Poakohng Koht, poakohng mehn impomw

Koht poakohng kumwail. E wia Sememwail. Sapwelime limpok unsek o kak kahreiong amw pil poakohng Ih. Ansou me limpok Ong Samatail Nanleng wia mehkot me keieu kesempwal Nan amw mour, madamadau koaros pahn mengeila.

Kosonned riau me keieu laud Nan kosonned akan, Sises padahngki, iei en poakohng Koht oh poakohng mehn impwomw kan. Oh ihs me mehn impomw? Koarusie! Sohng koaros kohsang Nan Pwuhk Sarawi kan oh sang rehn soukohp akan ehu Ong kosonned riau et.

Aramas koaros wia riomw—iangahki, udahn, aramas akan me wekisang uhk de kin sapwungkin uhk. Sahm Nanleng mwahuki Sapwelime seri kan en poakpene. Ansou me ke papah Sapwelime seri kan, ke wie papah Ih.

Kasalehiong Koht me ke poakohng Ih sang ni kapwaiada Sapwelime kosonned akan. Ni karasepe, wauneki rahn Sarawi, me iangahki kounopada pwe kehn kak iang ale kamadipw Sarawi, ke kasalehiong Koht me ke men kasarawiong rahn ehu Ong Ih. Ni omw kaisihsol oh pwain meirong kan, ke kasalehiong Koht me Sapwelime dodohk inenen kesempwal Ong uhk sang dipwisou en sampah kan. Ansou me ke kin dodohngki mwaren Koht oh Krais ni wahu, kaidehn ni mwohmw de ni ehu songen ahl, ke kasalehda me ke kapingki song koaros me Ira wiaiong uhk.

Ehu Ong koaros ni duwen sapwelimen Koht seri kei. Ni werek en Sises Krais men, ke kak apwalih aramas koaros oh palien lamalam koaros oh Pwihn Ehu ki limpok, wahu, oh patehng—ahpw mehlel irail kan me kin ekei pak kin lelohng kahpwal en kosoia kamedek oh mwekid kamedek kan. Ehu Ong irail kan me kin loloid, kelehpwla, oh sohte sawaseperail Sewese irail en kehn sapwelimen Sahm Nanleng limpok me mihmi rehmw.

Nantiheng mweidehng ahmw lokaia en kasalehda limpoak ohng Koht oh mehteikan—me duwehte wehwepene nan wasahtehiu de dohpeseng. Inda mehkot me pahn kakehlakahda emen —kaidehn mehkot me katohrohr, kamedek, de kasaroh, kamwan pil duwehte. Ahmw lokaia kak mie mene. Mweidohng irail en manaman ki mehkot mwahu.

Limpok Ong sapwelimen Koht seri kan tepida sang Nan ihmwomw. Wia omw pwukoah en wiahda Nan ihmwomw wasa ehu me koaros pahn kehn limpok en Sounkomour o.

Amw ehu Ong Koht pahn laudla ni omw kasalehda omw limpok sang ni kapwaiada Sapwelime kosonned akan oh kolokol inou kan Ong Ih.

Amw ehu Ong mehteikan pahn laudla ni omw pahn kasalehda amw limpok sang ni papah. Ke pahn diarada popohl ansou me ke wiahda sampah en wia wasa ehu me audaudki limpok.

Peidek oh Pasapeng Kan

Ia mwomwen ai pahn kehn limpok en Koht? Sapwelimen Sahm limpok kin kohwei ansou koaros. Kosoiong Ih Nan amw kapakap. Ehukiong Ih dahme ke kin pepehm kan, oh Rong pepehm kan sang Ih. Wadek Sapwelime mahsen akan Nan Pwuhk Sarawi kan. Medewe sohng kan koaros me E wiaiong uhk. Kohla wasa kan de kamwakid me Sapwelime Ngehno kin mihmi ie.

Kauno mwahuki iehn poakohng koarusie, pil iangahki irail akan me sohte kin mwahueng ie? Kauno kasik kehn poakohng omw imwintihti kan oh kapakapki irail akan me sohte mwahu Ong uhk. Ahpw, e sohte wewehki kehn mihmi wasa ieu me pahn kihong uhk insensuwed en loalemw, paliwar, de pil pali Ngehno. Irehdi wasa pwe kehn kak ahneki insenamwahudahr. Ma mie me tiahksuwedih iuk de kalokei iuk—de ma ke pil ese me sohng wet wiewawiong aramas emen—kosoiong aramas laud me ke kopworopworiki men.

Ansou da de Ia mwomwen I pahn kak esehda emen ah wia ohl emen de lih emen? Me keieun mwahu en esehla mehteikan iei sang ni omw pahn wiahkihla kompokepahmw. Ansou me ke Pwulopwul, ehu Ong aramas me tohto. Nan ekei tiahk, me Pwulopwul kan kin esehla aramas sang ni mwekid en Pwihn Ehu. Sang ni pein amw insenamwahudahr,ehu-ehu-en kamwakid kan kak keila ekis lahu ke ekis laudla—sounpar 16 iei mehn kaweid mwahu ehu. Kosoiong amw pahpa nohno kan oh amw Kaun akan Kaila ehupene me inenen kesempwal akan Ong ansou me ke laudla. Iang Ih irail akan me kin sewese iuk en kolokol amw inou kan Ong Sises Krais.

Dahme Ih pahn kak wia ma ai wasahn kouson sohte wia wasahn limpok ehu? Sounkomour o wewehki amw irair en, oh E poakohng uhk. Kanengamah, doulahte oh kolokol sapwelimen Koht kosonned akan, oh wia karasaras mwahu Ong amw peneinei kan. Ehu Ong peneinei kan Nan omw wardo. Kounopada ansou et en kawada pein omw peneinei me dierek Nan padahk en Sises Krais

Kilang Isaiah 58:3–11 (purposes of fasting); 58:13–14 (blessings of honoring the Sabbath); Malachi 3:8–10 (blessings of paying tithing); Luke 6:27–28 (love your enemies); 10:25–37 (who is my neighbor?); John 3:16–17 (God loved us, so He sent His Son); 14:15 (we keep the commandments because we love God); 1 John 4:19 (we love God because He loves us); Mosiah 2:17 (when we serve others, we are serving God).

Peidek kan Ong kisin likou en mweimwei Ong Tehnpas sarawi

Komw kin idawehn padahnk kan en Mwomwohdiso en Sises Krais nan ahmw mour oh nan ahmw wiewia rehn tohn ahmw peneinei oh mehteikan?

Komw kin nantiong wauneki Rahn en Sapad, ni imwomwi oh ni imwen kaudek; iang mihting kan; kaunopohng oh ale kamadipw sarawi; oh momourki mour me wauneki kosonned oh koasondi kan en rongamwahuo?

Komw kin pwapwain meirong en eisek-kis-ehu (Tithing) ni unsek?