தேவனின் பணிக்கு நீங்கள் உதவ முடியும்.

உங்கள் அழியாமையையும் நித்திய ஜீவனையும் கொண்டுவருவது தேவனுடைய கிரியை மற்றும் மகிமையாயிருக்கிறது. அழியாமை என்பது உயிர்த்தெழுந்த உடலுடன் என்றென்றும் வாழ்வதாகும். நித்திய ஜீவன், அல்லது மேன்மையடைதல் என்பது, தேவனைப் போல ஆகி, குடும்பங்களாக நித்தியமாக அவருடன் வாழ்வதாகும். இவை அனைத்தும் இயேசு கிறிஸ்து மற்றும் அவரது பாவநிவர்த்தியால் சாத்தியமாகிறது. நீங்கள் அவரை நம்பலாம்.

கிறிஸ்துவிடம் வந்து மற்றவர்களும் அவ்வாறே செய்ய உதவுவதன் மூலம் நீங்கள் தேவனுடைய பணிக்கு உதவலாம். இயேசு கிறிஸ்துவைப் பின்பற்ற யாராவது ஒருவருக்கு உதவ நீங்கள் எதையாவது செய்யும்போதெல்லாம், நீங்கள் தேவனின் பணிக்கு உதவுகிறீர்கள்.

சுவிசேஷத்தின்படி வாழுங்கள் இயேசு கிறிஸ்துவில் உங்கள் விசுவாசத்தை கட்டமையுங்கள். தினமும் மனந்திரும்புங்கள். தேவனுடைய ஆசாரியத்துவ நியமங்களைப் பெற்று, உங்கள் உடன்படிக்கைகளைக் காத்துக் கொள்ளுங்கள். உங்கள் வாழ்நாள் முழுவதும் அதை ஒரு மாதிரியாக ஆக்குங்கள்.

தேவையிலிருப்போரைக் கவனியுங்கள். உங்கள் குடும்பத்தினர், உங்கள் நண்பர்கள் மற்றும் உங்கள் சமூகம் உட்பட மற்றவர்களுக்கு சேவை செய்வதற்கும் ஊழியம் செய்வதற்கும் வழிகளைக் கண்டறியவும். தேவைப்படுபவர்களுக்கு உதவ ஒரு சிறந்த வழி, உபவாச நியாயப் பிரமாணத்திற்குக் கீழ்ப்படிந்து, உபவாசக் காணிக்கைகளைச் செலுத்துவதாகும்.

அனைவரையும் சுவிசேஷத்தைப் பெற அழையுங்கள். உங்கள் வார்த்தைகளும் செயல்களும் இயேசு கிறிஸ்துவின் மீதான உங்கள் விசுவாசத்தைப் பிரதிபலிப்பதாக. நீங்கள் உணரும் நம்பிக்கை மற்றும் மகிழ்ச்சியைப் பற்றி உங்களிடம் கேட்கும் எவருக்கும் சொல்லத் தயாராக இருங்கள். இளைஞர்களுக்கு, முழுநேர ஊழியத்தைச் செய்வது ஒரு ஆசாரியத்துவப் பொறுப்பு. இளம் பெண்களுக்கு, இது ஒரு வல்லமைவாய்ந்த வாய்ப்பு; நீங்கள் சேவை செய்ய வேண்டும் என்று கர்த்தர் விரும்புகிறாரா என்று அறிய ஜெபியுங்கள். உங்கள் வாழ்நாள் முழுவதும் சுவிசேஷத்தைப் பகிர்ந்து கொள்ளத் தயாராகுங்கள்.

குடும்ப வரலாறு மற்றும் ஆலயப் பணிகளைச் செய்வதன் மூலம் குடும்பங்களை நித்தியத்திற்கும் ஒன்றிணைக்கவும். உங்கள் முன்னோர்களைப் பற்றி கற்கவும். யாருக்கு ஆலய நியமங்கள் தேவை என்பதைக் கண்டறியவும். அவர்களுக்காக ஞானஸ்நானம் பெற்று, திடப்படுத்தப்பட்டு முடிந்தவரை அடிக்கடி ஆலயம் செல்லுங்கள். உங்களுக்கு உதவி தேவைப்பட்டால், இங்கு செல்லவும் FamilySearch.org.

உங்களுக்கு தேவனின் உதவி கிடைக்கும். இந்த பணியை நீங்கள் சொந்தமாகச் செய்ய வேண்டும் என்று பரலோக பிதா எதிர்பார்க்கவில்லை. அவர் உங்களோடு இருக்கிறார். நீங்கள் உங்கள் நேரத்தையும் இருதயத்தையும் தாழ்மையுடன் வழங்கும்போது, ​​அவர் உங்கள் மூலம் அற்புதமான காரியங்களைச் செய்வார். இயேசு கிறிஸ்துவே உங்கள் பெலன்!

சந்தோஷத்துடன் நீங்கள் நிறைக்கப்படுவீர்கள். தேவனின் பணி மகிழ்ச்சியான பணி! நீங்கள் அதில் பங்கேற்கும்போது, ​​அவர் உணரும் மகிழ்ச்சியை நீங்கள் உணர முடியும். நீங்கள் அவரிடம் கொண்டு வர உதவிய பரலோக பிதாவுடனும் அவருடைய பிள்ளைகளுடனும் நீங்கள் பகிர்ந்து கொள்ளும் மகிழ்ச்சியை கற்பனை செய்து பாருங்கள்!