៍ប្រធានស្តេកអាចអនុញ្ញាតឲ្យប្រើប្រាស់សាលាប្រជុំនៅក្នុងស្តេករបស់គាត់ ដោយភ្នាក់ងារសង្គ្រោះមហន្តរាយ និងភ្នាកងារផ្សេងទៀតដែលមានកិច្ចខិតខំដែលពាក់ព័ន្ធ ( សូមមើល ៣៥.៥.៤ ) ។
៣៥.៥.៦
ការប្រើប្រាស់អគារដែលមិនត្រូវបានអនុញ្ញាតឲ្យប្រើ
៣៥.៥.៦.១
ការប្រើប្រាស់លក្ខណៈពាណិជ្ជកម្ម
ទ្រព្យសម្បត្តិសាសនាចក្រមិនអាចត្រូវបានប្រើប្រាស់សម្រាប់គោលបំណងខាងពាណិជ្ជកម្មទេ ។ ការប្រើប្រាស់បែបនោះមិនសមស្របទៅនឹងគោលបំណងនៃទ្រព្យសម្បត្តិសាសនាចក្រនោះទេ ។ វាក៏អាចប្រឆាំងនឹងច្បាប់ក្នុងមូលដ្ឋាន ឬច្បាប់ជាតិផងដែរ ដែលអាចអនុញ្ញាតឲ្យមានការលើកលែងពន្ធលើទ្រព្យសម្បត្តិសាសនាចក្រនោះ ។
៣៥.៥.៦.៣
គោលបំណងខាងនយោបាយ
សាសនាចក្រមានភាពអព្យាក្រឹតខាងនយោបាយ ។ អគារសាសនាចក្រមិនអាចត្រូវបានប្រើប្រាស់សម្រាប់គោលបំណងខាងនយោបាយ ឬការតស៊ូមតិបានឡើយ ។ សកម្មភាពដែលហាមឃាត់រួមមាន កិច្ចប្រជុំខាងនយោបាយ និងការប្រើប្រាស់សម្រាប់យុទ្ធនាការនយោបាយ និងក្រុមអ្នកតស៊ូមតិ ។
ទោះជាយ៉ាងនោះក្តី ការប្រើប្រាស់ទ្រព្យសម្បត្តិសាសនាចក្រសម្រាប់ការចុះឈ្មោះអ្នកបោះឆ្នោត ឬការបោះឆ្នោតអាចត្រូវបានអនុញ្ញាតឲ្យជាករណីលើកលែង ( សូមមើល៣៨.៨.៣០ ) ។ ប្រធានស្តេកអាចទទួលបានករណីលើកលែងបែបនេះតាមរយៈអ្នកគ្រប់គ្រងអគារ ( សូមមើល៣៥.៥.៤ ) ។