Aktivitetet

Aktivitetet e lagjes mund të planifikohen në ndonjërën nga mënyrat vijuese, nisur nga nevojat vendore:

• Këshilli i lagjes mund ta mbikëqyrë planifikimin.

• Këshilli i lagjes mund të caktojë organizata të veçanta për të ndihmuar me planifikimin e një ose më shumë aktiviteteve.

• Aty ku është e nevojshme dhe aty ku ka mjaft anëtarë, peshkopata mund të organizojë një komitet lagjeje për aktivitetet.

Për informacion rreth planifikimit të aktiviteteve të lagjes për rininë, shihni te 10.2.1.3 dhe 11.2.1.3.

Ata që i planifikojnë aktivitetet, duhet t’u drejtohen të gjithëve, veçanërisht anëtarëve të rinj, atyre më pak aktivë, rinisë, personave në moshë madhore beqarë, atyre me aftësi të kufizuara dhe njerëzve të besimeve të tjera.

Aktivitetet nuk duhet të shkaktojnë barrë të tepruara tek udhëheqësit dhe anëtarët.

Aktivitetet e Kishës duhet të jenë lartësuese dhe të theksojnë atë që është e “virtytshme, [e] dashur ose me famë të mirë apo [e] denjë për t’u lavdëruar” (Nenet e Besimit 1:13). Në aktivitete nuk lejohet të përfshihet asgjë që është në kundërshtim me mësimet e Kishës.

Pjesa më e madhe e aktiviteteve duhet të jenë të thjeshta dhe të kenë kosto të vogël ose të jenë pa kosto. Çfarëdo shpenzimi duhet të miratohet paraprakisht nga peshkopata ose presidenca e kunjit.

Anëtarët zakonisht nuk duhet të paguajnë për të marrë pjesë në aktivitete. Për rregulloret dhe orientimet rreth financimit të aktiviteteve, shihni te 20.6.

Nuk lejohet të zhvillohet asnjë lloj aktiviteti për qëllime tregtare ose politike (shihni te 35.5.2).

Në të gjitha vallëzimet, veshja, paraqitja, ndriçimi, stilet e vallëzimit, tekstet e këngëve dhe muzika duhet të kontribuojnë në krijimin e një atmosfere ku Shpirti i Zotit të mund të jetë i pranishëm.

Anëtarët inkurajohen të zhvillojnë aktivitete familjare të hënave ose në kohë të tjera. Nuk duhet të zhvillohet asnjë aktivitet, mbledhje apo shërbesë pagëzimi e Kishës pas orës 18:00 të hënave.

Aktivitetet e Kishës me fjetje natën për grupet e ndërthurura të të rinjve dhe të rejave duhet të miratohen nga peshkopi dhe presidenti i kunjit. E njëjta gjë vlen edhe për aktivitetet për anëtarë beqarë meshkuj dhe femra.

Nuk miratohen aktivitete me fjetje natën në shtëpitë e mbledhjeve ose në oborrin e shtëpive të mbledhjeve të Kishës.

Të dielave nuk duhet të planifikohet asnjë aktivitet me kamp, ngjarje sportive apo aktivitete argëtuese të Kishës. As grupet rinore dhe të tjerët nuk duhet të udhëtojnë për në kampet apo konferencat për rininë ose të kthehen prej tyre të dielën.

Vizitat në tempull organizohen në nivel lagjeje ose kunji brenda distriktit të caktuar të tempullit.

Fondet e buxhetit të lagjes ose kunjit duhet të përdoren për të paguar për të gjitha aktivitetet, me përjashtimet e mundshme të renditura te 20.6.2.

Nëse buxheti i lagjes ose kunjit nuk ka fonde të mjaftueshme për aktivitetet e renditura më poshtë, udhëheqësit mund t’u kërkojnë pjesëmarrësve të paguajnë për një pjesë ose të gjithë shpenzimin për to:

• Një kamp vjetor disaditor për Priftërinë Aarone ose një aktivitet të ngjashëm.

• Një kamp vjetor disa ditor për Të Rejat ose një aktivitet të ngjashëm.

Shpenzimet ose udhëtimi për një kamp vjetor nuk duhet të jenë të tepruara. Mungesa e fondeve vetjake nuk duhet ta frenojë një anëtar/e që të marrë pjesë.

Të rinjve e të rejave mund t’u kërkohet të kontribuojnë një tarifë për të frekuentuar konferencat për Forcën e Rinisë (FSY). Nëse shpenzimi do ta pengonte një të ri ose të re që të merrte pjesë, peshkopi mund të përdorë fondet e buxhetit të lagjes për të paguar të gjithë tarifën ose një pjesë të saj. Shihni te FSY.ChurchofJesusChrist.org.

Shpenzimet për aktivitetet e kunjit dhe të lagjes zakonisht paguhen me fondet e buxhetit. Megjithatë, një president kunji ose peshkop mund të autorizojë një ngjarje për mbledhje fondesh çdo vit vetëm për qëllimet vijuese:

• Për të ndihmuar me pagimin e aktiviteteve të renditura te 20.6.2 dhe 20.6.3.

• Për të ndihmuar që të blihen pajisjet që i duhen njësisë për kampet vjetore.

Të paktën dy persona në moshë madhore duhet të jenë të pranishëm në të gjitha aktivitetet e Kishës ku marrin pjesë fëmijët dhe rinia. Mund të nevojiten edhe persona të tjerë në moshë madhore në varësi të madhësisë së grupit, zotësive që kërkohen për aktivitetin, ose faktorëve të tjerë. Prindërit nxiten që të ndihmojnë.

Të gjithë ata që punojnë me fëmijët dhe rininë, duhet të kryejnë trajnimin për mbrojtjen e fëmijëve dhe të rinisë. Shihni te ProtectingChildren.ChurchofJesusChrist.org.

Me miratimin e prindërve të tyre, të rinjtë e të rejat mund të frekuentojnë kampe me fjetje duke filluar nga janari i vitit kur mbushin 12 vjeç. Ata mund të frekuentojnë mbrëmje vallëzimi, konferenca rinie dhe konferenca FSY‑je duke filluar nga janari i vitit kur mbushin 14 vjeç.

Fëmijët dhe të rinjtë e të rejat nuk lejohen të marrin pjesë në një aktivitet të Kishës pa leje nga prindërit ose kujdestarët e tyre. Për aktivitetet e Kishës që përfshijnë qëndrim me fjetje, udhëtime të gjata ose rreziqe më të mëdha se ato të zakonshmet, është i nevojshëm një miratim me shkrim.

Prindërit dhe kujdestarët e japin këtë miratim duke nënshkruar formularin Permission and Medical Release [Autorizim dhe Lejim për Trajtim Mjekësor].

Çdo keqtrajtim që ndodh gjatë një aktiviteti të Kishës, duhet të raportohet tek autoritetet civile. Duhet të viheni menjëherë në kontakt me peshkopin. Udhëzimet për anëtarët jepen te 38.6.2.7. Udhëzimet për peshkopët jepen te 38.6.2.1.

Udhëtimet për aktivitetet e Kishës duhet të miratohen nga peshkopi ose presidenti i kunjit. Ky udhëtim nuk duhet të vërë barrë të panevojshme mbi anëtarët.

Pjesëmarrësit nuk duhet të udhëtojnë për distanca të gjata (për më shumë se disa orë) për aktivitetet. Presidenca e Zonës duhet të miratojë çdo përjashtim.

Kur është e realizueshme, grupet e Kishës duhet të përdorin transportin tregtar për udhëtime në largësi të mëdha. Ai transport duhet të jetë i licencuar dhe i mbrojtur nga sigurimi i përgjegjësisë.

Kur grupet e Kishës udhëtojnë me automjete pasagjerësh privatë, secili automjet duhet të jetë në gjendje të sigurt funksionale. Çdo njeri duhet të përdorë një rrip sigurimi. Çdo drejtues automjeti duhet të jetë një person në moshë madhore me patentë dhe i përgjegjshëm.