“Sises Krais pahn sewese iuk,” Ong Kakehlepen me Pwulopwul kan: Kaweid ehu Ong Wiada Pilipil kan (2022)
“Sises Krais pahn sewese iuk,” Ong Kakehlepen me Pwulopwul kan
Sises Krais pahn sewese iuk
Melkahka kan 147:3
Sises Krais iei kakehlepemw. E wia sohng koaros pwe kehn kak ahneki popohl Nan mour wet oh pil kokolahte. Sang ni amw pilada Ih oh Sapwelime rongamwahuo o, ke piladahr peren soutuk.
Mendahte ma ke kin song en wia pilipil mwahu kan, ekei pak ke pahn kin wiahda sapwung. Ke pahn kin wia mehkot kei me ke pahn kin koaluhkila mwuhr. Koarusie kin wia. Ansou me e kin wiawi, e mengeila kehn ahneki insensuwed de kin medewe ma ke pahn kak mwahu. Ahpw mie rohng me mwahu—kaselel, rohng en kopworopwor! Pwehki Koht poakohng uhk, E kadaredo Sapwelime Iehros, Sises Krais, me wahdo dipomw kan pwe kehn kak koluhla oh pil doudoulahte.
Mehlel potopot kan
Sises Krais kak kakehlailihuhk. E kak seweseiuk en wekidala amw inong kan, madamadau kan, oh amw mwekid kan. Ansou me ke kin pwunod, masepwehka, de ahneki kahpwal ni sohte lipilipil, E pahn kansenamwahu Ih iuk. E pahn seweseiuk Nan amw kahpwal kan koaros.
Koluhla kaidehn koalokepen dihpw; e wia ahl ehu me Sounkomour o kapit kitail sang loale. Koluhla wewehki en wekila—sohpeisang dihpw oh sopilahng Koht. E wewehki en keirida oh alehdi mahk. Songen wekidekla wet sohte kin wiawi pak-ehu; e kin wiewiawi kokohwei.
Luhk kan
Koluhla. Sohpeilang Kauno ki ineng en keirida. Ansou me ke kin wiahda mehkot sapwung, ni mehlel wehkada mwohn Koht, nin duwen me anahne, ong amw bishop oh Ong aramas me ke kamedekihla. Wia wehn amw kak en kapwungala.
Peren Nan kisakis en wiahda me mwahu oh pil mwahu. Pil ni ansou me e sohte mengeila oh kin werei, ke dehr Uhdi. Dodohk oh kopworopworiki Kauno. Sounkomour o pahn sewese iuk ansou koaros.
Inou kapahi kan
Sises Krais pahn mahk oh kamwahuila kowe ansou me ke koluhla. E pahn wliandi ki amw dihpw kan ki meleilei oh peren. E solahr pahn tamataman dipomw kan. Nan Sapwelime kehlail, amw Ineng en kolokol Sapwelime kosonned akan pahn keirida.
E pahn wekidala amwail mohngiong oh amwail mour. Ekis ekis, kumwail pahn kekeirda oh duwehla Ih. Amw inou Ong Ih pahn wahdo kehn kak alehdi Sapwelime manaman
Peidek kan oh Pasapeng Kan
Ia mwomwen ai pahn ese me Koht mahk Ong ie? Koht inoukihda me e pahn mahkong koaros me kin koluhla. Ansou me ke kin kehn insenamwahu sang rehn Ngehno, ke kak ese me sapwelimen Sounkomouro manaman en tomwo wie dodohk Nan amw mour.
Ansou da me Ih anahne ai bishop pwe iehn koluhla? Amw bishop kolokol kih kan en prihstuhd oh kisakis en Ngehno en sewese iuk en koluhla. Ke kak rapahki Sapwelime sawas oh Iren kaweid ansou koaros. Ma ke wiahda dihp laud, me duwehte kawehla kosonned en nenek, tuhwong amw bishop. E sohte pahn kadeikuhkada. E wia weliepen Sises Krais oh pahn sewese iuk en ese duwen koluhla ni usek oh alehdi sapwelimen Sounkomour o manaman en kamwahu oh kakehlail.
Ih songosong en koluhla, ahpw Ih kin kalapw wiewiahte dihp ohte. Dahme I konehng wia met? E kin mih ni reirei ehu en wiahda mwekid mwahu oh kesehla mwekid suwed kan, eri ke dehr Uhdi. Sohpeilang Krais. Sapwelime mahk me laud. Pwurehng song. Ke sohte kelehpwla Nan amw nanantiong en keirida. Sises Krais kin ieiang uhk ansou koaros.
Kilang Enos 1:6 (guilt can be swept away); Mosiah 4:3 (through the Holy Ghost, God lets you know you are forgiven); 26:30 (the Savior forgives as often as we repent); Ether 12:27 (the Savior’s grace can make weak things strong); Moroni 6:8 (those who repent are forgiven); 10:32 (be perfected in Christ); Doctrine and Covenants 1:32 (the Lord forgives those who repent); 58:42–43 (repentance includes confessing and forsaking sin).
Peidek en kisin likou en mweimwei en pidelong nan Tehnpas sarawi
Mie ahmw pwoson reh oh kadehdepen Koht Sahm Soutuko; Sapwellime Iehroso, Sises Krais; oh Ngehn Sarawio?
Mie ahmw kadehde en Sapellimen Krais Tomwpen Dihp oh Eh ketin wia Sounkomour oh Soundor?